Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62007CN0477

Kawża C-477/07: Talba għal deċiżjoni preliminari mressqa mill-Hof van beroep te Antwerpen (Il-Belgju) fid- 29 ta' Ottubru 2007 — Gerlach & Co. NV vs Belgische Staat

ĠU C 8, 12.1.2008, p. 6–6 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

12.1.2008   

MT

Il-Ġurnal Uffiċjali ta’ l-Unjoni Ewropea

C 8/6

Talba għal deċiżjoni preliminari mressqa mill-Hof van beroep te Antwerpen (Il-Belgju) fid-29 ta' Ottubru 2007 — Gerlach & Co. NV vs Belgische Staat

(Kawża C-477/07)

(2008/C 8/11)

Lingwa tal-kawża: L-Olandiż

Qorti tar-rinviju

Hof van beroep te Antwerpen (Il-Belġju)

Partijiet fil-kawża prinċipali

Rikorrenti: Gerlach & Co. NV

Konvenuta: Belgische Staat

Domandi preliminari

1)

Id-dħul fil-kontijiet imsemmi fl-Artikolu 221(1) tal-Kodiċi Doganali tal-Komunità (stabbilit mir-Regolament tal-Kunsill (KEE) Nru 2913/92 tat-12 ta' Ottubru 1992, ĠU 1992 L 302; iktar 'il quddiem “il-Kodiċi Doganali”) huwa d-dħul fil-kontijiet imsemmi fl-Artikolu 217 tal-Kodiċi Doganali, li tikkonsisti fl-ammont ta' dazju li jiddaħħal mill-awtoritajiet doganali fil-kotba tal-kontijiet jew f'kull mezz ieħor ekwivalenti, u għandha ssir distinzjoni bejn dan id-dħul fil-kontijiet u l-inklużjoni ta' l-ammont ta' dazju fil-kontijiet għar-riżorsi tagħha, kif previst fl-Artikolu 6 tar-Regolament tal-Kunsill (KE, Euratom) Nru 1552/89 tad-29 ta' Mejju 1989 li jimplementa d-Deċiżjoni 88/376/KEE, Euratom dwar is-sistema ta' riżorsi tal-Komunitajiet innifishom (ĠU 1989 L 155) (li issa sar l-Artikolu 6 tar-Regolament tal-Kunsill (KE, Euratom) Nru 1150/2000 tat-22 ta' Mejju 2000 li jimplementa d-Deċiżjoni 2000/597/KEE, Euratom dwar is-sistema tar-riżorsi tagħhom tal-Komunitajiet — ĠU 2000 L 130)?

2)

L-Artikolu 221(1) tal-Kodiċi Doganali għandu jiġi interpretat fis-sens li l-komunikazzjoni ta' l-ammont ta' dazju mill-awtoritajiet doganali lid-debitur skond il-proċeduri li jkunu xierqa tista' titqies bħala l-komunikazzjoni ta' l-ammont ta' dazju lid-debitur taħt l-Artikolu 221(1) tal-Kodiċi Doganali biss jekk l-ammont ta' dazju ddaħħal fil-kontijiet mill-awtoritajiet doganali qabel ma ġie kkomunikat lid-debitur?

3)

L-Artikolu 221(1) tal-Kodiċi Doganali għandu jiġi interpretat fis-sens li, jekk l-ammont ta' dazju jiġi kkomunikat mill-awtoritajiet doganali lid-debitur skond il-proċeduri li jkunu xierqa iżda mingħajr ma l-ammont ta' dazju jkun iddaħħal fil-kontijiet mill-awtoritajiet doganali qabel din il-komunikazzjoni, il-ħlas ta' l-ammont ta' dazju ma jistax jintalab, u b'konsegwenza ta' dan, sabiex jinkiseb il-ħlas ta' l-ammont ta' dazju, l-awtoritajiet doganali għandhom jikkomunikaw dan l-ammont mill-ġdid lid-debitur skond il-proċeduri li jkunu xierqa wara li l-ammont ta' dazju jkun iddaħħal fil-kontijiet u sakemm id-dħul fil-kontijiet isir qabel ma jiskadi t-terminu ta' preskrizzjoni applikabbli?
Top