52018AR3660

This document is an excerpt from the EUR-Lex website

EUROPA
EUR-Lex home
EUR-Lex - 52018AR3660 - EN

Help

Search tips

Need more search options? Use the Advanced search

Document 52018AR3660

Help

Opinjoni tal-Kumitat Ewropew tar-Reġjuni — Proposta għal Regolament dwar il-Fond Ewropew għall-Affarijiet Marittimi u s-Sajd

COR 2018/03660

ĠU C 461, 21.12.2018, pp. 125–146 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

21.12.2018

Il-Ġurnal Uffiċjali tal-Unjoni Ewropea

C 461/125

Opinjoni tal-Kumitat Ewropew tar-Reġjuni — Proposta għal Regolament dwar il-Fond Ewropew għall-Affarijiet Marittimi u s-Sajd

(2018/C 461/12)

Relatur ġenerali:

Nathalie SARRABEZOLLES (FR/PSE), President tal-Kunsill tal-Kontea ta’ Finistère

Dokument ta’ referenza:

Proposta għal Regolament tal-Parlament Ewropew u tal-Kunsill dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill

COM(2018)390 final

I. RAKKOMANDAZZJONIJIET SABIEX JITRESSQU EMENDI

Emenda 1

Premessa 8

Test propost mill-Kummissjoni Ewropea

Emenda tal-KtR

(8)

Il-qafas finanzjarju pluriennali stabbiliti fir-Regolament (UE) xx/xx[6] jipprevedi li l-baġit tal-Unjoni jenħtieġ li jkompli jsostni s-sajd u l-politiki marittimi. Bil-prezzijiet attwali l- baġit tal-FEMS, huwa mistenni li jammonta għal EUR 6 140 000 000 . Ir-riżorsi tal-FEMS jenħtieġ li jinqasmu bejn il-ġestjoni kondiviża, il-ġestjoni diretta u l-ġestjoni indiretta. EUR 5 311 000 000 jenħtieġ li jkunu allokati għall-appoġġ b’ġestjoni kondiviża u EUR 829 000 000 għall-appoġġ b’ġestjoni diretta u indiretta. Biex tkun żgurata l-istabbiltà, b’mod partikolari fejn għandu x’jaqsam mal-ksib tal-għanijiet tal-PKS, id-definizzjoni tal-allokazzjonijiet nazzjonali b’ġestjoni kondiviża għall-perjodu ta’ pproggrammar tal-2021 sal-2027 jenħtieġ li tkun ibbażata fuq l-ishma tal-FEMS tal-perjodu 2014 sal-2020. Jenħtieġ li jiġu riżervati ammonti speċifiċi għar-reġjuni ultraperifiċi, għall-kontroll u l-infurzar u għall-ġbir u l-ipproċessar tad-data kemm għall-ġestjoni tas-sajd kif ukoll għall-finijiet xjentifiċi, filwaqt li l-ammonti għall-waqfien permanenti u għall-waqfien straordinarju mill-attivitajiet tas-sajd jenħtieġ li jkunu limitati.

(8)

Il-qafas finanzjarju pluriennali stabbiliti fir-Regolament (UE) xx/xx[6] jipprevedi li l-baġit tal-Unjoni jenħtieġ li jkompli jsostni s-sajd u l-politiki marittimi. Il-baġit tal-FEMS jeħtieġ jinżamm fl-istess livelli bħall-perjodu 2014-2020. Dan għandu jammonta għal EUR 6 400 000 000 . Ir-riżorsi tal-FEMS jenħtieġ li jinqasmu bejn il-ġestjoni kondiviża, il-ġestjoni diretta u l-ġestjoni indiretta. 90 % tal-baġit totali tal-FEMS ( EUR 5 760 000 000 ) jenħtieġ li jkunu allokati għall-appoġġ b’ġestjoni kondiviża u 10 % ( EUR 640 000 000 ) għall-appoġġ b’ġestjoni diretta u indiretta. Biex tkun żgurata l-istabbiltà, b’mod partikolari fejn għandu x’jaqsam mal-ksib tal-għanijiet tal-PKS, id-definizzjoni tal-allokazzjonijiet nazzjonali b’ġestjoni kondiviża għall-perjodu ta’ pproggrammar tal-2021 sal-2027 jenħtieġ li tkun ibbażata fuq l-ishma tal-FEMS tal-perjodu 2014 sal-2020. Jenħtieġ li jiġu riżervati ammonti speċifiċi għar-reġjuni ultraperifiċi, għall-kontroll u l-infurzar u għall-ġbir u l-ipproċessar tad-data kemm għall-ġestjoni tas-sajd kif ukoll għall-finijiet xjentifiċi, filwaqt li l-ammonti għall-waqfien permanenti u għall-waqfien straordinarju mill-attivitajiet tas-sajd jenħtieġ li jkunu limitati.

Raġuni

L-allokazzjoni tal-baġit għandha tkun fl-istess livell bħal qabel. Il-qasma 90/10 bejn ġestjoni kondiviża, diretta u indiretta għandha tinġieb lura (minflok is-86 % propost għal ġestjoni kondiviża).

Emenda 2

Premessa 10

Test propost mill-Kummissjoni Ewropea

Emenda tal-KtR

(10)

Jenħtieġ li l-FEMS ikun ibbażat fuq erba’ prijoritajiet: it-trawwim tas-sajd sostenibbli u l-konservazzjoni tar-riżorsi bijoloġiċi tal-baħar; il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli; il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu; it-tisħiħ tal-governanza tal-oċeani internazzjonali u b’hekk l-appoġġ ta’ ibħra u oċeani sikuri, indaf u ġestiti b’mod sostenibbli. Dawk il-prijoritajiet jenħtieġ li jiġu segwiti permezz tal-ġestjoni kondiviża, il-ġestjoni diretta u l-ġestjoni indiretta.

(10)

Raġuni

L-erba’ prijoritajiet għandhom jiġu milqugħa iżda l-enfasi fuq l-interessi tal-benefiċjajri trid tiġi sottolinjata b’mod iktar qawwi.

Emenda 3

Premessa 12a (ġdida)

Test propost mill-Kummissjoni Ewropea

Emenda tal-KtR

Il-FEMS għandu jikkontribwixxi wkoll għall-għanijiet l-oħrajn ta’ żvilupp sostenibbli (SDGs) tan-NU. B’mod partikolari, dan ir-Regolament għandu jieħu inkunsiderazzjoni l-għanijiet li ġejjin:

SDG 1. L-ebda faqar: il-FEMS, flimkien mal-FAEŻR, jikkontribwixxi lejn it-titjib tal-kundizzjonijiet tal-għajxien tal-komunitajiet kostali l-aktar fraġli, b’mod partikolari dawk li jiddependu fuq riżorsa unika ta’ sajd li hi vulnerabbi għas-sajd żejjed, it-tibdil globali jew problemi ambjentali.

SDG 3. Saħħa tajba u benesseri: il-FEMS, flimkien mal-FAEŻR, jikkontribwixxi għall-ġlieda kontra t-tniġġis tal-mases ta’ ilma kostali, li jwassal għal mard endemiku, u għandu jiżgura kwalità tajba tal-ikel mis-sajd u l-akkwakultura.

SDG 7. Enerġija nadifa: billi jiffinanzja l-ekonomija blu, il-FEMS, flimkien mal-fondi mmirati lejn l-Orizzont 2020, jippromovi l-użu tal-enerġiji rinnovabbli tal-baħar u għandu jiżgura li dan l-iżvilupp ikun kompatibbli mal-protezzjoni tal-ambjent tal-baħar u l-konservazzjoni tar-riżorsi tas-sajd.

SDG 8. Xogħol deċenti u tkabbir ekonomiku: il-FEMS, flimkien mal-FSE, jikkontribwixxi għall-iżvilupp tal-ekonomija blue, fattur ta’ tkabbir ekonomiku. Barra minn hekk, għandu jiżgura li dan it-tkabbir ekonomiku jkun sors ta’ impjieg deċenti għall-komunitajiet kostali. Barra minn hekk, il-FEMS għandu jikkontribwixxi għal titjib fil-kondizzjonijiet tax-xogħol tas-sajjieda.

SDG 12. Konsum u produzzjoni responsabbli: il-FEMS għandu jappoġġja t-tendenza lejn l-użu razzjonali tar-riżorsi naturali u li jiġi limitat il-ħela tar-riżorsi naturali u tal-enerġija.

SDG 13. Azzjoni klimatika: il-FEMS se jagħmel disponibbli parti mill-baġit tiegħu għall-mitigazzjoni tat-tibdil fil-klima.

Raġuni

L-Unjoni Ewropea taqdi rwol importanti fit-tiswir tal-Aġenda 2030 u hija impenjata li tagħti kontribut sinifikanti biex jintlaħqu s-17-il għan tagħha (Komunikazzjoni mill-Kummissjoni lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni tat-22 ta’ Novembru 2016 – COM (2016) 739).

Emenda 4

Premessa 26

Test propost mill-Kummissjoni Ewropea

Emenda tal-KtR

(26)

Minħabba l-isfidi li jeżistu biex jinkisbu l-għanijiet ta’ konservazzjoni tal-PKS, jenħtieġ li jkun possibbli li l-FEMS jappoġġa l-azzjonijiet ta’ ġestjoni tas-sajd u tal-flotot tas-sajd. F’dan il-kuntest, kultant għadu meħtieġ l-appoġġ għall-addattament ta’ ċerti segmenti tal-flotta u għal ċerti baċiri tal-baħar. Dan l-appoġġ jenħtieġ li jkun strettament immirat lejn il-konservazzjoni u l-isfruttament sostenibbli tar-riżorsi bijoloġiċi tal-baħar, u jkun immirat biex jikseb bilanċ bejn il-kapaċità tas-sajd u l-opportunitajiet tas-sajd disponibbli. Għalhekk, jenħtieġ li jkun possibbli li l-FEMS ikun jista’ jappoġġa l-waqfien permanenti mill-attivitajiet tas-sajd f’segmenti tal-flotta li fihom il-kapaċità tas-sajd ma tkunx proporzjonata mal-opportunitajiet tas-sajd disponibbli. Jenħtieġ li tali appoġġ ikun għodda tal-pjanijiet ta’ azzjoni għall-aġġustament tas-segmenti tal-flotta li jkollhom kapaċità strutturali żejda identifikata, kif previst fl-Artikolu 22(4) tar-Regolament (UE) Nru 1380/2013, u jenħtieġ li jkun implimentat billi jiġi skrappjat il-bastiment tas-sajd, inkella billi jiġi dekommissjonat u mmodifikat għal attivitajiet differenti. Jekk il-modifika retroattiva tkun se twassal biex ikun hemm aktar pressjoni tas-sajd rikreattiv fuq l-ekosistema tal-baħar, jenħtieġ li l-appoġġ jingħata biss jekk jikkonforma mal-PKS u mal-għanijiet tal-pjanijiet pluriennali rilevanti. Biex tkun żgurata l-konsistenza tal-addattament strutturali tal-flotta mal-għanijiet ta’ konservazzjoni, l-appoġġ għall-waqfien permanenti mill-attivitajiet tas-sajd jenħtieġ li jkun strettament b’kundizzjonijiet preċiżi u marbut mal-kisba tar-riżultati. Għalhekk jenħtieġ li dan jiġi implimentat biss b’“finanzjament mhux marbut mal-ispejjeż, kif previst fir-Regolament (UE) xx/xx (ir-Regolament li jistabbilixxi Dispożizzjonijiet Komuni). Skont dan il-mekkaniżmu, jenħtieġ li l-Istati Membri ma jiġux rimburżati mill-Kummissjoni għall-waqfien permanenti mill-attivitajiet tas-sajd skont l-ispejjeż reali li jkunu ġġarrbu, iżda skont li jiġu ssodisfati l-kundizzjonijiet u li jkunu nkisbu r-riżultati. Biex jintlaħaq dan l-għan, jenħtieġ li l-Kummissjoni tistabbilixxi f’att delegat tali kundizzjonijiet li jenħtieġ li jkunu marbutin mal-kisba tal-għanijiet ta’ konservazzjoni tal-PKS.

