This document is an excerpt from the EUR-Lex website
Document 62019CN0276
Case C-276/19: Action brought on 1 April 2019 — European Commission v United Kingdom of Great Britain and Northern Ireland
Kawża C-276/19: Rikors ippreżentat fl-1 ta’ April 2019 — Il-Kummissjoni Ewropea vs Ir-Renju Unit tal-Gran Brittanja u l-Irlanda ta’ Fuq
Kawża C-276/19: Rikors ippreżentat fl-1 ta’ April 2019 — Il-Kummissjoni Ewropea vs Ir-Renju Unit tal-Gran Brittanja u l-Irlanda ta’ Fuq
ĠU C 206, 17.6.2019, p. 35–36
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
17.6.2019 |
MT |
Il-Ġurnal Uffiċjali tal-Unjoni Ewropea |
C 206/35 |
Rikors ippreżentat fl-1 ta’ April 2019 — Il-Kummissjoni Ewropea vs Ir-Renju Unit tal-Gran Brittanja u l-Irlanda ta’ Fuq
(Kawża C-276/19)
(2019/C 206/40)
Lingwa tal-kawża: l-Ingliż
Partijiet
Rikorrenti: Il-Kummissjoni Ewropea (rappreżentanti: A. X. P. Lewis, J. Jokubauskaitė, aġenti)
Konvenut: Ir-Renju Unit tal-Gran Brittanja u l-Irlanda ta’ Fuq
Talbiet
Ir-rikorrenti titlob li l-Qorti tal-Ġustizzja jogħġobha:
|
— |
tiddikjara li billi introduċa miżuri ġodda ta’ simplifikazzjoni li estendew ir-rata zero u l-eċċezzjoni għar-rekwiżit normali ta’ żamma ta’ reġistri tat-Taxxa fuq il-Valur Miżjud previst mit-Terminal Markets Order 1973 inizjali mingħajr ma applika mall-Kummissjoni bil-għan li tinkiseb l-awtorizzazzjoni tal-Kunsill, ir-Renju Unit tal-Gran Brittanja u l-Irlanda ta’ Fuq naqas milli jwettaq l-obbligi tiegħu taħt l-Artikolu 395(2) tad-Direttiva tal-Kunsill 2006/112/KE (1) tat-28 ta’ Novembru 2006 dwar is-sistema komuni ta’ taxxa fuq il-valur miżjud (iktar ’il quddiem id-“Direttiva tal-VAT”; |
|
— |
tikkundanna lir-Renju Unit tal-Gran Brittanja u l-Irlanda ta’ Fuq għall-ispejjeż. |
Motivi u argumenti prinċipali
Fit-28 ta’ Diċembru 1977, ir-Renju Unit innotifika miżuri speċjali li kienu jinkludu l-Value Added Tax (Terminal Markets) Order 1973 li jippermetti li, taħt ċerti kundizzjonijiet, kuntratti ta’ xiri fil-futur ta’ prodotti jiġu nnegozjati f’ċerti swieq fir-Renju Unit mingħjr VAT u mingħajr ir-rekwiżit ta’ żamma ta’ reġistri tal-VAT.
Il-Value Added Tax (Terminal Markets) Order 1973 ġie emendat diversi drabi sabiex numru ta’ swieq ta’ prodotti li ma kinux elenkati fin-notifika oriġinali jiġu inklużi fil-kamp ta’ applikazzjoni tiegħu.
Il-Kummissjoni tallega li l-emendi għall-Value Added Tax (Terminal Markets) Order 1973 jestendu l-portata tad-deroga oriġinali li r-Renju Unit kien innotifika fl-1977. Dawn kellhom għalhekk jiġu nnotifikati lill-Kummissjoni skont l-Artikolu 395(1) tad-Direttiva tal-VAT, iżda dan ma seħħx.