Edizzjoni speċjali bil-Kroat: Kapitolu 11 Volum 057 P. 201 - 204
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010R0196
Commission Regulation (EU) No 196/2010 of 9 March 2010 amending Annex I to Regulation (EC) No 689/2008 of the European Parliament and of the Council concerning the export and import of dangerous chemicals (Text with EEA relevance)
Regolament tal-Kummissjoni (UE) Nru 196/2010 tad- 9 ta’ Marzu 2010 li jemenda l-Anness I għar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi (Test b’relevanza għaż-ŻEE)
Regolament tal-Kummissjoni (UE) Nru 196/2010 tad- 9 ta’ Marzu 2010 li jemenda l-Anness I għar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi (Test b’relevanza għaż-ŻEE)
ĠU L 60, 10.3.2010, pp. 5–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 28/02/2014; Imħassar b' 32012R0649
Language
HTML
PDF
Official Journal
|
10.3.2010 |
MT |
Il-Ġurnal Uffiċjali tal-Unjoni Ewropea |
L 60/5 |
REGOLAMENT TAL-KUMMISSJONI (UE) Nru 196/2010
tad-9 ta’ Marzu 2010
li jemenda l-Anness I għar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 689/2008 tal-Parlament Ewropew u tal-Kunsill tas-17 ta’ Ġunju 2008 dwar l-esportazzjoni u l-importazzjoni ta’ sustanzi kimiċi perikolużi (1), u partikolarment l-Artikolu 22(4) tiegħu,
Billi:
|
(1) |
Ir-Regolament (KE) Nru 689/2008 jimplimenta l-Konvenzjoni ta’ Rotterdam dwar il-Proċedura għall-Kunsens Infurmat bil-Quddiem (proċedura PIC) għal Ċerti Kimiki Perikolużi u pestiċidi fil-Kummerċ Internazzjonali, minn hawn ‘il quddiem imsejħa il-“Konvenzjoni ta’ Rotterdam”, iffirmata fil-11 ta’ Settembru 1998 u approvata, f’isem il-Komunità, permezz tad-Deċiżjoni tal-Kunsill 2003/106/KE (2). |
|
(2) |
L-Anness I għar-Regolament (KE) Nru 689/2008 għandu jiġi emendat sabiex titqies l-azzjoni regolatorja f’dak li għandu x’jaqsam ma’ ċerti sustanzi kimiċi skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (3), id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (4) u r-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (5). |
|
(3) |
Ġie deċiż li s-sustanzi butralin, diniconazole-M, flurprimidol, nikotina u propachlor ma jiġux inklużi bħala sustanzi attivi fl-Anness I għad-Direttiva 91/414/KEE, bir-riżultat li dawk is-sustanzi attivi jiġu pprojbiti għall-użu fil-pestiċidi u għalhekk għandhom jiġu miżjuda mal-listi ta’ kimiki li hemm fil-Partijiet 1 u 2 tal-Anness I għar-Regolament (KE) Nru 689/2008. |
|
(4) |
Ġie deċiż li ma jiġux inklużi s-sustanzi anthraquinone u dicofol bħala sustanzi attivi fl-Anness I għad-Direttiv 91/414/KEE u biex ma jiġux inklużi s-sustanzi anthraquinone u dicofol bħala sustanzi attivi fl-Anness I, IA jew IB għad-Direttiva 98/8/KE bir-riżultat li dawk is-sustanzi attivi jiġu pprojbiti għall-użu fil-pestiċidi u għalhekk għandhom jiġu miżjuda mal-listi ta’ kimiki li hemm fil-Partijiet 1 u 2 tal-Anness I għar-Regolament (KE) Nru 689/2008. |
|
(5) |
Ġie deċiż li s-sustanzi 2-Naphthyloxyacetic acid, propanil u tricyclazole ma jiġux inklużi bħala sustanzi attivi fl-Anness I għad-Direttiva 91/414/KEE, bir-riżultat li dawk is-sustanzi attivi jiġu pprojbiti għall-użu fil-pestiċidi u għalhekk għandhom jiġu miżjuda mal-listi ta’ kimiki li hemm fil-Partijiet 1 u 2 tal-Anness I għar-Regolament (KE) Nru 689/2008. Minħabba li tressqu applikazzjonijiet ġodda li jeħtieġu deċiżjonijiet ġodda dwar l-inklużjoni fl-Anness I għad-Direttiva 91/414/KEE, iż-żieda mal-lista ta’ kimiki li hemm fil-Parti 2 tal-Anness I għar-Regolament (KE) Nru 689/2008 ma għandhiex tapplika sakemm jittieħdu d-deċiżjonijiet il-ġodda dwar l-istatus ta’ dawn il-kimiki. |