(26)

Minħabba l-isfidi li jeżistu biex jinkisbu l-għanijiet ta’ konservazzjoni tal-PKS, jenħtieġ li jkun possibbli li l-FEMS jappoġġa l-azzjonijiet ta’ ġestjoni tas-sajd u tal-flotot tas-sajd , kif imsemmi fir-rapport adottat mill-Parlament Ewropew dwar “il-ġestjoni tal-flotot tas-sajd fir-Reġjuni Ultraperiferiċi” . F’dan il-kuntest, kultant għadu meħtieġ l-appoġġ għall-addattament ta’ ċerti segmenti tal-flotta u għal ċerti baċiri tal-baħar. Dan l-appoġġ jenħtieġ li jkun strettament immirat lejn il-konservazzjoni u l-isfruttament sostenibbli tar-riżorsi bijoloġiċi tal-baħar, u jkun immirat biex jikseb bilanċ bejn il-kapaċità tas-sajd u l-opportunitajiet tas-sajd disponibbli. Għalhekk, jenħtieġ li jkun possibbli li l-FEMS ikun jista’ jappoġġa l-waqfien permanenti mill-attivitajiet tas-sajd f’segmenti tal-flotta li fihom il-kapaċità tas-sajd ma tkunx proporzjonata mal-opportunitajiet tas-sajd disponibbli. Jenħtieġ li tali appoġġ ikun għodda tal-pjanijiet ta’ azzjoni għall-aġġustament tas-segmenti tal-flotta li jkollhom kapaċità strutturali żejda identifikata, kif previst fl-Artikolu 22(4) tar-Regolament (UE) Nru 1380/2013, u jenħtieġ li jkun implimentat billi jiġi skrappjat il-bastiment tas-sajd, inkella billi jiġi dekommissjonat u mmodifikat għal attivitajiet differenti. Jekk il-modifika retroattiva tkun se twassal biex ikun hemm aktar pressjoni tas-sajd rikreattiv fuq l-ekosistema tal-baħar, jenħtieġ li l-appoġġ jingħata biss jekk jikkonforma mal-PKS u mal-għanijiet tal-pjanijiet pluriennali rilevanti. Biex tkun żgurata l-konsistenza tal-addattament strutturali tal-flotta mal-għanijiet ta’ konservazzjoni, l-appoġġ għall-waqfien permanenti mill-attivitajiet tas-sajd jenħtieġ li jkun strettament b’kundizzjonijiet preċiżi u marbut mal-kisba tar-riżultati. Għalhekk jenħtieġ li dan jiġi implimentat biss b’“finanzjament mhux marbut mal-ispejjeż, kif previst fir-Regolament (UE) xx/xx (ir-Regolament li jistabbilixxi Dispożizzjonijiet Komuni). Skont dan il-mekkaniżmu, jenħtieġ li l-Istati Membri ma jiġux rimburżati mill-Kummissjoni għall-waqfien permanenti mill-attivitajiet tas-sajd skont l-ispejjeż reali li jkunu ġġarrbu, iżda skont li jiġu ssodisfati l-kundizzjonijiet u li jkunu nkisbu r-riżultati. Biex jintlaħaq dan l-għan, jenħtieġ li l-Kummissjoni tistabbilixxi f’att delegat tali kundizzjonijiet li jenħtieġ li jkunu marbutin mal-kisba tal-għanijiet ta’ konservazzjoni tal-PKS.

Raġuni

Ir-rapport Rodust tal-Parlament Ewropew (A8-0138/2017) jipproponi li l-finanzjament pubbliku jiġi awtorizzat għat-tiġdid tal-flotot tas-sajd fir-reġjuni ultraperiferiċi.

Emenda 5

Premessa 28

Test propost mill-Kummissjoni Ewropea

Emenda tal-KtR

Is-sajd kostali artiġjanali huwa s-sajd b’bastimenti b’tul ta’ inqas minn 12-il metru u li ma jużawx irkaptu rmunkat. Dak is-settur jirrappreżenta kważi 75 % tal-bastimenti tas-sajd kollha rreġistrati fl-Unjoni u kważi nofs l-impjiegi kollha fis-settur tas-sajd. L-operaturi tas-sajd kostali artiġjanali jiddependu b’mod partikolari fuq stokkijiet tal-ħut b’saħħithom għad-dħul ewlieni tagħhom. Għalhekk, jenħtieġ li l-FEMS jagħtihom trattament preferenzjali permezz ta’ rata ta’ intensità tal-għajnuna ta’ 100 %, anki għall-operazzjonijiet marbuta mal-kontroll u l-infurzar, biex jinkoraġġixxi l-prattiki tas-sajd sostenibbli. Barra minn hekk, ċerti oqsma ta’ appoġġ jenħtieġ li jkunu rriżervati għas-sajd artiġjanali fis-segmenti tal-flotta fejn il-kapaċità tas-sajd tkun f’bilanċ mal-opportunitajiet tas-sajd disponibbli, jiġifieri l-appoġġ tax-xiri ta’ bastimenti użati u tat-tibdil jew il-modernizzazzjoni tal-magni tal-bastimenti . Barra minn hekk, l-Istati Membri jeħtiġilhom jinkludu fil-programm tagħhom pjan ta’ azzjoni għas-sajd kostali artiġjanali, li jenħtieġ li jiġi ssorveljat skont l-indikaturi, li jridu jiffissaw stadji importanti u miri għalihom.

Is-sajd kostali artiġjanali huwa s-sajd b’bastimenti b’tul ta’ inqas minn 12-il metru u li ma jużawx irkaptu rmunkat , u jinkludi s-sajd u l-ġbir tal-frott tal-baħar bil-mixi . Dak is-settur jirrappreżenta kważi 75 % tal-bastimenti tas-sajd kollha rreġistrati fl-Unjoni u kważi nofs l-impjiegi kollha fis-settur tas-sajd. L-operaturi tas-sajd kostali artiġjanali jiddependu b’mod partikolari fuq stokkijiet tal-ħut b’saħħithom għad-dħul ewlieni tagħhom. Għalhekk, jenħtieġ li l-FEMS jagħtihom trattament preferenzjali permezz ta’ rata ta’ intensità tal-għajnuna ta’ 100 %, anki għall-operazzjonijiet marbuta mal-kontroll u l-infurzar, biex jinkoraġġixxi l-prattiki tas-sajd sostenibbli. Barra minn hekk, ċerti oqsma ta’ appoġġ jenħtieġ li jkunu rriżervati għas-sajd artiġjanali fis-segmenti tal-flotta fejn il-kapaċità tas-sajd tkun f’bilanċ mal-opportunitajiet tas-sajd disponibbli, jiġifieri l-appoġġ tax-xiri ta’ bastimenti użati jew il-bini ta’ wieħed ġdid mingħajr ma jiżdiedu l-kapaċità jew l-isforz tas-sajd . Barra minn hekk, l-Istati Membri jeħtiġilhom jinkludu fil-programm tagħhom pjan ta’ azzjoni għas-sajd kostali artiġjanali, li jenħtieġ li jiġi ssorveljat skont l-indikaturi, li jridu jiffissaw stadji importanti u miri għalihom.

Raġuni

Ir-Regolament tal-FEMS huwa mmirat biex jipparteċipa fil-politika tal-UE dwar il-ġlieda kontra t-tisħin globali (premessa 13). Is-sostituzzjoni ta’ magni ta’ propulsjoni u awżiljarji fuq il-bastimenti hija waħda mill-ftit miżuri li jikkontribwixxu għal dan l-objettiv, b’mod partikolari permezz tal-użu ta’ teknoloġiji ġodda u għalhekk m’għandhiex tillimita s-sajd kostali fuq skala żgħira. Is-sajd mix-xatt għandu jiġi kkunsidrat bħala sajd kostali fuq skala żgħira u bastimenti ġodda jgħinu biex jitħaffer it-tiġdid tal-flotta tas-sajd Ewropea.

Emenda 6

Premessa 29

Test propost mill-Kummissjoni Ewropea

Emenda tal-KtR

(29)

Kif hemm deskritt fil-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, lill-Kumitat tar-Reġjuni u lill-Bank Ewropew tal-Investiment, tal-24 ta’ Ottubru 2017 bit-titolu “Sħubija strateġika aktar b’saħħitha u mġedda mar-reġjuni ultraperiferiċi tal-UE” ir-reġjuni ultraperifiċi jiffaċċaw sfidi speċifiki minħabba li huma reġjuni mbiegħda, u minħabba t-topografija u l-klima, kif imsemmi fl-Artikolu 349 tat-Trattat, u għandhom ukoll vantaġġi speċifiċi li bihom jistgħu jiżviluppaw ekonomija blu sostenibbli. Għalhekk, għal kull reġjun ultraperiferiku, jenħtieġ li jinthemeż pjan ta’ azzjoni għall-iżvilupp ta’ setturi sostenibbli tal-ekonomija blu, inkluż l-isfruttar sostenibbli tas-sajd u l-akkwakultura, mal-programm tal-Istati Membri kkonċernati, u jenħtieġ li tkun riżervata allokazzjoni finanzjarja biex issostni l-implimentazzjoni ta’ dawn il-pjanijiet ta’ azzjoni. Jenħtieġ li l-FEMS jappoġġa wkoll il-kumpens tal-ispejjeż addizzjonali li jġarrbu r-reġjuni ultraperifiċi minħabba l-pożizzjoni u l-insularità tagħhom. Dak l-appoġġ jenħtieġ li jkun limitat għal perċentwal ta’ din l-allokazzjoni finanzjarja ġenerali. Barra minn hekk, għandhom ikunu previsti dispożizzjonijiet speċifiċi li jippermettu lill-FEMS jappoġġja operazzjonijiet f’dawn ir-reġjuni li huma mmirati lejn il-protezzjoni u r-restawr ta’ ekosistemi u tal-bijodiversità tal-baħar u kostali, investimenti fil-flotta tas-sajd u investimenti produttivi fl-akkwakultura u l-industrija tal-ipproċessar. Fir-rigward tal-investimenti fil-flotta tas-sajd, il-FEMS għandu jappoġġja miżuri speċifiċi għal dawn ir-reġjuni, fejn iqis l-ispeċifiċitajiet u l-kondizzjonijiet ġeografiċi tagħhom, u jiżgura bilanċ sostenibbli bejn il-kapaċità tas-sajd u l-opportunitajiet tas-sajd, f’konformità mar-riżoluzzjoni tal-Parlament Ewropew dwar il-ġestjoni tal-flotot tas-sajd fir-reġjuni ultraperifieriċi. Barra minn hekk jenħtieġ li tiġi applikata rata ta’ intensità ta’ għajnuna ogħla fir-reġjuni ultraperifiċi minn dik li tapplika għal operazzjonijiet oħrajn.

