Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62021TN0311

Kawża T-311/21: Rikors ippreżentat fl-1 ta’ Ġunju 2021 – SV vs BEI

ĠU C 329, 16.8.2021, p. 30–31 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

16.8.2021   

MT

Il-Ġurnal Uffiċjali tal-Unjoni Ewropea

C 329/30

Rikors ippreżentat fl-1 ta’ Ġunju 2021 – SV vs BEI

(Kawża T-311/21)

(2021/C 329/40)

Lingwa tal-kawża: l-Inġliż

Partijiet

Rikorrent: SV (rappreżentanti: L. Levi u M. Vandenbussche, avukati)

Konvenut: Il-Bank Ewropew tal-Investiment

Talbiet

Ir-rikorrent jitlob li l-Qorti Ġenerali jogħġobha:

—

tannulla r-rapport ta’ evalwazzjoni tar-rikorrent għas-sena 2019;

—

tannulla d-deċiżjoni tal-Kunsill Ġenerali tas-26 ta’ Ġunju 2020 li tikkonferma r-rapport ta’ evalwazzjoni għas-sena 2019 fil-kuntest tal-eżami mill-ġdid tad-DĠ Persunal kif ukoll id-deċiżjoni tad-DĠ Persunal tat-22 ta’ Frar 2021 li tiċħad it-talba tar-rikorrent għal eżami mill-ġdid amministrattiv;

—

tikkumpensa lir-rikorrent għad-dannu materjali tiegħu kif deskritt f’dan ir-rikors;

—

tikkumpensa lir-rikorrent għad-dannu morali tiegħu evalwat ex aequo et bono għal EUR 5 000.

—

tikkundanna lill-konvenut għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka sitt motivi.

1.

L-ewwel motiv ibbażat fuq l-assenza ta’ eżami mill-ġdid sħiħ tal-evalwazzjoni – Ksur tar-Regoli ta’ Implimentazzjoni tal-BEI.

—

Ir-rikorrent isostni li l-Kunsill Ġenerali ma wettaqx eżami mill-ġdid sħiħ tar-rapport ta’ evalwazzjoni, kif meħtieġ mir-Regoli ta’ Implimentazzjoni tal-BEI, iżda llimita l-evalwazzjoni għal eżami mill-ġdid marġinali, limitat sabiex jikkonstata jekk ir-rapport kienx ivvizzjat minn żball manifest ta’ evalwazzjoni. Bl-istess mod, huwa jargumenta li d-DĠ Persunal naqas ukoll milli jwettaq eżami mill-ġdid sħiħ tar-rapport ta’ evalwazzjoni, kuntrarjament għar-rekwiżiti tar-Regoli ta’ Implimentazzjoni tal-BEI.

2.

It-tieni motiv ibbażat fuq evalwazzjoni illegali tal-klassifikazzjoni assoluta ta’ prestazzjoni tal-għanijiet u tal-kompetenzi tar-rikorrent – Ksur tal-linji gwida dwar il-Ġestjoni ta’ Prestazzjoni (ĠP).

—

L-evalwazzjoni assoluta tal-amministratur tar-rikorrent tal-għanijiet u tal-kompetenzi tikser il-linji gwida tal-ĠP sa fejn hija bbażata fuq evalwazzjoni relattiva mad-Diviżjoni, mad-Dipartiment u mad-Direttorat kollha minflok evalwazzjoni tat-twettiq assolut u wiri ta’ kompetenzi tar-rikorrent. Dan l-eżami mill-ġdid żbaljat kien sussegwentement ġie approvat u applikat mill-Kunsill Ġenerali u mid-DĠ Persunal, u b’hekk id-deċiżjoni tagħhom saret ukoll illegali.

3.

It-tielet motiv ibbażat fuq ksur tal-obbligu ta’ motivazzjoni u tat-Taqsima 3.4 tal-linji gwida ĠP.

—

Huwa argumentat li l-konvenut naqas milli jimmotiva korrettament ir-rapport ta’ evalwazzjoni peress li dan ir-rapport ma jirreferix għad-diskussjoni li seħħet bejn ir-rikorrent u l-amministratur tiegħu kif ukoll peress li r-raġunijiet ipprovduti huma insuffiċjenti sabiex tinftiehem il-klassifikazzjoni iktar baxxa meta pparagunata mas-sena preċedenti.

4.

Ir-raba’ motiv ibbażat fuq żball manifest ta’ evalwazzjoni u fuq assenza ta’ evalwazzjoni ġusta, oġġettiva u komprensiva tal-prestazzjoni assoluta tar-rikorrent – Ksur tad-dmir ta’ amministrazzjoni tajba u tad-dmir ta’ diliġenza – Ksur tal-linji gwida ĠP.

—

Ir-rikorrent jikkunsidra li l-evalwazzjoni mwettqa mill-amministratur tiegħu, approvata mill-Kunsill Ġenerali u mill-Persunal DĠ, naqset milli tieħu inkunsiderazzjoni l-fatturi kollha u hija vvizzjati bi żbalji manifesti.

5.

Il-ħames motiv ibbażat fuq ksur tal-obbligu ta’ motivazzjoni u żball manifest ta’ evalwazzjoni fir-rigward tal-eżami mill-ġdid amministrattiv u, b’mod partikolari, l-assenza ta’ promozzjoni għal funzjoni tal-livell-D.

—

Ir-rikorrent jargumenta li ssodisfa l-kriterji kollha għal promozzjoni, b’mod partikolari peress li ħadem tajjeb fir-rwol attwali tiegħu, għandu l-abbiltà u l-potenzjal li jaħdem fuq livell ogħla kif ikkonfermat lilu diversi drabi mill-amministratur tiegħu u wera motivazzjoni sabiex jaħdem fuq livell ogħla, speċjalment b’kunsiderazzjoni tal-fatt li kompla jeżerċita responsabbiltajiet ta’ livell ogħla korrispondenti. Il-konvenut, għandu jingħad, naqas milli jimmotiva d-deċiżjoni tiegħu li ma jagħtix promozzjoni lir-rikorrent. Din il-motivazzjoni la tista’ tinstab fid-deċiżjoni tal-Kunsill Ġenerali u lanqas fid-deċiżjoni tad-DĠ Persunal.

6.

Is-sitt motiv ibbażat fuq ksur tad-dritt għal smigħ.

—

Ir-riżultati ta’ prestazzjoni għas-sena 2019 ma jirriflettux diskussjoni individwali fuq prestazzjoni u kienu sorpriża kbira.
Top