This document is an excerpt from the EUR-Lex website
Document 32018D1590
Commission Decision (EU) 2018/1590 of 19 October 2018 amending Decisions 2012/481/EU, 2014/391/EU, 2014/763/EU and 2014/893/EU as regards the period of validity of the ecological criteria for the award of the EU Ecolabel for certain products, and of the related assessment and verification requirements (notified under document C(2018) 6805) (Text with EEA relevance.)
Deċiżjoni tal-Kummissjoni (UE) 2018/1590 tad-19 ta' Ottubru 2018 li temenda d-Deċiżjonijiet 2012/481/UE, 2014/391/UE, 2014/763/UE u 2014/893/UE fir-rigward tal-perjodu ta' validità tal-kriterji ekoloġiċi għall-għoti tal-Ekotikketta tal-UE għal ċerti prodotti u tar-rekwiżiti ta' valutazzjoni u ta' verifika relatati magħhom (notifikata bid-dokument C(2018) 6805) (Test b'rilevanza għaż-ŻEE.)
Deċiżjoni tal-Kummissjoni (UE) 2018/1590 tad-19 ta' Ottubru 2018 li temenda d-Deċiżjonijiet 2012/481/UE, 2014/391/UE, 2014/763/UE u 2014/893/UE fir-rigward tal-perjodu ta' validità tal-kriterji ekoloġiċi għall-għoti tal-Ekotikketta tal-UE għal ċerti prodotti u tar-rekwiżiti ta' valutazzjoni u ta' verifika relatati magħhom (notifikata bid-dokument C(2018) 6805) (Test b'rilevanza għaż-ŻEE.)
C/2018/6805
ĠU L 264, 23.10.2018, p. 24–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 19/10/2018; Data ta' adozzjoni
- Date of effect:
- 22/10/2018; Jidħol fis-seħħ Data tan-notifika
- Date of notification:
- 22/10/2018
- Date of end of validity:
- 30/11/2020; Tmiem parzjali tal-validità Art. 1 Impliċitament imħassar minn 32020D1803
- Date of end of validity:
- 25/10/2021; Tmiem parzjali tal-validità Art. 4 Impliċitament imħassar minn 32021D1870
- Date of end of validity:
- 20/09/2023; Tmiem parzjali tal-validità Art. 3 Impliċitament imħassar minn 32023D1809
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Ambjent
- Responsible body:
- ENV
- Form:
- Deċiżjoni
- Addressee:
- L-Istati Membri
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32010R0066 - A08P2
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32012D0481 Sostituzzjoni artikolu 4 22/10/2018 Extended validity 32012D0481 22/10/2018 31/12/2020 Modifies 32014D0391 Sostituzzjoni artikolu 4 22/10/2018 Extended validity 32014D0391 22/10/2018 28/07/2022 Modifies 32014D0763 Sostituzzjoni artikolu 4 22/10/2018 Extended validity 32014D0763 22/10/2018 31/12/2022 Modifies 32014D0893 Sostituzzjoni artikolu 4 22/10/2018 Extended validity 32014D0893 22/10/2018 31/12/2021
No data available in the table
- Modified by:
-
Relation Act Comment Subdivision concerned From To Implicitly repealed by 32020D1803 Revoka parzjali artikolu 1 01/12/2020 Implicitly repealed by 32021D1870 Revoka parzjali artikolu 4 26/10/2021 Implicitly repealed by 32023D1809 Revoka parzjali artikolu 3 21/09/2023 - Instruments cited:
- Link
- EUROVOC descriptor:
- Subject matter:
- Directory code:
|
23.10.2018 |
MT |
Il-Ġurnal Uffiċjali tal-Unjoni Ewropea |
L 264/24 |
DEĊIŻJONI TAL-KUMMISSJONI (UE) 2018/1590
tad-19 ta' Ottubru 2018
