This document is an excerpt from the EUR-Lex website
Document 52020AE2766
Opinion of the European Economic and Social Committee on ‘Amended proposal for a Regulation of the European Parliament and of the Council laying down common provisions on the European Regional Development Fund, the European Social Fund Plus, the Cohesion Fund, the Just Transition Fund and the European Maritime and Fisheries Fund and financial rules for those and for the Asylum and Migration Fund, the Internal Security Fund and the Border Management and Visa Instrument’ (COM(2020) 450 final – 2018/0196 (COD)) and on ‘Amended proposal for a Regulation of the European Parliament and of the Council on the European Regional Development Fund and on the Cohesion Fund’ (COM(2020) 452 final – 2018/0197 (COD))
Opinjoni tal-Kumitat Ekonomiku u Soċjali Ewropew dwar “Proposta emendata għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi” (COM(2018) 450 final — 2018/0196 (COD)) u dwar “Proposta emendata għal Regolament tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali u l-Fond ta’ Koeżjoni” (COM(2020) 452 final — 2018/0197 (COD))
Opinjoni tal-Kumitat Ekonomiku u Soċjali Ewropew dwar “Proposta emendata għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi” (COM(2018) 450 final — 2018/0196 (COD)) u dwar “Proposta emendata għal Regolament tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali u l-Fond ta’ Koeżjoni” (COM(2020) 452 final — 2018/0197 (COD))
EESC 2020/02766
ĠU C 429, 11.12.2020, p. 236–239
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
11.12.2020 |
MT |
Il-Ġurnal Uffiċjali tal-Unjoni Ewropea |
C 429/236 |
Opinjoni tal-Kumitat Ekonomiku u Soċjali Ewropew dwar “Proposta emendata għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi”
(COM(2018) 450 final — 2018/0196 (COD))
u dwar “Proposta emendata għal Regolament tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali u l-Fond ta’ Koeżjoni”
(COM(2020) 452 final — 2018/0197 (COD))
(2020/C 429/29)
Relatur: |
Mihai IVAŞCU |
Konsultazzjoni |
Kunsill tal-Unjoni Ewropea, 8.6.2020, 10.6.2020 Parlament Ewropew, 17.6.2020 |
Bażi legali |
Artikoli 177, 178 u 304 tat-Trattat dwar il-Funzjonament tal-Unjoni Ewropea |
Sezzjoni kompetenti |
Sezzjoni għall-Unjoni Ekonomika u Monetarja u l-Koeżjoni Ekonomika u Soċjali |
Adottata fis-sezzjoni |
20.7.2020 |
Adottata fil-plenarja |
18.9.2020 |
Sessjoni plenarja Nru |
554 |
Riżultat tal-votazzjoni (favur/kontra/astensjonijiet) |
217/0/2 |
1. Konklużjonijiet u rakkomandazzjonijiet
1.1. |
B’segwitu għax-xokk simetriku esoġenu mingħajr preċedent mill-pandemija tal-COVID-19, il-previżjonijiet jindikaw li l-qgħad u l-faqar se jiżdiedu b’mod drammatiku, filwaqt li numru sinifikanti ta’ negozji se jfallu. |
1.2. |
Il-KESE jappoġġja bis-sħiħ l-inizjattiva tal-Kummissjoni li tuża l-baġit tal-UE biex timmobilizza l-investiment u toffri appoġġ finanzjarju matul l-irkupru ta’ wara l-COVID-19. |
1.3. |
