Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52008AP0453

    Ftehim Internazzjonali dwar l-Injam Tropikali 2006 * Riżoluzzjoni leġiżlattiva tal-Parlament Ewropew tal- 24 ta' Settembru 2008 dwar l-abbozz għal deċiżjoni tal-Kunsill dwar il-konklużjoni f'isem il-Komunità Ewropea tal-Ftehim Internazzjonali dwar l-Injam Tropikali 2006 (11964/2007 — C6-0326/2007 — 2006/0263(CNS))

    ĠU C 8E, 14.1.2010, p. 393–395 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    24/09/2008; Data tal-votazzjoni
    Date of vote:
    24/09/2008
    Author:
    Il-Parlament Ewropew, Il-Kumitat għall-Kummerċ Internazzjonali
    Rapporteur:
    LUCAS Caroline
    Form:
    Opinjoni li ma tipproponix emenda
    Parliamentary term:
    Is-sitt leġiżlatura
    Additional information:
    Konsultazzjoni tal-Parlament minn Dokument Nru. 0326/2007, Konsultazzjoni ordinarja (l-uniku qari), Konsultazzjoni obbligatorja, CNS 2006/0263
    Legal basis:
    Link
    Link
    Link
    Select all documents mentioning this document
    Instruments cited:
    Link

    14.1.2010   

    MT

    Il-Ġurnal Uffiċjali tal-Unjoni Ewropea

    CE 8/393

    L-Erbgħa, 24 ta' Settembru 2008
    Ftehim Internazzjonali dwar l-Injam Tropikali 2006 *

    P6_TA(2008)0453

    Riżoluzzjoni leġiżlattiva tal-Parlament Ewropew tal-24 ta' Settembru 2008 dwar l-abbozz għal deċiżjoni tal-Kunsill dwar il-konklużjoni f'isem il-Komunità Ewropea tal-Ftehim Internazzjonali dwar l-Injam Tropikali 2006 (11964/2007 — C6-0326/2007 — 2006/0263(CNS))

    2010/C 8 E/48

    (Proċedura ta' konsultazzjoni)

    Il-Parlament Ewropew,

    wara li kkunsidra l-abbozz għal deċiżjoni tal-Kunsill (11964/2007),

    wara li kkunsidra l-abbozz tal-Ftehima Internazzjonali dwar l-Injam Tropikali 2006 (11964/2007),

    wara li kkunsidra l-Artikoli 133, 175 u 300(2), l-ewwel subparagrafu tat-Trattat KE,

    wara li kkunsidra l-Artikolu 300(3), l-ewwel subparagrafu, tat-Trattat KE skont liema Artikolu ġie kkonsultat mill-Kunsill (C6-0326/2007),

    wara li kkunsidra l-opinjoni tal-Kumitat għall-Affarijiet Legali dwar il-bażi legali proposta,

    wara li kkunsidra l-Artikoli 51, 83(7) u 35 tar-Regoli ta' Proċedura tiegħu,

    wara li kkunsidra r-rapport tal-Kumitat għall-Kummerċ Internazzjonali (A6-0313/2008),

    1.

    Japprova proposta għal deċiżjoni tal-Kunsill kif emendata u japprova l-konklużjoni tal-ftehim;

    2.

    Iżomm id-dritt li jiddefendi l-prerogattivi tiegħu kif ġie konferit mit-Trattat;

    3.

    Jagħti istruzzjonijiet lill-President tiegħu sabiex jinforma lill-Kunsill u l-Kummissjoni, u lill-gvernijiet u l parlamenti tal-Istati Membri u lis-segretarjat tal-Organizzazzjoni Internazzjonali tal-Injam Tropikali (ITTO) bil-pożizzjoni tal-Parlament.

    TEST PROPOST MILL-KUNSILL

    EMENDI MILL-PARLAMENT

    Emenda 1

    Ċitazzjoni 1

    Wara li kkunsidra t-Trattat li jistabbilixxi l-Komunità Ewropea, u partikolarment l-Artikoli 133 u 175 tiegħu, moqri flimkien mal-ewwel sentenza tal-ewwel subparagrafu tal-Artikolu 300(2) u l-ewwel subparagrafu tal-Artikolu 300(3) tiegħu,

    Wara li kkunsidra t-Trattat li jistabbilixxi l-Komunità Ewropea, u partikolarment l-Artikoli 133 u 175 tiegħu, moqri flimkien mal-ewwel sentenza tal-ewwel subparagrafu tal-Artikolu 300(2) u t-tieni subparagrafu tal-Artikolu 300(3) tiegħu,

    Emenda 2

    Premessa 4

    (4)

    L-għanijiet tal-Ftehim il-ġdid huma konsistenti kemm mal-politika kummerċjali komuni kif ukoll mal-politika ambjentali.

