Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62013TN0340

Kawża T-340/13: Rikors ippreżentat fil- 25 ta’ Ġunju 2013 — Federación Española de Hostelería vs EACEA

ĠU C 245, 24.8.2013, p. 13–14 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU C 245, 24.8.2013, p. 7–7 (HR)

24.8.2013   

MT

Il-Ġurnal Uffiċjali tal-Unjoni Ewropea

C 245/13

Rikors ippreżentat fil-25 ta’ Ġunju 2013 — Federación Española de Hostelería vs EACEA

(Kawża T-340/13)

2013/C 245/16

Lingwa tal-kawża: l-Ispanjol

Partijiet

Rikorrenti: Federación Española de Hostelería (Madrid, Spanja) (rappreżentanti: F. del Nogal Méndez u R. Fernández Flores, avukati)

Konvenuta: Aġenzija Eżekuttiva “Edukazzjoni, awdjoviżwal u kultura” (EACEA)

Talbiet tar-rikorrenti

—

tannulla l-att 2007-19641 134736-LLP-I-2007-1-ES -leonardo-LMP;

—

sussidjarjament, tordna r-restituzzjoni lir-rikorrenti tad-dokumenti mid-data li fiha l-awdituri bagħtuhom f’indirizz żbaljat, sabiex ir-rikorrenti tkun tista’ tifformula l-allegazzjonijiet rilevanti;

—

sussidjarjament, tordna t-tnaqqis tal-ħlas lura mitlub, skont il-prinċipju ta’ proporzjonalità;

—

tikkundanna lill-Kummissjoni għall-onorarji professjonali u spejjeż oħra li rriżultaw minħabba din il-proċedura;

—

tordna li l-Kummissjoni tħallas lura s-somom irċevuti kif ukoll l-interessi moratorji.

Motivi u argumenti prinċipali

Insostenn tar-rikors tagħha, ir-rikorrenti tinvoka sitt motivi.

(1)

L-ewwel motiv, ibbażat fuq ksur tal-proċedura stabbilita.

—

huwa sostnut, f’dan ir-rigward, li l-komunikazzjonijiet imwettqa fuq il-bażi tar-rapport ta’ awdituri kienu ġew trażmessi lil terz barrani li ma kellu ebda relazzjoni stabbilita bejn ir-rikorrenti u l–Aġenzija Eżekuttiva, konvenuta.

(2)

It-tieni motiv, ibbażat fuq ksur tal-obbligu ta’ motivazzjoni tal-atti.

—

Huwa sostnut, f’dan ir-rigward, li d-deċiżjoni ta’ rkupru ma ġietx immotivata suffiċjentement fid-dritt, peress li l-Aġenzija Eżekuttiva sempliċement ittrażmettiet lir-rikorrenti n-nota ta’ debitu, flimkien mar-rapport tal-awdituri.

(3)

It-tielet motiv, ibbażat fuq ksur tad-drittijiet tad-difiża.

—

huwa sostnut, f’dan ir-rigward, li r-rikorrenti qatt ma setgħet, matul il-proċedura amministrattiva, turi l-fehma tagħha dwar ir-realtà u r-rilevanza tal-fatti allegati u fuq id-dokumenti kollha li l-Kummissjoni ħadet inkunsiderazzjoni sabiex tibbaża l-allegazzjoni tagħha dwar ksur tad-dritt tal-Unjoni.

(4)

Ir-raba’ motiv, ibbażat fuq ksur tal-prinċipju ta’ aspettattivi leġittimi.

—

huwa sostnut, f’dan ir-rigward, li minn Diċembru 2009, data ta’ konklużjoni tal-kuntratt, sa April 2013, l-Aġenzija Eżekuttiva qatt ma kienet uriet in-nuqqas ta’ qbil tagħha mal-modalitajiet ta’ żvilupp u ta’ eżekuzzjoni tal-proġett.

(5)

Il-ħames motiv, ibbażat fuq l-eżistenza ta’ użu ħażin ta’ poter.

—

huwa affermat, f’dan ir-rigward, li l-Kummissjoni ma informatx lir-rikorrenti bil-fatti li jistgħu jiġu akkużati lilha, u li hija ma tathiex l-opportunità li tinstema’ qabel ma adottat is-sanzjoni.

(6)

Fl-aħħar nett, ir-rikorrenti tinvoka l-ksur tal-prinċipju ta’ proporzjonalità.
Top