This document is an excerpt from the EUR-Lex website
Document 52012DC0196
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS European Strategy for a Better Internet for Children
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Strateġija Ewropea għal Internet Aħjar għat-Tfal
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Strateġija Ewropea għal Internet Aħjar għat-Tfal
/* COM/2012/0196 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Strateġija Ewropea għal Internet Aħjar għat-Tfal /* COM/2012/0196 final */
KOMUNIKAZZJONI TAL-KUMMISSJONI
LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI
EWROPEW U LILL-KUMITAT TAR-REĠJUNI Strateġija Ewropea għal Internet
Aħjar għat-Tfal Kif enfasizzat fl-Aġenda tal-UE dwar id-Drittijiet tat-Tfal[1], l-effetti
fit-tul ta’ żmien ta’ nuqqas ta’ investiment biżżejjed
fil-politiki li jaffettwaw lit-tfal[2]
jista’ jkollhom impatt profond fuq is-soċjetajiet tagħna. Billi
l-Aġenda Diġitali għall-Ewropa[3] timmira li jkollha kull Ewropew
diġitali, it-tfal għandhom bżonnijiet u dgħufiji
partikolari fuq l-internet, li għandhom jiġu indirizzati
speċifikament biex l-Internet isir post ta’ opportunitajiet għat-tfal
sabiex ikollhom aċċess għall-għarfien, jikkomunikaw,
jiżviluppaw il-ħiliet tagħhom u jtejbu l-perspettivi tagħhom
ta’ impjiegi u għall-impjegabilità[4].
It-tfal huma dejjem aktar esposti għall-internet, permezz ta’
firxa dejjem tikber ta' apparati u f’età iżgħar. Huwa għalhekk
meħtieġ li issa tiġi żviluppata strateġija xierqa li
tirrappreżenta l-bżonnijiet tagħhom. Għandhom jiġu
żviluppati kontenut u servizzi ġodda ta' kwalità ogħla,
iddedikati għat-tfal. Is-sikurezza fuq l-internet għat-tfal
għandha tkun garantita. Min-naħa l-oħra, l-analiżi turi li
użu aħjar u aktar mifrux tal-internet mit-tfal qed jiftaħ
il-bieb għal żvilupp intensiv ta’ negozju f’kontenut u servizzi
innovattivi fuq l-internet. Billi jittieħed kapital mid-daqs tas-suq
intern, il-kumpaniji Ewropej jistgħu jkunu qegħdin f’qagħda
tajba biex jaħtfu dawn l-opportunitajiet għat-tkabbir u l-impjiegi. Kif
enfasizzat fil-konklużjonijiet tal-Kunsill dwar il-Protezzjoni tat-Tfal
fid-Dinja Diġitali tat-28 ta’ Novembru 2011, hija
meħtieġa taħlita ta’ politiki biex toffri Internet Aħjar
għat-Tfal. L-azzjonijiet qegħdin jiġu żviluppati fuq livell
settorjali, nazzjonali jew Ewropew. Dawn għandhom jiġu inklużi
fi strateġija għall-UE kollha, li tiżviluppa r-rekwiżiti
bażiċi u li tevita l-frammentazzjoni. Ir-Regolament jibqa’
għażla, iżda, fejn ikun xieraq, preferibbilment dan għandu
jiġi evitat, favur għodod awtoregolatorji aktar adattabbli u favur
l-edukazzjoni u l-awtorizzazzjoni. L-istrateġija hija artikolata madwar
erba' ‘pilastri’ ewlenin li jsaħħu lil xulxin b’mod reċiproku
(1) L-istimolu tal-kontenut ta’ kwalità tal-internet
għaż-żgħażagħ; (2) L-intensifikazzjoni ta’
sensibilizzazzjoni u awtorizzazzjoni; (3) Il-ħolqien ta’ ambjent sikur
għat-tfal fuq l-internet; u (4) Il-ġlieda kontra l-abbuż
sesswali fuq it-tfal u l-isfruttament sesswali tat-tfal. L-istrateġija
tipproponi sensiela ta’ azzjonijiet li għandhom jittieħdu
mill-Kummissjoni, l-Istati Membri u l-katina tal-valur tal-industrija kollha. 1. Għaliex hija
meħtieġa strateġija Ewropea issa? 1.1. Opportunitajiet ġodda
għat-tfal u għal żvilupp tan-negozju Għalkemm meta nħoloq l-internet, dan
ma kienx ntiż għat-tfal, 75 % tat-tfal u
ż-żgħażagħ fl-Ewropa bejn is-6 u s-17-il sena
kienu rrappurtati mill-ġenituri tagħhom li jużaw l-internet[5].
Żgħażagħ bejn il-15 u s-16-il-sena jirrapportaw li bdew
jużaw l-internet meta kellhom 11-il sena. B'paragun, tfal bejn id-9 u l-10
snin jirrappurtaw li bħala medja, bdew jużawh meta kellhom
7 snin. 33% tal-persuni bejn id-9 u s-16-il-sena li jużaw l-internet
jgħidu li jagħmlu hekk billi jużaw il-mowbajl jew apparat
ieħor li jinżamm fl-idejn[6].
It-tfal għandhom ħtiġijiet u
vulnerabbiltajiet speċifiċi u d-differenza tagħhom għandha
tiġi rikonoxxuta. L-internet u l-ICT jipprovdu lit-tfal b’firxa
wiesgħa ta’ opportunitajiet biex jilagħbu, jitgħallmu, jinnovaw
u jkunu kreattivi, jikkomunikaw u jesprimu ruħhom, biex jikkollaboraw u
jinvolvu ruħhom fis-soċjetà, biex ikunu aktar konxji tad-dinja ta’
madwarhom, u biex jiżviluppaw il-ħiliet essenzjali, u
jeżerċitaw id-drittijiet tagħhom[7]. Iżda t-tfal jeħtieġ ukoll li
jiġu protetti. Billi tingħata attenzjoni
għat-talbiet tat-tfal tkun qed tinfetaħ firxa wiesgħa ta'
opportunitajiet ta' negozju. Fl-2012, is-suq globali tal-kontenut diġitali
huwa mbassar li jlaħħaq EUR 113 biljun[8]. Il-valur
tas-suq tal-apps tal-mowbajl kien EUR 5 biljun u dan mistenni jikber
sa EUR 27 biljun sal-2015, prinċipalment xpruntat
mil-logħob u b'aktar minn 5 biljun abbonament tal-mowbajl madwar
id-dinja. Is-suq globali tal-logħob tal-kompjuter huwa mbassar li
jlaħħaq il-bejgħ ta’ aktar minn EUR 62 biljun[9].
Bil-proliferazzjoni wiesgħa ta’ tablets, smart phones u laptops li t-tfal
jużaw bil-kbir, is-suq potenzjali għal kontenut edukattiv, kreattiv u
interattiv fuq l-internet għat tfal żgħar u l-adoloxxenti huwa
sostanzjali. L-apps mobbli u fuq l-internet u l-logħob jipprovdu
opportunitajiet mingħajr preċedent għall-iżvilupp
tan-negozju, b'mod partikolari għall-SMEs u l-ħallieqa, peress li
jippermettu kuntatt dirett mal-utenti potenzjali/il-klijenti. It-tfal infushom
jistgħu jsiru ħallieqa fuq l-internet u jibdew in-negozji. 1.2. Diskrepanzi u problemi
attwali 1.2.1. Il-frammentazzjoni tas-suq Ir-rapport tal-Kummissjoni[10] dwar kif
ir-rakkomandazzjonijiet eżistenti għas-sikurezza tat-tfal
qegħdin jiġu implimentati fl-Istati Membri juri li, ġeneralment,
dawn qed iżidu l-isforzi biex jirrispondu għall-isfidi diġitali,
iżda l-miżuri meħuda mhumiex biżżejjed. Politiki
differenti, kemm regolatorji jew awtoregolatorji, huma implimentati madwar
l-Istati Membri – pereżempju għal kontrolli tal-ġenituri,
għall-klassifikazzjoni tal-kontenut u għar-rappurtar tal-kontenut
illegali u ta’ ħsara. Fir-Renju Unit, il-fornituri tas-servizzi
tal-Internet (ISPs) adottaw kodiċi ta’ prattika[11] li
tippromwovi "għażla attiva"[12] li
l-implimentazzjoni tagħha titħalla f’idejn kull ISP; fi Franza,
l-ISPs jridu jipprovdu mingħajr ħlas, is-softwer tal-kontroll tal-ġenituri;
fil-Ġermanja softwer iċċertifikat "għall-ħarsien
taż-żagħżagħ" jista’ jintuża biex iżomm
lit-tfal milli jaċċessaw siti elettroniċi li jipprovdu kontenut
ta’ ħsara. F’pajjiżi oħra ma teżisti l-ebda
dispożizzjoni bħal din. Il-Ġermanja wkoll timplimenta qafas
awtoregolatorji li jippermetti lill-fornituri li jikklassifikaw tipi differenti
ta’ kontenut fuq l-internet bħal vidjows, siti elettroniċi jew
logħob fuq l-internet. Fir-Renju Unit, waħda mir-rakkomandazzjonijiet
tar-rapport Bailey[13]
kienet biex il-vidjows mużikali jiġu kklassifikati skont l-età.
