32017R1005

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 2017/1005 - EN - EUR-Lex

Help

Search tips

Need more search options? Use the Advanced search

Document 32017R1005

Regolament ta' Implimentazzjoni tal-Kummissjoni (UE) 2017/1005 tal-15 ta' Ġunju 2017 li jistabbilixxi l-istandards tekniċi ta' implimentazzjoni rigward il-format u ż-żmien tal-komunikazzjonijiet u l-pubblikazzjoni ta' sospensjoni u tneħħija ta' strumenti finanzjarji skont id-Direttiva 2014/65/UE tal-Parlament u tal-Kunsill dwar is-swieq fl-istrumenti finanzjarji (Test b'rilevanza għaż-ŻEE. )

C/2017/3981

ĠU L 153, 16.6.2017, p. 1–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2017/1005/oj

HTML

PDF

Official Journal

16.6.2017

Il-Ġurnal Uffiċjali tal-Unjoni Ewropea

L 153/1

REGOLAMENT TA' IMPLIMENTAZZJONI TAL-KUMMISSJONI (UE) 2017/1005

tal-15 ta' Ġunju 2017

li jistabbilixxi l-istandards tekniċi ta' implimentazzjoni rigward il-format u ż-żmien tal-komunikazzjonijiet u l-pubblikazzjoni ta' sospensjoni u tneħħija ta' strumenti finanzjarji skont id-Direttiva 2014/65/UE tal-Parlament u tal-Kunsill dwar is-swieq fl-istrumenti finanzjarji

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (1), u b'mod partikolari l-Artikoli 32(3) u 52(3) tagħha,

Billi:

(1)	Id-Direttiva 2014/65/UE tistabbilixxi sistema li permezz tagħha s-sospensjonijiet min-negozjar u t-tneħħija ta' dawn is-sospensjonijiet min-negozjar jiġu ppubblikati u kkomunikati b'mod f'waqtu u effiċjenti.

(2)

Il-pubblikazzjoni tal-informazzjoni ta' hawn fuq minn operaturi taċ-ċentri tan-negozjar u awtoritajiet kompetenti fuq siti web tiżgura l-faċilità ta' aċċess mingħajr kostijiet addizzjonali sinifikanti. Għaldaqstant, il-pubblikazzjoni fuq is-sit web jenħtieġ li tkun il-mezz ewlieni ta' pubblikazzjoni u tixrid simultanju tal-informazzjoni fl-Unjoni. Sabiex jiġi żgurat li l-informazzjoni ssir disponibbli simultanjament għal kulħadd, il-pubblikazzjoni permezz ta' mezzi oħrajn għandha ssir disponibbli fuq is-sit web biss mal-pubblikazzjoni jew wara.

(3)

Minħabba l-ħtieġa għal komunikazzjoni rapida u preċiża, biex ikun hemm funzjonament tal-iskambju tal-informazzjoni u tal-kooperazzjoni stabbiliti fid-Direttiva 2014/65/UE, għandhom jiġu stabbiliti format u żmien uniformi tal-komunikazzjonijiet u l-pubblikazzjoni tal-informazzjoni rilevanti kollha jsiru b'mod faċli u effiċjenti. L-użu ta' dan il-format u ż-żmien ma għandux jippreġudika l-użu ta' format jew żmien ieħor f'ċirkostanzi eċċezzjonali u mhux previsti fejn il-format u ż-żmien stipulat f'dan ir-Regolament ma jkunx xieraq meta jiġi kkunsidrat l-iskala kbira u l-urġenza tal-komunikazzjonijiet li jirriżultaw minn, pereżempju, l-għeluq tas-suq kollu.

(4)	Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, huwa meħtieġ li d-dispożizzjonijiet stabbiliti f'dan ir-Regolament u d-dispożizzjonijiet stabbiliti fid-Direttiva 2014/65/UE japplikaw mill-istess data.

(5)	Dan ir-Regolament huwa bbażat fuq l-abbozz tal-istandards tekniċi ta' implimentazzjoni sottomess mill-Awtorità Ewropea tat-Titoli u s-Swieq (ESMA) lill-Kummissjoni.