Raġuni

Il-persentaġġ ta’ għajnuna allokati għall-kumpens ta’ spejjeż addizzjonali fir-reġjuni ultraperiferiċi jrid jibqa’ limitat. Min-naħa l-oħra, il-fraġilità tas-sitwazzjoni strutturali soċjali u ekonomika tar-reġjuni ultraperiferiċi kif ukoll l-għan tal-promozzjoni tal-iżvilupp ta’ dawn ir-reġjuni u tal-iżgurar ta’ bilanċ u ta’ opportunitajiet ugwali madwar ir-reġjuni kollha tal-UE jiġġustifika miżuri speċjali.

Emenda 7

Premessa 32

Test propost mill-Kummissjoni Ewropea

Emenda tal-KtR

(32)

Jenħtieġ li jkun possibbli li l-FEMS ikun jista’ jappoġġa l-promozzjoni u l-iżvilupp sostenibbli tal-akkwakultura, inkluża l-akkwakultura tal-ilma ħelu, għat-trobbija ta’ annimali u pjanti akkwatiċi biex jiġu prodotti l-ikel u materja prima oħra. F’xi Stati Membri għad hemm proċeduri amministrattivi kumplessi, bħal ostakli biex wieħed jikseb l-ispazju, u proċeduri peżanti biex jinkisbu l-liċenzji, li jagħmluha diffiċli għas-settur itejjeb l-idea pubblika tal-frott tal-baħar imrobbi, u biex jagħmlu aktar kompetittiv. Jenħtieġ li l-appoġġ ikun konsistenti mal-pjanijiet strateġiċi pluriennali nazzjonali żviluppati abbażi tar-Regolament (UE) Nru 1380/2013. B’mod partikolari jenħtieġ li jkunu eliġibbli, l-appoġġ għas-sostenibbiltà ambjentali, għall-investimenti li jiġġeneraw id-dħul, għall-innovazzjoni, għall-ksib ta’ ħiliet professjonali, għat-titjib tal-kundizzjonijiet tax-xogħol, miżuri ta’ kumpens li jipprovdu servizzi ta’ importanza kritika ta’ ġestjoni tal-art u tan-natura. Jenħtieġ li jkunu eliġibbli wkoll azzjonijiet tas-saħħa pubblika, skemi ta’ assigurazzjoni tal-istokkijiet tal-akkwakultura u azzjonijiet b’rabta mas-saħħa u t-trattament xieraq tal-annimali. Iżda fil-każ tal-investimenti li jiġġeneraw id-dħul, jenħtieġ li l-appoġġ jingħata biss permezz ta’ strumenti finanzjarji u l-InvestEU, li joffru aktar ingranaġġ fis-swieq u għaldaqstant huma iżjed rilevanti mill-għotjiet biex jindirizzaw l-isfidi finanzjarji tas-settur.

(32)

Jenħtieġ li jkun possibbli li l-FEMS ikun jista’ jappoġġa l-promozzjoni u l-iżvilupp sostenibbli tal-akkwakultura, inkluża l-akkwakultura tal-ilma ħelu, għat-trobbija ta’ annimali u pjanti akkwatiċi biex jiġu prodotti l-ikel u materja prima oħra. F’xi Stati Membri għad hemm proċeduri amministrattivi kumplessi, bħal ostakli biex wieħed jikseb l-ispazju, u proċeduri peżanti biex jinkisbu l-liċenzji, li jagħmluha diffiċli għas-settur itejjeb l-idea pubblika tal-frott tal-baħar imrobbi, u biex jagħmlu aktar kompetittiv. Jenħtieġ li l-appoġġ ikun konsistenti mal-pjanijiet strateġiċi pluriennali nazzjonali żviluppati abbażi tar-Regolament (UE) Nru 1380/2013. B’mod partikolari jenħtieġ li jkunu eliġibbli, l-appoġġ għas-sostenibbiltà ambjentali, għall-investimenti li jiġġeneraw id-dħul, għall-innovazzjoni, għall-ksib ta’ ħiliet professjonali, għat-titjib tal-kundizzjonijiet tax-xogħol, miżuri ta’ kumpens li jipprovdu servizzi ta’ importanza kritika ta’ ġestjoni tal-art u tan-natura. Jenħtieġ li jkunu eliġibbli wkoll azzjonijiet tas-saħħa pubblika, skemi ta’ assigurazzjoni tal-istokkijiet tal-akkwakultura u azzjonijiet b’rabta mas-saħħa u t-trattament xieraq tal-annimali. Iżda fil-każ tal-investimenti li jiġġeneraw id-dħul, u bl-eċċezzjoni tal-investimenti fir-reġjuni ultraperiferiċi, jenħtieġ li l-appoġġ jingħata biss permezz ta’ strumenti finanzjarji u l-InvestEU, li joffru aktar ingranaġġ fis-swieq u għaldaqstant huma iżjed rilevanti mill-għotjiet biex jindirizzaw l-isfidi finanzjarji tas-settur.

Raġuni

L-Artikolu 349 TFUE jippermetti l-adozzjoni ta’ miżuri speċifiċi għar-reġjuni ultraperiferiċi. Minħabba l-prestazzjoni dgħajfa ta’ kumpaniji li jinsabu fir-reġjuni ultraperiferiċi, huwa importanti li kull forma ta’ appoġġ għan-negozji tibqa’ eliġibbli sabiex jiġi inkoraġġit l-investiment produtti f’dawnir-reġjuni.

Emenda 8

Premessa 34

Test propost mill-Kummissjoni Ewropea

Emenda tal-KtR

(34)

L-industrija tal-ipproċessar għandha rwol fid-disponibbiltà u fil-kwalità tal-prodotti tas-sajd u tal-akkwakultura. Jenħtieġ li l-FEMS ikun jista’ jappoġġa l-investiment iffukat f’dik l-industrija, dment li dan l-investiment jgħin biex jintlaħqu l-għanijiet tal-organizzazzjoni komuni tas-swieq. Dan l-appoġġ jenħtieġ li jingħata biss permezz ta’ strumenti finanzjarji u permezz tal-InvestEU u mhux permezz ta’ għotjiet.

(34)

L-industrija tal-ipproċessar għandha rwol fid-disponibbiltà u fil-kwalità tal-prodotti tas-sajd u tal-akkwakultura. Jenħtieġ li l-FEMS ikun jista’ jappoġġa l-investiment iffukat f’dik l-industrija, dment li dan l-investiment jgħin biex jintlaħqu l-għanijiet tal-organizzazzjoni komuni tas-swieq. Bl-eċċezzjoni tal-investimenti fir-reġjuni ultraperiferiċi, dan l-appoġġ jenħtieġ li jingħata biss permezz ta’ strumenti finanzjarji u permezz tal-InvestEU u mhux permezz ta’ għotjiet.

Raġuni

Emenda 9

Artikolu 3

Test propost mill-Kummissjoni Ewropea

Emenda tal-KtR

2 ….

2. …

(16)	“inċident ambjentali” tfisser fenomenu li jinvolvi inċident ta’ oriġini naturali jew umani li jwassal għal degradazzjoni ambjentali.”

(17)	“sajjied tal-akkwakultura” tfisser kwalunkwe persuni li twettaq l-attività tiegħu jew tagħha fil-qasam tal-akkwakultura professjonali kif rikonoxxut mill-Istat Membru, abbord ta’ bastimenti tal-akkwakultura, jew li jwettaq attivitajiet ta’ akkwakultura professjonali mingħajr l-użu ta’ bastiment;

(18)	“sajd kostali lejn ix-xatt” tfisser attività tas-sajd professjonali mwettqa minn bastimenti tas-sajd b’tul ta’ inqas minn 24 metru, fil-baħar territorjali, u bi vjaġġi ta’ inqas minn 24 siegħa.

Raġuni

Il-kunċett ta’ inċident ambjentali, użat fl-Artikolu 18(1)(d) m’huwiex iddefinit. Għandu jiġi definiti sabiex dan il-kunċett ma jkunx soġġett għal interpretazzjoni jew ta’ ħafna talbiet għal preċiżjonijiet lill-Kumitat.

Huwa neċessarju li tiġi inkluża d-definizzjoni ta’ “sajjied tal-akkwakultura” fl-Artikolu 3 sabiex jiġi determinat l-ambitu ta’ dawn l-attivitajiet professjonali. It-terminu “sajd kostali lejn ix-xatt” għandu jiġi inkluż ukoll, billi din hija l-attività predominanti fil-Mediterran bi vjaġġi ta’ jum biss.

Emenda 10

Artikolu 4

Test propost mill-Kummissjoni Ewropea

Emenda tal-KtR

Prijoritajiet

Il-FEMS għandu jikkontribwixxi għall-implimentazzjoni tal-PKS u tal-politika marittima. Għandu jsegwi l-prijortitajiet li ġejjin:

(1)	il-promozzjoni tas-sajd sostenibbli u l-konservazzjoni tar-riżorsi bijoloġiċi tal-baħar;

(1)	il-promozzjoni tas-sajd sostenibbli u l-konservazzjoni tar-riżorsi bijoloġiċi tal-baħar;

(2)	il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli;

(2)	il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli;

(3)	il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu;

(3)	il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu;

(4)	it-tisħiħ tal-governanza internazzjonali tal-oċeani u l-promozzjoni ta’ ibħra u oċeani sikuri, indaf u ġestiti b’mod sostenibbli.

(4)	it-tisħiħ tal-governanza internazzjonali tal-oċeani u l-promozzjoni ta’ ibħra u oċeani sikuri, indaf u ġestiti b’mod sostenibbli.

L-appoġġ fil-kuntest tal-FEMS għandu jikkontribwixxi biex jinkisbu l-għanijiet ambjentali tal-Unjoni, u dawk ta’ mitigazzjoni tat-tibdil fil-klima u tal-addattament għalih , inkluż l-appoġġ għall-implimentazzjoni ta’ proġetti li jtejbu ż-żoni ta’ riproduzzjoni għal ħut ta’ età żgħira, skont id-Direttivai Qafas dwar l-Ilma (2000/60/KE) . Din il-kontribuzzjoni għandha tiġi rintraċċata skont il-metodoloġija stabbilita fl-Anness IV.

