This document is an excerpt from the EUR-Lex website
Document 32021D1801
Commission Implementing Decision (EU) 2021/1801 of 11 October 2021 amending Implementing Decision (EU) 2019/1616 as regards harmonised standards for metallic industrial piping, bolting of flanges and their joints and stainless steel steam boilers
Deċiżjoni ta’ Implimentazzjoni tal-Kummissjoni (UE) 2021/1801 tal-11 ta’ Ottubru 2021 li temenda d-Deċiżjoni ta’ Implimentazzjoni (UE) 2019/1616 fir-rigward tal-istandards armonizzati għall-pajpijiet industrijali metalliċi, għall-bolting tal-flanġijiet u l-ġonot tagħhom u għall-boilers tal-istim tal-azzar inossidabbli
Deċiżjoni ta’ Implimentazzjoni tal-Kummissjoni (UE) 2021/1801 tal-11 ta’ Ottubru 2021 li temenda d-Deċiżjoni ta’ Implimentazzjoni (UE) 2019/1616 fir-rigward tal-istandards armonizzati għall-pajpijiet industrijali metalliċi, għall-bolting tal-flanġijiet u l-ġonot tagħhom u għall-boilers tal-istim tal-azzar inossidabbli
C/2021/7257
ĠU L 361, 12.10.2021, p. 53–56
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 11/10/2021; Data ta' adozzjoni
- Date of effect:
- 12/10/2021; Dħul fis-seħħ Data tal-pubblikazzjoni Ara Art. 2
- Date of end of validity:
- No end date
- Author:
- Il-Kummissjoni Ewropea, Direttorat Ġenerali għas-Suq Intern, l-Industrija, l-Intraprenditorija u l-SMEs
- Responsible body:
- GROW
- Form:
- Deċiżjoni implimentattiva
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32012R1025 - A10P6
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32019D1616 Sostituzzjoni anness I punt 29 12/10/2021 Modifies 32019D1616 Żieda anness I punt 40 12/10/2021 Modifies 32019D1616 Żieda anness I punt 41 12/10/2021 Modifies 32019D1616 Żieda anness II punt 38 12/10/2021 Modifies 32019D1616 Żieda anness II punt 39 12/10/2021 - Instruments cited:
- Link
- EUROVOC descriptor:
- Subject matter:
- Directory code:
|
12.10.2021 |
MT |
Il-Ġurnal Uffiċjali tal-Unjoni Ewropea |
L 361/53 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2021/1801
tal-11 ta’ Ottubru 2021
li temenda d-Deċiżjoni ta’ Implimentazzjoni (UE) 2019/1616 fir-rigward tal-istandards armonizzati għall-pajpijiet industrijali metalliċi, għall-bolting tal-flanġijiet u l-ġonot tagħhom u għall-boilers tal-istim tal-azzar inossidabbli
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1025/2012 tal-Parlament Ewropew u tal-Kunsill tal-25 ta’ Ottubru 2012 dwar l-Istandardizzazzjoni Ewropea, li jemenda d-Direttivi tal-Kunsill 89/686/KEE u 93/15/KEE u d-Direttivi 94/9/KE, 94/25/KE, 95/16/KE, 97/23/KE, 98/34/KE, 2004/22/KE, 2007/23/KE, 2009/23/KE u 2009/105/KE tal-Parlament Ewropew u tal-Kunsill u li jħassar id-Deċiżjoni tal-Kunsill 87/95/KEE u d-Deċiżjoni Nru 1673/2006/KE tal-Parlament Ewropew u tal-Kunsill (1), u b’mod partikolari l-Artikolu 10(6) tiegħu,
Billi:
|
(1) |