F’pajjiżi oħra ma teżisti l-ebda dispożizzjoni
għall-klassifikazzjoni tal-kontenut fuq l-intenet. Fil-Finlandja u l-Belġju,
il-kodiċijiet ta’ kondotta tal-industrija wkoll ġew negozjati,
l-ewwel nett għall-midja soċjali u t-tieni nett biex tiġi
indirizzata firxa aktar mifruxa ta' fornituri. Fil-pajjiżi
bħar-Renju Unit, Spanja, l-Italja jew ir-Repubblika Ċeka,
il-mekkaniżmi ta’ rappurtar differenti u l-kontenut illegali u
l-imġiba ta’ ħsara huma implimentati bl-appoġġ ta’
partijiet interessati differenti bħall-pulizija, l-NGOs jew l-industrija. Għalkemm dawn il-miżuri jista'
jkollhom impatt pożittiv fuq is-swieq nazzjonali u l-utenti, jistgħu
iwasslu wkoll għal frammentazzjoni iktar profonda tas-suq u joħolqu
ostakoli speċjalment għal fornituri Ewropej, inklużi l-SMEs li
m’għandhomx ir-riżorsi biex ilaħħqu ma’ sistemi politiki
differenti min-naħa għall-oħra tal-fruntieri u ma jistgħux
jibbenefikaw minn suq diġitali uniku. Fl-istess waqt, huwa ċar li mhux
it-tfal kollha madwar l-Ewropa jiksbu l-istess opportunitajiet ta’
awtorizzazzjoni u protezzjoni meta jkunu fuq l-internet. 1.2.2. Falliment tas-suq biex iwassal
miżuri ta’ protezzjoni u kontenut ta’ kwalità madwar l-Ewropa It-tfal għad iridu jiġu identifikati
bħala udjenza fil-mira li ta’ min wieħed jinvestigaha. L-għodod
ta’ integrazzjoni għall-ħarsien tagħhom u li jagħtuhom
il-possibilità li jimmaniġġjaw il-preżenza tagħhom fuq
l-internet b'mod sikur u responsabbli (bħal kontrolli tal-ġenituri)
f'apparati jew servizzi hija ta’ spiss meqjusa bħala żieda
fl-ispiża u l-kumpaniji mhumiex ħerqana li jiżviluppaw u
jimplimentaw dawn l-għodod jekk ma jkunux fiduċjużi li se jkun
hemm suq ta' daqs suffiċjenti li jiġġustifika l-investiment. Il-valutazzjoni komparattiva tal-kontrolli
tal-ġenituri[14]
turi li l-parti l-kbira tal-għodod huma effettivi biss bl-Ingliż.
Apparati ġodda jqanqlu problemi ulterjuri: ma hemmx ħafna għodod
tajbin għal konsowls tal-logħob, tablets u mowbajls – l-apparati
użati dejjem iktar mit-tfal li jużaw l-internet - u m’hemm l-ebda
soluzzjoni għall-utenti li jkollhom aċċess għall-kontenut
fuq il-mowbajl jew tablets li jużaw applikazzjoni u mhux browser. Fl-istess waqt, m’hemmx biżżejjed
kontenut ta’ kwalità disponibbli. Skont stħarriġ panEwropew[15],
32 % biss tat-tfal bejn id-9 u t-12-il sena jħossu li hemm
biżżejjed "affarijiet tajbin għat-tfal" tal-età
tagħhom li jistgħu jużaw fuq l-internet[16]. F'setturi
bħall-apps, jiġu applikati sistemi tal-klassifikazzjoni tal-kontenut
li ma kinux żviluppati għas-suq u l-utenti Ewropej. 1.2.3. Ġestjoni tar-riskji
sabiex tinbena fiduċja fis-servizzi u l-kontenut Ir-riċerka turi li madwar l-Ewropa,
minkejja varjazzjoni konsiderevoli fost il-pajjiżi, il-klassifikazzjoni
tar-riskji esperjenzati hija pjuttost simili f’kull pajjiż[17].
Fl-2010, 4 minn kull 10 itfal fl-Ewropa rrappurtaw li ltaqgħu
ma’ wieħed mir-riskji li ġejjin: komunikazzjoni permezz tal-internet
ma’ xi ħadd li qatt ma kienu ltaqgħu wiċċ
imb'wiċċ miegħu; espożizzjoni għal kontenut
iġġenerat mill-utent li jippromwovi l-anoressja, il-ħsara li
persuna tista’ tagħmel lilha nfisha, it-teħid tad-droga jew
is-suwiċidju; espożizzjoni għal xbihat sesswali fuq l-internet u
l-użu ħażin tad-dejta personali; laqgħat barra
mill-internet ma’ persuni li l-ewwel ma ltaqgħu magħhom kien fuq
l-internet; li jiġu bbulijati fuq l-internet (cyber-bullied)[18]. Qed
jinbtu xejriet ġodda ta’ mġiba, bħat-tqassim ta’ filmati,
meħuda permezz ta’ kamera tal-mowbajl, ta' assalti fiżiċi fuq
tfal oħrajn[19]
jew jintbagħtu/jiġu riċevuti xbihat/messaġġi sesswali
lil/minn tfal tamparhom[20]. Servizzi
ġodda b’impatt potenzjali dwar il-privatezza, bħal
ġeolokalizzazzjoni, huma dejjem aktar popolari. Ir-reklamar fuq l-internet
ukoll qed jikseb suċċess, u t-tfal ma jkunux għandhom
żviluppaw l-abbiltà li jinteraġixxu b’mod kritiku ma’ dan.[21]. Barra minn hekk, l-użu tal-internet qed
jespandi għar-reklutaġġ tal-vittmi tat-traffikar tal-bnedmin u
għar-reklamar tas-servizzi tagħhom, inklużi t-tfal[22].
L-internet jipprovdi wkoll ambjent li fih faċilment jista’ jitqassam
materjal dwar l-abbuż tat-tfal. Filwaqt li dan mhux marbut mal-użu
tal-internet mit-tfal, hija problema li taffettwa t-tfal bħala vittmi.
Skont L-Internet Watch Foundation (IWF), aktar minn 40 % tal-URLs dwar
l-abbuż sesswali ikkonfermati fuq it-tfal (skont il-lokazzjoni
tal-fornitur ospitanti) huma ospitati fl-Ewropa u r-Russja. Xbihat ta’
abbuż sesswali fuq it-tfal issa qegħdin jitqassmu fuq l-internet
permezz ta’ mezzi oħra minbarra s-siti elettroniċi (eż. in-netwerks
bejn il-pari). Minħabba n-natura mingħajr fruntieri tal-internet u
l-fatt li x-xbihat ta' abbuż fuq it-tfal huma illegali madwar l-Ewropa
kollha, hija meħtieġa azzjoni f'dan il-qasam fil-livell Ewropew. 1.2.4. Nuqqas ta’ ħiliet Filwaqt li sal-2015 huwa mistenni li 90 %
tal-impjiegi fis-setturi kollha ser jeħtieġu ħiliet
tekniċi, 25 % biss taż-żgħażagħ madwar l-UE
jirrappurtaw huma stess li għandhom livell "għoli" ta’
ħiliet bażiċi fl-internet (bħal l-użu tal-internet
biex jagħmlu telefonati, joħolqu paġna elettronika, l-użu
tqassim ta’ fajls bejn il-pari)[23].
Ir-riċerka turi li hemm żbilanċ serju fil-ħiliet
diġitali fost it-tfal Ewropej, minkejja l-fehma popolari li dawn huma
"nattivi diġitali" (digital natives). Pereżempju, 38 %
tat-tfal bejn id-9 u t-12-il sena fl-Ewropa li jużaw l-internet
jirapportaw li għandhom profil personali fuq sit ta' netwerking
soċjali. Madankollu, 56 % biss tat-tfal bejn il-11 u t-12-il sena
jgħidu li jafu kif ibiddlu l-konfigurazzjoni tagħhom tal-privatezza[24].
Ir-riċerka sabet ukoll li l-firxa ta’ ħiliet diġitali u
tal-attivitajiet fuq l-internet huma marbutin flmkien[25].
Għalhekk, l-iżvilupp tal-ħiliet ta’ sikurezza jista’
jinkoraġġixxi ħiliet oħrajn assoċjati ma’ attivitajiet
oħra fuq l-internet. 2. Ekosistema ġdida:
Strateġija Ewropea għal internet aħjar għat-tfal Matul is-snin ġew żviluppati
sensiela ta’ politiki fil-livell Ewropew biex jappoġġaw lit-tfal.
Madankollu, dawn ta' spiss kienu speċifiċi, eż. jiffokaw fuq
mezzi tal-midja[26]
jew pjattaformi teknoloġiċi[27]
u ma ġewx ikkombinati f'qafas koerenti. Il-politiki tal-UE sal-lum
għadhom ma rrikonoxxewx biżżejjed li t-tfal jikkostitwixxu
udjenza mmirata speċifika għall-internet, li teħtieġ
ekosistema ġdida li tappoġġa l-ħtiġijiet tagħha.