(6)

L-ESMA għamlet konsultazzjonijiet pubbliċi miftuħa dwar l-istandards tekniċi ta' implimentazzjoni abbozzati li fuqhom huwa bbażat dan ir-Regolament u talbet l-opinjoni tal-Grupp tal-Partijiet Interessati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2),

ADOTTAT DAN IR-REGOLAMENT:

Artikolu 1

Il-kamp ta' applikazzjoni

Dan ir-Regolament jistabblixxi l-format u ż-żmien għall-komunikazzjonijiet u pubblikazzjonijiet li ġejjin:

(a)	pubblikazzjoni minn operatur tas-suq li jopera suq regolat jew ta' ditta tal-investiment jew operatur ta' suq li jopera faċilità multilaterali tan-negozjar jew faċilità organizzata tan-negozjar tad-deċiżjoni tiegħu li jissospendi jew jeskludi strument finanzjarju min-negozjar;

(b)	komunikazzjoni tad-deċiżjonijiet imsemmija fil-punt (a) lill-awtorità kompetenti rilevanti;

(c)	pubblikazzjoni minn awtorità kompetenti, li tissospendi jew teskludi min-negozjar strument finanzjarju u fejn rilevanti strumenti derivattivi relatati jew li tneħħi sospensjoni;

(d)	komunikazzjoni minn awtorità kompetenti lil ESMA u lill-awtoritajiet kompetenti oħrajn, tad-deċiżjoni li tissospendi jew teskludi strument finanzjarju min-negozjar u jekk rilevanti, strumenti derivattivi relatati jew tneħħi sospensjoni;

(e)	komunikazzjoni minn awtorità kompetenti nnotifikata, lil ESMA u lill-awtoritajiet kompetenti oħrajn, tad-deċiżjoni tagħha dwar jekk issegwix deċiżjoni kif imsemmi fil-punt (d).

Artikolu 2

Definizzjoni tat-terminu “operatur taċ-ċentru tan-negozjar”

Għall-finijiet ta' dan ir-Regolament, “operatur taċ-ċentru tan-negozjar” tfisser kwalunkwe minn dawn li ġejjin:

(a)	operatur tas-suq li jopera suq regolat, faċilità multilaterali tan-negozjar jew faċilità organizzata tan-negozjar;

(b)	ditta ta' investiment li topera faċilità multilaterali tan-negozjar jew faċilità organizzata tan-negozjar.

Artikolu 3

Il-format tal-pubblikazzjoni u l-komunikazzjoni minn operaturi taċ-ċentri tan-negozjar

1. Operaturi taċ-ċentri tan-negozjar għandhom jippubblikaw id-deċiżjonijiet imsemmija fil-punt (a) tal-Artikolu 1 fis-sit web tagħhom fil-format stabbilit fit-Tabella 2 tal-Anness.

2. L-operaturi taċ-ċentri tan-negozjar għandhom jikkomunikaw id-deċiżjonijiet imsemmija fil-punt (a) tal-Artikolu 1 lill-awtorità kompetenti rilevanti f'format li jista' jinqara minn magna standard approvat minn dik l-Awtorità kompetenti billi jintuża l-format stabbilit fit-Tabella 2 tal-Anness.

Artikolu 4

Iż-żmien tal-pubblikazzjoni u l-komunikazzjoni minn operaturi taċ-ċentri tan-negozjar

1. L-operaturi taċ-ċentri tan-negozjar għandhom jippubblikaw id-deċiżjonijiet imsemmija fil-punt (a) tal-Artikolu 1 immedjatament.

2. L-operaturi taċ-ċentri tan-negozjar ma għandhomx jippubblikaw id-deċiżjonijiet imsemmija fil-punt (a) tal-Artikolu 1 permezz ta' mezzi oħrajn qabel il-pubblikazzjoni tagħhom skont l-Artikolu 3(1).