Raġuni

L-objettiv tal-Fond għandu jkomplu jkun dak li jiżgura li l-ekoloġizzazzjoni tkun marbuta iktar mill-qrib mas-sostenibilità ambjentali, inkluż titjib fil-passaġġi tal-ilma bħala żoni ta’ riproduzzjoni għall-ħut.

Emenda 11

Artikolu 9

Test propost mill-Kummissjoni Ewropea

Emenda tal-KtR

3. Minbarra l-elementi msemmija fl-Artikolu 17 tar-Regolament (UE) xx/xx (ir-Regolament li jistabbilixxi Dispożizzjonijiet Komuni), il-programm operattiv għandu jinkludi:

(a)	analiżi tas-sitwazzjoni f’termini tal-preġji, id-dgħufijiet, l-opportunitajiet u t-theddid u l-identifikazzjoni tal-ħtiġijiet li għandhom jiġu indirizzati fiż-żona ġeografika, inklużi fejn rilevanti, il-baċiri tal-baħar, koperti mill-programm;

(a)	analiżi tas-sitwazzjoni f’termini tal-preġji, id-dgħufijiet, l-opportunitajiet u t-theddid u l-identifikazzjoni tal-ħtiġijiet li għandhom jiġu indirizzati fiż-żona ġeografika, inklużi fejn rilevanti, il-baċiri tal-baħar, koperti mill-programm;

(b)	il-pjan ta’ azzjoni għas-sajd kostali artiġjanali msemmi fl-Artikolu 15;

(b)	il-pjan ta’ azzjoni għas-sajd kostali artiġjanali msemmi fl-Artikolu 15;

(c)	fejn japplika, il-pjanijiet ta’ azzjoni għar-reġjuni ultraperiferiċi msemmijin fil-paragrafu 4.

(c)	fejn japplika, il-pjanijiet ta’ azzjoni għar-reġjuni ultraperiferiċi msemmijin fil-paragrafu 4;

(d)	fejn japplika, il-pjan ta’ azzjoni jew programm operattiv reġjonali għall-awtoritajiet sottonazzjonali kompetenti dwar is-sajd u l-affarijiet marittimi.

…

6. Il-Kummissjoni għandha tivvaluta l-programm skont l-Artikolu 18 tar-Regolament (UE) xx/xx (ir-Regolament li jistabbilixxi Dispożizzjonijiet Komuni). F’din il-valutazzjoni għandha tqis, b’mod partikolari:

(a)	it-tkabbir kemm jista’ jkun tal-kontribut tal-programm għall-prijoritajiet imsemmijin fl-Artikolu 4;

(a)	it-tkabbir kemm jista’ jkun tal-kontribut tal-programm għall-prijoritajiet imsemmijin fl-Artikolu 4;

(b)	il-bilanċ bejn il-kapaċità tas-sajd tal-flotot u l-opportunitajiet tas-sajd disponibbli, kif ikunu ġew irrappurtati kull sena mill-Istati Membri bi qbil mal-Artikolu 22(2) tar-Regolament(UE) Nru 1380/2013;

(b)	il-bilanċ bejn il-kapaċità tas-sajd tal-flotot u l-opportunitajiet tas-sajd disponibbli, kif ikunu ġew irrappurtati kull sena mill-Istati Membri bi qbil mal-Artikolu 22(2) tar-Regolament(UE) Nru 1380/2013;

(c)

fejn japplika, il-pjanijiet pluriennali ta’ ġestjoni adottati skont l-Artikoli 9 u 10 tar-Regolament (UE) Nru 1380/2013, il-pjanijiet ta’ ġestjoni adottati skont l-Artikolu 19 tar-Regolament tal-Kunsill (KE) Nru 1967/2006, u r-rakkomandazzjonijiet tal-organizzazzjonijiet reġjonali tal-ġestjoni tas-sajd, fejn japplika għall-Unjoni;

(c)

(d)	l-implimentazzjoni tal-obbligu ta’ ħatt l-art imsemmi fl-Artikolu 15 tar-Regolament (UE) Nru 1380/2013;

(d)	l-implimentazzjoni tal-obbligu ta’ ħatt l-art imsemmi fl-Artikolu 15 tar-Regolament (UE) Nru 1380/2013;

(e)	l-evidenza l-aktar riċenti dwar il-prestazzjoni soċjoekonomika tal-ekonomija blu sostenibbli, u b’mod partikolari tas-settur tas-sajd u l-akkwakultura;

(e)	il-kontribut soċjoekonomiku mistenni tal-programm lejn ekonomija blu sostenibbli, u b’mod partikolari tas-settur tas-sajd u l-akkwakultura;

(f)	fejn japplika, l-analiżi msemmija fil-paragrafu 5;

(f)	fejn japplika, l-analiżi msemmija fil-paragrafu 5;

(g)	il-kontribut tal-programm għall-konservazzjoni u r-restawr tal-ekosistemi tal-baħar, filwaqt li l-appoġġ b’rabta man-Natura 2000 għandu jkun skont l-oqfsa ta’ azzjoni prijoritarizzati stabbiliti skont l-Artikolu 8(4) tad-Direttiva 92/43/KEE;

(g)	il-kontribut tal-programm għall-konservazzjoni u r-restawr tal-ekosistemi tal-baħar, filwaqt li l-appoġġ b’rabta man-Natura 2000 għandu jkun skont l-oqfsa ta’ azzjoni prijoritarizzati stabbiliti skont l-Artikolu 8(4) tad-Direttiva 92/43/KEE;

(h)	il-kontribut tal-programm għat-tnaqqis tal-iskart fil-baħar, bi qbil mad-Direttiva xx/xx tal-Parlament Ewropew u tal-Kunsill (id-Direttiva dwar it-tnaqqis tal-impatt ta’ ċerti prodotti tal-plastik fuq l-ambjent)

(h)	il-kontribut tal-programm għat-tnaqqis tal-iskart fil-baħar, bi qbil mad-Direttiva xx/xx tal-Parlament Ewropew u tal-Kunsill (id-Direttiva dwar it-tnaqqis tal-impatt ta’ ċerti prodotti tal-plastik fuq l-ambjent)

(i)	il-kontribut tal-programm għall-mitigazzjoni tat-tibdil fil-klima u l-adattament għalih.

(i)	il-kontribut tal-programm għall-mitigazzjoni tat-tibdil fil-klima u l-adattament għalih.

Raġuni

3(d)	Jekk l-Istati Membri jiżviluppaw programmi operattivi reġjonali, jekk ikunu jixtiequ, fil-qafas tal-programmazzjoni nazzjonali għar-reġjuni kompetenti fil-qasam, dan ikun jippermetti nefqa aktar intelliġenti u strateġiji reġjonali ta’ speċjalizzazzjoni fil-qafas tal-pakkett tal-FEMS.

6(e)	Fl-evalwazzjoni tagħha tal-programmi tal-Istati, il-Kummissjoni m’għandhiex sempliċement tieħu inkunsiderazzjoni d-data iżda għandha tapprezza wkoll il-kontribut soċjoekonomiku tal-miżuri proposti.

Emenda 12

Artikolu 12

Test propost mill-Kummissjoni Ewropea

Emenda tal-KtR

Kull applikazzjoniji li titressaq minn benefiċjarju għall-appoġġ mill-FEMS għandha tkun inammissibbli għall-perjodu ta’ żmien identifikat stabbilit skont il-paragrafu 4, jekk ikun ġie ddeterminat mill-awtorità kompetenti li l-operatur ikkonċernat:

(a)	ikun għamel ksur serju skont l-Artikolu 42 tar-Regolament tal-Kunsill (KE) Nru 1005/2008 jew l-Artikolu 90 tar-Regolament tal-Kunsill (KE) Nru 1224/2009 jew skont xi leġiżlazzjoni oħra adottata mill-Parlament Ewropew u mill-Kunsill ;

(a)	ikun għamel ksur serju skont l-Artikolu 42 tar-Regolament tal-Kunsill (KE) Nru 1005/2008 jew l-Artikolu 90 tar-Regolament tal-Kunsill (KE) Nru 1224/2009;

(b)

kien involut fl-operazzjoni, fil-ġestjoni jew fis-sjieda ta’ bastimenti tas-sajd inklużi fil-lista ta’ bastimenti IUU tal-Unjoni kif hemm stipulat fl-Artikolu 40(3) tar-Regolament (KE) Nru 1005/2008, jew ta’ bastimenti bil-bandiera ta’ pajjiżi identifikati bħala pajjiżi terzi li ma jikkooperawx kif stipulat fl-Artikolu 33 ta’ dak ir-Regolament; jew

(b)

(c)	wettaq xi reat(i) ambjentali stabbilit(i) fl-Artikoli 3 u 4 tad-Direttiva 2008/99/KE tal-Parlament Ewropew u tal-Kunsill , fejn issir applikazzjoni għall-appoġġ skont l-Artikolu 23 .

(c)	wettaq xi reat(i) ambjentali stabbilit(i) fl-Artikoli 3 u 4 tad-Direttiva 2008/99/KE tal-Parlament Ewropew u tal-Kunsill.

Raġuni

(a)	Ir-Regolamenti (KE) Nru 1005/2008 u (KE) Nru 1224/2009 jipprovdu lista eżawrjenti ta’ ksur serju. Ma jidhirx xieraq li din il-lista tiġi estiża.

(c)

Il-FEMS jista’ jintuża għall-finanzjament tal-akkwakultura, tas-sajd u tal-ekonomija blu. L-ebda benefiċjarju ma għandu jiġi ffinanzjat mill-FEMS jekk ikun ħati ta’ ksur serju tad-dispożizzjonijiet tal-liġi Komunitarja dwar il-protezzjoni tal-ambjent. L-akkwakultura ma għandhiex tkun l-unika attività kkonċernata minn din ir-regola.