Il-kriżi tal-COVID-19 iġġenerat reazzjonijiet mhux koordinati fl-Istati Membri kollha, skont il-kapaċitajiet nazzjonali u reġjonali. Il-KESE jqis li ċerti emendi għall-proposta tal-RDK huma assolutament meħtieġa u jilqa’ l-intenzjoni li jiżdiedu s-semplifikazzjoni u l-flessibbiltà mas-seba’ fondi ta’ ġestjoni kondiviża. |
1.4. |
Il-KESE jqis li l-flessibbiltajiet proposti huma l-approċċ ġust f’sitwazzjoni ekonomika u soċjali kkumplikata u għandhom jippermettu lill-Istati Membri jużaw il-fondi disponibbli fejn huma l-aktar meħtieġa. L-irkupru ta’ wara l-COVID-19 għandu jsegwi prinċipji sostenibbli u korrelazzjoni tal-isforzi bejn il-FEŻR, il-Fondi ta’ Koeżjoni u programmi Ewropej oħrajn. |
1.5. |
Min-naħa l-oħra, il-KESE mhuwiex sodisfatt bid-differenzi kif l-Istati Membri differenti jinkludu u jinvolvu lill-imsieħba soċjali u lill-organizzazzjonijiet tas-soċjetà ċivili fit-tħejjija tal-Ftehimiet ta’ Sħubija u fit-twaqqif u l-implimentazzjoni tal-programmi, kif ukoll fi ħdan il-kumitati ta’ monitoraġġ. |
1.6. |
Il-KESE jqis li għandha tingħata attenzjoni speċjali lir-reġjuni li huma affettwati serjament mill-kriżi tal-COVID-19 u li qed jiffaċċjaw l-agħar diffikultajiet biex jissoktaw bl-irkupru ekonomiku sostnut. L-inklużjoni soċjali u t-tnaqqis tad-differenzi kemm bejn l-Istati Membri, kif ukoll bejn reġjuni differenti huma u għandhom ikunu l-ogħla prijorità tal-Fondi ta’ Koeżjoni. |
1.7. |
Il-KESE jaqbel li l-flessibbiltà estiża tal-iskeda ta’ żmien hija assolutament meħtieġa u jappoġġja l-proposta li t-trasferimenti jistgħu jsiru fil-bidu tal-perjodu ta’ programmazzjoni jew fi kwalunkwe punt ieħor matul il-fażi ta’ implimentazzjoni. |
1.8. |
Barra minn hekk, l-iżgurar ta’ miżuri temporanji biex jippermettu l-użu tal-Fondi f’ċirkostanzi eċċezzjonali se jżid il-fiduċja u jikkoreġi l-iżbilanċi fl-ekonomija. Id-dejn pubbliku mistenni se jkollu impatt importanti fuq l-ekonomija, jekk mhux se jkun appoġġjat b’mod effiċjenti bil-mezzi kollha meħtieġa. |
1.9. |
Il-Kumitat jemmen li huwa essenzjali li l-baġit tal-UE jitħalla jkun aktar flessibbli fl-indirizzar ta’ xokkijiet negattivi, speċjalment dawk li mhumiex ta’ oriġini ekonomika. |
1.10. |
Il-KESE jirrakkomanda li l-UE għandha ssegwi politiki li jtejbu l-kooperazzjoni transkonfinali fi żminijiet ta’ kriżi. Protokolli aħjar u kollaborazzjoni mtejba jippermettu rispons Ewropew semplifikat u f’waqtu għal kull tip ta’ katastrofi. |
2. Introduzzjoni u l-proposta leġiżlattiva
2.1. |
Aktar minn sentejn ilu, il-Kummissjoni Ewropea pproponiet ir-Regolament dwar Dispożizzjonijiet Komuni (RDK) (1) magħmul minn normi leġislattivi għall-użu tal-fondi tal-politika ta’ koeżjoni fil-perjodu 2021-2027. Il-qafas leġislattiv propost żied is-semplifikazzjoni, il-flessibbiltà biex jirreaġixxi għall-ħtiġijiet emerġenti, u l-effiċjenza fl-użu ta’ strumenti finanzjarji. It-test ġie diskuss mal-Istati Membri u l-partijiet interessati rilevanti. |
2.2. |
Ir-Regolament propost jintroduċi ċerti dispożizzjonijiet li jippermettu spazju għall-manuvrar għall-użu tal-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi u s-Sajd. Dan jemenda wkoll ir-regoli finanzjarji għall-fondi msemmija hawn fuq kif ukoll għall-Fond għall-Migrazzjoni u l-Ażil, il-Fond għas-Sigurtà Interna u l-Istrument għall-Ġestjoni tal-Fruntieri u għall-Viżi. Il-KESE jfaħħar l-intenzjoni li tiżdied is-semplifikazzjoni u l-flessibbiltà għas-seba’ fondi ta’ ġestjoni kondiviża. |