3. L-operaturi taċ-ċentri tan-negozjar għandhom jikkomunikaw id-deċiżjonijiet imsemmija fil-punt (a) tal-Artikolu 1 lill-awtorità kompetenti simultanjament mal-pubblikazzjoni tagħhom jew immedjatament wara.

Artikolu 5

Il-format tal-pubblikazzjonijiet u l-komunikazzjonijiet minn awtoritajiet kompetenti

1. L-awtoritajiet kompetenti għandhom jippubblikaw id-deċiżjonijiet imsemmija fil-punt (c) tal-Artikolu 1 fis-sit web tagħhom fil-format stabbilit fit-Tabella 3 tal-Anness.

2. L-awtoritajiet kompetenti għandhom jikkomunikaw id-deċiżjonijiet imsemmija fil-punt (d) u (e) tal-Artikolu 1 fis-sit web tagħhom fil-format stabbilit fit-Tabella 3 u 4 tal-Anness, rispettivament.

Artikolu 6

Iż-żmien tal-pubblikazzjonijiet u l-komunikazzjonijiet minn awtoritajiet kompetenti

1. L-awtoritajiet kompetenti għandhom jippubblikaw id-deċiżjonijiet imsemmija fil-punt (c) tal-Artikolu 1 immedjatament.

2. L-awtoritajiet kompetenti għandhom jikkomunikaw id-deċiżjonijiet imsemmija fil-punt (d) tal-Artikolu 1 simultanjament mal-pubblikazzjoni tagħhom jew immedjatament wara.

3. Awtorità kompetenti nnotifikata għandha tikkomunika d-deċiżjoni msemmija fil-punt (e) tal-Artikolu 1 mingħajr dewmien mal-wasla tal-komunikazzjoni msemmija fil-punt (d) tal-Artikolu 1.

Artikolu 7

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan japplika mit-3 ta' Jannar 2018.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta' Ġunju 2017.

Għall-Kummissjoni

Il-President

Jean-Claude JUNCKER

(1) ĠU L 173, 12.6.2014, p. 349.

(2) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq), li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).

ANNESS

Tabella 1

Tabella ta' simboli li għandhom jiġu applikati għat-Tabelli kollha

SIMBOLU

TIP TA' DEJTA

DEFINIZZJONI

{ALPHANUM-n}

Sa n karattri alfanumeriċi

Kaxxa għal test liberu.

{COUNTRYCODE_2}

2 karattri alfanumeriċi

Kodiċi tal-pajjiż b'2 ittri, kif definit mill-kodiċi tal-pajjiż ISO 3166-1 alpha-2

{DATE_TIME_FORMAT}

Format tad-data u l-ħin skont l-ISO 8601

Id-data u l-ħin fil-format segwenti:

—	SSSS-XX-JJTss:mm:sk.Z.

—	“SSSS” hija s-sena;

—	“XX” huwa x-xahar;

—	“JJ” huwa l-jum;

—	“T” — tfisser li l-ittra “T” għandha tintuża

—	“ss” hija s-siegħa;

—	“mm” hija l-minuta;

—	“sk” hija s-sekonda;

—	Z huwa l-ћin UTC.

Id-dati u l-ħinijiet għandhom jiġu rrappurtati f'UTC.

{ISIN}

12-il karattru alfanumeriku

Kodiċi ISIN, kif definit f'ISO 6166

{LEI}

20 karattru alfanumeriku

Identifikatur ta' entità ġuridika kif definit f'ISO 17442

{MIC}

4 karattri alfanumeriċi

Identifikatur tas-suq kif definit f'ISO 10383

Tabella 2

Il-format tal-pubblikazzjoni u l-komunikazzjoni lill-awtorità kompetenti rilevanti minn operatur ta' ċentru tan-negozjar bid-deċiżjoni tiegħu li jissospendi jew ineħħi l-istrument finanzjarju u derivattivi relatati min-negozjar; u bid-deċiżjoni tiegħu li tħassar is-sospensjoni ta' strument finanzjarju u derivattivi relatati