Emenda 13

Artikolu 13

Test propost mill-Kummissjoni Ewropea

Emenda tal-KtR

L-operazzjonijiet li ġejjin ma għandhomx ikunu eliġibbli skont il-FEMS:

(a)	operazzjonijiet li jżidu l-kapaċità tas-sajd ta’ bastiment jew li jsostnu l-akkwist ta’ tagħmir li jżid il-kapaċità tal-bastiment biex isib il-ħut;

(a)	operazzjonijiet li jżidu l-kapaċità tas-sajd ta’ bastiment jew li jsostnu l-akkwist ta’ tagħmir li jżid il-kapaċità tal-bastiment biex isib il-ħut;

(b)	il-bini u l-akkwist ta’ bastimenti tas-sajd jew l-importazzjoni ta’ bastimenti tas-sajd jekk ma jkunx hemm previst mod ieħor f’dan ir-Regolament;

(b)	il-bini u l-akkwist ta’ bastimenti tas-sajd jew l-importazzjoni ta’ bastimenti tas-sajd jekk ma jkunx hemm previst mod ieħor f’dan ir-Regolament;

(c)	it-trasferiment jew il-bdil tal-bandiera ta’ bastimenti tas-sajd lil pajjiżi terzi, lanqas permezz tal-ħolqien ta’ negozju bi sħab ma’ persuni minn dawk il-pajjiżi;

(c)	it-trasferiment jew il-bdil tal-bandiera ta’ bastimenti tas-sajd lil pajjiżi terzi, lanqas permezz tal-ħolqien ta’ negozju bi sħab ma’ persuni minn dawk il-pajjiżi;

(d)	il-waqfien temporanju jew permanenti tal-attivitajiet tas-sajd, sakemm ma jkunx previst mod ieħor f’dan ir-Regolament;

(d)	il-waqfien temporanju jew permanenti tal-attivitajiet tas-sajd, sakemm ma jkunx previst mod ieħor f’dan ir-Regolament;

(e)	is-sajd esploratorju;

(e)	is-sajd esploratorju;

(f)	it-trasferiment tas-sjieda ta’ negozju;

(f)	it-trasferiment tas-sjieda ta’ negozju;

(g)	ir-ripopolazzjoni diretta, dment li dan ma jkunx previst b’mod espliċitu bħala miżura ta’ konservazzjoni minn att legali tal-Unjoni jew fil-każ ta’ ripopolazzjoni sperimentali;

(g)	ir-ripopolazzjoni diretta, dment li dan ma jkunx previst b’mod espliċitu bħala miżura ta’ konservazzjoni minn att legali tal-Unjoni jew fil-każ ta’ ripopolazzjoni sperimentali;

(h)	il-kostruzzjoni ta’ portijiet ġodda, ta’ siti ta’ żbark ġodda jew ta’ swali tal-irkant ġodda;

(h)	il-kostruzzjoni ta’ portijiet ġodda, ta’ siti ta’ żbark ġodda jew ta’ swali tal-irkant ġodda , barra mir-reġjuni ultraperiferiċi ;

(i)

mekkaniżmi ta’ intervent fis-suq li l-għan tagħhom ikun li jirtiraw il-prodotti tas-sajd jew tal-akkwakultura mis-suq b’mod temporanju jew permanenti biex tonqos il-provvista ħalli ma jinżilx il-prezz jew biex jogħla l-prezz; u bi tkomplija ma’ dan, operazzjonijiet ta’ ħżin f’katina loġistika li toħloq l-istess effetti, kemm jekk dan ikun intenzjonat, kif ukoll jekk ma jkunx;

(i)

(j)	l-investiment abbord bastimenti tas-sajd li jkunu meħtieġa għall-konformità mar-rekwiżiti skont il-leġiżlazzjoni tal-Unjoni jew nazzjonali, inklużi r-rekwiżiti skont l-obbligi tal-Unjoni fil-kuntest tal-organizzazzjonijiet reġjonali tal-ġestjoni tas-sajd;

(j)	l-investiment abbord bastimenti tas-sajd li jkunu meħtieġa għall-konformità mar-rekwiżiti skont il-leġiżlazzjoni tal-Unjoni jew nazzjonali, inklużi r-rekwiżiti skont l-obbligi tal-Unjoni fil-kuntest tal-organizzazzjonijiet reġjonali tal-ġestjoni tas-sajd;

(k)	l-investiment abbord il-bastimenti tas-sajd li jkunu ilhom iwettqu attivitajiet tas-sajd fil-baħar għal inqas minn 60 jum kull sena matul l-aħħar sentejn kalendarji ta’ qabel id-data li fiha tkun tressqet l-applikazzjoni għall-appoġġ.

(k)	l-investiment abbord il-bastimenti tas-sajd li jkunu ilhom iwettqu attivitajiet tas-sajd fil-baħar għal inqas minn 60 jum kull sena matul l-aħħar sentejn kalendarji ta’ qabel id-data li fiha tkun tressqet l-applikazzjoni għall-appoġġ;

(l)	it-tibdil jew l-immodernizzar tal-magna prinċipali jew awżiljari tal-bastiment jekk dan jirriżulta f’żieda ta’ kapaċità f’kW;

(m)	il-produzzjoni ta’ organiżmi modifikati ġenetikament.

Raġuni

(h)	Ir-reġjuni ultraperiferiċi għad m’għandhomx l-infrastruttura meħtieġa biex il-prodott tas-sajd jinħatt u jinbiegħ f’kundizzjonijiet ta’ iġjene u ta’ sikurezza aċċettabbli.

(l)	Il-bidla ta’ magna ta’ propulsjoni jew awżiljarji ma jistax ikollha l-effett li żżid il-qawwa tal-bastiment u konsegwentement l-isforz tas-sajd.

(m)	Billi l-ambjent tal-baħar huwa ambjent miftuħ, il-produzzjoni ta’ organiżmi modifikati ġenetikament toħloq riskju ta’ tixrid.

Emenda 14

Artikolu 15

Test propost mill-Kummissjoni Ewropea	Emenda tal-KtR
	4. Sabiex jittaffa l-piż amministrattiv fuq membri tas-settur marittimu u tas-sajd li qed jitolbu għajnuna, għandha tiġi inkluża fil-pjanijiet ta’ azzjoni formola unika ta’ applikazzjoni simplifikata għal miżuri taħt il-FEMS.

Raġuni

Għall-kuntrarju tal-impriżi tas-sajd, is-sajjieda artiġjanali fil-biċċa l-kbira tagħhom huma persuni fiżiċi li ma jkollhomx il-kapaċità amministrattiva li jimlew formoli ta’ applikazzjoni kumplessi. Formola ta’ applikazzjoni unika simplifikata għandha ttejjeb b’mod sinifikanti l-opportunitajiet tagħhom ta’ aċċess għall-finanzjament.

Emenda 15

Artikolu 16

Test propost mill-Kummissjoni Ewropea

Emenda tal-KtR

1. Il-FEMS jista’ jappoġġa l-investimenti li ġejjin f’dak li għandu x’jaqsam mal-bastimenti tas-sajd artiġjanali li huma parti minn segment tal-flotta li dwaru l-aħħar rapport tal-kapaċità ta’ sajd, imsemmi fl-Artikolu 22(2) tar-Regolament(UE) Nru 1380/2013, ikun wera bilanċ mal-opportunitajiet tas-sajd disponibbli għal dak is-segment:

(a)	l-ewwel akkwist ta’ bastiment tas-sajd minn sajjied żagħżugħ li, meta jressaq l-applikazzjoni jkun għadu ma għalaqx l-40 sena u li jkun ilu jaħdem ta’ sajjied għal mill-inqas ħames snin jew ikun kiseb kwalifika professjonali xierqa;

(a)	l-ewwel akkwist ta’ bastiment tas-sajd minn sajjied li, meta jressaq l-applikazzjoni , ikun ilu jaħdem ta’ sajjied għal mill-inqas ħames snin jew ikun kiseb kwalifika professjonali xierqa;

(b)	is-sostituzzjoni jew il-modernizzazzjoni ta’ magna prinċipali jew anċillari.

(b)	is-sostituzzjoni jew il-modernizzazzjoni ta’ magna prinċipali jew anċillari b’teknoloġiji ġodda li jnaqqsu l-marka tal-karbonju .

2. Il-bastimenti msemmijin fil-paragrafu 1 għandhom ikunu mgħammra għas-sajd fuq il-baħar u jkollhom bejn ħames snin u 30 sena .

2. Il-bastimenti msemmijin fil-paragrafu 1 (a) għandhom ikunu mgħammra għas-sajd fuq il-baħar u jkollhom inqas minn 20 sena .

3. L-appoġġ imsemmi fil-paragrafu 1(b) jista’ jingħata biss taħt il-kundizzjonijiet li ġejjin:

il-magna l-ġdida jew modernizzata ma għandhiex ikollha aktar potenza mill-magna attwali f’kW;

kull tnaqqis fil-kapaċità tas-sajd f’kW minħabba s-sostituzzjoni jew il-modernizzazzjoni ta’ magna prinċipali jew anċillari għandu jitħassar b’mod permanenti mir-reġistru tal-flotta tas-sajd tal-Unjoni;

il-potenza tal-magna tal-bastiment tas-sajd għandha tkun spezzjonata b’mod fiżiku mill-Istat Membru biex jiżgura li l-magna ma għandhiex aktar potenza minn dik iddikjarata fil-liċenzja tas-sajd.

3. Il-bastimenti msemmijin fil-paragrafu 1(b) għandhom ikunu mgħammra għas-sajd fuq il-baħar u jkollhom bejn ħames snin u 30 sena.

4. Ma għandux jingħata appoġġ skont dan l-Artikolu jekk il-valutazzjoni tal-bilanċ bejn il-kapaċità tas-sajd u l-opportunitajiet tas-sajd fl-aħħar rapport imsemmi fl-Artikolu 22(2) tar-Regolament (UE) Nru 1380/2013 dwar is-segment tal-flotta li jiffurmaw parti minnu l-bastimenti kkonċernati, ma jkunx tħejja abbażi tal-indikaturi bioloġiċi, ekonomiċi u tal-użu tal-bastiment stabbiliti fil-linji gwida komuni msemmijin f’dak ir-Regolament.

4. L-appoġġ imsemmi fil-paragrafu 1(b) jista’ jingħata biss taħt il-kundizzjonijiet li ġejjin:

(a)	il-magna l-ġdida jew modernizzata ma għandhiex ikollha aktar potenza mill-magna attwali f’kW;

(b)	kull tnaqqis fil-kapaċità tas-sajd f’kW minħabba s-sostituzzjoni jew il-modernizzazzjoni ta’ magna prinċipali jew anċillari għandu jitħassar b’mod permanenti mir-reġistru tal-flotta tas-sajd tal-Unjoni;

(c)	il-potenza tal-magna tal-bastiment tas-sajd għandha tkun spezzjonata b’mod fiżiku mill-Istat Membru biex jiżgura li l-magna ma għandhiex aktar potenza minn dik iddikjarata fil-liċenzja tas-sajd.

5. Ma għandux jingħata appoġġ skont dan l-Artikolu jekk il-valutazzjoni tal-bilanċ bejn il-kapaċità tas-sajd u l-opportunitajiet tas-sajd fl-aħħar rapport imsemmi fl-Artikolu 22(2) tar-Regolament (UE) Nru 1380/2013 dwar is-segment tal-flotta li jiffurmaw parti minnu l-bastimenti kkonċernati, ma jkunx tħejja abbażi tal-indikaturi bioloġiċi, ekonomiċi u tal-użu tal-bastiment stabbiliti fil-linji gwida komuni msemmijin f’dak ir-Regolament.

Raġuni

(a)	L-Ewropa hija kburija li hija art soċjali inklussiva għal kulħadd u ma għandu jkun hemm l-ebda diskriminazzjoni bbażata fuq l-età fir-rigward tal-aċċess għall-professjonijiet, ikunu liema jkunu.

L-għajnuna għax-xiri ta’ bastimenti ġodda għandu jippermetti t-tiġdid tal-flotot b’bastimenti iktar ergonomiċi, aktar sikuri u li jikkunsmaw anqas karburant, mingħajr ma jżidu l-isforz tas-sajd. Għall-kuntrarju, ma jidhirx xieraq li tiġi finanzjata s-sostituzzjoni tal-magni ta’ bastimenti li għandhom inqas minn ħames snin, jew li jiġi finanzjat ix-xiri ta’ bastimenti li għandhom iktar minn 20 sena.