    (4)

    L-għanijiet tal-Ftehim il-ġdid għandhom ikunu konsistenti kemm mal-politika kummerċjali komuni kif ukoll mal-politika ambjentali u ta' żvilupp .

    Emenda 3

    Premessa 7a (ġdida)

     

    (7a)

    		Il-Kummissjoni għandha tippreżenta rapport annwali lill-Parlament Ewropew u lill-Kunsill b'analiżi tal-implimentazzjoni tal-Ftehim Internazzjonali tal-Injam Tropikali 2006 u tal-miżuri li jimminimizzaw l-impatt negattiv tal-kummerċ fuq il-foresti tropikali, inklużi ftehimiet bilaterali ffinalizzati skont il-programm tal-Infurzar tal-Liġi tal-Foresti, Tmexxija u Kummerċ (FLEGT). L-Artikolu 33 tal-Ftehim Internazzjonali tal-Injam Tropikali 2006 jipprovdi għal evalwazzjoni tal-implimentazzjoni ta' dan il-Ftehim ħames snin wara d-ħul fis-seħħ tiegħu. Fid-dawl ta' din id-dispożizzjoni, il-Kummissjoni għandha tressaq reviżjoni tal-funzjonament tal-ITTA lill-Parlament u lill-Kunsill sa tmiem l-2010.

    Emenda 4

    Premessa 7b (ġdida)

     

    (7b)

    		Meta tkun qed tabbozza l-mandat għan-negozjar tar-reviżjoni tal-Ftehim Internazzjonali tal-Injam Tropikali 2006, il-Kummissjoni għandha tipproponi li t-test attwali jiġi rivedut, filwaqt li l-protezzjoni u l-ġestjoni sostenibbli tal-foresti tropikali u r-restawrazzjoni ta' zoni forestali li kienu ġew iddegradati jitpoġġew fil-qalba tal-ftehima u tiġi enfasizzata l-importanza tal-politika tal-edukazzjoni u tal-informazzjoni fil-pajjiżi affettwati mill-problema tad-deforestazzjoni, sabiex tiżdied il-kuxjenza pubblika dwar il-konsegwenzi negattivi tal-isfruttar abbużiv tar-riżorsi tal-injam. Il-kummerċ tal-injam tropikali għandu jitħeġġeġ biss jekk dan ikun kompatibbli ma' dawn l-għanijiet.

    Emenda 5

    Premessa 7c (ġdida)

     

    (7c)

    		B'mod partikolari, dan il-mandat għal reviżjoni tal-Ftehim Internazzjonali tal-Injam Tropikali 2006, għandu jipproponi mekkaniżmu ta' votazzjoni għall-Kunsill Internazzjonali tal-Injam Tropikali li jippremja b'mod ċar il-konservazzjoni u l-użu sostenibbli tal-foresti tropikali.

    Emenda 6

    Premessa 7d (ġdida)

     

    (7d)

    		Il-Kummissjoni sa mhux aktar tard minn Ottubru 2008 għandha:

    (a)

    tipproponi proposta leġiżlattiva komprensiva li tipprevjeni t-tqegħid fis-suq ta' injam u prodotti tal-injam li ġejjin minn sorsi illegali jew distruttivi;

    (b)

    tippreżenta Komunikazzjoni li tiddetermina l-involviment u l-appoġġ tal-UE għall-mekkaniżmi ta' fondi globali preżenti u futuri għal-promozzjoni tal-ħarsien tal-foresti mid-deforestazzjoni u t-tnaqqis tal-emissjonijiet skont il-Protokoll UNFCCC/Kyoto. Il-Komunikazzjoni għandha tiġbor il-punti prinċipali li għandhom x'jaqsmu mal-impenn tal-UE biex tipprovdi fondi li jgħinu lill-pajjiżi li qed jiżviluppaw biex iħarsu l-foresti tagħhom, tiffinanzja netwerk għal zoni mħarsa u tippromwovi alternattivi ekonomiċi għall-qerda tal-foresti. B'mod partikolari, sabiex tiżgura benefiċċji reali għall-klima, il-bijodiversità u n-nies, għandha tiġbor il-punti prinċipali dwar il-prinċipji u l-kriterji minimi li dawn l-għodda għandhom jaderixxu magħhom. Għandha tidentifika wkoll azzjonijiet u zoni prijoritarji li għandhom jirċievu finanzjament immedjat taħt dawn il-mekkaniżmi ta' inċentiv.

    Top