KAXXA	DETTALJI LI GĦANDHOM JIĠU RRAPPURTATI	FORMAT GĦAR-RAPPURTAR
Data u l-ħin tal-komunikazzjoni	Kaxxa biex timtela bid-data u l-ħin tal-pubblikazzjoni/komunikazzjoni.	{DATE_TIME_FORMAT}
Tip ta' azzjoni	Kaxxa biex timtela bit-tip ta' azzjoni.	Sospensjoni, tneħħija, tħassir ta' sospensjoni.
Raġunijiet għall-azzjoni	Kaxxa biex timtela bir-raġunijiet għall-azzjoni	{ALPHANUM-350}
Effettiva minn	Kaxxa biex timtela bid-data u l-ħin minn meta hija effettiva l-azzjoni.	{DATE_TIME_FORMAT}
Effettiva sa	Kaxxa biex timtela bid-data u l-ħin sa meta hija effettiva l-azzjoni.	{DATE_TIME_FORMAT}
Għadha għaddejja	Kaxxa biex timtela b'Vera jekk l-azzjoni tkun għadha għaddejja jew Falz jekk le.	“Vera”— L-azzjoni għadha għaddejja “Falz”— L-azzjoni m'għadhiex għaddejja
Ċentru/i ta' negozjar	Kaxxa biex timtela bl-MIC (Kodiċi ta' Identifikazzjoni tas-Suq) jew MICs taċ-ċentru/i tan-negozjar jew segmenti minnhom li magħhom hija marbuta l-azzjoni.	{MIC} Jekk ikollhom jiġu pprovduti iktar minn MIC waħda, din il-kaxxa għandha timtela b'bosta MICs mifrudin b'virgola.
Isem l-emittent	Kaxxa biex timtela bl-isem tal-emittent tal-istrument li miegħu hija marbuta l-azzjoni.	{ALPHANUM-350}
Emittent	Kaxxa biex timtela bil-LEI tal-emittent tal-istrument li miegħu hija marbuta l-azzjoni.	{LEI}
Identifikatur tal-istrument	Kaxxa biex timtela bl-ISIN tal-istrument.	{ISIN}
Isem sħiħ tal-istrument	Kaxxa biex timtela bl-isem tal-istrument.	{ALPHANUM-350}
Derivattivi relatati	Kaxxa biex timtela bl-ISINs tad-derivattivi relatati kif speċifikat fir-Regolament Delegat tal-Kummissjoni (UE) 2017/569 (1), li magħhom hija marbuta wkoll l-azzjoni.	{ISIN} Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.
Strumenti relatati oħrajn	Kaxxa biex timtela bl-ISINs tad-derivattivi relatati affettwati mill-azzjoni.	{ISIN} Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.
Kummenti	Kaxxa biex timtela bil-kummenti.	{ALPHANUM-350}

Tabella 3

Il-format tal-pubblikazzjoni u l-komunikazzjoni mill-Awtoritajiet Kompetenti ta' deċiżjoni biex jissospendu jew ineħħu strument finanzjarju u derivattivi relatati min-negozjar u biex ineħħu sospensjoni ta' strument finanzjarju u derivattivi relatati

KAXXA

DETTALJI LI GĦANDHOM JIĠU RRAPPURTATI

FORMAT GĦAR-RAPPURTAR

Awtorità kompetenti

Kaxxa biex timtela bl-akronimu tal-awtorità kompetenti li tkun qed tagħmel il-pubblikazzjoni / komunikazzjoni.

{ALPHANUM-10}

L-Istat Membru tal-awtorità kompetenti

Kaxxa biex timtela bil-kodiċi tal-pajjiż tal-Istat Membru tal-awtorità kompetenti li tkun qed tagħmel il-pubblikazzjoni / komunikazzjoni.

{COUNTRYCODE_2}

Operatur ta' ċentru tan-negozjar bħala inizjatur tal-azzjoni

Kaxxa biex timtela bi:

—	veru, jekk l-inizjatur tal-azzjoni huwa operatur ta' ċentru tan-negozjar; jew

—	falz, jekk l-inizjatur tal-azzjoni mhux operatur ta' ċentru tan-negozjar iżda awtorità kompetenti.