2.3. |
B’segwitu għax-xokk simetriku esoġenu mingħajr preċedent mill-pandemija tal-COVID-19, iż-żieda tal-pressjoni fuq is-sistemi Ewropej tas-saħħa ġiet segwita minnufih minn diffikultajiet soċjali u ekonomiċi serji. Il-previżjonijiet jindikaw li l-qgħad u l-faqar se jiżdiedu b’mod drammatiku, filwaqt li numru sinifikanti ta’ negozji se jfallu. |
2.4. |
Għall-qafas finanzjarju li fadal (tmiem is-sena), ġew adottati żewġ proposti leġislattivi immedjatament bħala rispons immedjat għall-effetti possibbli tal-pandemija: żewġ emendi għar-Regolament (UE) Nru 1303/2013 tal-Parlament Ewropew u tal-Kunsill (2) adottati fit-30 ta’ Marzu 2020 u fit-23 ta’ April 2020 rispettivament, bil-għan li jipprovdu flessibbiltà għall-Istati Membri fit-tentattiv tagħhom li jimmaniġġjaw il-programmi biex iwieġbu għall-kriżi tal-COVID-19. |
2.5. |
Id-diskussjonijiet li għaddejjin dwar l-istrateġija ta’ ħruġ sostnuta jiffukaw fuq żewġ pilastri: il-Fond Ewropew għall-Irkupru u qafas finanzjarju pluriennali msaħħaħ. Ir-Regolament propost huwa orjentat lejn l-appoġġ tal-investimenti tal-politika ta’ koeżjoni fuq medda medja u twila ta’ żmien. |
2.6. |
Il-KESE jappoġġja bis-sħiħ l-inizjattiva tal-Kummissjoni li tuża l-baġit tal-UE biex timmobilizza l-investiment u toffri appoġġ finanzjarju matul l-irkupru ta’ wara l-COVID-19. Dan għandu jsir bl-appoġġ ta’ pjani usa’ biex tiżdied il-kompetittività u s-sostenibbiltà tal-ekonomija Ewropea u biex jiġi implimentat il-Pilastru Ewropew tad-Drittijiet Soċjali. |
2.7. |
Il-kriżi attwali tal-COVID-19 ħarġet fid-dieher l-importanza tal-flessibbiltà u tar-reazzjonijiet koordinati u veloċi tal-Istati Membri u tal-UE. Dawn it-tagħlimiet għandhom ikunu riflessi fil-qafas legali u finanzjarju l-ġdid, li għandu jagħti prova tal-flessibbiltà u l-kapaċità tiegħu li jwieġeb għal ċirkostanzi straordinarji fil-futur. |
3. Kummenti Ġenerali
3.1. |
Il-kriżi tal-COVID-19 iġġenerat reazzjonijiet mhux koordinati fl-Istati Membri kollha, skont il-kapaċitajiet nazzjonali u reġjonali. Dan jista’ jirriżulta f’irkupru asimmetriku u fl-istess ħin jikkontribwixxi għal żieda fid-differenzi u l-inugwaljanzi reġjonali, li fuq medda twila ta’ żmien jistgħu jimminaw is-suq uniku u l-istabbiltà finanzjarja tal-Unjoni Ewropea. Il-KESE jqis vitali li tittieħed azzjoni immedjata biex tiġi evitata frammentazzjoni ulterjuri tas-suq uniku u biex jiġi rrispettat l-objettiv tat-Trattat għall-promozzjoni tal-konverġenza u t-tnaqqis tad-differenzi. |
3.2. |
L-irkupru ekonomiku jeħtieġ investiment pubbliku qawwi, li jista’ jiġi mxekkel mill-pressjoni sinifikanti fuq il-finanzi pubbliċi, u b’hekk jiġi estiż it-tnaqqis fir-ritmu ekonomiku. Għalhekk, għall-qafas finanzjarju pluriennali li jmiss, ċerti emendi għall-proposta tal-RDK huma assolutament meħtieġa. |
3.3. |