L-Ewropa teħtieġ strateġija li ma tippermettix
il-frammentazzjoni tas-suq u toħloq ambjent aktar sikur u ta’ valur
għal tfal kollha fl-UE li jużaw l-internet. Huwa propost li tkun kombinata sensiela ta'
strumenti bbażati madwar leġiżlazzjoni, awtoregolamentazzjoni u
appoġġ finanzjarju. Il-leġiżlazzjoni mhux ser tiġi
injorata, iżda ser tingħata preferenza
għall-awtoregolamentazzjoni, li tibqa' l-aktar qafas flessibbli sabiex
jinkisbu riżultati tanġibbli f'dan il-qasam. Madankollu,
jeħtieġ li tkun proċess dinamiku li jirrispondi għal sfidi
ġodda bħall-konverġenza tat-teknoloġija[28] u li
jipprovdi mekkaniżmi xierqa għall-valutazzjoni komparattiva u
l-monitoraġġ indipendenti. Il-Kummissjoni ser tiffinanzja wkoll
azzjonijiet taħt l-istrateġija permezz tal-Programm tal-Internet
Aktar Sikur[29]
(2009-2013), il-"Faċilità Nikkollegaw l-Ewropa"[30] u
l-"Orizzont 2020" mill-2014[31]. 2.1. Kontenut fuq l-internet ta’
kwalità għolja għat-tfal u ż-żgħażagħ L-istimolu
tal-produzzjoni ta' kontenut fuq l-internet ta’ kwalità għolja
għat-tfal u ż-żgħażagħ huwa ta’
benefiċċju kemm għalihom u kemm għall-iżvilupp tas-suq
diġitali uniku. Din l-istrateġija tappoġġa żewġ
linji ta' azzjoni li huma magħqudin flimkien b’mod ċar u jista'
jwassal biss għal riżultati jekk jitwettqu b’mod parallel. 2.1.1. Stimolu tal-produzzjoni ta'
kontenut fuq l-internet kreattiv u edukattiv għat-tfal It-tfal
żgħar jeħtieġu ‘online playgrounds’ fejn jistgħu
jilagħbu u jitgħallmu; l-adoloxxenti jistgħu jibbenefikaw minn
logħob kreattiv u edukattiv li jistimola l-immaġinazzjoni
tagħhom u jkun ta’ sostenn għall-użu pożittiv tagħhom
tal-internet. Fl-istess waqt, it-teknoloġija ser tintuża aktar u
aktar fil-klassijiet għall-gruppi tal-etajiet kollha. Tagħlim
interattiv permezz tat-teknoloġiji jista' jistimula l-kreattività u
l-ħsieb kritiku. Sabiex dan jiġi ffaċilitat, huwa
meħtieġ li jkun stimulat il-ħolqien tal-kontenut li ser
jappoġġa kemm l-iżvilupp tat-tfal kif ukoll is-suq uniku
diġitali Ewropew. Ċerti Stati Membri, bħall-Ġermanja, nedew
inizjattivi biex jistimulaw il-produzzjoni u l-viżibilità ta' kontenut ta'
kwalità għat-tfal ma' kriterji u/jew standards speċifiċi. 2.1.2. Promozzjoni ta’ esperjenzi
pożittivi fuq l-internet għat-tfal żgħar Il-maġġoranza
taż-żgħażagħ għadhom ‘jikkonsmaw’ online aktar
milli joħolqu. L-għan huwa li titħeġġeġ
il-kreattività u l-użu pożittiv tal-internet li mhux biss se
jgħinhom jiżviluppaw il-ħiliet diġitali tagħhom
iżda wkoll se jawtorizzahom biex jikbru u jiffurmaw id-dinja tagħhom
b’mod sikur, kreattiv, biex jinbnew komunitajiet, u biex ikunu attivi
f’soċjetà parteċipattiva. Jista' wkoll jagħti l-ħajja
lill-innovazzjoni teknoloġika u l-bidu li jikkontribwixxi għas-suq
diġitali uniku. Il-Kummissjoni ser: ·
tappoġġja pjattaformi interoperabbli
għall-għodod li jiżguraw aċċess għal kontenut
adattat skont l-età (bħal listi bojod[32] jew brawżers adatatti għat-tfal),
filwaqt li jikkunsidraw il-kwistjoni dwar il-kontroll kontinwu tal-kwalità. ·
tistimula l-innovazzjoni f’kontenut kreattiv
mit-tfal u għat-tfal billi tappoġġja proġetti u inizjattivi
bħall-kompetizzjoni ‘l-Aqwa Kontenut Onlajn tat-Tfal’. L-industrija għandha ·
tiżviluppa u toffri kontenut interattiv ta’
kwalità, immirat għat-tfal, kif ukoll l-għodod faċli biex
jintużaw li jħeġġu l-kreattività tagħhom u
jgħinuhom jitgħallmu. ·
tappoġġja finanzjarjament u/jew
teknikament inizjattivi f’dan il-qasam li jkunu ġejjin mit-tfal stess,
l-iskejjel jew l-NGOs. L-Istati Membri għandhom ·
jagħtu l-istess appoġġ
tal-Kummissjoni għall-inizjattivi immirati sabiex jinħoloq kontenut
ta’ kwalità għolja fuq l-internet għat-tfal u jippromwovhom b’mod
attiv ·
jikkoordinaw bejniethom f'dan il-qasam,
bl-appoġġ tal-Kummissjoni, u jimplimentaw l-istandards
għall-kontenut ta’ kwalità online għat-tfal[33]. 2.2. Intensifikazzjoni tas-sensibilizzazzjoni
u l-awtorizzazzjoni It-tfal, il-kuraturi, l-għalliema u
l-ġenituri tagħhom għandhom ikunu konxji mir-riskji li t-tfal
jistgħu jiltaqgħu magħhom fuq l-internet kif ukoll
mill-għodod u l-istrateġiji biex jipproteġu lilhom infushom jew
ilaħħqu ma' dawn ir-riskji. It-tfal jeħtieġu
jiżviluppaw il-ħsieb kritiku tagħhom u l-ħiliet
tal-litteriżmu diġitali tal-midja biex ikunu kapaċi
jikkontribwixxu b’mod attiv f’soċjetà parteċipattiva. Dawn
jeħtieġu aċċess għall-għodod addattati skont
l-età tagħhom u kif jużawhom li jkunu jistgħu jgħinuhom
jaġixxu online b’mod sikur u responsabbli. L-iffokar ta’ azzjonijiet ta’
kuxjenza u awtorizzazzjoni għandu jkun biex tiġi żviluppata
l-awtoprotezzjoni u l-awtoresponsabbiltà fl-ambjent online fost it-tfal. 2.2.1. Litteriżmu diġitali
medjatiku[34]
u t-tagħlim tas-sikurezza online fl-iskejjel Il-litteriżmu u l-ħiliet diġitali
u medjatiċi huma kruċjali għall-użu tal-internet mit-tfal.
Hekk kif it-tfal jibdew jużaw l-internet minn etajiet żgħar
ħafna, huwa meħtieġ li jkun hemm edukazzjoni dwar is-sikurezza
fuq l-internet li tibda mit-tfulija bikrija, billi tadatta l-istrateġiji
ta’ implimentazzjoni għall-bżonnijiet u l-livelli differenti ta'
awtonomija tat-tfal żgħar u l-adoloxxenti. L-iskejjel jinsabu
fl-aħjar pożizzjoni biex tintlaħaq il-maġġoranza
tat-tfal, irrispettivament mill-età, l-introjtu jew l-isfond, kif ukoll mir-riċevituri
ewlenin oħrajn tal messaġġi tas-sikurezza tal-internet,
bħall-għalliema u l-ġenituri (indirettament). Is-sikurezza fuq
l-internet bħala tema speċifika hija attwalment inkluża
fil-kurrikulu tal-iskejjel fi 23 sistema edukattiva madwar l-Ewropa[35], iżda
din mhux qed tiġi implimentata biżżejjed b'nuqqas ta'
riżorsi ta' tagħlim online relevanti. It-tagħlim tas-sikurezza
online fl-iskejjel hija wkoll azzjoni mitluba mill-Aġenda Diġitali
għall-Ewropa. L-Istati Membri għandhom ·
jintensifikaw l-implimentazzjoni
tal-strateġiji biex sal-2013, jinkludu t-tagħlim tas-sikurezza fuq
l-internet fil-kurrikula skolastiċi. ·
isaħħu l-edukazzjoni informali dwar
is-sikurezza fuq l-internet u jipprovdu għal politiki dwar is-“sikurezza
fuq l-internet ” fl-iskejjel u t-taħriġ adegwat tal-għalliema. ·
jappoġġjaw sħubiji
pubbliċi-privati biex jilħqu l-għanijiet imsemmija hawn fuq. Il-Kummissjoni ser ·
tappoġġja l-identifikazzjoni u l-iskambju
tal-aħjar prattiki fost l-Istati Membri fl-oqsma ta’edukazzjoni formali u
informali dwar is-sikurezza fuq l-internet, il-ħolqien ta' kontenut
edukattiv relevanti, u sħubiji pubbliċi-privati immirati biex
jilħqu u jagħtu l-attenzjoni lit-tfal, il-ġenituri,
l-għalliema u min jieħu ħsiebhom. ·
tiżviluppa modulu speċifiku fi ħdan
il-Europass għal kompetenza diġitali u ser ittejjeb l-indikaturi
għall-użu u l-impatt tal-ICT fl-edukazzjoni. L-industrija għandha ·
tipparteċipa fi sħubiji
privati-pubbliċi biex tappoġġja l-iżvilupp ta' għodod
u pjattaformi interattivi li jipprovdu materjal edukakattiv u ta’ għarfien
għall-għalliema u t-tfal, li jibnu fuq l-inizjattivi eżistenti[36] 2.2.2. Intensifikazzjoni
fl-attivitajiet ta’ sensibilizzazzjoni u l-parteċipazzjoni
taż-żgħażagħ Prattiki tajba għandhom jiżdiedu
sabiex il-kampanji ta' sensibilizzazzjoni konsistentement jaslu għand
it-tfal kollha, il-ġenituri, l-għalliema u l-kuraturi madwar l-UE[37].