“Veru”— L-inizjatur huwa minn ċentru tan-negozjar

“Falz”— L-inizjatur mhux minn ċentru tan-negozjar

Data u ħin tal-pubblikazzjoni / komunikazzjoni

Kaxxa biex timtela bid-data u l-ħin tal-pubblikazzjoni/komunikazzjoni.

{DATE_TIME_FORMAT}

Tip ta' azzjoni

Kaxxa biex timtela bit-tip ta' azzjoni.

Sospensjoni, tneħħija, tħassir ta' sospensjoni.

Raġunijiet għall-azzjoni

Kaxxa biex timtela bir-raġunijiet għall-azzjoni.

{ALPHANUM-350}

Effettiva minn

Kaxxa biex timtela bid-data u l-ħin minn meta hija effettiva l-azzjoni.

{DATE_TIME_FORMAT}

Effettiva sa

Kaxxa biex timtela bid-data u l-ħin sa meta hija effettiva l-azzjoni.

{DATE_TIME_FORMAT}

Għadha għaddejja

Kaxxa biex timtela b'Vera jekk l-azzjoni tkun għadha għaddejja jew Falz jekk le.

“Vera”— L-azzjoni għadha għaddejja

“Falz”— L-azzjoni m'għadhiex għaddejja

Ċentru/i ta' negozjar

Kaxxa biex timtela bl-MIC (Kodiċi ta' Identifikazzjoni tas-Suq) jew MICs taċ-ċentru/i tan-negozjar jew segmenti minnhom li magħhom hija marbuta l-azzjoni.

{MIC}

Jekk ikollhom jiġu pprovduti iktar minn MIC waħda, din il-kaxxa għandha timtela b'bosta MICs mifrudin b'virgola.

Isem l-emittent

Kaxxa biex timtela bl-isem tal-emittent tal-istrument li miegħu hija marbuta l-azzjoni.

{ALPHANUM-350}

Emittent

Kaxxa biex timtela bil-LEI tal-emittent tal-istrument li miegħu hija marbuta l-azzjoni.

{LEI}

Identifikatur tal-istrument

Kaxxa biex timtela bl-ISIN tal-istrument.

{ISIN}

Isem sħiħ tal-istrument

Kaxxa biex timtela bl-isem tal-istrument.

{ALPHANUM-350}

Derivattivi relatati

Kaxxa biex timtela bl-ISINs tad-derivattivi relatati kif speċifikat fir-Regolament Delegat (UE) 2017/569, li magħhom hija marbuta wkoll l-azzjoni.

{ISIN}

Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.

Strumenti relatati oħrajn

Kaxxa biex timtela bl-ISINs tad-derivattivi relatati affettwati mill-azzjoni.

{ISIN}

Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.

Kummenti

Kaxxa biex timtela bil-kummenti.

{ALPHANUM-350}

Tabella 4

Il-format tal-komunikazzjoni lill-ESMA u l-awtoritajiet kompetenti oħra mill-awtoritajiet kompetenti bid-deċiżjonijiet tagħhom dwar jekk isegwux sospensjoni, tneħħija jew tħassir ta' sospensjoni

KAXXA

DETTALJI LI GĦANDHOM JIĠU RRAPPURTATI

FORMAT GĦAR-RAPPURTAR

Awtorità kompetenti

Kaxxa biex timtela bl-akronimu tal-awtorità kompetenti li kkomunikat l-azzjoni oriġinali.

{ALPHANUM-10}

L-Istat Membru tal-awtorità kompetenti

Kaxxa biex timtela bil-kodiċi tal-pajjiż tal-Istat Membru tal-awtorità kompetenti li kkomunikat l-azzjoni oriġinali.

{COUNTRYCODE_2}

L-awtorità kompetenti li tat bidu għall-azzjoni attwali

Kaxxa biex timtela bl-akronimu tal-awtorità kompetenti li qed issegwi jew mhix issegwi l-azzjoni oriġinali.

