Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32019D0640

Deċiżjoni tal-Kunsill (UE) 2019/640 tal-15 ta' April 2019 dwar l-allokazzjoni ta' fondi diżimpenjati minn proġetti taħt l-għaxar Fond Ewropew għall-Iżvilupp għall-fini tar-riforniment tal-Faċilità għall-Paċi fl-Afrika

ST/7921/2019/INIT

ĠU L 109, 24.4.2019, p. 24–25 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2019/640/oj

Date of document:
15/04/2019; Data ta' adozzjoni
Date of effect:
16/04/2019; Dħul fis-seħħ Data tad-dokument +1 Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Deċiżjoni
Treaty:
Trattat dwar il-Funzjonament tal-Unjoni Ewropea
Legal basis:
Proposal:
Link
Link
Link
Link
Link
Select all documents mentioning this document
Instruments cited:
Link

24.4.2019   

MT

Il-Ġurnal Uffiċjali tal-Unjoni Ewropea

L 109/24

DEĊIŻJONI TAL-KUNSILL (UE) 2019/640

tal-15 ta' April 2019

dwar l-allokazzjoni ta' fondi diżimpenjati minn proġetti taħt l-għaxar Fond Ewropew għall-Iżvilupp għall-fini tar-riforniment tal-Faċilità għall-Paċi fl-Afrika

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Ftehim Intern bejn ir-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar ta' għajnuna mill-Unjoni Ewropea taħt il-qafas finanzjarju pluriennali għall-perjodu mill-2014 sal-2020, skont il-Ftehim ta' Sħubija AKP-UE, u dwar l-allokazzjoni ta' assistenza finanzjarja għall-pajjiżi u territorji extra-Ewropej li għalihom tapplika r-Raba' Parti tat-Trattat dwar il-Funzjonament tal-Unjoni Ewropea (1), u b'mod partikolari l-Artikolu 1(4) tiegħu,

Wara li kkunsidra l-proposta mill-Kummissjoni Ewropea,

Billi:

(1)

Taħt il-11-il Fond Ewropew għall-Iżvilupp (FEŻ), l-Unjoni sa issa impenjat total ta' EUR 1 627 300 000 għall-Faċilità għall-Paċi fl-Afrika (FPA) biex tipprovdi appoġġ finanzjarju għar-reazzjonijiet tal-Unjoni Afrikana għal kriżijiet tas-sigurtà li għaddejjin bħalissa u dawk emerġenti fl-Afrika. Dan l-impenn favur il-paċi u s-sigurtà fil-kontinent Afrikan jenħtieġ li jitkompla għall-perjodu 2019-2020.

(2)

Il-ħtiġijiet tal-FPA għall-perjodu 2019-2020 huma stmati għal EUR 814 860 000.

(3)

Hemm lok biex jintużaw fondi diżimpenjati minn proġetti taħt l-għaxar FEŻ sabiex il-finanzjament tal-FPA jiġi żgurat sa tmiem l-2020.

(4)

Jenħtieġ li dawk il-fondi jiffinanzjaw l-attivitajiet tal-FPA, inkluż l-appoġġ għall-operazzjonalizzazzjoni tal-Arkitettura Afrikana għall-Paċi u s-Sigurtà, l-appoġġ għal inizjattivi mmirati għall-prevenzjoni u l-ġestjoni tal-kunflitt vjolenti f'każ ta' ħtiġijiet urġenti u imprevisti f'sitwazzjonijiet ta' kriżi (Mekkaniżmu ta' Reazzjoni Bikrija) u appoġġ għall-Operazzjonijiet ta' Appoġġ għall-Paċi mmexxija mill-Afrika, u jenħtieġ li jkopru n-nefqa ta' appoġġ li ssir mill-Kummissjoni.

(5)

Jenħtieġ li dawk il-fondi jintużaw f'konformità mal-programm ta' azzjoni multiannwali rilevanti tal-FPA u mar-regoli u l-proċeduri applikabbli għall-11-il FEŻ, kif stabbilit fir-Regolamenti tal-Kunsill (UE) 2015/322 (2) u (UE) 2018/1877 (3),

ADOTTA DIN ID-DEĊIŻJONI:

Artikolu 1

Għandu jiġi allokat ammont sa massimu ta' EUR 445 860 000 mill-fondi diżimpenjati minn proġetti taħt l-għaxar Fond Ewropew għall-Iżvilupp (FEŻ) għall-fini tar-riforniment tal-Faċilità għall-Paċi fl-Afrika (FPA) għall-perjodu 2019-2020.

Minn dak l-ammont, sa massimu ta' EUR 14 860 000 għandhom jiġu allokati għan-nefqa ta' appoġġ li ssir mill-Kummissjoni.

Dawk il-fondi għandhom jintużaw f'konformità mar-regoli u l-proċeduri applikabbli għall-11-il FEŻ.

Artikolu 2

Din id-Deċiżjoni għandha tidħol fis-seħħ fil-jum wara dak tal-adozzjoni tagħha.

Magħmul fil-Lussemburgu, il-15 ta' April 2019.

Għall-Kunsill

Il-President

P. DAEA

(1)  ĠU L 210, 6.8.2013, p. 1.

(2)  Regolament tal-Kunsill (UE) 2015/322 tat-2 ta' Marzu 2015 dwar l-implimentazzjoni tal-11-il Fond Ewropew għall-Iżvilupp (ĠU L 58, 3.3.2015, p. 1).

(3)  Regolament tal-Kunsill (UE) 2018/1877 tas-26 ta' Novembru 2018 dwar ir-regolament finanzjarju applikabbli għall-11-il Fond Ewropew għall-Iżvilupp, u li jħassar ir- Regolament (UE) 2015/323 (ĠU L 307, 3.12.2018, p. 1).

Top