Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32012R0226

Regolament ta’ Implimentazzjoni tal-Kummissjoni (UE) Nru 226/2012 tal- 15 ta’ Marzu 2012 li jemenda r-Regolament (KE) Nru 1730/2006 fir-rigward tal-kondizzjonijiet tal-użu tal-aċidu benżojku (detentur tal-awtorizzazzjoni Emerald Kalama Chemical BV) Test b’relevanza għaż-ŻEE

ĠU L 77, 16.3.2012, p. 6–7 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 05/11/2018; Impliċitament imħassar minn 32018R1550

ELI: http://data.europa.eu/eli/reg_impl/2012/226/oj

16.3.2012   

MT

Il-Ġurnal Uffiċjali tal-Unjoni Ewropea

L 77/6

REGOLAMENT TA’ IMPLIMENTAZZJONI TAL-KUMMISSJONI (UE) Nru 226/2012

tal-15 ta’ Marzu 2012

li jemenda r-Regolament (KE) Nru 1730/2006 fir-rigward tal-kondizzjonijiet tal-użu tal-aċidu benżojku (detentur tal-awtorizzazzjoni Emerald Kalama Chemical BV)

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 13(3) tiegħu,

Billi:

(1)

Il-preparazzjoni tal-aċidu benżojku, li tappartjeni għall-kategorija ta’ addittivi tal-“addittivi żootekniċi”, kienet awtorizzata għal għaxar snin bħala addittiv tal-għalf għall-użu fil-ħnienes miftuma bir-Regolament tal-Kummissjoni (KE) Nru 1730/2006 (2) u għall-użu fil-ħnieżer għat-tismin bir-Regolament (KE) Nru 1138/2007 (3).

(2)

F’konformità mal-Artikolu 13(3) tar-Regolament (KE) Nru 1831/2003, id-detentur tal-awtorizzazzjoni ppropona li jibdel it-termini tal-awtorizzazzjoni tal-preparazzjoni aċidu benżojku bħala addittiv tal-għalf tal-ħnienes miftuma biex iħassar il-kondizzjoni li tirrigwarda l-inklużjoni ta’ dik il-preparazzjoni fl-għalf kompost permezz ta’ pretaħlita u jimmodifika l-kondizzjonijiet li jirrigwardaw l-għalf kumplimentari. L-applikazzjoni ntbagħtet flimkien mad-dejta ta' appoġġ rilevanti. Il-Kummissjoni bagħtet din l-applikazzjoni lill-Awtorità Ewropea dwar is-Sigurtà fl-Ikel (“l-Awtorità”).

(3)

L-Awtorità kkonkludiet fl-opinjoni tagħha fis-6 ta’ Settembru 2011 (4) li ma hemmx raġuni għala għandha tibqa’ r-restrizzjoni tal-inklużjoni tal-preparazzjoni aċidu benżojku fl-għalf kompost permezz ta’ pretaħlitiet. Hija kkunsidrat ir-restrizzjonijiet dwar l-użu tal-addittiv fl-għalf kumplimentari stabbiliti bir-Regolament (KE) Nru 1138/2007 bħala suffiċjenti u applikabbli għall-ħnienes miftuma.

(4)

Il-kundizzjonijiet stipulati fl-Artikolu 5 tar-Regolament (KE) Nru 1831/2003 kienu sodisfatti.

(5)

Għaldaqstant, ir-Regolament (KE) Nru 1730/2006 għandu jiġi emendat skont dan.

(6)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

L-Anness għar-Regolament (KE) Nru 1730/2006 huwa mibdul bit-test tal-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Marzu 2012.

Għall-Kummissjoni

Il-President

José Manuel BARROSO

(1)  ĠU L 268, 18.10.2003, p. 29.

(2)  ĠU L 325, 24.11.2006, p. 9.

(3)  ĠU L 256, 2.10.2007, p. 8.

(4)  EFSA Journal 2011; 9(9):2358.

ANNESS

“ANNESS

Numru ta' identifikazzjoni tal-addittiv

Isem id-detentur tal-awtorizzazzjoni

L-addittiv

Il-kompożizzjoni, il-formula kimika, id-deskrizzjoni, il-metodu analitiku

L-ispeċi jew il-kategorija tal-annimal

L-età massima

Il-kontenut minimu

Il-kontenut massimu

Dispożizzjonijet oħra

Tmiem il-perjodu ta' awtorizzazzjoni

mg/kg tal-għalf komplet b'kontenut niedi ta' 12 %

Il-kategorija tal-addittivi żootekniċi. Grupp funzjonali: addittivi żootekniċi oħra (titjib fil-parametri tar-rendiment: żieda fil-piż jew proporzjon taż-żieda fl-għalf)

4d210

Emerald Kalama Chemical BV

Aċidu benżojku

 

Kompożizzjoni tal-addittiv

Aċidu Benzojku (≥99,9 %)

 

Karatterizzazzjoni tas-sustanza attiva

Aċidu benzikarboksiliku, aċidu fenilkarboksiliku, aċidu, C7H6O2

numru CAS 65-85-0

Livell massimu f':

 

Aċidu ftaliku: ≤ 100 mg/kg

 

Bifenil: ≤ 100 mg/kg

 

Metodu analitiku  (1)

Kwantifikazzjoni tal-aċidu benzojku fl-addittiv tal-għalf: titrazzjoni bl-idrossidu tas-sodju (European Pharmacopeia monograph 0066)

Kwantifikazzjoni tal-aċidu benzojku fil-pretaħlita u l-għalf: Kromatografija tal-likwidu tal-fażi maqluba bil-metodu tad-detezzjoni UV (RP-HPLC/UV) ibbażat fuq ISO9231:2008.

Ħnienes

(miftuma)

—

—

5 000

1.

It-taħlita ta’ sorsi differenti tal-aċidu benżojku ma għandhiex taqbeż il-livell massimu permess fl-għalf sħiħ ta’ 5 000  mg/kg għall-għalf sħiħ.

2.

Doża minima rakkomandata: 5 000  mg/kg tal-għalf komplet

3.

Għalf kumplimentari li fih aċidu benzojku ma jistax jiġi mitmugħ direttament lill-ħnienes miftuma, jekk ma jitħallatx sew ma’ materjali tal-għaf ieħor tar-razzjon ta’ kuljum.

4.

Għall-ħnienes li nfatmu sakemm jilħqu l-25 kg.

5.

Għal finijiet ta’ sikurezza: huwa rakkomandat li tintuża protezzjoni għall-imnifsejn u par ingwanti waqt l-immaniġġjar.

14.12.2016

(1)  Id-dettalji dwar il-metodi analitiċi huma disponibbli fuq is-sit ta' hawn taħt tal-Laboratorju ta' Referenza: http://irmm.jrc.ec.europa.eu/EURLs/EURL_feed_additives/Pages/index.aspx”.

Top