Emenda 16

Artikolu 17

Test propost mill-Kummissjoni Ewropea

Emenda tal-KtR

1. Il-FEMS jista’ jappoġġa l-operazzjonijiet għall-ġestjoni tas-sajd u tal-flotot tas-sajd.

2. Jekk l-appoġġ imsemmi fil-paragrafu 1 jingħata bħala kumpens għall-waqfien permanenti mill-attivitajiet tas-sajd, għandhom ikunu rispettati l-kundizzjonijet li ġejjin:

(a)	il-waqfien huwa previst bħala għodda ta’ pjan ta’ azzjoni msemmi fl-Artikolu 22(4) tar-Regolament (UE) Nru 1380/2013;

(a)	il-waqfien huwa previst bħala għodda ta’ pjan ta’ azzjoni msemmi fl-Artikolu 22(4) tar-Regolament (UE) Nru 1380/2013;

(b)	il-waqfien isir permezz tal-iskrappjar tal-bastiment tas-sajd jew billi jiġi dekommissjonat u mmodifikat għal attivitajiet differenti mis-sajd kummerċjali, bi qbil mal-għanijiet tal-PKS u tal-pjanijiet pluriennali;

(b)	il-waqfien isir permezz tal-iskrappjar tal-bastiment tas-sajd jew billi jiġi dekommissjonat u mmodifikat għal attivitajiet differenti mis-sajd kummerċjali, bi qbil mal-għanijiet tal-PKS u tal-pjanijiet pluriennali;

(c)	il-bastiment tas-sajd huwa rreġistrat bħala attiv u wettaq attivitajiet tas-sajd fuq il-baħar għal mill-inqas 120 ġurnata kull sena matul l-aħħar tliet snin kalendarji ta’ qabel id-data li fiha tkun tressqet l-applikazzjoni għall-appoġġ;

(c)	il-bastiment tas-sajd huwa rreġistrat bħala attiv u wettaq attivitajiet tas-sajd fuq il-baħar għal mill-inqas total ta’ 180 ġurnata kull sena matul l-aħħar sentejn kalendarji ta’ qabel id-data li fiha tkun tressqet l-applikazzjoni għall-appoġġ;

Raġuni

Ħafna flotot tas-sajd jipprattikaw sajd ta’ speċi waħda staġjonali u huma attivi inqas minn 120 ġurnata fis-sena. Barra minn hekk, dawn il-flotot fraġli ħafna jiddependu mill-kundizzjonijiet ambjentali. L-istokkijiet li huma jisfruttaw xi drabi huma soġġetti għal pressjonijiet differenti u bħala konsegwenza jiġu stabbiliti miżuri għall-ġestjoni tal-kapaċità tas-sajd.

Emenda 17

Artikolu 18

Test propost mill-Kummissjoni Ewropea

Emenda tal-KtR

Il-FEMS jista’ jappoġġa kumpens għall-waqfien straordinarju mill-attivitajiet tas-sajd minħabba:

(a)	miżura ta’ konservazzjoni, kif imsemmi fil-punti (a), (b), (c) u (j) tal-Artikolu 7(1) tar-Regolament (UE) Nru 1380/2013, jew miżuri ta’ konservazzjoni ekwivalenti adottati mill-organizzazzjonijiet reġjonali tal-ġestjoni tas-sajd, fejn japplika għall-Unjoni;

(a)	miżura ta’ konservazzjoni, kif imsemmi fil-punti (a), (b), (c) u (j) tal-Artikolu 7(1) tar-Regolament (UE) Nru 1380/2013, jew miżuri ta’ konservazzjoni ekwivalenti adottati mill-organizzazzjonijiet reġjonali tal-ġestjoni tas-sajd, fejn japplika għall-Unjoni;

(b)	miżuri tal-Kummissjoni f’każ ta’ theddida serja għar-riżorsi bijoloġiċi tal-baħar kif imsemmi fl-Artikolu 12 tar-Regolament (UE) Nru 1380/2013;

(b)	miżuri tal-Kummissjoni f’każ ta’ theddida serja għar-riżorsi bijoloġiċi tal-baħar kif imsemmi fl-Artikolu 12 tar-Regolament (UE) Nru 1380/2013;

(c)	l-interruzzjoni tal-applikazzjoni ta’ xi ftehim ta’ sħubija dwar is-sajd sostenibbli jew xi protokoll tiegħu minħabba forza maġġuri; jew

(c)	l-interruzzjoni tal-applikazzjoni ta’ xi ftehim ta’ sħubija dwar is-sajd sostenibbli jew xi protokoll tiegħu minħabba forza maġġuri; jew

(d)	diżastri naturali jew inċidenti ambjentali kif rikonoxxuti formalment mill-awtoritajiet kompetenti tal-Istat Membru rilevanti.

(d)	diżastri naturali jew inċidenti ambjentali kif rikonoxxuti formalment mill-awtoritajiet kompetenti tal-Istat Membru rilevanti.

2. L-appoġġ imsemmi fil-paragrafu 1 jista’ jingħata biss jekk:

(a)	l-attivitajiet kummerċjali tal-bastiment ikkonċernat jitwaqqfu għal mill-inqas 90 jum konsekuttiv; kif ukoll

(a)	l-attivitajiet kummerċjali tal-bastiment ikkonċernat jitwaqqfu għal mill-inqas 45 jum konsekuttiv; kif ukoll

(b)	it-telf ekonomiku, li jirriżulta mis-sospensjoni tar-rakkolta, jammonta għal aktar minn 30 % tal-fatturat annwali tan-negozju kkonċernat, ikkalkolat fuq il-bażi tal-fatturat medju tan-negozju matul it-tliet snin preċedenti.

3. L-appoġġ imsemmi fil-paragrafu 1 għandu jingħata biss lil:

(a)	sidien ta’ bastimenti tas-sajd li jkunu rreġistrati bħala attivi u li jkunu wettqu attivitajiet tas-sajd fuq il-baħar għal mill-inqas 120 jum matul it-tliet snin kalendarji qabel id-data li fiha tkun tressqet l-applikazzjoni għall-appoġġ; jew

(b)

sajjieda li jkunu ħadmu fuq il-baħar għal mill-inqas 120 jum matul it-tliet snin kalendarji qabel id-data li fiha tkun tressqet l-applikazzjoni għall-appoġġ abbord bastiment tas-sajd tal-Unjoni kkonċernat mill-waqfien straordinarju. Ir-referenza għall-għadd ta’ jiem fuq il-baħar f’dan il-paragrafu ma għandhiex tapplika għas-sajd tas-sallur.

3 . L-appoġġ imsemmi fil-paragrafu 1 jista’ jingħata għal perjodu ta’ mhux iktar minn sitt xhur għal kull bastiment matul il-perjodu tal-2021 sal-2027.

4 . L-appoġġ imsemmi fil-paragrafu 1 jista’ jingħata għal perjodu ta’ mhux iktar minn sitt xhur għal kull bastiment matul il-perjodu tal-2021 sal-2027.

4. L-attivitajiet tas-sajd kollha li jwettqu l-bastiment tas-sajd u s-sajjieda kkonċernati għandhom ikunu sospiżi b’mod effettiv waqt il-perjodu kkonċernat tal-waqfien. L-awtorità kompetenti għandha tivverifika li l-bastiment ikkonċernat waqqaf kull attività tas-sajd tul il-perjodu kkonċernat mill-waqfien straordinarju u li jkun evitat kull kumpens żejjed li jirriżulta mill-użu tal-bastiment għal skopijiet oħrajn.

5 . L-attivitajiet tas-sajd kollha li jwettqu l-bastiment tas-sajd u s-sajjieda kkonċernati għandhom ikunu sospiżi b’mod effettiv waqt il-perjodu kkonċernat tal-waqfien. L-awtorità kompetenti għandha tivverifika li l-bastiment ikkonċernat waqqaf kull attività tas-sajd tul il-perjodu kkonċernat mill-waqfien straordinarju u li jkun evitat kull kumpens żejjed li jirriżulta mill-użu tal-bastiment għal skopijiet oħrajn.

Raġuni

L-intenzjoni tal-abbozz ta’ regolament hija li jsir użu estensiv tal-waqfien straordinarju tal-attività tas-sajd, il-prattika applikata mill-FEMS matul il-perjodu ta’ programmazzjoni attwali għas-sajd tal-frott tal-baħar. Ma naqblux mad-90 jum konsekuttiv ta’ nuqqas ta’ attività, meta wieħed iqis li 45 jum kalendarju diġà huma biżżejjed biex jirrappreżentaw madwar 20 % tal-attività tas-sajd tal-bastiment. Bl-istess mod, ma naqblux mal-paragrafu 2(b) u nipproponu li jitneħħa billi telfien tad-dħul konformi mat-telfien tal-attività ma jistax jiġi ġustifikat.

Emenda 18

Artikolu 23

Test propost mill-Kummissjoni Ewropea	Emenda tal-KtR
Akkwakultura	Akkwakultura
1. Il-FEMS jista’ jappoġġa l-akkwakultura sostenibbli kif stipulat fl-Artikolu (34)1 tar-Regolament (UE) Nru 1380/2013. Jista’ wkoll jappoġġa s-saħħa u t-trattament xieraq tal-annimali fl-akkwakultura, bi qbil mar-Regolament (UE) 2016/429 tal-Parlament Ewropew u tal-Kunsill u r-Regolament (UE) Nru 652/2014 tal-Parlament Ewropew u tal-Kunsill.	1. Il-FEMS jista’ jappoġġa l-akkwakultura sostenibbli kif stipulat fl-Artikolu (34)1 tar-Regolament (UE) Nru 1380/2013. Jista’ wkoll jappoġġa s-saħħa u t-trattament xieraq tal-annimali fl-akkwakultura, bi qbil mar-Regolament (UE) 2016/429 tal-Parlament Ewropew u tal-Kunsill u r-Regolament (UE) Nru 652/2014 tal-Parlament Ewropew u tal-Kunsill.
2. L-appoġġ imsemmi fil-paragrafu 1 għandu jkun konsistenti mal-pjanijiet ta’ ħidma nazzjonali strateġiċi għall-iżvilupp tal-akkwakultura, imsemmijin fl-Artikolu 34(2) tar-Regolament (UE) Nru 1380/2013.	2. L-appoġġ imsemmi fil-paragrafu 1 għandu jkun konsistenti mal-pjanijiet ta’ ħidma nazzjonali strateġiċi għall-iżvilupp tal-akkwakultura, imsemmijin fl-Artikolu 34(2) tar-Regolament (UE) Nru 1380/2013.
3. L-investiment fl-akkwakultura produttiva skont dan l-Artikolu jista’ jingħata l-appoġġ biss permezz tal-istrumenti finanzjarji previsti fl-Artikolu 52 tar-Regolament (UE) xx/xx (ir-Regolament li jistabbilixxi Dispożizzjonijiet Komuni) u permezz tal-InvestEU, bi qbil mal-Artikolu 10 ta’ dak ir-Regolament.	3. L-investiment fl-akkwakultura produttiva skont dan l-Artikolu jista’ jingħata l-appoġġ biss permezz tal-istrumenti finanzjarji previsti fl-Artikolu 52 tar-Regolament (UE) xx/xx (ir-Regolament li jistabbilixxi Dispożizzjonijiet Komuni) u permezz tal-InvestEU, bi qbil mal-Artikolu 10 ta’ dak ir-Regolament.
	4. Bħala deroga mill-paragrafu 3, kull forma ta’ appoġġ previst fl-Artikolu 47 tar-Regolament (UE) xx/xx (Regolament dwar id-Dispożizzjonijiet Komuni) għandha tkun ammissibli fir-reġjuni ultraperiferiċi.

