—

wara li kkunsidra r-riżoluzzjonijiet preċedenti tiegħu dwar is-sitwazzjoni fl-Afganistan, b'mod partikolari dawk tas-16 ta' Settembru 2021 (1) u tas-7 ta' April 2022 (2),

—

wara li kkunsidra r-riżoluzzjoni tiegħu tad-19 ta' Mejju 2021 dwar il-ħarsien tad-drittijiet tal-bniedem u l-politika barranija tal-UE dwar il-migrazzjoni (3),

—

wara li kkunsidra l-konklużjonijiet tal-Kunsill tal-14 ta' Novembru 2022 dwar in-nisa, il-paċi u s-sigurtà, u tal-15 ta' Settembru 2021 dwar l-Afganistan, li ddeskrivew ħames punti ta' riferiment għall-involviment tal-UE mal-awtoritajiet de facto mmexxija mit-Talibani,

—

wara li kkunsidra d-dikjarazzjonijiet tal-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà dwar l-Afganistan,

—

wara li kkunsidra r-riżoluzzjonijiet tal-Kunsill tas-Sigurtà tan-NU dwar l-Afganistan, inklużi r-Riżoluzzjonijiet 2626 (2022), 2596 (2021), 2543 (2020) u 2513 (2020),

—

wara li kkunsidra r-riżoluzzjoni tal-Assemblea Ġenerali tan-NU tal-10 ta' Novembru 2022 dwar is-sitwazzjoni fl-Afganistan,

—

wara li kkunsidra r-riżoluzzjoni tal-Kunsill tad-Drittijiet tal-Bniedem tan-NU tat-8 ta' Lulju 2022 dwar is-sitwazzjoni tad-drittijiet tal-bniedem tan-nisa u l-bniet fl-Afganistan,

—

wara li kkunsidra r-rapport tar-Rapporteur Speċjali tan-NU dwar is-sitwazzjoni tad-drittijiet tal-bniedem fl-Afganistan tad-9 ta' Settembru 2022,

—

wara li kkunsidra r-rapport tal-Missjoni ta' Assistenza tan-NU fl-Afganistan (UNAMA) tal-20 ta' Lulju 2022 li jiddeskrivi s-sitwazzjoni tad-drittijiet tal-bniedem fl-Afganistan matul l-10 xhur mindu t-Talibani ħadu l-kontroll,

—

wara li kkunsidra t-tħabbira tat-Talibani dwar il-ħolqien tal-gvern interim tal-Afganistan tas-7 ta' Settembru 2021,

—

wara li kkunsidra d-Dikjarazzjoni Universali dwar id-Drittijiet tal-Bniedem, il-Patt Internazzjonali dwar id-Drittijiet Ċivili u Politiċi u l-Patt Internazzjonali dwar id-Drittijiet Ċivili u Politiċi,

—

wara li kkunsidra l-Konvenzjoni tan-NU dwar l-Eliminazzjoni ta' Kull Forma ta' Diskriminazzjoni kontra n-Nisa u l-Konvenzjoni tan-NU dwar id-Drittijiet tat-Tfal, it-tnejn ratifikati mill-Afganistan,

—

wara li kkunsidra l-Konvenzjoni dwar l-Istatus tar-Rifuġjati, iffirmata f'Ġinevra fit-28 ta' Lulju 1951, u l-Protokoll tal-1967 tagħha,

—

wara li kkunsidra l-Ftehim ta' Kooperazzjoni tat-18 ta' Frar 2017 dwar is-Sħubija u l-Iżvilupp bejn l-Unjoni Ewropea u l-Istati Membri tagħha, min-naħa waħda, u r-Repubblika Iżlamika tal-Afganistan, min-naħa l-oħra,

—

wara li kkunsidra l-linji gwida tematiċi tal-UE dwar id-difensuri tad-drittijiet tal-bniedem, dwar il-promozzjoni u l-protezzjoni tad-drittijiet tat-tfal, u dwar il-vjolenza kontra n-nisa u l-bniet u l-ġlieda kontra l-forom kollha ta' diskriminazzjoni kontrihom,

—

wara li kkunsidra r-Regoli 144(5) u 132(4) tar-Regoli ta' Proċedura tiegħu,

A.

billi t-Talibani ħatfu l-poter fl-Afganistan fil-15 ta' Awwissu 2021 wara l-irtirar tat-truppi tan-NATO u l-Alleati; billi stabbilew mill-ġdid l-Emirat Iżlamiku tal-Afganistan u ħatru gvern interim magħmul minn irġiel biss, inklużi membri mir-reġim Taliban tal-1996 sal-2001, li xi wħud minnhom huma mfittxija fuq akkużi ta' terroriżmu; billi l-UE żżomm pożizzjoni soda ta' nuqqas ta' rikonoxximent tal-gvern de facto Taliban;