Is-Semestru Ewropew għandu rabta mill-qrib mal-investimenti tal-politika ta’ koeżjoni, li, min-naħa tagħhom, huma adatti biex iwettqu l-ħtiġijiet identifikati fil-proċess tas-Semestru Ewropew u jikkontribwixxu b’mod attiv għall-irkupru ekonomiku. Il-KESE appella ripetutament għall-“ħtieġa li jiġi stabbilit qafas Ewropew komuni – simili għall-Ftehim ta’ Sħubija taħt il-Fondi Strutturali tal-UE – li jiggarantixxi li jista’ jkun hemm parteċipazzjoni b’saħħitha u sinifikanti tal-imsieħba soċjali u tas-soċjetà ċivili ġenerali fl-istadji kollha tat-tfassil u l-implimentazzjoni tas-Semestru tal-UE” (3). |
3.4. |
L-Artikolu 6 tar-Regolament, li jistabbilixxi d-dispożizzjonijiet komuni dwar is-seba’ fondi, jistabbilixxi l-mod li bih kull Stat Membru għandu jorganizza sħubijiet ma’ awtoritajiet reġjonali u lokali kompetenti, billi mill-inqas jinkludi lill-awtoritajiet urbani u awtoritajiet pubbliċi oħrajn, l-imsieħba ekonomiċi u soċjali, kif ukoll korpi rilevanti li jirrappreżentaw is-soċjetà ċivili, l-imsieħba ambjentali u l-entitajiet li jirrappreżentaw id-drittijiet fundamentali, eċċ. L-Istati Membri kollha għandhom jinvolvu lil dawn il-partijiet interessati fit-tħejjija tal-Ftehimiet ta’ Sħubija u fl-istabbiliment u l-implimentazzjoni ta’ programmi, kif ukoll fi ħdan il-kumitati ta’ monitoraġġ. |
3.4.1. |
Għalkemm dawn il-linji huma ċari, il-KESE mhuwiex sodisfatt b’differenzi kif l-Istati Membri differenti jinkludu u jinvolvu lill-imsieħba soċjali u lill-organizzazzjonijiet tas-soċjetà ċivili. Il-KESE diġà indika li “Fil-kuntest tar-rakkomandazzjonijiet speċifiċi għall-pajjiż ta’ din is-sena, diversi Stati Membri rċevew rakkomandazzjonijiet dwar it-tisħiħ tad-djalogu soċjali. Sabiex titħeġġeġ il-parteċipazzjoni tal-imsieħba soċjali, jenħtieġ li jiġu introdotti standards minimi rigward il-konsultazzjoni tal-imsieħba soċjali nazzjonali mill-gvernijiet nazzjonali f’diversi stadji matul is-Semestru Ewropew” (4). |
3.5. |
Fir-rigward tal-perjodu ta’ implimentazzjoni attwali, il-KESE jirrikonoxxi li għal xi benefiċjarji huwa diffiċli li l-programmi approvati jitlestew fil-ħin. Il-flessibbiltà hija kruċjali biex tippermetti s-suċċess u l-estensjoni possibbli tal-perjodu ta’ implimentazzjoni, filwaqt li tiżgura t-tqassim korrett tal-operazzjonijiet. |
3.6. |
Il-KESE jqis li l-flessibbiltajiet proposti huma l-approċċ ġust f’sitwazzjoni ekonomika u soċjali kkumplikata, fejn huma mistennija sitwazzjonijiet eċċezzjonali għall-perjodu ta’ implimentazzjoni li jmiss. Qed joħroġ dejjem aktar biċ-ċar li l-impatt ekonomiku tal-pandemija tal-COVID-19 se jkollu effetti fit-tul fuq l-Istati Membri u l-uniku mod kif jiġi żgurat ħruġ sostenibbli huwa permezz tad-dejn. Għalhekk, huwa estremament utli li l-qafas jinħoloq immedjatament biex il-pajjiżi kollha jkunu jistgħu jżidu l-flessibbiltà fl-istrateġija ta’ ħruġ tagħhom u jużaw il-fondi disponibbli fejn huma l-aktar meħtieġa. |
4. Kummenti Speċifiċi
4.1. |
Il-KESE jemmen li għandha tingħata attenzjoni speċjali lir-reġjuni li huma serjament affettwati mill-kriżi tal-COVID-19 u li qed jiffaċċjaw l-agħar diffikultajiet biex jissoktaw bl-irkupru ekonomiku sostnut. |