Strateġiji li jqajmu kuxjenza għandhom iqisu l-livelli differenti ta'
żvilupp ta' tfal iżgħar u l-adolexxenti u għandha
tingħata attenzjoni partikolari għall-iżgħar tfal u l-aktar
vulnerabbli, inklużi dawk b'diżabilitajiet intellettwali u ta’
tagħlim. Fl-istess waqt, l-edukazzjoni tal-pari hija strateġija
imprezzabbli għat-tfal ta’ kull età biex isiru jafu d-drittijiet u
r-responsabbiltajiet tagħhom fuq l-internet. Il-Kummissjoni ser ·
tiffinanzja l-ħolqien ta' infrastruttura ta’
servizz interoperabbli madwar l-UE mill-2014, biex tappoġġja
Ċentri ta’ Internet Aktar Sikur, li jipprovdu informazzjoni dwar
is-sikurezza fuq l-internet u għodod ta’ kuxjenza pubblika, kif ukoll
pjattaformi għall-parteċipazzjoni
taż-żgħażagħ. Il-pjattaforma ser tinkludi wkoll
livelli komparattiva għall-iskambju tal-aħjar prattika[38]. ·
tagħti l-ħajja mill-ġdid lill-Portal
Ewropew taż-Żgħażagħ, b’konformità
mal-istrateġija tal-UE dwar iż-Żgħażagħ[39], li
joffri ambjent virtwali sikur u dinamiku għall-iskambju tal-informazzjoni
għaż-żgħażagħ. Din timmira biex issir referenza
għall-kwalità tal-informazzjoni
għaż-żgħażagħ dwar l-istudju, ix-xogħol u
l-volontarjat, l-iskambji taż-żgħażagħ, il-kultura,
il-kreattività, is-saħħa u oqsma oħra relatati
maż-żgħażagħ madwar l-Ewropa u
għall-parteċipazzjoni taż-żgħażagħ fuq
l-internet, u tilħaq liż-żgħażagħ Ewropej kollha,
inklużi dawk b'inqas opportunitajiet. L-Istati Membri għandhom ·
jagħtu l-istess appoġġ
tal-Kummissjoni għal kampanji għat-tqajjim ta' kuxjenza pubblika
fl-livell nazzjonali. ·
jinvolvu lit-tfal meta dawn jiżviluppaw
kampanji nazzjonali u/jew leġiżlazzjoni b’impatt fuq l-attivitajiet
tagħhom fuq l-internet. ·
jagħtu l-istess appoġġ
tal-Kummissjoni għal Gruppi nazzjonali
taż-Żgħażagħ. L-industrija
għandha tappoġġja l-intensifikazzjoni fl-attivitajiet li jqajmu
kuxjenza billi ·
tipprovdi appoġġ tekniku u ta’
finanzjament lill-NGOs u lill-edukaturi għall-iżvilupp
tar-riżorsi ·
ixxerred materjal tal-għarfien lill-klijenti
tagħha jew fil-punt tal-bejgħ jew permezz tal-mezzi tagħhom fuq
l-internet. 2.2.3. Għodod ta’ rappurtar
sempliċi u b’saħħithomt għall-utenti Sabiex
it-tfal jingħataw l-awtorizzazjoni li jittrattaw ir-riskji
bħall-ibbuljar fuq l-internet jew it-tħejjija għall-abbuż
sesswali (grooming)[40],
għandhom ikunu disponibbli madwar l-UE kollha, mekkaniżmi
b’saħħithom għal kontenut ta' rappurtar u kuntatti li jkunu
jidhru ta’ ħsara għat-tfal,. Dawn
il-mekkaniżmi ser jikkomplementaw ukoll l-għan li tagħmilha
eħfef għaċ-ċittadini biex jirrapportaw
iċ-ċiberkriminalità, partikolarment fil-kuntest tal-iżvilupp
tan-netwerk ta' pjattaformi ta’ twissija taċ-ċiberkriminalità
nazzjonali u ċ-Ċentru Ewropew taċ-Ċiberkriminalità tal-ġejjieni[41]. Fl-istess
waqt, huma ser jikkumplimentaw il-116-il hotline li joffru għajnuna u
appoġġ għat-tfal li jkunu neqsin u l-ġenituri tagħhom[42] billi
l-vjolenza fuq l-internet kontra t-tfal tista’ tikkostitwixxi wħud
mill-kawżi għat-tfal li jgħibu mid-dar. L-industrija għandha ·
tistabbilixxi u tħaddem madwar l-UE kollha,
mekkaniżmu biex it-tfal jużaw is-servizzi tagħhom sabiex
jirrappurtaw il-kontenut u kondotta ta’ ħsara, b'kooperazzjoni ma' atturi
nazzjonali rilevanti. Dan għandu jkun viżibbli, faċli biex
jinstab, jingħaraf, aċċessibbli għal kulħadd u disponibbli
fi kwalunkwe stadju ta’ esperjenza fuq l-internet fejn it-tfal jistgħu
jiġu bżonnu. Għandu jkollha kategoriji ta’ rappurtar ċari u
li jinftehmu komunement u infrastruttura tal-uffiċċju li tiżgura
segwitu ċar u veloċi. L-immaniġġar tar-rapporti għandu
jsir b'konformità mal-leġiżlazzjoni fis-seħħ dwar
il-protezzjoni tad-dejta. Il-Kummissjoni ser ·
tiffaċilita l-kooperazzjoni bejn l-industrija
involuta fi ftehimiet awtoregolatorji pan-Ewropej u l-helplines tal-Internet
Aktar Sikur. ·
tikkunsidra miżuri regolatorji jekk
inizjattiva tal-industrija tonqos milli twettaq xogħolha. ·
tkompli tiżgura l-implimentazzjoni korretta
tad-Direttiva Servizz Universali fir-rigward tal-obbligu tal-Istati Membri biex
jagħmlu 116000 hotline operattivi u ser tipprovdi wkoll il-finanzjament
għat-twaqqif u l-immaniġġjar ta’ hotlines għat-tfal li
jkunu neqsin. L-Istati Membri għandhom ·
jipprovdu l-appoġġ meħtieġ
għat-twaqqif u tħaddim tal-mekkaniżmi tar-rappurtar,
speċjalment fejn il-kooperazzjoni mal-imsieħba bħall-helplines
għat-tfal u l-korpi tal-infurzar tal-liġi tkun neċessarja. ·
jissorveljaw it-tħaddim effettiv tagħhom
f’livell nazzjonali. ·
irendu l-116000 hotline operattivi. 2.3. Ħolqien ta’ ambjent
sikur għat-tfal fuq l-internet Filwaqt li l-awtorizzazzjoni u l-edukazzjoni jeħtieġ
li jkunu intensifikati, dawn jeħtieġu wkoll li jiġu
kkomplimentati minn protezzjoni. Dan huwa għaliex it-tfal mhux dejjem
jaraw r-riskji potenzjali li jiffaċċjaw fuq l-internet u/jew mhumiex
dejjem konxji tal-konsegwenzi potenzjali tal-azzjonijiet tagħhom.
Madankollu, l-espożizzjoni tagħhom għal imġiba jew kontenut
ta’ ħsara jistgħu jirriżultaw f’esperjenzi skonvolġenti
online jew f’riskji fid-dinja offline. Għaldaqstant, huwa
meħtieġ li jiġu implimentati miżuri li jipprevjenu lit-tfal
milli jiġu f’kuntatt ma’ kontenut jew imġiba bħal din.
L-azzjonijiet proposti jindirizzaw kemm lit-tfal iżgħar u
l-adoloxxenti, għaliex it-tfal ta’ etajiet differenti jużaw
teknoloġiji ġodda b'modi differenti u mhux possibbli li tinstab
soluzzjoni universali għat-tfal kollha jew għas-sikurezza
tagħhom fuq l-internet. Id-differenzi fl-approċċ bejn il-gruppi
ta’ età għandhom ikunu deskritti fejn meħtieġ. 2.3.1. Konfigurazzjoni tal-privatezza
addattata skont l-età Għalkemm jeżistu riskji
għall-privatezza għall-utenti kollha, it-tfal huma grupp
partikolarment vulnerabbli. Tfal żgħar ħafna, b’mod partikulari,
ma jafux kif ibiddlu l-konfigurazzjonijiet tal-privatezza tagħhom u ma
jistgħux jifhmu l-konsegwenzi potenzjali tal-azzjonijiet tagħhom, bħal
pereżempju jsiru mira faċli għat-tħejjija
għall-abbuż sesswali jew li jesponu lilhom infushom għar-riskji
għar-reputazzjoni tagħhom fuq l-internet. Għalhekk,
il-konfigurazzjonijiet awtomatiċi tal-privatezza għal tfal
għandhom ikunu amministrasti b'mezzi li jiżguraw li dawn ikunu sikuri
kemm jista’ jkun. L-industrija hi mistennija li ·
timplimenta[43] l-konfigurazzjonijiet awtomatiċi
trasparenti tal-privatezza li jkunu adattati skont l-età, b'informazzjoni
ċara u bi twissijiet lill-minorenni tal-konsegwenzi potenzjali ta' kull
tibdil li jagħmlu fil-konfigurazzjonijiet awtomatiċi tas-sikurezza
tagħhom u bit-tagħrif kuntestwali dwar il-livell ta’ privatezza ta’
kull biċċa informazzjoni mitluba jew issuġġerita biex
jiġi stabbilit profil fuq l-internet. ·
timplimenta mezzi tekniċi għall-identifikazzjoni
u l-awtentikazzjoni elettronika. Il-Kummissjoni ·
ipproponiet Regolament ġdid dwar
il-protezzjoni tad-dejta li tieħu kont speċifiku tal-privatezza
tat-tfal u tintroduċi d-"dritt li jintesa". ·
biħsiebha tipproponi qafas pan-Ewropew fl-2012
għall-awtentifikazzjoni elettronika li ser jippermetti l-użu ta'
attributi personali (l-età b’mod partikolari) biex jiżguraw konformità
mad-dispożizzjonijiet skont l-età tar-regolament propost dwar
il-protezzjoni tad-dejta. ·
ser tappoġġja r-riċerka u
l-iżvilupp biex tiżviluppa mezzi tekniċi
għall-identifikazzjoni u l-awtentikazzjoni elettronika dwar is-servizzi
rilevanti madwar l-UE u l-iskjerament tagħhom. L-Istati Membri għandhom ·
jiżguraw l-implimentazzjoni
tal-leġiżlazzjoni tal-UE f'dan il-qasam fil-livell nazzjonali. ·
jinkoraġġixxu l-adozzjoni ta’ miżuri
awtoregolatorji mill-industrija u jsegwu l-implimentazzjoni tagħhom
fil-livell nazzjonali. ·
jappoġġjaw l-attivitajiet li jqajmu
kuxjenza fil-livell nazzjonali. 2.3.2. Disponibbiltà u użu aktar
mifrux tal-kontroll tal-ġenituri 80 % tal-ġenituri jemmnu li
d-disponibbiltà u l-prestazzjoni mtejba tal-għodod ta’ kontroll
mill-ġenituri jikkontribwixxi għal użu aktar sikur u effettiv
tal-internet mit-tfal tagħhom[44].
Madankollu, bħala medja 28 % biss tal-ġenituri fl-Ewropa jinblukkaw
jew jiffiltraw is-siti elettroniċi li jżuru uliedhom[45].
