DEĊIŻJONI TAL-KUNSILL

tad-29 ta' Lulju 2005

dwar il-ħatra ta' erba' membri tal-Bord Amministrattiv għall-Aġenzija Ewropea għall-Mediċini (EMEA)

(2005/594/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra r-Regolament (KE) Nru 726/2004 tal-31 ta' Marzu 2004 li jistabbilixxi proċeduri tal-Komunità dwar l-awtorizzazzjoni u s-superviżjoni ta' prodotti mediċinali għal użu fuq il-bniedem u l-annimali u li jistabbilixxi l-Aġenzija Ewropea għall-Mediċini (1), u b'mod partikolari l-Artikolu 65(1) u 65(4) tiegħu,

Wara li kkunsidra l-lista tal-kandidati mħejjija mill-Kummissjoni fil-25 ta' Frar 2005,

Wara li kkunsidra l-Opinjoni tal-Parlament Ewropew,

IDDEĊIEDA KIF ĠEJ:

Artikolu 1

Is-Sinjura Mary Geraldine BAKER, imwielda Londra (Renju Unit) fis-27 ta' Ottubru 1936,

is-Sur Jean GEORGES, imwieled Esch-sur-Alzette (Lussemburgu) fil-11 ta' Lulju 1966,

is-Sinjura Lisette TIDDENS-ENGWIRDA, imwielda Amsterdam (Olanda) fil-25 ta' Ġunju 1950 u

s-Sur Fritz Rupert UNGEMACH, imwieled Munich (Ġermanja) fis-6 ta' Frar 1947,

permezz ta' dan għandhom jinħatru membri tal-Bord Amministrattiv għall-Aġenzija Ewropea għall-Mediċini (EMEA) għall-perijodu ta' tliet snin.

Artikolu 2

Id-data li minnha għandu jibda l-perijodu ta' tliet snin imsemmi fl-Artikolu 1 għandha tkun determinata mill-Bord ta' Amministrattiv għall-Aġenzija Ewropea għall-Mediċini (EMEA).

(1)  ĠU L 136, 30.4.2004, p. 1.