Raġuni

Emenda 19

Artikolu 25

Test propost mill-Kummissjoni Ewropea	Emenda tal-KtR
L-ipproċessar ta’ prodotti tas-sajd u tal-akkwakultura	L-ipproċessar ta’ prodotti tas-sajd u tal-akkwakultura
1. Il-FEMS jista’ jappoġġa l-investimenti fl-ipproċessar ta’ prodotti tas-sajd u tal-akkwakultura. Dan l-appoġġ għandu jgħin biex jinkisbu l-għanijiet tal-organizzazzjoni komuni tas-swieq tal-prodotti tas-sajd u tal-akkwakultura kif previst fl-Artikolu 35 tar-Regolament (UE) Nru 1380/2013 u kif speċifikat ukoll fir-Regolament (UE) Nru 1379/2013.	1. Il-FEMS jista’ jappoġġa l-investimenti fl-ipproċessar ta’ prodotti tas-sajd u tal-akkwakultura. Dan l-appoġġ għandu jgħin biex jinkisbu l-għanijiet tal-organizzazzjoni komuni tas-swieq tal-prodotti tas-sajd u tal-akkwakultura kif previst fl-Artikolu 35 tar-Regolament (UE) Nru 1380/2013 u kif speċifikat ukoll fir-Regolament (UE) Nru 1379/2013.
2. L-appoġġ skont dan l-Artikolu għandu jingħata biss permezz tal-istrumenti finanzjarji previsti fl-Artikolu 52 tar-Regolament (UE) xx/xx (ir-Regolament li jistabbilixxi Dispożizzjonijiet Komuni) u permezz tal-InvestEU, bi qbil mal-Artikolu 10 ta’ dak ir-Regolament.	2. L-appoġġ skont dan l-Artikolu għandu jingħata biss permezz tal-istrumenti finanzjarji previsti fl-Artikolu 52 tar-Regolament (UE) xx/xx (ir-Regolament li jistabbilixxi Dispożizzjonijiet Komuni) u permezz tal-InvestEU, bi qbil mal-Artikolu 10 ta’ dak ir-Regolament.
	3. Bħala deroga mill-paragrafu 2, kull forma ta’ appoġġ previst fl-Artikolu 47 tar-Regolament (UE) xx/xx (Regolament dwar id-Dispożizzjonijiet Komuni) għandha tkun ammissibli fir-reġjuni ultraperiferiċi.

Raġuni

Emenda 20

Artikolu 31

Test propost mill-Kummissjoni Ewropea	Emenda tal-KtR
Id-determinazzjoni tar-rati ta’ kofinanzjament	Id-determinazzjoni tar-rati ta’ kofinanzjament
Ir-rata massima tal-kofinanzjament tal-FEMS għal kull qasam ta’ appoġġ hija stabbilita fl-Anness II.	1. Ir-rata massima tal-kofinanzjament tal-FEMS għal kull qasam ta’ appoġġ hija stabbilita fl-Anness II.
	2. Fil-każ ta’ operazzjonijiet fir-reġjuni ultraperiferiċi, ir-rati massimi ta’ kofinanzjament stabbiliti fl-Anness II għandhom jiżdiedu b’10 punti perċentwali, sa massimu ta’ 100 %.

Raġuni

L-emenda hija ġustifikata mill-fraġilità tas-sitwazzjoni strutturali soċjali u ekonomika tar-reġjuni ultraperiferiċi kif ukoll l-għan tal-promozzjoni tal-iżvilupp ta’ dawn ir-reġjuni u tal-iżgurar ta’ bilanċ u ta’ opportunitajiet ugwali madwar ir-reġjuni kollha tal-UE.

Emenda 21

Artikolu 32a

Il-politika marittima u l-iżvilupp ta’ ekonomija blu sostenibbli

Test propost mill-Kummissjoni Ewropea	Emenda tal-KtR
	Il-FEMS għandu jappoġġja l-implimentazzjoni tal-Politika Marittima Integrata, u t-tkabbir tal-ekonomija blu permezz tal-iżvilupp ta’ pjattaformi reġjonali għall-finanzjament ta’ proġetti innovattivi.

Raġuni

Għall-iżvilupp tal-ekonomija blu, il-ġbir flimkien tar-riżorsi fil-livell reġjonali wera li huwa effettiv. Ir-reġjonalizzazzjoni tal-fondi tagħmilha possibbli li tirrispondi b’mod effiċjenti għal sfidi territorjali.

Emenda 22

Artikolu 55

Test propost mill-Kummissjoni Ewropea	Emenda tal-KtR
1. Sabiex tiffaċilita t-tranżizzjoni mill-iskema ta’ appoġġ stabbilita bir-Regolament (UE) Nru 508/2014 għall-iskema stabbilita b’dan ir-Regolament, il-Kummissjoni għandha tingħata s-setgħa li tadotta atti ddelegati, b’konformità mal-Artikolu 52, li jistabbilixxu l-kundizzjonijiet li taħthom l-appoġġ approvat mill-Kummissjoni skont ir-Regolament (UE) Nru 508/2014 jista’ jiġi integrat fl-appoġġ stabbilit skont dan ir-Regolament.	1. Sabiex tiffaċilita t-tranżizzjoni mill-iskema ta’ appoġġ stabbilita bir-Regolament (UE) Nru 508/2014 għall-iskema stabbilita b’dan ir-Regolament, il-Kummissjoni għandha tingħata s-setgħa li tadotta atti ddelegati, b’konformità mal-Artikolu 52, li jistabbilixxu l-kundizzjonijiet li taħthom l-appoġġ approvat mill-Kummissjoni skont ir-Regolament (UE) Nru 508/2014 jista’ jiġi integrat fl-appoġġ stabbilit skont dan ir-Regolament.
2. Dan ir-Regolament ma għandux jaffettwa t-tkomplija jew il-modifika tal-azzjonijiet ikkonċernati, sal-għeluq tagħhom, skont ir-Regolament (UE) Nru 508/2014, li għandu jkompli japplika għall-azzjonijiet ikkonċernati sal-għeluq tagħhom.	2. Dan ir-Regolament ma għandux jaffettwa t-tkomplija jew il-modifika tal-azzjonijiet ikkonċernati, sal-għeluq tagħhom, skont ir-Regolament (UE) Nru 508/2014, li għandu jkompli japplika għall-azzjonijiet ikkonċernati sal-għeluq tagħhom. Tranżizzjoni mingħajr interruzzjonijiet se tiġi assigurata bejn il-pjani ta’ kumpens għar-reġjuni ultraperiferiċi applikabbli fil-perjodu 2014-2020 u dawk applikabbli fil-perjodu 2021-2027.
3. L-applikazzjonijiet li jsiru skont ir-Regolament (UE) Nru 508/2014 għandhom jibqgħu validi.	3. L-applikazzjonijiet li jsiru skont ir-Regolament (UE) Nru 508/2014 għandhom jibqgħu validi.

Raġuni

Ma ġew inklużi l-ebda dispożizzjonijiet fil-pjani ta’ kumpens għat-tranżizzjoni bejn ir-reġim 2007-2013 u dak attwali. Bħala riżultat, l-appoġġ għall-2014 u l-2015 tħallas biss fl-2016 u l-2017, u dan jipperikola l-kontinwità ta’ ħafna mill-attivitajiet tal-operaturi. It-tama hi li din is-sitwazzjoni ma tirripetix ruħha.

Emenda 23

Anness 1, ibdel it-tielet indikatur

Test propost mill-Kummissjoni Ewropea	Emenda tal-KtR
Uċuħ ta’ baħar (f’ettari) ta’ Natura 2000 u ta’ żoni marini protetti skont id-Direttiva Kwadru dwar l-Istrateġija Marina, koperti minn miżuri ta’ protezzjoni, manteniment u rkupru.	L-estent sa liema ġew milħuqa l-objettivi ambjentali, kif definiti fil-pjan ta’ azzjoni għall-ambjent tal-baħar fl-applikazzjoni tad-Direttiva Kwadru dwar l-Istrateġija Marittima, jew, alternattivament, l-uċuħ ta’ baħar (f’ettari) ta’ Natura 2000 u ta’ żoni marini protetti skont id-Direttiva Kwadru dwar l-Istrateġija Marina, koperti minn miżuri ta’ protezzjoni, manteniment u rkupru.
…	…

Raġuni

Sabiex jiġu simplifikati l-objettivi u l-kriterji u sabiex jiġu magħquda, l-ewwel proposta tal-KE għandha tiġi aċċettata għal uniformità.

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

jilqa’ l-kontinwazzjoni ta’ fond Ewropew għall-appoġġ tas-sajd, l-akkwakultura, il-protezzjoni tal-ambjent tal-baħar u l-ekonomija blu fir-reġjuni kostali u tal-baħar, speċjalment b’rabta mat-tisħiħ tal-governanza internazzjonali tal-oċeani.

jirrikonoxxi l-isforzi ta’ simplifikazzjoni u b’mod partikolari it-tmiem ta’ miżuri definiti minn qabel fil-livell Ewropew, li jippermetti lill-Istati Membri jinkludu fil-programmi operattivi l-miżuri li jridu jiġu implimentati sabiex jintlaħqu l-objettivi tal-PKS u tal-PMI.

jirrikonoxxi l-interess li jiġi stabbilit qafas komuni ta’ finanzjament ta’ fondi Ewropej differenti u jipproponi regolament li jistabbilixxi dispożizzjonijiet komuni għal seba’ fondi taħt ġestjoni kondiviża tal-FEMS.

