Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014TN0731

Kawża T-731/14: Rikors ippreżentat fis-17 ta’ Ottubru 2014 – Agrotikos Sinetairismos Profiti Ilia vs Il-Kunsill

ĠU C 16, 19.1.2015, p. 41–41 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

19.1.2015   

MT

Il-Ġurnal Uffiċjali tal-Unjoni Ewropea

C 16/41

Rikors ippreżentat fis-17 ta’ Ottubru 2014 – Agrotikos Sinetairismos Profiti Ilia vs Il-Kunsill

(Kawża T-731/14)

(2015/C 016/64)

Lingwa tal-kawża: il-Grieg

Partijiet

Rikorrenti: Agrotikos Sinetairismos Profiti Ilia (Skidra, il-Greċja) (rappreżentant: C. Chrysogonos, avukat)

Konvenut: Il-Kunsill tal-Unjoni Ewropea

Talbiet

—

tannulla r-Regolament tal-Kunsill (UE) Nru 833/2014, tal-31 ta’ Lulju 2014, dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina (ĠU L 229, p. 1) preżenzjalment ikkontestat u tiddikjara t-talba għal annullament bħala ammissibbli sakemm il-Qorti Ġenerali tal-Unjoni Ewropea tiddeċiedi li huma ssodisfatti l-kundizzjonijiet kollha għall-ammissibbiltà tar-rikors għal annullament, u

—

tikkundanna lill-Kunsill kemm għall-ispejjeż tiegħu kif ukoll għal dawk sostnuti mir-rikorrenti.

Motivi u argumenti prinċipali

Insostenn tar-rikors tagħha, ir-rikorrent jinvoka motiv wieħed.

—

Ir-rikorrenti issostni li r-regolament ikkontestat ġie adottat b’mod żbaljat fuq il-bażi legali tal-Artikolu 215 TFEU, minkejja li huwa evidenti mill-għan u l-kontenut tar-Regolament li dan kellu jiġi adottat abbażi tal-Artikolu 207 TFEU (li kien l-Artikolu 133 KE) inkonnessjoni mal-politika agrikola komuni u, konsegwentement, kellu jiġi adottat taħt il-proċedura leġiżlattiva ordinarja. L-interess ġuridiku tar-rikorrenti li tiftaħ il-kawża huwa bbażat fuq il-fatt li l-miżura kkontestata tikkostitwixxi att regolatorju li ma jinvolvi l-ebda miżuri ta’ implementazzjoni fis-sens tar-raba’ paragrafu tal-Artikolu 263 TFEU u li jikkonċerna lir-rikorrenti b’mod dirett.
Top