B.

billi t-Talibani qed ireġġgħu lura l-progress li sar f'dawn l-aħħar 20 sena; billi stabbilew mill-ġdid l-eks Ministeru għall-Propagazzjoni tal-Virtù u l-Prevenzjoni tal-Vizzji, u għalqu l-Ministeru għall-Affarijiet tan-Nisa, il-Kummissjoni Indipendenti għad-Drittijiet tal-Bniedem tal-Afganistan u strutturi lokali oħra li jipprovdu appoġġ lin-nisa u l-bniet, abolixxew liġijiet infurzati preċedentement li jipproteġu lin-nisa u imponew restrizzjonijiet ħorox fuq id-drittijiet tan-nisa; billi t-Talibani eskludew lin-nisa mill-amministrazzjoni u ma inkludewx nisa fil-gvern ġdid mhux rikonoxxut tagħhom;

C.

billi n-nisa u l-bniet iffaċċjaw restrizzjonijiet dejjem akbar għad-drittijiet fundamentali tagħhom mindu t-Talibani ħadu l-kontroll, b'mod partikolari fl-aċċess għall-edukazzjoni u l-impjiegi, u l-libertà tal-moviment; billi n-nisa tħassru prattikament mill-oqsma kollha tal-ħajja pubblika;

D.

billi l-bniet li għandhom aktar minn 12-il sena huma mċaħħda mill-edukazzjoni fl-Afganistan; billi l-awtoritajiet de facto tal-Afganistan fil-15 ta' Jannar 2022 wiegħdu li se jippermettu lill-bniet jirritornaw l-iskola fil-livelli kollha wara l-bidu tas-sena skolastika l-ġdida fit-tieni nofs ta' Marzu 2022; billi l-istudenti nisa huma pprojbiti milli jattendu s-seba' grad 'il fuq; billi dan huwa ksur tad-dritt fundamentali għall-edukazzjoni għat-tfal kollha kif minqux fid-Dikjarazzjoni Universali tad-Drittijiet tal-Bniedem; billi l-bniet u n-nisa Afgani organizzaw protesti paċifiċi fil-pajjiż b'mod kuraġġuż, u talbu li d-dritt tagħhom għall-edukazzjoni jiġi rrispettat; billi ż-żwieġ tat-tfal żdied drastikament;

E.

billi t-Talibani dan l-aħħar żiedu r-repressjoni sistemika tagħhom fuq in-nisa u l-bniet permezz ta' mewġa ta' arresti ta' difensuri tad-drittijiet tal-bniedem; billi Alia Azizi, id-direttriċi tal-ħabs tan-nisa Herat, ilha nieqsa minn Ottubru 2021; billi l-organizzazzjonijiet tad-drittijiet tal-bniedem jissuspettaw li għebet bil-forza; billi, fit-3 ta' Novembru 2022, it-Talibani sfrattaw konferenza stampa li kienet qed tħabbar il-formazzjoni tal-Moviment għall-Ugwaljanza tan-Nisa Afgani, u arrestaw mara, Zarifa Yaqobi, u erbgħa mill-kollegi rġiel tagħha; billi, fil-11 ta' Novembru 2022, it-Talibani arrestaw l-attivista prominenti Farhat Popalzai, waħda mill-fundaturi tal-Moviment Spontanju tan-Nisa Afgani; billi, fit-13 ta' Novembru 2022, difensur mara oħra tad-drittijiet tan-nisa, Humaira Yusuf, ittieħdet f'kustodja mit-Talibani;

F.

billi l-ksur tad-drittijiet tal-bniedem qed jiġi rrapportat kuljum, inklużi arresti, detenzjoni, ħtif, tortura, theddid, estorsjoni, qtil, u attakki fuq id-difensuri tad-drittijiet tal-bniedem u l-membri tal-familja tagħhom; billi għad hemm nuqqas sħiħ ta' obbligu ta' rendikont għal tali ksur; billi t-Talibani reċentement ordnaw lill-imħallfin biex jimplimentaw bis-sħiħ l-interpretazzjoni tat-Talibani tal-liġi tax-Xarija, li potenzjalment twassal għal kastigi krudili u inumani u tqajjem biża' ta' aktar ksur tad-drittijiet tal-bniedem;

G.