4.2. |
L-inklużjoni soċjali u t-tnaqqis tad-differenzi kemm bejn l-Istati Membri, kif ukoll bejn reġjuni differenti huma u għandhom ikunu l-ogħla prijorità tal-Fondi ta’ Koeżjoni. Peress li s-settur tat-turiżmu u dak kulturali ntlaqtu b’mod qawwi mill-kriżi tal-COVID-19, dawn għandhom jiġu appoġġjati b’mod speċjali. Fl-istess ħin, l-inklużjoni soċjali mhijiex limitata għal dawn is-setturi u l-prinċipji tal-Pilastru Ewropew tad-Drittijiet Soċjali għandhom ikunu fundamentali fi kwalunkwe approċċ. Għalhekk, il-KESE jappoġġja l-ħolqien ta’ objettiv separat taħt il-politika 4 tal-FEŻR. |
4.3. |
Il-KESE jfaħħar l-intenzjoni li tingħata aktar flessibbiltà lill-Istati Membri f’termini ta’ trasferiment ta’ ċerti ammonti bejn il-fondi differenti tal-UE fi kwalunkwe punt li dawn iqisu neċessarju. Il-qafas legali tal-politika ta’ koeżjoni għandu jiġi adattat malajr għar-realtajiet il-ġodda sabiex il-mekkaniżmi mfassla speċifikament jiġu adottati u implimentati faċilment. Il-flessibbiltà u d-derogi għar-regoli eżistenti jistgħu jkunu ta’ importanza kbira f’qagħda ekonomika u soċjali diffiċli bħal din. Għalhekk, il-KESE huwa favur li l-Kummissjoni tingħata s-setgħa li tadotta l-atti ta’ implimentazzjoni meħtieġa. |
4.4. |
L-emendi proposti jintroduċu xi flessibbiltà għall-Istati Membri biex jitolbu trasferimenti bejn il-Fondi jew mill-Fondi għal kwalunkwe strument, permezz ta’ ġestjoni diretta jew indiretta. Il-KESE jaqbel li l-flessibbiltà estiża tal-iskeda ta’ żmien hija assolutament meħtieġa u tappoġġja l-proposta li t-trasferimenti jistgħu jsiru fil-bidu tal-perjodu ta’ programmazzjoni jew fi kwalunkwe punt ieħor matul il-fażi ta’ implimentazzjoni. |
4.5. |
Il-Patt ta’ Stabbiltà u Tkabbir jappoġġja l-koordinazzjoni fost il-politiki fiskali u l-applikazzjoni ta’ finanzi pubbliċi sodi, li huma essenzjali għal irkupru u tkabbir ekonomiku sostenibbli. Il-KESE jqis li l-iżgurar ta’ miżuri temporanji biex jippermettu l-użu tal-Fondi f’ċirkostanzi eċċezzjonali se jżid il-fiduċja u jikkoreġi l-iżbilanċi fl-ekonomija. Id-dejn pubbliku mistenni se jkollu impatt importanti fuq l-ekonomija, jekk mhux se jkun appoġġjat b’mod effiċjenti bil-mezzi kollha meħtieġa. |
4.6. |
Il-KESE jemmen li għandu jkun hemm mekkaniżmi ċari ta’ komplementarjetà bejn id-diversi flussi Ewropej ta’ finanzjament. Minkejja dan, l-irkupru ta’ wara l-COVID-19 għandu jsegwi prinċipji sostenibbli u korrelazzjoni tal-isforzi bejn il-FEŻR, il-Fondi ta’ Koeżjoni u programmi Ewropej oħrajn. |
4.7. |
Il-KESE jfaħħar iż-żieda ta’ ċirkostanzi eċċezzjonali u mhux tas-soltu rigward il-miżuri b’rabta ma’ governanza ekonomika soda. Fid-dawl tal-ħtieġa ta’ aktar flessibbiltà fir-rispons għal ċirkostanzi eċċezzjonali, bħall-kriżi tal-COVID-19, il-KESE jqis li t-tibdil propost fir-rigward tat-titolu 2 tal-Kapitolu III huwa meħtieġ. |
4.8. |
Il-KESE jappoġġja bis-sħiħ l-introduzzjoni proposta tal-Artikolu 15a. Il-Kumitat jemmen li huwa essenzjali li l-baġit tal-UE jitħalla jkun aktar flessibbli fl-indirizzar ta’ xokkijiet negattivi, speċjalment dawk li mhumiex ta’ oriġini ekonomika. Barra minn hekk, il-flessibbiltà tintroduċi approċċ korrett li l-pagamenti interim jistgħu jiżdiedu b’mod eċċezzjonali sa 10 % aktar mir-rata ta’ kofinanzjament applikabbli, iżda li ma taqbiżx il-kwota ta’ 100 %. |