Skont l-Artikolu 12 tad-Direttiva 2014/68/UE tal-Parlament Ewropew u tal-Kunsill (2), l-apparat jew l-assemblaġġi ta’ pressjoni msemmija fl-Artikolu 4(1) u (2) ta’ dik id-Direttiva li jkunu konformi ma’ standards armonizzati jew ma’ partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, iridu jkunu preżunti konformi mar-rekwiżiti tas-sikurezza essenzjali koperti minn dawk l-istandards jew partijiet minnhom, imsemmija fl-Anness I ta’ dik id-Direttiva. |
|
(2) |
Permezz tal-ittra M/071 tal-1 ta’ Awwissu 1994, il-Kummissjoni talbet lill-Kumitat Ewropew għall-Istandardizzazzjoni (CEN) biex ifassal, fir-rigward tal-apparat ta’ pressjoni, l-istandards relatati mal-prodotti u l-istandards ta’ natura orizzontali b’appoġġ għad-Direttiva 97/23/KE tal-Parlament Ewropew u tal-Kunsill (3). Dik id-Direttiva ġiet sostitwita bid-Direttiva 2014/68/UE mingħajr ma nbidlu r-rekwiżiti essenzjali tas-sikurezza msemmija fl-Anness I tad-Direttiva 97/23/KE. |
|
(3) |
Abbażi tat-talba M/071 u biex ikun jirrifletti l-ogħla livell ta’ żvilupp tekniku, is-CEN irreveda u emenda wħud mill-istandards armonizzati eżistenti. Speċifikament, is-CEN irreveda l-istandard armonizzat EN 1515-4:2009 li wassal għall-adozzjoni tal-istandard armonizzat EN 1515-4:2021 dwar il-bolting tal-flanġijiet u l-ġonot tagħhom. Is-CEN irreveda wkoll l-istandard armonizzat EN 14222:2003 li wassal għall-adozzjoni tal-istandard armonizzat EN 14222:2021 dwar il-boilers tal-istim tal-azzar inossidabbli. |
|
(4) |
Barra minn hekk, is-CEN emenda l-istandard armonizzat EN 13480-3:2017 dwar il-pajpijiet industrijali metalliċi. |
|
(5) |
Il-Kummissjoni, flimkien mas-CEN, ivvalutat jekk dawk l-istandards dwar l-apparat ta’ pressjoni kif emendati jew riveduti mis-CEN humiex konformi mat-talba M/071. |
|
(6) |
L-istandards dwar l-apparat ta’ pressjoni kif emendati jew riveduti mis-CEN jissodisfaw ir-rekwiżiti li għandhom l-għan ikopru u li jissemmew fl-Anness I tad-Direttiva 2014/68/UE. Għalhekk huwa xieraq li r-referenzi ta’ dawk l-istandards jiġu ppubblikati f’Il-Ġurnal Uffiċjali tal-Unjoni Ewropea. |
|
(7) |
Ir-referenzi tal-verżjonijiet emendati jew riveduti tal-istandards EN 1515-4:2009, EN 14222:2003 u EN 13480-3:2017 iridu jiġu ppubblikati. Għalhekk jeħtieġ lir-referenzi tal-istandards EN 1515-4:2009 u EN 14222:2003 jiġu rtirati minn Il-Ġurnal Uffiċjali tal-Unjoni Ewropea (4). |
|
(8) |
Sabiex il-manifatturi jingħataw biżżejjed żmien biex jadattaw il-prodotti tagħhom għall-verżjonijiet emendati jew riveduti tal-istandards armonizzati għall-bolting tal-flanġijiet u l-ġonot tagħhom u għall-boilers tal-istim tal-azzar inossidabbli, jeħtieġ li jiġi differit l-irtirar tar-referenzi ta’ dawk l-istandards. |
|
(9) |