li temenda d-Deċiżjonijiet 2012/481/UE, 2014/391/UE, 2014/763/UE u 2014/893/UE fir-rigward tal-perjodu ta' validità tal-kriterji ekoloġiċi għall-għoti tal-Ekotikketta tal-UE għal ċerti prodotti u tar-rekwiżiti ta' valutazzjoni u ta' verifika relatati magħhom
(notifikata bid-dokument C(2018) 6805)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta' Novembru 2009 dwar skema ta' Ekotikketta tal-UE (1), u b'mod partikolari l-Artikolu 8(2) tiegħu,
Wara li kkonsultat il-Bord tal-Ekotikkettar tal-Unjoni Ewropea,
Billi:
|
(1) |
Il-validità tal-kriterji ekoloġiċi għall-għoti tal-Ekotikketta tal-UE għall-karta stampata u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni 2012/481/UE (2), tiskadi fil-31 ta' Diċembru 2018. |
|
(2) |
Il-validità tal-kriterji ekoloġiċi għall-għoti tal-Ekotikketta tal-UE għas-saqqijiet tas-sodda u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni 2014/391/UE (3), tiskadi fit-23 ta' Ġunju 2018. |
|
(3) |
Il-validità tal-kriterji ekoloġiċi għall-għoti tal-Ekotikketta tal-UE għall-prodotti assorbenti tal-iġjene u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni 2014/763/UE (4), tiskadi fl-24 ta' Ottubru 2018. |
|
(4) |
Il-validità tal-kriterji ekoloġiċi għall-għoti tal-Ekotikketta tal-UE għall-prodotti kożmetiċi li jitlaħalħu u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni 2014/893/UE (5), tiskadi fid-9 ta' Diċembru 2018. |
|
(5) |
F'konformità mal-konklużjonijiet tal-Kontroll tal-Idoneità dwar l-Ekotikketta tal-UE tat-30 ta' Ġunju 2017 (li sar fil-kuntest tar-REFIT) (6), il-Kummissjoni, flimkien mal-Bord tal-Ekotikkettar tal-UE, ivvalutat ir-rilevanza ta' kull grupp ta' prodotti qabel ma pproponiet l-estensjoni tagħha. Din il-valutazzjoni kkonfermat l-adegwatezza tal-kriterji ekoloġiċi attwali, kif ukoll tar-rekwiżiti ta' valutazzjoni u ta' verifika relatati magħhom, stabbiliti bid-Deċiżjonijiet 2012/481/UE, 2014/391/UE, 2014/763/UE u 2014/893/UE. Barra minn hekk, din il-valutazzjoni wriet l-importanza li dawn il-gruppi ta' prodotti jinżammu fl-ambitu tal-Ekotikketta tal-UE, iżda, f'xi każijiet, billi dawn il-gruppi ta' prodotti jingħaqdu flimkien ma' gruppi ta' prodotti eżistenti oħrajn sabiex jittejbu s-sinerġiji bejn il-gruppi ta' prodotti u jiżdied l-użu tal-Ekotikketta tal-UE. Fir-reviżjoni jenħtieġ li tingħata attenzjoni xierqa lill-koerenza bejn il-politiki tal-UE, il-leġiżlazzjoni u l-evidenza xjentifika rilevanti. |
|
(6) |
Il-prodotti tal-karta stampata u l-prodotti tal-karta ttrasformata huma marbuta mill-qrib ħafna ma' xulxin. Barra minn hekk, bħalissa għaddej proċess ta' reviżjoni għall-prodotti tal-karta grafika, li hija sottostrat tal-karta stampata. Sabiex jittejbu s-sinerġiji u jiżdied l-użu tal-Ekotikketta tal-UE għal dawn il-gruppi ta' prodotti, jenħtieġ li l-perjodu ta' validità tal-kriterji attwali għall-prodotti tal-karta stampata jiġi allinjat ma' dak tal-karta ttrasformata, u jiġi sal-31 ta' Diċembru 2020. |
|
(7) |