4.9. |
Il-KESE jqis rilevanti l-inklużjoni ta’ ġustifikazzjoni għat-trasferimenti fl-Artikolu 8(d), peress li dan jippermetti sorveljanza u trasparenza aħjar. |
4.10. |
Barra minn hekk, il-modifika tal-premessa (71) tiżgura li s-setgħat ta’ implimentazzjoni fir-rigward ta’ miżuri temporanji għall-użu tal-Fondi għandhom jingħataw lill-Kummissjoni Ewropea mingħajr proċeduri ta’ kumitat. Qed tkun proposta flessibbiltà addizzjonali fi kwalunkwe trasferiment li kwalunkwe Stat Membru jista’ jitlob sa 5 % tal-allokazzjoni totali ta’ kwalunkwe Fond għal Fond ieħor. Jista’ jintalab ukoll trasferiment addizzjonali ta’ mhux aktar minn 5 % taħt il-mira tal-Investiment għat-tkabbir u l-impjiegi, bejn il-FEŻR, l-FSE+ u l-Fond ta’ Koeżjoni. |
4.11. |
Il-KESE jaqbel mal-importanza tal-SMEs fl-ekonomija u jilqa’ l-attenzjoni miżjuda fir-rigward tagħhom. Barra minn hekk, għandha tingħata attenzjoni speċjali lill-SMEs li jiġġeneraw it-tkabbir u li joħolqu impjiegi ta’ kwalità għolja, li huma meħtieġa biex jitnaqqsu l-inugwaljanzi u d-differenzi. |
4.12. |
Il-pandemija tal-COVID-19 uriet li l-edukazzjoni diġitali ġġib magħha ħafna sfidi. Mhuwiex biżżejjed li sempliċiment niżguraw l-aċċess għall-ICT u t-tagħmir diġitali għall-istudenti li ġejjin minn ambjenti żvantaġġati. Il-KESE jirrakkomanda li l-Istati Membri janalizzaw modi kif jippermettu l-aċċess għall-pjattaformi diġitali. Barra minn hekk, studenti li ġejjin minn ambjenti żvantaġġati u xi għalliema anzjani ma għandhomx il-ħiliet meħtieġa biex jaħdmu tajjeb bl-għodod u l-kontenut diġitali. Għalhekk, il-KESE jappella għal investiment immedjat addizzjonali għat-titjib tal-ħiliet. |
4.13. |
Il-KESE jappoġġja t-tnaqqis propost tal-limitu minn EUR 10 miljun għal EUR 5 miljun għal operazzjoni soġġetta għal implimentazzjoni gradwali, bil-kundizzjoni li l-kundizzjonijiet l-oħrajn kollha stipulati fl-Artikolu 111 jiġu ssodisfati. |
4.14. |
Minbarra ż-żieda fil-kapaċità tat-tagħmir mediku u tal-forniment, il-KESE jirrakkomanda li l-UE għandha ssegwi politiki li jtejbu l-kooperazzjoni transkonfinali fi żminijiet ta’ kriżi. Id-diżastri u l-kriżijiet naturali ma jiqfux mal-fruntiera tal-Istat. Matul il-pandemija, il-koordinazzjoni tal-Istati Membri u r-reazzjonijiet konġunti kienu limitati ħafna, diżorganizzati u xprunati minn tendenzi li jħarsu ’l ġewwa. Protokolli u kollaborazzjoni aħjar jeliminaw ħafna mill-konġestjoni inizjali u jippermettu rispons Ewropew semplifikat u f’waqtu għal kull tip ta’ katastrofi. |
Brussell, it-18 ta’ Settembru 2020.
Luca JAHIER
Il-President tal-Kumitat Ekonomiku u Soċjali Ewropew
(1) COM(2018) 375 final – 2018/0196 (COD).
(2) ĠU L 347, 20.12.2013, p. 320.
(3) Ara l-Opinjoni fuq inizjattiva proprja tal-KESE dwar Is-Semestru Ewropew u l-politika ta’ koeżjoni – Lejn strateġija Ewropea ġdida għal wara l-2020 (ĠU C 353, 18.10.2019, p. 39).