B'rispett għal-libertà tal-espressjoni, il-kontrolli mill-ġenituri
huma miżura komplimentari li tikkontribwixxi għall-protezzjoni ta’
tfal iżgħar milli jaraw kontenut mhux xieraq fuq l-internet peress li
jipprovdu konfigurazzjonijiet għall-iffiltrar tal-kontenut u
l-monitoraġġ tal-attività fuq l-internet. Huwa meħtieġ li
tiġi żgurata d-disponibbiltà u l-użu aktar mifrux
tal-għodod ta’ kontroll mill-ġenituri f'diversi lingwi sabiex
jippermettu lill-ġenituri jagħmlu għażla infurmata dwar
jekk jużawx dawn l-għodod. L-industrija għandha ·
tiżgura id-disponibbiltà ta’ kontrolli
mill-ġenituri li huma sempliċi biex jiġu pprogrammati, li huma
faċli biex jintużaw u aċċessibbli għal kulħadd
fuq l-apparati kollha li jistgħu jaqbdu mal-internet disponibbli
fl-Ewropa. L-għodod għandhom ikunu effiċjenti fuq kull tip ta’
mezz u għal kull tip ta' kontenut, inkluż il-kontenut
iġġenerat mill-utent. Dawn għandhom jikkonformaw mal-aħjar
prattiki biex jiżguraw il-kontabilità u t-trasparenza. L-għodod
għandhom ikunu promossi sabiex jiżguraw l-aktar kuxjenza mifruxa
possibbli tal-eżistenza u l-bidu tal-użu tagħhom. Il-Kummissjoni ser ·
tappoġġja l-valutazzjoni komparattiva u
l-ittestjar tal-għodda tal-kontroll mill-ġenituri u servizzi
rilevanti li jawtorizzaw lill-ġenituri u t-tfal. ·
tappoġġja r-riċerka u
l-iżvilupp sabiex jistħarrġu kif is-sistemi tal-kontenut u
l-klassifikazzjoni skont l-età jistgħu jsiru interpretabbli permezz ta’
kontrolli effettivi mill-ġenituri li jistgħu jittrattaw firxa aktar
mifruxa ta’ lingwi. ·
tikkunsidra miżuri leġiżlattivi jekk
l-awtoregolamentazzjoni tal-industrija tonqos milli tirnexxi. L-Istati Membri huma mistiedna biex ·
jappoġġjaw l-isforzi tal-industrija f’dan
il-qasam u jsegwu l-implimentazzjoni tagħhom fuq apparati mibjugħa
fit-territorju tagħhom. ·
iwettqu ċikli ta’ testijiet u
ċertifikazzjoni għall-għodod ta’ kontroll mill-ġenituri. ·
jippromwovu d-disponibilità tagħhom. 2.3.3. Użu aktar mifrux
tal-klassifikazzjoni tal-kontenut u skont l-età Wieħed mir-riskji li t-tfal
jaffaċċjaw fuq l-internet huwa li jaraw kontenut mhux xieraq
(bħall-pornografija jew kontenut vjolenti). L-ambizzjoni hija li jkun hemm
approċċ ġeneralment applikabbli, trasparenti u konsistenti
għall-klassifikazzjoni tal-kontenut u skont l-età fl-UE kollha, għal
varjetà ta’ kontenut/servizzi (inklużi logħob fuq l-internet, apps u
kontenut kulturali u edukattiv ieħor) u biex jiġu esplorati
soluzzjonijiet innovattivi (pereżempju klassifikazzjoni mill-utenti jew
klassifikazzjoni awtomatika). Is-sistema għandhha tipprovdi
lill-ġenituri b’kategoriji ta’ età li jinftiehmu, filwaqt li tirrikonoxxi
li l-istess kontenut jista’ jiġi kklassifikat bħala xieraq għal
kategoriji ta’ etajiet differenti f'pajjiżi differenti. Dan
l-approċċ għandu jintuża b’mod konsistenti fis-setturi
kollha, biex b'hekk jiġu indirizzati d-diskrepanzi fl-implimentazzjoni
tas-sistemi attwali għal mezzi differenti tal-midja sabiex tibbenefika
l-kompetizzjoni tas-suq. L-industrija għandha ·
tistabbilixxi approċċ tal-UE għall-klassifikazzjoni
tal-kontenut u skont l-età applikabbli fis-servizzi kif deskritti hawn fuq,
filwaqt li tibni fuq is-suċċess tal-inizjattivi eżistenti
bħal tal-PEGI. ·
tiskopri kif dawn is-sistemi jistgħu jsiru
interpretabbli mill-kontrolli tal-ġenituri. Il-Kummissjoni ser
tappoġġja ·
l-awtoregolazzjoni f’dan il-qasam iżda ser
teżamina wkoll miżuri leġiżlattivi possibbli jekk
l-awtoregolamentazzjoni tal-industrija tonqos milli tirnexxi. ·
l-użu ta’ pjattaformi interoperabbli
mill-2014, biex jipprovdu servizzi adattati skont l-età. L-Istati Membri huma mistiedna biex ·
jikkooperaw skont ir-regolamenti tagħhom
fil-qasam u jinkoraġġixxu l-partijiet interessati rilevanti fuq
livell nazzjonali biex jikkontribwixxu għad-definizzjoni u
l-implimentazzjoni tas-sistemi ta' klassifikazzjoni tal-kontenut u skont l-età
fl-UE. ·
jappoġġjaw il-proċess tal-ilmenti
neċessarju għat-tħaddim kif suppost ta’ dawn is-sistemi. 2.3.4. Reklamar fuq l-internet u
infiq żejjed It-tfal,
speċjalment iż-żgħar, ma jkunux għadhom żviluppaw
l-abbiltà li jifhmu b’mod kritiku l-messaġġi tar-reklami. F’dinjiet
virtwali, it-tfal jistgħu ta’ spiss iħallsu għal
oġġetti virtwali permezz tal-mowbajls tagħhom, billi
jċemplu jew jibagħtu SMS, u għalhekk mingħajr il-permess
meħtieġ minn qabel tal-ġenituri[46]. It-tfal jistgħu ifittxu siti
tal-logħob tal-azzard jew tal-logħob fuq l-internet. Jistgħu
jniżżlu ringtones għall-mowbajls tagħhom jew
jaċċessaw aċċidentalment l-internet fuq il-mowbajls
tagħhom. Dan kollu jista’ jinvolvi pagamenti għoljin. L-għanijiet huma li jiżguraw li
l-istandards għar-reklamar fuq is-siti elettroniċi għat-tfal
jippermettu livell ta’ protezzjoni komparabbli ma' dak ta’ reklamar
fis-servizzi awdjoviżivi[47]
u li, fir-rigward tar-reklamar li jagħraf l-imġiba, l-ebda parti
bħal din ma tinħoloq biex ikollha t-tfal fil-mira tagħha, u biex
jiġi żgurat li l-infiq minn fuq l-internet jew mill-mowbajls mit-tfal
ma jiġġenerax spejjeż għoljin mhux previsti. L-industrija għandha tosserva
l-leġiżlazzjoni fis-seħħ[48], partikolarment fir-rigward tal-profil fuq
l-internet u r-reklamar li jagħraf l-imġiba. Din għandha ·
tipprovdi informazzjoni trasparenti, ċara u
adatta skont l-età dwar l-ispejjeż ta’ servizzi li jistgħu jiġu
akkwistati minn fuq l-internet u tevita l-konfigurazzjonijiet awtomatiċi
li jippermettu faċilment li t-tfal ikollhom aċċess
għas-servizzi tal-primjum li għalihom huwa meħtieġ pagament
addizzjonali. ·
tevita li tindirizza direttament lit-tfal u
tħeġġiġhom biex jixtru oġġetti virtwali jew
krediti bil-mowbajls tagħhom jew b’mezzi oħrajn li ma jeħtiġux
il-kontroll minn qabel tal-ġenituri. Twissijiet kuntestwali bikrija dwar
spejjeż addizzjonali għandhom jiġu previsti biex
tissaħħaħ l-awtonomija tat-tfal u tal-ġenituri. ·
tibni fuq standards awtoregolatorji bħal dawk
definiti mill-Alleanza Ewropea għall-Etika fir-Reklamar għal reklamar
li jagħraf l-imġiba[49]
u timplimenta b’mod proattiv miżuri biex jiġi evitat l-esponiment
tat-tfal għal reklamar mhux xieraq fi kwalunkwe forma ta’ midja fuq
l-internet. ·
tadotta miżuri biex tipprevjeni lit-tfal milli
jkollhom aċċess għal-siti tal-logħob tal-azzard fuq
l-internet. Il-Kummissjoni ser ·
tintensifika l-infurzar tar-regoli eżistenti
tal-UE u tistimola aktar miżuri awtoregolatorji sabiex it-tfal
jitħarsu aħjar minn reklamar mhux xieraq u minn infiq żejjed. ·
tindaga f’leġiżlazzjoni ulterjuri jekk
il-miżuri awtoregolatorji jonqsu milli jirnexxu. ·
tespandi fil-kwistjoni aktar mifruxa tat-tfal
bħala konsumaturi fl-Aġenda tal-Konsumatur li jmiss. ·
tindaga kif tista' l-aħjar ittejjeb
il-protezzjoni tal-minorenni f’Komunikazzjoni dwar il-logħob tal-azzard fuq
l-internet fis-Suq Intern li għandha tiġi ppreżentata fl-2012. L-Istati Membri huma mistiedna biex ·
jiżguraw li l-leġiżlazzjoni f’dan
il-qasam tkun osservata mill-kumpaniji attivi fil-livell nazzjonali. ·
jappoġġjaw lill-industrija
fl-iżvilupp ta' kodiċi ta' imġiba fir-rigward ta’ reklamar mhux
xieraq fuq l-internet u biex jissorveljaw l-implimentazzjoni tagħhom
fil-livell nazzjonali. 2.4. Il-ġlieda kontra
l-abbuż sesswali fuq it-tfal u l-isfruttament sesswali tat-tfal L-internet qed jintuża dejjem iktar biex
jitqassmu xbihat ta' abbuż sesswali fuq it-tfal. Jeżistu
għadd ta' problemi li għandhom jiġu indirizzati: huwa
neċessarju li jiġu identifikati, salvati u appoġġjati
l-vittmi, tittieħed azzjoni kontra l-dawk li jwettqu r-reati u