|
(6) |
Fir-raba’ laqgħa tagħha f’Ottubru 2008, il-Konferenza tal-Partijiet tal-Konvenzjoni ta’ Rotterdam iddeċidiet li tinkludi komposti tat-tributyltin fl-Anness III għal dik il-Konvenzjoni, bir-riżultat li l-komposti tat-tribuyltin ġew soġġetti għall-proċedura tal-PIC skont dik il-Konvenzjoni u għalhekk għandhom jiġu elenkati separatament fil-lista ta’ kimiki li hemm fil-Parti 1 u jiġu miżjuda mal-lista ta’ kimiki li hemm fil-Parti 3 tal-Anness I għar-Regolament (KE) Nru 689/2008. |
|
(7) |
Il-lista separata tal-komposti tat-tributyltin fil-Partijiet 1 u 3 tal-Anness I għar-Regolament (KE) Nru 689/2008 teħtieġ emenda tal-annotazzjonijiet eżistenti ta’ komposti triorganostanniċi fil-Partijiet 1 u 2 tal-Anness I għar-Regolament (KE) Nru 689/2008 sabiex jintwera li l-komposti tat-tributyltin ma għadhomx koperti b’dawk l-annotazzjonijiet. |
|
(8) |
Permezz tad-Deċiżjoni tal-Kummissjoni 2004/248/KE (6) ġie deċiż li s-sustanza attiva atrzine ma tiġix inkluża fl-Anness I għad-Direttiva 91/414/KEE, bir-riżultat li l-atrazine tiġi pprojbita għall-użu fil-pestiċidi, u li jiġu rtirati l-awtorizzazzjonijiet ta’ prodotti għall-protezzjoni tal-pjanti li jkollhom dik is-sustanza attiva mhux aktar tard mit-30 ta’ Ġunju 2007. Peress li skadiet id-data tal-għeluq, l-annotazzjonijiet eżistenti fil-listi ta’ kimiki li hemm fil-Partijiet 1 u 2 tal-Aness I tar-Regolament (KE) Nru 689/2008 għandhom jiġu emendati sabiex jirrifflettu l-projbizzjoni tal-użu tal-atrazine. |
|
(9) |
Permezz tad-Deċiżjoni tal-Kummissjoni 2004/141/KE (7) u tad-Deċiżjoni tal-Kummissjoni 2004/247/KE (8) ġie deċiż li s-sustanzi attivi amitraz u simazine ma jiġux inklużi fl-Anness I għad-Direttiva 91/414/KEE, bir-riżultat li dawk is-sustanzi attivi ġew ipprojbiti għall-użu fil-prodotti għall-protezzjoni tal-pjanti, u li jiġu rtirati l-awtorizzazzjonijiet ta’ prodotti għall-protezzjoni tal-pjanti li jkollhom dawk is-sustanzi attivi mhux aktar tard mit-30 ta’ Ġunju 2007. Peress li skadiet id-data tal-għeluq u peress li ġie deċiż li ma jiġux inklużi s-sustanzi amitraz u simazine bħala sustanzi attivi fl-Annessi I, IA jew IB għad-Direttiva 98/8/KE, dawk is-sustanzi attivi huma pprojbiti għall-użu fil-pestiċidi u għalhekk l-annotazzjonijiet eżistenti fil-listi ta’ kimiki li hemm fil-Partijiet 1 u 2 tal-Aness I tar-Regolament (KE) Nru 689/2008 għandhom jiġu emendati sabiex jirriflettu l-projbizzjoni għall-użu ta’ dawk is-sustanzi. |
|
(10) |
L-Anness I għar-Regolament (KE) Nru 689/2008 għaldaqstant għandu jiġi emendat kif xieraq. |
|
(11) |
Sabiex ikun hemm biżżejjed żmien għall-Istati Membri u l-industrija biex jieħdu l-miżuri neċessarji, l-applikazzjoni ta’ dan ir-Regolament għandha tiġi deferita. |
|
(12) |
Il-miżuri provduti f’dan ir-Regolament huma skont l-opinjoni tal-Kumitat stabbilit permezz tal-Artikolu 133 tar-Regolament (KE) Nru 1907/2006, |
ADDOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 689/2008 huwa emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Mejju 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, id-9 ta’ Marzu 2010.
Għall-Kummissjoni
Il-President
José Manuel BARROSO
(1) ĠU L 204, 31.7.2008, p. 1.
(3) ĠU L 230, 19.8.1991, p. 1.
(4) ĠU L 123, 24.4.1998, p. 1.
(5) ĠU L 396, 30.12.2006, p. 1.
(6) ĠU L 78, 16.3.2004, p. 53.
ANNESS
L-Anness I għar-Regolament (KE) Nru 689/2008 qed jiġi emendat kif ġej:
|
(1) |
Il-Parti 1 hija emendata kif ġej:
|
|
(2) |
Il-Parti 2 hija emendata kif ġej:
|
|
(3) |
Fil-Parti 3, l-annotazzjoni li ġejja hija miżjuda:
|