billi mindu t-Talibani ħadu l-kontroll, żdiedu l-attakki kontra gruppi ta' minoranza, b'mod partikolari l-Ħażara, il-Ħindu, is-Sikhs u l-Kristjani; billi, mindu t-Talibani ħadu l-kontroll, twettqu għadd kbir ta' attakki kontra l-komunità Ħażara, minoranza fil-biċċa l-kbira Xiita, mill-Istat Iżlamiku tal-Provinċja ta' Khorasan u atturi oħra; billi dawn l-attakki u l-persekuzzjoni storika tal-Ħażara jistgħu jammontaw għal delitti kontra l-umanità; billi minn Awwissu 2021, il-postijiet ta' qima u ċ-ċentri edukattivi u mediċi tagħhom ġew attakkati b'mod sistematiku u l-membri tagħhom ġew arrestati b'mod arbitrarju, ittorturati, maqtula b'mod sommarju, żgumbrati, marġinalizzati u, f'xi każijiet, imġiegħla jaħarbu mill-pajjiż; billi fl-2021 u l-2022, diversi ċentri edukattivi ġew attakkati fid-distrett predominanti ta' Ħażara ta' Dasht-e Barchi, Kabul, b'mod partikolari Sayed ul Shuhada, Abdul Rahman Shahid, Mumtaz u ċ-Ċentru Edukattiv Kaaj; billi l-attakki ħallew mijiet mejta u midruba; billi l-forzi Talibani allegatament fetħu n-nar u użaw il-vjolenza fiżika biex iwaqqfu d-dimostrazzjonijiet kontra l-attakki;

H.

billi s-sitwazzjoni umanitarja fl-Afganistan qed tiddeterjora malajr u qed taffettwa b'mod sproporzjonat lin-nisa u l-bniet; billi l-politiki l-ġodda introdotti mill-gvern Taliban naqqsu b'mod kritiku l-kapaċità tan-nisa li jaħdmu, inkluż bħala ħaddiema umanitarji, li wkoll kellu impatt negattiv fuq il-kapaċità tan-nisa li jaċċessaw l-għajnuna umanitarja; billi r-restrizzjoni tan-nisa milli jipparteċipaw fil-forza tax-xogħol kompliet iġġibhom fil-faqar u poġġiet madwar 850 000 tifla f'riskju ta' sfruttament ekonomiku u sesswali, kif ukoll żwieġ tat-tfal; billi inqas minn waħda minn kull erba' difensuri nisa tad-drittijiet tal-bniedem li jibqgħu fl-Afganistan irrappurtaw li għandhom aċċess għal kwalunkwe tip ta' għajnuna umanitarja jew assistenza finanzjarja u legali;

I.

billi l-UNAMA tistma li 59 % tal-popolazzjoni kienet teħtieġ assistenza umanitarja minn Lulju 2022, żieda ta' 6 miljun persuna meta mqabbla mal-bidu tal-2021; billi, fl-2023, 28 miljun persuna huma mistennija li jkunu jeħtieġu għajnuna umanitarja, li minnhom 13-il miljun huma tfal; billi l-Programm Dinji tal-Ikel jistma li 18,9-il miljun Afgan qed jiffaċċjaw livelli akuti ta' insigurtà tal-ikel; billi 4,3 miljun Afgan huma spostati internament u 5,6 miljun ġew spostati lejn pajjiżi ġirien; billi l-Iran u l-Pakistan jospitaw sehem kbir ta' rifuġjati Afgani, li flimkien jammontaw għal 2,2 miljun rifuġjat Afgan irreġistrat;

J.

billi terremot devastanti laqat il-Lvant tal-Afganistan f'Ġunju 2022, fejn qatel aktar minn 1 000 persuna u darab aktar minn 6 000 persuna; billi f'Awwissu 2022, niżlet xita qawwija f'diversi partijiet tal-Afganistan, u dan ikkawża għargħar, għargħar għall-għarrieda u valangi li qatlu aktar minn 180 u darbu aktar minn 250 persuna skont rapporti tal-media; billi t-terremoti, l-għargħar, in-nixfiet, kif ukoll l-impatt tal-pandemija tal-COVID-19 u ż-żieda fil-prezzijiet tal-prodotti bażiċi bħala riżultat tal-invażjoni tal-Ukrajna mir-Russja, aggravaw is-sitwazzjoni umanitarja diġà mwiegħra;

K.

billi l-UE nediet pakkett ta' għajnuna umanitarja ta' EUR 1 biljun għall-Afganistan f'Ottubru 2021 biex tappoġġja Afgani vulnerabbli li jgħixu fil-pajjiż u fir-reġjun; billi bħala parti mill-pakkett il-ġdid tiegħu ta' għajnuna umanitarja ta' EUR 210 miljun f'assistenza għall-ikel għal dawk l-aktar vulnerabbli madwar id-dinja, il-G20 qed jippjana li jħallas EUR 75 miljun għall-Afganistan biex jindirizza s-sitwazzjoni drammatika tas-sigurtà tal-ikel fil-pajjiż;

L.

billi l-ispazju għall-media indipendenti u s-soċjetà ċivili naqas drastikament taħt it-Talibani; billi r-regolamenti ordnati minn diversi korpi tat-Talibani llimitaw b'mod massiv l-attività ġurnalistika u wasslu għal żieda fl-arresti arbitrarji ta' ġurnalisti;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.