titrażżan iċ-ċirkolazzjoni kontinwa tax-xbihat billi
jinstabu u jitneħħew ix-xbihat ta' abbuż sesswali fuq it-tfal
mill-internet u ma jitħallewx li dawn jerġgħu jittellgħu
mill-ġdid fuq l-intenet. 2.4.1. Identifikazzjon iktar
veloċi u sistematika ta' materjal ta’ abbuż sesswali fuq it-tfal
mxerred permezz ta’ metodi varji fuq l-internet, notifiki u
t-tneħħija ta’ dan il-materjal Jeħtieġ
li tiżdied il-viżibilità tal-punti tar-rappurtar attwali (hotlines)
fejn iċ-ċittadini jistgħu jirrappurtaw il-kontenut illegali,
inkluża l-konnessjoni lejn kwalunkwe mekkaniżmu tar-rappurtar madwar
l-UE u miżuri għar-rappurtar dwar il-kriminalità ċibernetika li
tista’ tiġi żviluppata fil-ġejjieni. Hemm bżonn li
tittejjeb is-sejba, it-tneħħija u l-prevenzjoni sistematika
tat-tqegħid mill-ġdid fuq l-internet tax-xbihat tal-abbuż
sesswali fuq it-tfal. L-azzjonijiet
f’dan il-qasam għandhom ikunu konformi mad-Direttiva l-ġdida dwar
il-ġlieda kontra l-abbuż sesswali fuq it-tfal u l-pornografija[50],
id-Direttiva dwar il-kummerċ elettroniku[51] kif ukoll mal-leġiżlazzjoni
fis-seħħ dwar il-protezzjoni tad-dejta u l-Karta tad-Drittijiet
Fundamentali tal-UE. Il-Kummissjoni ser ·
tappoġġja l-kooperazzjoni bejn
l-industrija, l-infurzar tal-liġi u l-hotlines biex ittejjeb
il-proċess u tqassar iż-żmien għat-tneħħija
tax-xbihat tal-abbuż sesswali fuq it-tfal, tikkoordina l-iskambju
tal-għodod u r-riżorsi u tkompli tappoġġja n-netwerk ta’
hotlines INHOPE biex tagħmilha aktar faċli sabiex il-pubbliku jkun
jista’ jirrappurta l-kontenut illegali, biex tkompli ssegwi permezz ta’ azzjoni
xierqa billi tkompli tnaqqas id-dewmien għat-tneħħija, u biex
tesplora mezzi kif tkattar il-viżibilità pubblika tagħhom. ·
tappoġġja r-riċerka u
l-iżvilupp u l-iskjerament ta' soluzzjonijiet tekniċi innovattivi
għall-investigazzjonijiet tal-pulizija, speċjalment
għall-identifikazzjoni u t-tqabbil aktar effiċjenti tal-materjal
tal-abbuż sesswali fuq it-tfal mxerred permezz ta’ mezzi differenti fuq
l-internet, u għat-tneħħija u l-prevenzjoni tat-tqegħid
mill-ġdid fuq l-internet ta’ xbihat ta’ abbuż sesswali fuq it-tfal ·
tappoġġja t-taħriġ
għall-infurzar tal-liġi. ·
tadotta inizjattivi orizzontali dwar proċeduri
ta’ avviż u ta’ azzjoni. Il-Kummissjoni ser tindirizza b’mod partikolari
l-ostakli għal mekkaniżmu effettiv ta’ avviżi u ta’
tneħħija għall-kategoriji kollha ta’ kontenut illegali,
inklużi xbihat ta’ abbuż sesswali fuq t-tfal[52]. L-Istati Membri għandhom ·
iżidu r-riżorsi tal-korpi tal-infurzar
tal-liġi li jiġġieldu kontra l-materjal tal-abbuż tat-tfal
fuq l-internet. ·
b'konformità mad-Direttiva dwar il-ġlieda
kontra l-abbuż sesswali fuq it-tfal, jiżguraw li jkunu disponibbli
għodod effettivi tal-investigazzjoni biex jissaħħu
l-kapaċitajiet tal-investigatur biex jidentifikaw it-tfal vittmi, li
jiggarantixxu li jkun hemm fis-seħħ salvagwardji effettivi biex
tiġi żgurata responsabilità demokratika fl-użu ta’dawn
l-għodod. ·
jagħtu l-istess appoġġ
għat-tħaddim u l-viżibbiltà tal-hotlines fil-livell nazzjonali
fejn il-pubbliku jkun jista’ jirrappurta l-kontenut illegali misjuba fuq
l-internet. ·
jappoġġjaw it-titjib fil-kooperazzjoni
bejn il-hotlines u l-industrija għat-tneħħija tal-materjal
tal-abbuż fuq it-tfal. L-industrija ·
ser tiġi mħeġġa biex tieħu
passi, li jinkludu miżuri proattivi, biex ineħħu l-materjal ta’
abbuż sesswali fuq it-tfal mill-internet. ·
għandha ssaħħaħ
il-kooperazzjoni mal-korpi għall-infurzar tal-liġi u l-hotlines
sabiex tirfina l-proċeduri tal-avviż u u t-tneħħija minn
fuq l-internet u biex tistabbilixxi l-livelli komparattivi. ·
ser tkun inkoraġġita tiżviluppa u tuża
għodod sabiex iżżid l-effikaċja tal-identifikazzjoni
tax-xbihat ta' abbuż sesswali fuq it-tfal, il-proċeduri
tal-avviż u t-tneħħija, u l-prevenzjoni tat-tqegħid
mill-ġdid fuq l-internet. 2.4.2. Kooperazzjoni mas-sħab
internazzjonali biex jiġi miġġieled l-abbuż sesswali fuq
it-tfal u l-isfruttament sesswali tat-tfal Peress
li l-Internet ma għandu l-ebda fruntiera, il-kooperazzjoni internazzjonali
hija essenzjali. Hemm il-ħtieġa għal approċċ globali
sabiex jiġu indirizzati l-kwistjonijiet fuq bażi aktar ikkoordinata u
sostenibbli. Materjal ta’ abbuż sesswali fuq t-tfal jista’ jidher u jkun
irrappurtat f’pajjiż wieħed filwaqt li jkun ospitat f'pajjiż
terz imma li jkun ġie mtella’ minn terġa pajjiż ieħor:
aktar min-nofs il-materjal tal-abbuż fuq it-tfal irrappurtat fl-2011,
mill-Internet Watch Foundation ġie identifikat bħala li sar barra
mill-Ewropa.[53]
L-istess rapport jinnota li l-metodi tat-tqassim u l-mezzi li bihom il-materjal
huwa aċċessat qed ikomplu jispostjaw hekk kif qed jinbidlu
t-teknoloġiji. dan jirrikjedi li l-hotlines ikomplu jiżviluppaw
l-istrateġiji u l-għodod tagħhom sabiex ikunu jistgħu
jidentifikaw kollettivament u jikkumbattu l-preżenza tal-materjal
tal-abbuż fuq it-tfal fil-kuntesti tiegħu li qed jinbidlu fuq
l-internet. Il-Kummissjoni ser ·
tinkoraġġixxi n-netwerk INHOPE ta’
hotlines biex iżid is-sħubija globali tiegħu li attwalment
jinkludi pajjiżi bħar-Russja, il-Ġappun, l-Istati Uniti
tal-Amerika, l-Afrika ta' Isfel, l-Awstralja jew il-Korea ta' Isfel. ·
tappoġġja l-implimentazzjoni tal-Konvenzjoni
tal-Kunsill tal-Ewropa dwar iċ-Ċiberkriminalità u l-promozzjoni
tal-prinċipji tagħha billi tiżgura miżuri ta' protezzjoni
teknika u legali. ·
taħdem mas-sħab internazzjonali permezz
ta' strutturi bħal Grupp ta' ħidma dwar is-Sigurtà Ċibernetika u
ċ-Ċiberkriminalità bejn l-UE u l-Istati Uniti, li jistipula
l-prijoritajiet komuni fil-qasam, inkluża l-kooperazzjoni
għat-tneħħija tal-pornografija tat-tfal mill-internet u biex
ittejjeb l-awtorizzazzjoni tal-internet tat-tfal. ·
tikkoorganizza konferenza bejn l-UE u l-Istati
Uniti fil-ħarifa 2012. ·
tipprova tilħaq reġjuni oħra
tad-dinja u tappoġġja l-kooperazzjoni fuq livell globali. L-Istati Membri huma mistiedna biex ·
jappoġġjaw lill-Kummissjoni fl-isforzi
tagħha biex tagħti spinta lill-kooperazzjoni mas-sħab
internazzjonali L-Industrija hija mistiedna biex ·
tiskambja l-aħjar prattiki f' dan il-qasam u
tikkoopera mas-sħab fid-dinja kollha 3. Konklużjonijiet Filwaqt
li l-internet, il-mekkaniżmi użati biex ikollhom aċċess
għalih u s-servizzi disponibbli llum ma kinux maħluqa
speċifikament għall-użu mit-tfal, ir-riċerka turi li t-tfal
huma utenti dejjem iktar prominenti. It-tfal għalhekk jiffurmaw grupp
speċifiku li jeħtieġ attenzjoni: il-mod kif iġibu ruħhom
it-tfal fuq l-internet illum ser jgħin biex tiġi definita d-dinja
diġitali ta’ għada. Sforz Ewropew konġunt f'dan il-qasam ser
jappoġġa l-iżvilupp ta’ infrastrutturi sostenibbli u
interoperabbli li joffru internet aħjar għat-tfal, u ser jagħti
spinta lit-tkabbir u l-innovazzjoni. L-intensifikazzjoni tas-sensibilizzazzjoni,
il-kompetenzi diġitali u l-litteriżmu medjatiku għat-tfal ser
ittejbilhom il-perspettivi tal-impjiegi tagħhom u l-impjegabilità u
tgħinhom isiru ċittadini diġitali kunfidenti. L-istimolu
tal-potenzjal tal-kontenut interattiv għat-tfal ser jikkontribwixxi
għal suq diġitali uniku Ewropew vibranti. Hija meħtieġa
awtoregolamentazzjoni effikaċi u kontinwa tal-industrija
għall-protezzjoni u l-awtorizzazzjoni
taż-żgħażagħ, bil-livelli komparattivi xierqa u
sistemi ta' monitoraġġ indipendenti li jkunu jiffunzjonaw
fis-seħħ, biex tinbena l-fiduċja fil-mudell ta’ governanza
kontabbli u sostenibbli li jistgħu isibu soluzzjonijiet aktar flessibbli u
fil-ħin u adattati għas-suq minn kwalunkwe inizjattiva regolatorja.
