32005D0371

Deċiżjoni tal-Kunsill

tat- 3 ta’ Marzu 2005

dwar l-iffirmar tal-Ftehim bejn il-Komunità Ewropea u r-Repubblika ta’ l-Albanija dwar ir-riammissjoni ta’ nies li jirrisjedu mingħajr awtorizzazzjoni

(2005/371/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 63(3)(b), flimkien mat-tieni sentenza ta’ l-ewwel subparagrafu ta’ l-Artikolu 300(2) tiegħu,

Wara li kkunsidra l-proposta mill-Kummissjoni,

Billi:

(1) Bid-deċiżjoni tiegħu tat- 28 ta’ Novembru 2002, il-Kunsill awtorizza lill-Kummissjoni biex tinnegozja ftehim bejn il-Komunità Ewropea u r-Repubblika ta’ l-Albanija dwar ir-riammissjoni ta’ nies li jirrisjedu mingħajr awtorizzazzjoni.

(2) Negozjati għall-Ftehim seħħew fil- 15 u s- 16 ta’ Mejju, fit- 18 ta’ Settembru u fil- 5 ta’ Novembru 2003.

(3) Suġġett għall-possibbiltà li jiġi konkluż f’data aktar tard, il-Ftehim inizjalat fi Brussel fit- 18 ta’ Diċembru 2004 għandu jiġi ffirmat.

(4) Skond l-Artikolu 3 tal-Protokoll dwar il-pożizzjoni tar-Renju Unit u l-Irlanda, anness mat-Trattat dwar l-Unjoni Ewropea u t-Trattat li jistabbilixxi l-Komunita’ Ewropea, ir-Renju Unit innotifika x-xewqa tiegħu li jipparteċipa fl-adozzjoni u fl-applikazzjoni ta’ din id-Deċiżjoni.

(5) Skond l-Artikoli 1 u 2 tal-Protokoll dwar il-pożizzjoni tar-Renju Unit u l-Irlanda, anness mat-Trattat dwar l-Unjoni Ewropea u t-Trattat li jistabbilixxi l-Komunita’ Ewropea, u mingħajr preġudizzju għall-Artikolu 4 tal-Protokoll imsemmi, l-Irlanda ma tipparteċipax fl-adozzjoni ta’ din id-Deċiżjoni u mhijiex marbuta jew soġġetta għall-applikazzjoni tagħha.

(6) Skond l-Artikoli 1 u 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u t-Trattat li jistabbilixxi l-Komunità Ewropea, id-Danimarka ma tieħux sehem fl-adozzjoni ta’ din id-Deċiżjoni, u mhijiex marbuta biha jew suġġetta għall-applikazzjoni tagħha,

IDDEĊIEDA KIF ĠEJ:

Artikolu 1

1L-iffirmar tal-Ftehim bejn il-Komunità Ewropea u r-Repubblika ta’ l-Albanija dwar ir-riammissjoni ta’ nies li jirrisjedu mingħajr awtorizzazzjoni qiegħed hawn jiġi approvat f’ isem il-Komunita’, suġġett għad-Deċiżjoni tal-Kunsill dwar il-konklużjoni ta’ l-imsemmi Ftehim.

It-test tal-Ftehim qed jiġi mehmuz ma’ din id-Deċiżjoni.

Artikolu 2

Il-President tal-Kunsill qiegħed hawn jiġi awtorizzat jinnomina l-persuna(i) bis-setgħa li jiffirmaw il-Ftehim f’ isem il-Komunita’ suġġett għall-konklużjoni tiegħu.

Magħmula fi Brussel, nhar it- 3 ta’ Marzu 2005.

Għall-Kunsill

Il-President

F. Biltgen

--------------------------------------------------