EUR-Lex Access to European Union law
This document is an excerpt from the EUR-Lex website
Document 62009TN0261
Case T-261/09 P: Appeal brought on 6 July 2009 by the Commission of the European Communities against the judgment of the Civil Service Tribunal delivered on 28 April 2009 in Joined Cases F-5/05, Violetti and Others v Commission, and F-7/05, Schmit v Commission
Kawża T-261/09 P: Appell ippreżentat fis- 6 ta’ Lulju 2009 mill-Kummissjoni tal-Komunitajiet Ewropej mis-sentenza mogħtija fit- 28 April 2009 mit-Tribunal għas-Servizz Pubbliku fil-kawżi magħquda F-5/05, Violetti et vs Il-Kummissjoni, u F-7/05, Schmit vs Il-Kummissjoni
Kawża T-261/09 P: Appell ippreżentat fis- 6 ta’ Lulju 2009 mill-Kummissjoni tal-Komunitajiet Ewropej mis-sentenza mogħtija fit- 28 April 2009 mit-Tribunal għas-Servizz Pubbliku fil-kawżi magħquda F-5/05, Violetti et vs Il-Kummissjoni, u F-7/05, Schmit vs Il-Kummissjoni
ĠU C 220, 12.9.2009, p. 35–36
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
12.9.2009 |
MT |
Il-Ġurnal Uffiċjali tal-Unjoni Ewropea |
C 220/35 |
Appell ippreżentat fis-6 ta’ Lulju 2009 mill-Kummissjoni tal-Komunitajiet Ewropej mis-sentenza mogħtija fit-28 April 2009 mit-Tribunal għas-Servizz Pubbliku fil-kawżi magħquda F-5/05, Violetti et vs Il-Kummissjoni, u F-7/05, Schmit vs Il-Kummissjoni
(Kawża T-261/09 P)
2009/C 220/75
Lingwa tal-kawża: Il-Franċiż
Partijiet
Appellanti: Il-Kummissjoni tal-Komunitajiet Ewropej (rappreżentanti: J. Currall u J.-P. Keppenne, aġenti)
Partijiet oħra għall-proċedimenti: Antonello Violetti (Cittiglio, l-Italja), Nadine Schmit (Ispra, l-Italja), Il-Kunsill tal-Unjoni Ewropea, Anna Bassi Perucchini (Reno di Leggiuno, l-Italja), Marco Basso (Varano Borghi, l-Italja), Ernesto Brognieri (Barasso, l-Italja), Sergio Brusorio (Sesto Calende, l-Italja), Natale Cao (Ispra), Renato Cazzaniga (Ispra), Elvidio Flammini (Varese, l-Italja), Luigi Magistri (Ispra), Reginella Molinari Canale (Ispra), Giuseppe Morelli (Besozzo, l-Italja), Nadia Valentini (Varese) u Giuseppe Zara (Ispra)
Talbiet tal-appellanti
|
— |
tannulla s-sentenza tat-Tribunal għas-Servizz Pubbliku tal-Unjoni Ewropea, tat-28 ta’ April 2009, fil-kawżi magħquda Violetti et vs Il-Kummissjoni, F-5/05 u F-7/05, sa fejn dik is-sentenza iddeċidiet li kienu ammissibbli r-rikorsi għal annullament ippreżentati kontra d-deċiżjoni tal-OLAF li jipprovdi informazzjoni lill-awtoritajiet Taljani; |
|
— |
tiddeċiedi hija stess dawn il-kawżi u tiddikjara inammissibbli r-rikorsi għal annullament tar-rikorrenti fl-ewwel istanza; |
|
— |
tikkundanna lir-rikorrenti fl-ewwel istanza għall-ispejjeż tal-istanza, inklużi dawk tal-proċeduri quddiem it-Tribunal għas-Servizz Pubbliku. |
Aggravji u argumenti prinċipali
B’dan l-appell, il-Kummissjoni qed titlob l-annullament tas-sentenza tat-Tribunal għas-Servizz Pubbliku (TSP) tat-28 ta’ April 2009, mogħtija fil-kawżi magħquda Violetti et vs Il-Kummissjoni, F-5/05 u F-7/05, li permezz tagħha t-TSP annulla d-deċiżjoni tal-Uffiċċju Ewropew ta’ Kontra l-Frodi (OLAF) li jipprovdi informazzjoni dwar ir-rikorrenti fl-ewwel istanza lill-awtoritajiet ġudizzjarji Taljani u ordna lill-Kummissjoni sabiex tħallas somma ta’ EUR 3 000 lil kull rikorrent fl-ewwel istanza bħala danni.
Insostenn tal-appell tagħha, il-Kummissjoni ssostni aggravju wieħed ibbażat fuq ksur tal-Artikolu 90a tar-Regolamenti tal-Persunal tal-Komunitajiet Ewropej, sa fejn it-TSP kiser id-dritt Komunitarju u wettaq numru ta’ żbalji ta’ motivazzjoni meta injora l-ġurisprudenza stabbilita li tipprovdi li l-atti preparatorji bħalma huma l-ftuħ ta’ investigazzjoni mill-OLAF, ir-rapport finali tal-OLAF u l-ftuħ tal-proċedura dixxiplinarja ma jikkawżawx preġudizzju. Il-Kummissjoni ssostni li din il-ġurisprudenza hija applikabbli għall-Artikolu 90a tar-Regolamenti tal-Persunal tal-Komunitajiet Ewropej rigward il-possibbiltà li jsir ilment kontra l-atti tal-OLAF.