Fl-istess waqt, il-Kummissjoni se tkompli tipprovdi appoġġ biex fuq
l-internet jittellgħu suġġetti dwar is-sikurezza tat-tfal fuq
l-aġenda ta’ avvenimenti bħall-Forum għall-Governanza
tal-Internet u biex jiskambjaw l-aħjar prattiki ma' organizzazzjonijiet
internazzjonali oħrajn attivi f'dan il-qasam. Il-Kummissjoni ser tkompli
tinkoraġġixxi proġetti ffinanzjati mill-UE li jaħdmu
mas-sħab internazzjonali, u ser tkompli torganizza l-konferenza
internazzjonali tal-Forum tal-Internet aktar Sikur, li ilha mill-2004, tiġbor
flimkien il-partijiet interessati minn madwar id-dinja kollha biex jiddiskutu
s-sikurezza tat-tfal fuq l-internet. L-awtoritajiet
tal-Istati Membri, l-industrija u partijiet interessati oħrajn huma
mistiedna jappoġġaw l-istrateġija proposta u li jieħdu
passi biex jiżguraw l-implimentazzjoni tagħha b'suċċess,
permezz tal-kooperazzjoni mal-gruppi l-oħrajn interessati kollha. Il-Kummissjoni
ser iddaħħal fis-seħħ valutazzjoni komparattiva
tal-politiki u azzjonijiet madwar l-Ewropa tas-sikurezza online tat-tfal,
inkluża analiżi tar-riżorsi użati u t-tqassim tagħhom
bejn il-Kummissjoni, l-Istati Membri, is-setturi privati u dawk volontarji. Ser
tissorvelja wkoll mill-qrib l-implimentazzjoni ta’ ftehimiet awtoregolatorji
attwali, iffirmati mill-industrija. Ħarsa ġenerali lejn l-azzjonijiet Azzjoni || Atturi ewlenin || Skala ta' żmien Pilastru nru 1 — Kontenut tal-internet ta’ kwalità għolja għat-tfal u ż-żgħażagħ Stimolu tal-produzzjoni ta' kontenut kreattiv u edukattiv fuq l-internet għat-tfal || Il-Kummissjoni, bl-appoġġ tal-Istati Membri u l-industrija || Kontinwament mill-2012 Promozzjoni ta’ esperjenzi pożittivi online għat-tfal żgħar || Il-Kummissjoni, bl-appoġġ tal-Istati Membri u l-industrija || Kontinwament mill-2012 Pilastru 2 – L-intensifikzzjoni ta’ kuxjenza u awtorizzazzjoni Litteriżmu diġitali medjatiku u t-tagħlim tas-sikurezza onlajn fl-iskejjel || Il-Kummissjoni, bl-appoġġ tal-Istati Membri u l-industrija || Sal-2013 Intensifikazzjoni fl-attivitajiet ta’ sensibilizzazzjoni u l-parteċipazzjoni taż-żgħażagħ || Il-Kummissjoni, bl-appoġġ tal-Istati Membri u l-industrija || Kontinwament mill-2012 Għodod ta’ rappurtar sempliċi u b’saħħithom għall-utenti || L-industrija, bl-appoġġ tal-Kummissjoni u l-Istati Membri || L-ewwel riżultati sal-aħħar tal-2012. Implimentazzjoni sħiħa fi żmien 18-il xahar Pilastru 3 — Il-ħolqien ta’ ambjent sikur għat-tfal fuq l-internet Konfigurazzjoni tal-privatezza li tkun addattata skont l-età || L-industrija, bl-appoġġ tal-Kummissjoni u l-Istati Membri || L-ewwel riżultati sal-aħħar tal-2012. Implimentazzjoni sħiħa fi żmien 18-il xahar Disponibbiltà u użu aktar mifrux tal-kontroll tal-ġenituri || L-industrija, bl-appoġġ tal-Kummissjoni u l-Istati Membri || L-ewwel riżultati sal-aħħar tal-2012. Implimentazzjoni sħiħa fi żmien 18-il xahar Użu aktar mifrux tal-klassifikazzjoni tal-kontenut u skont l-età || L-industrija, bl-appoġġ tal-Kummissjoni u l-Istati Membri || L-ewwel riżultati sal-aħħar tal-2012. Proposti kompletament żviluppati fi żmien 18-il xahar Reklamar fuq l-internet u l-infiq żejjed || L-industrija, bl-appoġġ tal-Kummissjoni u l-Istati Membri || Kontinwament mill-2012 Pilastru 4 — Il-ġlieda kontra l-abbuż sesswali fuq it-tfal u l-isfruttament sesswali tat-tfal. Identifikazzjon iktar veloċi u sistematika ta' materjal ta’ abbuż sesswali fuq it-tfal mxerred permezz ta’ mezzi varji fuq l-internet, notifika u t-tneħħija ta’ dan il-materjal || Il-Kummissjoni, bl-appoġġ tal-Istati Membri u l-industrija || Kontinwament mill-2012, bl-ewwel riżultati sal-aħħar tal-2012 Kooperazzjoni mas-sħab internazzjonali biex jiġi miġġieled l-abbuż sesswali fuq it-tfal u l-isfruttament sesswali tat-tfal || Il-Kummissjoni, bl-appoġġ tal-Istati Membri u l-industrija || Kontinwament mill-2012 [1] COM(2011)
60 finali [2] F'dan
il-kuntest it-terminu tfal jirreferi għal kull bniedem taħt l-età
ta' 18-il sena kif definit fil-Konvenzjoni tan-NU dwar id-Drittijiet
tat-Tfal. [3] COM(2010)
245 finali/2 [4] Prijoritajiet
ewlenin tal-istrateġija dwar il-Ħiliet elettroniċi tal-UE
"Ħiliet fl-elettronika għas-seklu 21"
COM(2007) 496. [5] Flash
Eurobarometer 2008. [6] Sors:
Livingstone, S., Haddon, L., Görzig, A., & Ólafsson, K: Risks and safety on
the internet: The perspective of European children. Full findings. (2011),
prodott taħt il-proġett EUKidsOnline II. [7] Kif
stipulat fl-Aġenda tal-UE dwar id-Drittijiet tat-Tfal - (COM (2011) 60 finali
– li tinkludi prinċipji ġenerali li jiżguraw li l-azzjonijiet
tal-UE huma eżemplari fl-iżgurar tar-rispett tal-Karta tad-Drittijiet
Fundamentali u l-Konvenzjoni tan-NU dwar id-Drittijiet tat-Tfal. Bħala
parti mill-Aġenda tal-UE għad-Drittijiet tat-Tfal, il-Kummissjoni
stabbiliet Rokna għat-Tfal fuq l-internet (http://europa.eu/kids-corner/)
u nediet il-websajt Ewropea dwar id-drittijiet tat-tfal (http://ec.europa.eu/0-18/) [8] http://www.tavess.com/DigitalContentDelivery_June11.php
miġbura fl-20.03.2012. Iċ-ċifri kollha espressi f'dollari
ġew kkonvertiti f'euro fl-20.03.2012 [9] The
Economist, l-edizzjoni fuq l-internet, miġbura fl-20.03.2012.
Iċ-ċifri kollha espressi f'dollari ġew kkonvertiti f'euro
fl-20.03.2012 http://www.economist.com/node/21541164?frsc=dg%7Cb [10] Il-Protezzjoni
tat-Tfal fid-Dinja Diġitali COM (2011) 556 finali. [11] Il-Kodiċi
ta' Prattika dwar Kontrolli tal-Ġenituri ffirmat mill-BT, Talk Talk,
Virgin Media u Sky
http://www.productsandservices.bt.com/consumer/assets/downloads/BT_TalkTalk_Sky_Virgin_Code_of_Practice_28_Oct.pdf [12] Dan
ifisser li fil-punt tax-xiri l-klijenti jintalbu jekk iridux jkollhom kontrolli
tal-ġenituri u joffruhom mingħajr ħlas [13] http://www.education.gov.uk/inthenews/inthenews/a0077662/bailey-review-of-the-commercialisation-and-sexualisation-of-childhood-final-report-published
[14] Il-Kummissjoni
tiffinanzja l-istudju tal-Bench SIP li jagħmel valutazzjoni esperta
tal-prodotti, l-għodod u s-servizzi li jippermettu lill-utenti
jikkontrollaw l-aċċess tat-tfal għal kontenut mhux xieraq fuq
l-internet. [15] Ara n-nota
ta’ qiegħ il-paġna 6 [16] Kompetizzjoni
PanEwropea għall-kwalità tal-kontenut fuq l-internet għat-tfal
fl-2011, tmexxiet mill-Kummissjoni flimkien ma’ Ċentri ta’ Internet Sikur
fil-Belġju, ir-Repubblika Ċeka, Franza, il-Ġermanja,
il-Greċja, l-Ungerija, l-Islanda, l-Italja, il-Latvja, il-Pajjiżi
l-Baxxi, il-Polonja, il-Portugall, is-Slovenja u Spanja. Il-kompetizzjoni
kellha żewġ taqsimiet: kontenut magħmul mill-adulti u kontenut
magħmul minn adoloxxenti, għal tfal iżgħar. Il-kontenut
sottomess fil-"kontenut magħmul mill-adulti" kien ferm
irregolari madwar il-pajjiżi parteċipanti, li jvarjaw minn 3
fornituri fil-Portugall, 6 fl-Italja u 7 fis-Slovenja għal 84 fil-Polonja,
92 fil-Ġermanja u 200 fil-Pajjiżi l-Baxxi. [17] Sors:
Livingstone, S., & Haddon, L.: EU Kids Online Final Report (2009), prodott
taħt il-proġett EUKidsOnline I. [18] Sors:
O’Neill, B., Livingstone, S., u McLaughlin, S: ‘Final recommendations for
policy, methodology and research’ (2011), prodott taħt il-proġett
EUKidsOnline II. [19] Magħrufa
l-aktar bħala ‘happy slapping’. [20] Magħrufa
l-aktar bħala ‘sexting’. [21] OECD
(2011) ‘The protection of children online: Risks faced by children online and policies
to protect them’, OECD Digital Economy Papers, No 179, Pubblikazzjoni
tal-OECD. [22] Ara
r-rapport tal-2011 tal-Europol Organised Crime Threat Assessment u l-istudju
tal-2007 tal-Kunsill tal-Ewropa Misuse of the Internet for the Recruitment of
Victims of Trafficking in Human Beings. [23] Skeda
tal-fatti tal-ħiliet elettroniċi: http://eskills-week.ec.europa.eu/c/document_library/get_file?uuid=6f0a6d8e-49e7-42ac-8f2b-f5adba460afc&groupId=10136 [24] Sors:
Livingstone, S., Ólafsson, K. u Staksrud, E.: Social Networking, Age and
Privacy (2011), prodott taħt il-proġett EUKidsOnline II. [25] Ara n-nota
ta’ qiegħ il-paġna 6 [26] Id-Direttiva 2010/13/UE
tal-Parlament Ewropew u tal-Kunsill tal-10.03.2010 dwar il-koordinazzjoni ta’