ifakkar li l-ibħra huma n-nifs li jagħtu l-ħajja lill-Ewropa. L-ispazji marittimi u l-kosta tal-Ewropa huma essenzjali għall-benessri u l-prosperità tagħha; huma r-rotot kummerċjali, jirregolaw il-klima, huma sorsi ta’ ikel u neċessarji ghas-sikurezza tal-ikel, tal-enerġija u tar-riżorsi (1);

iqis li, minħabba l-ħtieġa li tiġi ffinanzjata ekonomija blu emerġenti, is-sorveljanza marittima u ħafna proġetti relatati mal-protezzjoni tal-ambjent marittimu, kif ukoll is-sajd u l-akkwakultura, il-baġit totali tal-FEMS kellu jiżdied jew ikkomplementat minn fondi oħrajn sabiex jintlaħaq il-limitu minimu ta’ 1 % tal-qafas finanzjarju pluriennali għal wara l-2020, billi mal-allokazzjoni attwali ta’ 0,53 % għas-sajd u l-akkwakultura jiżdied pakkett addizzjonali ta’ 0,47 % għall-Politika Marittima Integrata. Fil-fatt, jekk ir-regolament preċedenti alloka EUR 4,4 biljun għall-appoġġ tas-sajd u l-akkwakultura sostenibbli, il-baġit disponibbli tal-FEMS 2021–2024 għall-miżuri kollha, minbarra l-appoġġ għar-reġjuni ultraperiferiċi, il-kontroll tas-sajd u l-akkwist tad-data, hu ta’ EUR 4,2 biljun, li jinkludi s-sajd, l-akkwakultura, l-appoġġ għall-ekonomija blu, is-sorveljanza marittima u l-kooperazzjoni fir-rigward tal-funzjonijiet tal-gwardji kostali.

jiddispjaċih dwar it-tendenza fid-distribuzzjoni ta’ dan il-baġit bejn il-ġestjoni konġunta u l-ġestjoni (in)diretta, favur din tal-aħħar. Fil-fatt, il-baġit allokat għall-ġestjoni kondiviża qed jonqos filwaqt li l-baġit allokat għall-ġestjoni (in)diretta qed jiżdied ħafna. Matul il-perjodu 2014-2021, il-baġit allokat għall-ġestjoni kondiviża kien jammonta għal 90 % tal-baġit totali. Illum il-ġurnata, il-baġit allokat għall-ġestjoni kondiviża jirrappreżenta biss 86 % tal-baġit globali filwaqt li l-baġit għal ġestjoni diretta jew indiretta żdied minn 10 % għal 13 % tal-baġit totali.

jilqa’ b’sodisfazzjon it-tneħħija f’dan ir-Regolament il-ġdid tal-limiti tal-baġits fuq gruppi ta’ miżuri definiti minn qabel u għalhekk qed tingħata libertà akbar lill-Istati sabiex jallokaw il-baġit fuq il-miżuri li hima ta’ sfida reali għat-territorji.

japprova l-użu akbar ta’ għażliet simplifikati fir-rigward ta’ spejjeż, jiġifieri r-rimborż b’rata fissa, l-iskali standard tal-ispejjeż unitarji jew is-somom f’daqqa li jissimplifikaw il-piż amministrattiv fuq il-benefiċjarji.

japprova t-tisħiħ tal-approċċ territorjali tal-fondi permezz ta’ strateġiji tal-baċir tal-baħar, biex joffru soluzzjonijiet adattati għad-diversità tas-sitwazzjonijiet tar-reġjuni Ewropej u l-isfidi tagħhom.

10.

iqis li huwa neċessarju li l-Istati Membri jiżviluppaw programmi operattivi reġjonali, jekk ikunu jixtiequ, fil-qafas tal-programmi nazzjonali, b’mod partikolari għar-reġjuni kompetenti fil-qasam marittimu. Dan l-iżvilupp tal-programmi se jwassal biex jiġu stabbiliti strateġiji reġjonali u tqassim aħjar tal-FEMS lejn sfidi lokali.

11.

ifakkar li wieħed mill-għanijiet tal-PKS huwa li jinkisbu benefiċċji għall-ekosistema, kif ukoll ekonomiċi, soċjali u fil-qasam tal-impjieg (2), u għalhekk iqis li l-miżuri dwar il-popolazzjonijiet tas-sajjieda u tal-produtturi tal-akkwakultura, b’mod partikolari titjib fis-sigurtà u l-ergonomija abbord il-bastimenti, il-promozzjoni tal-impjiegi fis-settur tas-sajd u tal-akkwakultura jew it-taħriġ, għandhom jiġu kkunsidrati aħjar f’dan ir-Regolament billi joffru rati speċjali ta’ għajnuna u indikaturi dedikati.

12.

jixtieq li l-Kummissjoni tivvaluta l-programmi filwaqt li tqis il-kontribuzzjoni soċjali tal-miżuri proposti mill-Istati Membri.

13.

jappoġġja l-proposta tal-Kummissjoni li titlob pjan ta’ azzjoni għal kull wieħed mir-reġjuni ultraperiferiċi. Dan il-pjan ta’ azzjoni se jippermetti użu aħjar tal-għajnuna li, għalissa, ma solvietx id-diffikultajiet li qed jaffaċċjaw it-territorji. L-istabbiliment ta’ pjan globali, inkluż l-għajnuna għall-investiment, l-appoġġ għat-taħriġ, l-introduzzjoni ta’ strumenti finanzjarji sempliċi (mikrokreditu), kampanji ta’ għarfien dwar ir-riżorsi disponibbli u t-tisħiħ tal-kontrolli għandhom iwasslu għal evoluzzjoni sinifikanti fl-oqsma tas-sajd, l-akkwakultura u l-ekonomija blu f’dawn it-territorji.

14.

iqis li s-sajd ukoll għandu jikkontribwixxi għall-ġlieda kontra t-tisħin tal-klima u t-tniġġis. Għalhekk, il-FEMS għandu jgħin ir-riċerka u l-innovazzjoni għal aktar effiċjenza enerġetika u anqas emissjonijiet ta’ CO2;

15.

jappoġġja l-possibilità ta’ finanzjament tas-sostituzzjoni tal-magni tal-bastimenti tas-sajd, b’mod partikolari l-varar ta’ teknoloġiji ġodda ta’ propulsjoni elettrika, ibrida, l-użu tal-idroġenu jew tal-gass bħala karburant, jew kwalunkwe sistema oħra li tikkontribwixxi lejn it-tnaqqis tal-marka tal-karbonju tal-bastimenti, irrispettivament mid-daqs tagħhom.

16.

jipproponi li l-appoġġ għax-xiri ta’ bastimenti ġodda sabiex jitħaffef it-tiġdid tal-flotta tas-sajd li qed teqdiem. Din il-miżura tkun ta’ natura li tagħmel ix-xogħol jidher aktar attraenti billi unitajiet qodma jiġu sostitwiti b’oħrajn ergonomiċi, aktar nodfa u aktar siguri, mingħajr ma jżidu l-isforzi tas-sajd.

17.

japprova l-appoġġ qawwi għal akkwakultura li tnaqqas il-pressjoni fuq ir-riżorsi selvaġġi, toffri lill-konsumaturi Ewropej prodotti tajbin għas-saħħa u tnaqqas id-dipendenza tal-UE fuq l-importazzjonijiet ta’ prodotti tal-baħar.

18.

japprova l-appoġġ lill-impriżi tal-ipproċessar biex jingħata valur miżjud lill-produzzjoni primarja u biex jiġu żviluppati impjiegi ta’ kwalità għall-komunitajiet tal-kosta.

19.

iqis li huwa koerenti li jiġi propost lill-impriżi tal-ipproċessar u tal-akkwakultura appoġġ għall-investimenti produttivi permezz ta’ strumenti finanzjarji reattivi, sempliċi u aċċessibbli għal kumpaniji iżgħar.

20.

jitlob li jkun hemm rekwiżit ikbar fuq il-kundizzjonijiet ambjentali fl-iżvilupp tal-akkwakultura, l-għarfien tal-fatturi produttivi fl-irziezet u l-impatt fuq l-ambjent. B’mod partikolari, m’għandhomx jingħataw għajnuniet lill-impriżi li l-attività tagħhom tolqot b’mod sinifikanti l-ambjent tal-baħar ta’ żona protetta. Barra minn hekk, minħabba r-riskji ta’ tixrid fl-ambjent naturali, l-appoġġ għat-trobbija ta’ organiżmi ġenetikament modifikati m’għandux ikun possibbli.

21.

jaħseb li l-akkwakultura trid tibqa’ produttur nett tal-proteini tal-ħut li huma sikuri f’termini ta’ ikel, sors ta’ valur miżjud u ta’ negozju u impjieg, kompatibbli mal-attivitajiet marittimi u tas-sajd u responsabbli fl-użu ta’ riżorsi naturali oħrajn fl-iżvilupp tagħhom. Madankollu, l-akkwakultura trid tevita l-esplojtazzjoni eċċessiva tal-istokkijiet tal-ispeċi użati għall-alimentazzjoni tal-ħut tal-akkwakultura għad-detriment tal-bilanċ tal-katina alimentari u b’riskju għall-bijodiversità;

22.

jinnota n-nuqqas ta’ għajnuna għall-ħżin, li f’xi każijiet jista’ jgħin biex jimmitiga l-inċidenti okkażjonali fil-ġestjoni tal-provvista tal-prodotti tal-baħar.

23.

iqis li r-reġjuni ultraperiferiċi lkoll jinsabu f’sitwazzjonijiet rikonoxxuti bħala aktar diffiċli mill-bqija tal-Ewropa. Dan ifisser li tingħata għajnuna għax-xiri ta’ bastimenti ġodda, jew il-ħolqien ta’ infrastruttura tal-portijiet u tal-irkant. L-għajnuna għall-akkwist ta’ bastimenti ġodda għal dawn it-territorji hija min-natura tagħha sforz biex jingħata direzzjoni ġdida lis-sajd kostali li huwa sfruttat iżżejjed u xi kultant milqut mit-tniġġiż ljew i-proliferazzjoni tal-ispeċijiet invażivi, lejn żoni li mhumiex sfruttati u sodi, b’mod partikolari lil hinn mill-blata kontinentali.

24.

jappoġġja r-ritorn ta’ kumpens għall-waqfien permanenti tal-attivitajiet tas-sajd sabiex ikun jista’ jiġi finanzjat tnaqqis fl-isforz tas-sajd fuq ir-riżorsi l-iktar fraġli.

25.

jinnota li, minħabba limitazzjonijiet ta’ ħin, dan l-abbozz ta’ Regolament ma jipproponi l-ebda miżura ta’ akkumpanjament tal-BREXIT. Skont ir-riżultati tan-negozjati, miżuri ta’ appoġġ speċifiċi jistgħu jkunu meħtieġa għall-appoġġ ta’ intrapriżi tas-sajd li jispiċċaw f’qagħda fraġili minħabba dan l-avveniment u għalhekk għandhom jiġu ffinanzjati b’mod partikolari, li bħalissa mhuwiex antiċipat fl-abbozz ta’ Regolament li jistabbilixxi l-qafas finanzjarju pluriennali għas-snin 2021-2027.

26.

jirrikonoxxi li l-proposta tal-Kummissjoni Ewropea hija konformi mal-prinċipji tas-sussidjarjetà u tal-proporzjonalità;

Brussell, id-9 ta’ Ottubru 2018.

Il-President tal-Kumitat Ewropew tar-Reġjuni

Karl-Heinz LAMBERTZ

(1) “White Paper” – Komunikazzjoni dwar Politika Marittima Integrata għall-Unjoni Ewropea

(2) L-Artikolu 2 tar-Regolament KE 1380/2013 dwar il-Politika Komuni tas-Sajd

Top

Choose the experimental features you want to try