This document is an excerpt from the EUR-Lex website
Document 32010R0245
Commission Regulation (EU) No 245/2010 of 23 March 2010 derogating from Regulation (EC) No 288/2009 as regards the deadline for Member States to notify their strategies to the Commission and the deadline for the Commission to decide on the final allocation of the aid in the framework of a School Fruit Scheme
Regolament tal-Kummissjoni (UE) Nru 245/2010 tat- 23 ta’ Marzu 2010 li jidderoga mir-Regolament (KE) Nru 288/2009 rigward id-data ta’ skadenza għall-Istati Membri biex jinnotifikaw l-istrateġiji tagħhom lill-Kummissjoni u d-data ta’ skadenza għall-Kummissjoni biex tiddeċiedi dwar l-allokazzjoni finali tal-għajnuna fil-qafas ta’ Skema tal-Frott għall-Iskejjel
Regolament tal-Kummissjoni (UE) Nru 245/2010 tat- 23 ta’ Marzu 2010 li jidderoga mir-Regolament (KE) Nru 288/2009 rigward id-data ta’ skadenza għall-Istati Membri biex jinnotifikaw l-istrateġiji tagħhom lill-Kummissjoni u d-data ta’ skadenza għall-Kummissjoni biex tiddeċiedi dwar l-allokazzjoni finali tal-għajnuna fil-qafas ta’ Skema tal-Frott għall-Iskejjel
ĠU L 77, 24.3.2010, p. 50–50
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/04/2010
|
24.3.2010 |
MT |
Il-Ġurnal Uffiċjali tal-Unjoni Ewropea |
L 77/50 |
REGOLAMENT TAL-KUMMISSJONI (UE) Nru 245/2010
tat-23 ta’ Marzu 2010
li jidderoga mir-Regolament (KE) Nru 288/2009 rigward id-data ta’ skadenza għall-Istati Membri biex jinnotifikaw l-istrateġiji tagħhom lill-Kummissjoni u d-data ta’ skadenza għall-Kummissjoni biex tiddeċiedi dwar l-allokazzjoni finali tal-għajnuna fil-qafas ta’ Skema tal-Frott għall-Iskejjel
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikolu 103h(f) flimkien mal-Artikolu 4 tiegħu,
Billi:
|
(1) |
Skont l-Artikolu 4(1) tar-Regolament tal-Kummissjoni (KE) Nru 288/2009 tas-7 ta’ April 2009 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 fir-rigward tal-għajnuna Komunitarja għall-forniment ta’ frott u ħaxix, frott u ħaxix ipproċessati u prodotti tal-banana lit-tfal fl-istabbilimenti edukattivi, fil-qafas tal-Iskema tal-Frott għall-Iskejjel (2), l-Istati Membri li qed japplikaw għall-għajnuna msemmija fl-ewwel paragrafu tal-Artikolu 103ga tar-Regolament (KE) Nru 1234/2007 għal perjodu mill-1 ta’ Awwissu sal-31 ta’ Lulju għandhom jinnotifikaw l-istrateġija tagħhom lill-Kummissjoni sal-31 ta’ Jannar tas-sena li fiha jibda dak il-perjodu. |
|
(2) |
Għadd ta’ Stati Membri kellhom jaffaċċaw diffikultajiet biex jirrispettaw id-data ta’ skadenza, fost l-oħrajn minħabba l-ħtieġa li jivvalutaw l-effikaċja tal-iskema tagħhom wara l-ewwel sena ta’ implimentazzjoni tagħha. |
|
(3) |
Sabiex jingħataw iżjed żmien biex jevalwaw l-iskema tagħhom u, fejn meħtieġ, jimmodifikaw l-istrateġija tagħhom, l-Istati Membri għandhom, bħala miżura transizzjonali, jingħataw sat-28 ta’ Frar 2010 biex jinnotifikaw l-istrateġija tagħhom għall-perjodu mill-1 ta’ Awwissu 2010 sal-31 ta’ Lulju 2011. |
|
(4) |
B’mod simili, id-data ta’ skadenza biex il-Kummissjoni tiddeċiedi dwar l-allokazzjoni finali tal-għajnuna għall-perjodu mill-1 ta’ Awwissu 2010 sal-31 ta’ Lulju 2011 stabbilit fit-tielet subparagrafu tal-Artikolu 4(4) tar-Regolament (KE) Nru 288/2009 għandu jiġi estiż sat-30 ta’ April 2010. |
|
(5) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
1. B’deroga mill-Artikolu 4(1) tar-Regolament (KE) Nru 288/2009, l-Istati Membri jistgħu jinnotifikaw l-istrateġija tagħhom għall-perjodu mill-1 ta’ Awwissu 2010 sal-31 ta’ Lulju 2011, sat-28 ta’ Frar 2010 l-aktar tard.
2. B’deroga mit-tielet subparagrafu tal-Artikolu 4(4) tar-Regolament (KE) Nru 288/2009, il-Kummissjoni għandha tiddeċiedi dwar l-allokazzjoni finali tal-għajnuna għall-perjodu mill-1 ta’ Awwissu 2010 sal-31 ta’ Lulju 2011, sat-30 ta’ April 2010.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Frar 2010.
Għandu jiskadi fit-30 ta’ April 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, it-23 ta’ Marzu 2010.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.