ċerti dispożizzjonijiet stabbiliti bil-liġi, b’regolament jew
b’azzjoni amministrattiva fi Stati Membri dwar il-forniment ta’ servizzi
tal-media awdjoviżiva (Direttiva dwar is-Servizzi tal-Media
awdjoviżiva); Ir-Rakkomandazzjoni tal-Kunsill Nru 98/560/KE
tal-24 ta’ Settembru 1998 dwar l-iżvilupp
tal-kompetittività tal-industrija Ewropea tas-servizzi awdjoviżivi u ta’
informazzjoni bil-promozzjoni ta’ oqsfa nazzjonali mmirati lejn l-akkwist ta’
livell effettiv u komparabbli tal-protezzjoni tal-minorenni u d-dinjità umana
(traduzzjoni mhux uffiċjali); Ir-Rakkomandazzjoni 2006/952/KE
tal-Parlament Ewropew u tal-Kunsill tal-20 ta' Diċembru 2006 dwar
il-protezzjoni tal-minuri u tad-dinjità tal-bniedem u dwar id-dritt ta'
tweġiba fir-rigward tal-kompetittività tal-industrija Ewropea tas-servizzi
awdjoviżivi u tal-informazzjoni online. [27] Il-"European
Framework for the Safer Use of Mobile Phones by Younger Teenagers and Children,”
iffirmat mill-operaturi tal-mowbajl, juri l-impenn tagħhom biex jipprovdu
mekkaniżmi ta’ aċċes għall-kontroll, biex iqajmu kuxjenza u
jippromwovu l-edukazzjoni, biex jimplimentaw il-klassifikazzjoni tal-kontenut
kummerċjali u biex jittrattaw il-kontenut illegali fuq prodotti mobbli
tal-komunità jew fuq l-internet; Is-"Safer Social Networking Principles
for the EU", iffirmat minn fornituri ta’ servizz tan-netwerking
soċjali, jorbothom biex titqajjem kuxjenza dwar messaġġi
edukattivi dwar is-sikurezza, jiżguraw is-servizzi adattati skont l-età,
jawtorizzaw lill-utenti permezz tal-għodod u t-teknoloġija, jipprovdu
mekkaniżmi faċli tar-rappurtar, jirrispondu għal notifiki
tal-kontenut jew imġiba illegali, jippermettu u jinkoraġgixxu
approċċ sikur għall-informazzjoni personali u l-privatezza, u
jivvalutaw il-mezzi għar-reviżjoni ta’ kontenut /imġiba illegali
jew ipprojbiti; "PEGI" huwa ftehim panEwropew
għall-klassifikazzjoni tal-età għall-logħob tal-kompjuter u
l-vidjows, li jkopri 30 pajjiż Ewropew. [28] Għall-bidu,
l-awtoregolamentazzjoni ser tibni fuq il-‘Coalition to make the internet a
better place for kids’ inizjattiva tal-Kummissjoni li għandha
l-appoġġ ta’ kumpaniji kbar fl-Ewropa attivi fis-setturi kollha
tal-industrija, li impenjaw ruħhom li jaħdmu lejn l-implimentazzjoni
ta’ ħames azzjonijiet konkreti sa Diċembru 2012. [29] Id-Deċiżjoni
Nru 1351/2008/KE tal-Parlament Ewropew u tal-Kunsill tas-16.12.2008 li
tistabbilixxi programm Komunitarju pluriennali dwar il-ħarsien tat-tfal li
jużaw l-Internet u t-teknoloġiji l-oħrajn tal-komunikazzjoni [30] Il-Faċilità Nikkollegaw l-Ewropa (CEF) imwaqqfa taħt
tal-Qafas Finanzjarju Multiannwali - Baġit għal Ewropa 2020,
COM(2011) 500, il-partijiet I u II; Il-proposta għal Regolament
tal-Parlament Ewropew u tal-Kunsill li tistabbilixxi l-Faċilità
Nikkollegaw l-Ewropa, COM(2011) 665 - ,bla ħsara
għad-deċiżjoni finali u l-ammonti finali dwar il-proposti
għal CEF u l-qafas finanzjarju multiannwali tal-UE, bil-konsiderazzjoni
tal-politiki aktar mifruxa fil-kuntest tal-istrateġija Ewropa 2020 [31] Il-Programm
Qafas tal-UE għar-Riċerka u l-Innovazzjoni, mingħajr ħsara
għad-deċiżjoni finali u l-ammonti finali dwar il-proposta
għall-Orizzont 2020 u l-qafas finanzjaraju multiannwali tal-UE li
jikkunsidra l-kuntest politiku aktar mifrux tal-istrateġija
Ewropa 2020 [32] F'dan
il-kuntest, it-terminu jirreferi għal lista verifikata ta’ siti
elettroniċi li jipprovdu kontenut ta’ kwalità għolja
għaż-żgħażagħ. Il-listi jkunu stabbiliti u
miżmuma minn speċjalisti fil-qasam (pubbliċi u/jew privati) b’reazzjoni
għas-suġġerimenti tas-sit minn utenti jew applikazzjonijiet
diretti minn kumpaniji li jkunu ser jiġu elenkati, eż. l-inizjattiva
Ġermaniża fragfinn. [33] Fl-2010
ġie prodott inventarju ta' linji gwida għal l-produzzjoni u
l-provvediment tal-kontenut online għat-tfal u
ż-żgħażagħ taħt il-Programm Internet aktar Sikur http://ec.europa.eu/information_society/activities/sip/docs/competition/final_draft.pdf
[34] Il-Kummissjoni
stabbiliet approċċ Ewropew għal-litteriżmu medjatiku
fl-ambjent diġitali fil-Komunikazzjoni tagħha mill-KE
għall-Parlament Ewropew, il-Kunsill, il-Kumitat Ekonomiku u Soċjali
Ewropew u l-Kumitat tar-Reġjuni - Approċċ Ewropew għal-litteriżmu
medjatiku fid-dinja diġitali, COM(2007) 833 u r-Rakkomandazzjoni
tal-Kummissjoni tal-20.08.2009 dwar il-litteriżmu medjatiku fl-ambjent
diġitali għal industrija awdjoviżiva u tal-kontenut aktar
kompetittiva u soċjetà tal-għarfien inklussiva C(2009) 6464. [35] http://eacea.ec.europa.eu/education/eurydice/documents/thematic_reports/121EN.pdf. [36] Bħal
www.teachtoday.eu. [37] Li tibni
wkoll fuq l-isforzi eżistenti bħall-ġimgħa Ewropea dwar
il-Ħiliet fl-elettronika [38] Soġġetta
għall-adozzjoni tal-liġijiet meħtieġa [39] COM(2009)
200 finali u r-Riżoluzzjoni tal-Kunsill
tas-27 ta’ Novembru 2009 dwar qafas imġedded
għall-kooperazzjoni Ewropea fil-qasam
taż-żgħażagħ (2010-2018) [40] It-tħejjija
għall-abbuż sesswali fuq it-tfal (grooming) tirreferi għal
azzjonijiet meħuda deliberatament bil-għan ta’ ħbiberija u
konnessjoni emozzjonali ma’ tfal, bi tħejjija għall-esplojtazzjoni
jew għal attività sesswali mat-tfal [41] COM(2012)
140 finali [42] Id-Deċiżjoni
tal-Kummissjoni 2007/116/KE tal-15.02.2007 dwar l-irriservar tal-firxa
nazzjonali ta’ numri li jibdew b’116 għal numri armonizzati ta' servizzi
armonizzati ta' valur soċjali; Id-Direttiva 2002/22/KE tal-Parlament Ewropew
u tal-Kunsill tas-07.03.2002 dwar servizz universali u d-drittijiet tal-utenti
li jirrelataw ma' networks u servizzi ta' komunikazzjonijiet elettroniċi
(Direttiva Servizz Universali) [43] L-implimentazzjoni
ta’ miżuri dwar il-privatezza u l-protezzjoni tad-dejta se tkun teħtieġ
li tkun konformi mal-leġiżlazzjoni Ewropea rilevanti, inklużi
r-riżultati tar-reviżjoni kontinwa tad-Direttiva attwali
tal-Protezzjoni tad-Dejta. Id-Direttiva 95/46/KE tal-Parlament Ewropew u
tal-Kunsill tal-24 ta’ Ottubru 1995 dwar il-protezzjoni ta’
individwi fir-rigward tal-ipproċessar ta’ data personali u dwar
il-moviment liberu ta’ dik id-data. Il-Kummissjoni ressqet proposta għal
Regolament tal-Parlament Ewropew u tal-Kunsill dwar il-protezzjoni
tal-individwi fir-rigward fir-rigward tal-ipproċessar ta’ dejta personali
u dwar il-moviment liberu ta’ dik id-dejta COM (2012) 11 finali. [44] Ara
nota 5 ta’ qiegħ il-paġna. [45] Ara
nota 6 ta’qiegħ il-paġna. [46] Il-fondazzjoni
Olandiża ‘My Child online’ ħarġet ir-rapport ‘Pas op je
portemonnee’ fl-2011, li jafferma li hemm għadd dejjem jikber ta' ilmenti
dwar il-flus li t-tfal jonfqu fid-dinjiet virtwali. ‘Briefing on the internet,
e-commerce, children and young people’ tar-Renju Unit, jagħti ħarsa
ġenerali lejn il-kwistjonijiet relatati mat-tfal u l-kummerċ elettroniku. [47] Kif
indikat fl-AVMS [48] Inkluża
d-Direttivi dwar il-Protezzjoni tad-Dejta u l-Privatezz elettronika
fis-seħħ bħalissa. Ir-reklamar u l-prattiċi
kummerċjali li għandhom it-tfal bħala mira għandhom ikunu
konformi mad-Direttiva 2005/29/KE tal-Parlament Ewropew u tal-Kunsill dwar
Prattiċi Kummerċjali Żleali. [49] http://www.easa-alliance.org/page.aspx/386. [50] Id-Direttiva
2011/93/UE tal-Parlament Ewropew u tal-Kunsill tat-13.12.2011 dwar il-ġlieda
kontra l-abbuż sesswali, l-isfruttament sesswali tat-tfal u
l-pedopornografija tikkriminalizza r-reati tal-pornografija tat-tfal,
it-tħejjija għall-abbuż sesswali fuq it-tfal, l-abbuż
sesswali bil-webcam jew li wieħed jara l-pornografija tat-tfal mingħajr
ma jniżżel il-fajls. [51] Id-Direttiva 2000/31/KE
tal-Parlament Ewropew u tal-Kunsill tat-8.06.2000 dwar ċerti aspetti
legali tas-servizzi minn soċjetà tal-informazzjoni, partikolarment
il-kummerċ elettroniku, fis-Suq Intern (Direttiva dwar il-kummerċ elettroniku)
li jipprovdi bażi għall-proċeduri ta’ avviż u
tneħħija. [52] Mħabbra
fil-Komunikazzjoni dwar qafas koerenti għall-bini ta’ fiduċja fis-Suq
Uniku Diġitali tal-kummerċ elettroniku u tas-servizzi online
COM (2011) 942. [53] L-Internet
Watch Foundation (il-hotline tar-Renju Unit): Annual and Charity
Report 2011.