L-Anness I tad-Deċiżjoni ta’ Implimentazzjoni tal-Kummissjoni (UE) 2019/1616 (5) jelenka r-referenzi tal-istandards armonizzati abbozzati b’appoġġ għad-Direttiva 2014/68/UE. Ir-referenzi tal-istandards armonizzati EN 1515-4:2021 u EN 14222:2021 jenħtieġ li jiġu inklużi f’dak l-Anness. |
|
(10) |
L-Anness II tad-Deċiżjoni ta’ Implimentazzjoni (UE) 2019/1616 jelenka r-referenzi tal-istandards armonizzati abbozzati b’appoġġ għad-Direttiva 2014/68/UE li ġew irtirati minn Il-Ġurnal Uffiċjali tal-Unjoni Ewropea. Ir-referenzi tal-istandards armonizzati EN 1515-4:2009 u EN 14222:2003 jenħtieġ li jiġu inklużi f’dak l-Anness. |
|
(11) |
Ir-referenza tal-istandard armonizzat EN 13480-3:2017 u r-referenzi tal-emendi tiegħu EN 13480- 3:2017/A2:2020 u EN 13480-3:2017/A3:2020 huma inklużi fl-Anness I tad-Deċiżjoni ta’ Implimentazzjoni (UE) 2019/1616. Saret emenda oħra għall-istandard EN 13480-3:2017. Huwa xieraq li tiġi sostitwita l-entrata rilevanti f’dak l-Anness, u tiżdied ir-referenza tal-emenda EN 13480-3:2017/A1:2021. |
|
(12) |
Għalhekk, id-Deċiżjoni ta’ Implimentazzjoni (UE) 2019/1616 jenħtieġ li tiġi emendata skont dan. |
|
(13) |
Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għalhekk, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha, |
ADOTTAT DIN ID-DEĊIŻJONI:
Artikolu 1
Id-Deċiżjoni ta’ Implimentazzjoni (UE) 2019/1616 hija emendata kif ġej:
|
(1) |
l-Anness I huwa emendat f’konformità mal-Anness I ta’ din id-Deċiżjoni; |
|
(2) |
l-Anness II huwa emendat f’konformità mal-Anness II ta’ din id-Deċiżjoni. |
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-11 ta’ Ottubru 2021.
Għall-Kummissjoni
Il-President
Ursula VON DER LEYEN
(1) ĠU L 316, 14.11.2012, p. 12.
(2) Id-Direttiva 2014/68/UE tal-Parlament Ewropew u tal-Kunsill tal-15 ta’ Mejju 2014 dwar l-armonizzazzjoni tal-liġijiet tal-Istati Membri relatati mat-tqegħid fis-suq ta’ apparat ta’ pressjoni (ĠU L 189, 27.6.2014, p. 164).
(3) Id-Direttiva 97/23/KE tal-Parlament Ewropew u tal-Kunsill tad-29 ta’ Mejju 1997 dwar l-approssimazzjoni tal-liġijiet tal-Istati Membri li għandhom x’jaqsmu ma’ apparat ta’ pressjoni (ĠU L 181, 9.7.1997, p. 1).
(4) ĠU C 326, 14.9.2018, p. 94.
(5) Id-Deċiżjoni ta’ Implimentazzjoni tal-Kummissjoni (UE) 2019/1616 tas-27 ta’ Settembru 2019 dwar l-istandards armonizzati għall-apparat ta’ pressjoni abbozzati b’appoġġ għad-Direttiva 2014/68/UE tal-Parlament Ewropew u tal-Kunsill (ĠU L 250, 30.9.2019, p. 95).
ANNESS I
L-Anness I huwa emendat kif ġej:
|
(1) |
l-entrata Nru 29 hija sostitwita b’dan li ġej:
|
|
(2) |
jiżdiedu l-entrati li ġejjin:
|
ANNESS II
Fl-Anness II, jiżdiedu l-entrati li ġejjin:
|
Nru |
Referenza tal-istandard |
Data tal-irtirar |
|
“38. |
EN 1515-4:2009 Flanġijiet u l-ġonot tagħhom - Bolting - Parti 4: Għażla ta’ bolting għall-apparat soġġett għad-Direttiva dwar l-Apparat ta’ Pressjoni 97/23/KE |
It-12 ta’ April 2023 |
|
39. |
EN 14222:2003 Shell boilers tal-azzar inossidabbli |
It-12 ta’ April 2023”. |