{ALPHANUM-10}

L-Istat Membru tal-awtorità kompetenti li qed tagħti bidu lill-azzjoni attwali

Kaxxa biex timtela bil-kodiċi tal-pajjiż tal-Istat Membru tal-awtorità kompetenti li qed issegwi jew mhijiex issegwi l-azzjoni oriġinali.

{COUNTRYCODE_2}

It-tip ta' azzjoni oriġinali

Kaxxa biex timtela bit-tip tal-azzjoni oriġinali.

Sospensjoni, tneħħija, tħassir ta' sospensjoni.

Deċiżjoni li jsir segwitu, jekk applikabbli

Kaxxa biex, jekk applikabbli, timtela bi:

—	vera jekk l-azzjoni tiġi segwita; jew

—	falz jekk l-azzjoni ma tiġix segwita.

“Vera”— L-azzjoni hija segwita

“Falz”— L-azzjoni mhix segwita

Raġunijiet għad-deċiżjoni biex ma ssegwix it-tneħħija, is-sospensjoni jew it-tħassir tiegħu, jekk applikabbli

Kaxxa biex timtela bir-raġunijiet għad-deċiżjoni biex ma ssegwix it-tneħħija, is-sospensjoni jew it-tħassir tiegħu, jekk applikabbli.

{ALPHANUM-350}

Data u ħin tal-komunikazzjoni

Kaxxa biex timtela bid-data u l-ħin tal-komunikazzjoni tal-azzjoni attwali.

{DATE_TIME_FORMAT}

Effettiva minn

Kaxxa biex timtela bid-data u l-ħin minn meta hija effettiva l-azzjoni attwali.

{DATE_TIME_FORMAT}

Effettiva sa

Kaxxa biex timtela bid-data u l-ħin sa meta hija effettiva l-azzjoni attwali.

{DATE_TIME_FORMAT}

Għadha għaddejja

Kaxxa biex timtela b'“vera” jekk l-azzjoni tkun għadha għaddejja jew “falz” jekk le.

“Vera”— L-azzjoni għadha għaddejja

“Falz”— L-azzjoni m'għadhiex għaddejja

Ċentru/i ta' negozjar

Kaxxa biex timtela bl-MIC (Kodiċi ta' Identifikazzjoni tas-Suq) jew MICs taċ-ċentru/i tan-negozjar jew partijiet minnhom li magħhom hija marbuta l-azzjoni attwali.

{MIC}

Jekk ikollhom jiġu pprovduti iktar minn MIC waħda, din il-kaxxa għandha timtela b'bosta MICs mifrudin b'virgola.

Isem l-emittent

Kaxxa biex timtela bl-isem tal-emittent tal-istrument li miegħu hija marbuta l-azzjoni.

{ALPHANUM-350}

Emittent

Kaxxa biex timtela bil-LEI tal-emittent tal-istrument li miegħu hija marbuta l-azzjoni.

{LEI}

Identifikatur tal-istrument

Kaxxa biex timtela bl-ISIN tal-istrument.

{ISIN}

Isem sħiħ tal-istrument

Kaxxa biex timtela bl-isem tal-istrument.

{ALPHANUM-350}

Derivattivi relatati

Kaxxa biex timtela bl-ISINs tad-derivattivi relatati kif speċifikat fir-Regolament Delegat (UE) 2017/569, li magħhom hija marbuta wkoll l-azzjoni.

{ISIN}

Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.

Strumenti relatati oħrajn

Kaxxa biex timtela bl-ISINs tad-derivattivi relatati affettwati mill-azzjoni.

{ISIN}

Jekk ikollhom jiġu pprovduti iktar minn ISIN wieħed, din il-kaxxa għandha timtela b'bosta ISINs mifrudin b'virgola.

Kummenti

Kaxxa biex timtela bil-kummenti.

{ALPHANUM-350}

(1) Ir-Regolament Delegat tal-Kummissjoni (UE) 2017/569 tal-24 ta' Mejju 2016 li jissupplimenta d-Direttiva 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għas-sospensjoni u t-tneħħija ta' strumenti finanzjarji min-negozjar (ĠU L 87, 31.3.2017, p. 122).

Top

Choose the experimental features you want to try