This document is an excerpt from the EUR-Lex website
Document 32010D0323
2010/323/: Commission Decision of 10 June 2010 granting a derogation from implementing Regulation (EC) No 1165/2008 of the European Parliament and of the Council concerning livestock and meat statistics with regard to Bulgaria and Germany (notified under document C(2010) 3617)
2010/323/: Deċiżjoni tal-Kummissjoni tal- 10 ta’ Ġunju 2010 li jagħti deroga mir-Regolament ta’ implimentazzjoni (KE) Nru 1165/2008 tal-Parlament Ewropew u tal-Kunsill li jikkonċerna l-istatistika dwar il-bhejjem u l-laħam fir-rigward tal-Bulgarija u l-Ġermanja (notifikata bid-dokument numru C(2010) 3617)
2010/323/: Deċiżjoni tal-Kummissjoni tal- 10 ta’ Ġunju 2010 li jagħti deroga mir-Regolament ta’ implimentazzjoni (KE) Nru 1165/2008 tal-Parlament Ewropew u tal-Kunsill li jikkonċerna l-istatistika dwar il-bhejjem u l-laħam fir-rigward tal-Bulgarija u l-Ġermanja (notifikata bid-dokument numru C(2010) 3617)
ĠU L 145, 11.6.2010, p. 15–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 12/03/2014
|
11.6.2010 |
MT |
Il-Ġurnal Uffiċjali tal-Unjoni Ewropea |
L 145/15 |
DEĊIŻJONI TAL-KUMMISSJONI
tal-10 ta’ Ġunju 2010
li jagħti deroga mir-Regolament ta’ implimentazzjoni (KE) Nru 1165/2008 tal-Parlament Ewropew u tal-Kunsill li jikkonċerna l-istatistika dwar il-bhejjem u l-laħam fir-rigward tal-Bulgarija u l-Ġermanja
(notifikata bid-dokument numru C(2010) 3617)
(It-testi bil-Bulgaru u bil-Ġermaniż biss huma awtentiċi)
(2010/323/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1165/2008 tal-Parlament Ewropew u tal-Kunsill tad-19 ta’ Novembru 2008 li jikkonċerna l-istatistika dwar il-bhejjem u l-laħam u li jħassar id-Direttivi tal-Kunsill 93/23/KEE, 93/24/KEE u 93/25/KEE (1), u b’mod partikolari l-Artikolu 20 tiegħu,
Wara li kkunsidrat it-talba li saret mill-Bulgarija fl-10 ta’ Frar 2009,
Wara li kkunsidrat it-talba li saret mill-Ġermanja fl-20 ta’ Marzu 2009,
Billi:
|
(1) |
Skont l-Artikolu 20 tar-Regolament (KE) Nru 1165/2008, il-Kummissjoni tista’ tagħti lill-Istati Membri deroga mill-implimentazzjoni ta’ dan ir-Regolament ġaladarba l-applikazzjoni tiegħu fis-sistemi statistiċi nazzjonali qiegħda teżiġi addattamenti kbar u x’aktarx li tista’ tipprovoka xi problemi prattiċi sinifikattivi. |
|
(2) |
Derogi bħal dawn għandhom jingħataw lill-Bulgarija u lill-Ġermanja fuq it-talba tagħhom. |
|
(3) |
Skont ir-Regolament (KE) Nru 1165/2008, Stat Membru li jkun ingħata deroga sal-1 ta’ Jannar 2010 għandu jkompli japplika d-dispożizzjonijiet tad-Direttivi tal-Kunsill 93/23/KEE (2), 93/24/KEE (3) u 93/25/KEE (4) sa din id-data. |
|
(4) |
Skont ir-Regolament (KE) Nru 1165/2008, Stat Membru li jkun ingħata deroga sal-1 ta’ Jannar 2011 għandu jkompli japplika d-dispożizzjonijiet tad-Direttiva 93/25/KEE sa din id-data. |
ADOTTAT DIN ID-DECIŻJONI:
Artikolu 1
1. Il-Bulgarija u l-Ġermanja għandhom jingħataw deroga mill-applikazzjoni tar-Regolament (KE) Nru 1165/2008 għall-perjodu li jintemm fl-1 ta’ Jannar 2010.
2. Il-Bulgarija u l-Ġermanja għandhom jingħataw deroga mill-applikazzjoni tar-Regolament (KE) Nru 1165/2008 li jikkonċerna n-nagħaġ u l-mogħoż għall-perjodu li jintemm fl-1 ta’ Jannar 2011.
Artikolu 2
Din id-Deċiżjoni hija indirizzata lir-Repubblika tal-Bulgarija u lir-Repubblika Federali tal-Ġermanja.
Din id-Deċiżjoni għandha tapplika mill-1 ta’ Jannar 2009.
Magħmul fi Brussell, l-10 ta’ Ġunju 2010.
Għall-Kummissjoni
Olli REHN
Membru tal-Kummissjoni
(1) ĠU L 321, 1.12.2008, p. 1.
(2) ĠU L 149, 21.6.1993, p. 1.
(3) ĠU L 149, 21.6.1993, p. 5.
(4) ĠU L 149, 21.6.1993, p. 10.