Biex jiżdied l-użu tal-Ekotikketta tal-UE għas-saqqijiet tas-sodda, jenħtieġ li jiġi kkunsidrat li dan il-grupp ta' prodotti jingħaqad mal-grupp ta' prodotti tal-għamara. Bħala l-ewwel pass, jenħtieġ li l-perjodu ta' validità tal-kriterji attwali għas-saqqijiet tas-sodda jiġi allinjat ma' dak tal-għamara, u jiġi sat-28 ta' Lulju 2022. |
|
(8) |
Fir-rigward tal-prodotti assorbenti tal-iġjene, jenħtieġ li l-kriterji attwali tal-Ekotikketta tal-UE għall-Prodotti Assorbenti tal-Iġjene jiġu estiżi sal-31 ta' Diċembru 2022 sabiex tingħata stabbiltà lis-suq u lid-detenturi tal-liċenzji attwali u futuri potenzjali — ħaġa li tista' twassal biex jiżdied l-użu min-naħa tal-industrija. |
|
(9) |
Il-kriterji tal-Ekotikketta tal-UE għall-prodotti kożmetiċi li jitlaħalħu jenħtieġ li jiġu estiżi sal-31 ta' Diċembru 2021 sabiex jitħalla ż-żmien biex tiġi konkluża r-reviżjoni tagħhom. |
|
(10) |
Għaldaqstant, huwa xieraq li l-perjodu ta' validità ta' dawk il-kriterji u ta' dawk ir-rekwiżiti ta' valutazzjoni u ta' verifika jiġi estiż. |
|
(11) |
Għaldaqstant, jenħtieġ li d-Deċiżjonijiet 2012/481/UE, 2014/391/UE, 2014/763/UE u 2014/893/UE jiġu emendati skont dan. |
|
(12) |
Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
L-Artikolu 4 tad-Deċiżjoni 2012/481/UE huwa sostitwit b'dan li ġej:
“Artikolu 4
Il-kriterji ekoloġiċi għall-grupp ta' prodotti tal-“karta stampata”, kif ukoll ir-rekwiżiti ta' valutazzjoni u ta' verifika relatati magħhom, għandhom jibqgħu validi sal-31 ta' Diċembru 2020.”.
Artikolu 2
L-Artikolu 4 tad-Deċiżjoni 2014/391/UE huwa sostitwit b'dan li ġej:
“Artikolu 4
Il-kriterji ekoloġiċi għall-grupp ta' prodotti “saqqijiet tas-sodda”, kif ukoll ir-rekwiżiti ta' valutazzjoni u ta' verifika relatati magħhom, għandhom jibqgħu validi sat-28 ta' Lulju 2022.”.
Artikolu 3
L-Artikolu 4 tad-Deċiżjoni 2014/763/UE huwa sostitwit b'dan li ġej:
“Artikolu 4
Il-kriterji ekoloġiċi għall-grupp ta' prodotti “prodotti assorbenti tal-iġjene”, kif ukoll ir-rekwiżiti ta' valutazzjoni u ta' verifika relatati magħhom, għandhom jibqgħu validi sal-31 ta' Diċembru 2022.”.
Artikolu 4
L-Artikolu 4 tad-Deċiżjoni 2014/893/UE huwa sostitwit b'dan li ġej:
“Artikolu 4
Il-kriterji ekoloġiċi għall-grupp ta' prodotti “prodotti kożmetiċi li jitlaħalħu”, kif ukoll ir-rekwiżiti ta' valutazzjoni u ta' verifika relatati magħhom, għandhom jibqgħu validi sal-31 ta' Diċembru 2021.”.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, id-19 ta' Ottubru 2018.
Għall-Kummissjoni
Karmenu VELLA
Membru tal-Kummissjoni
(2) Id-Deċiżjoni tal-Kummissjoni 2012/481/UE tas-16 ta' Awwissu 2012 li tistabbilixxi l-kriterji ekoloġiċi għall-għoti tal-Ekotikketta tal-UE għall-karta stampata (ĠU L 223, 21.8.2012, p. 55).
(3) Id-Deċiżjoni tal-Kummissjoni 2014/391/UE tat-23 ta' Ġunju 2014 li tistabbilixxi l-kriterji ekoloġiċi għall-għoti tal-Ekotikketta tal-UE għas-saqqijiet tas-sodda (ĠU L 184, 25.6.2014, p. 18).
(4) Id-Deċiżjoni tal-Kummissjoni 2014/763/UE tal-24 ta' Ottubru 2014 li tistabbilixxi l-kriterji ekoloġiċi għall-għoti tal-Ekotikketta tal-UE għall-prodotti assorbenti tal-iġjene (ĠU L 320, 6.11.2014, p. 46).
(5) Id-Deċiżjoni tal-Kummissjoni 2014/893/UE tad-9 ta' Diċembru 2014 li tistabbilixxi l-kriterji ekoloġiċi għall-għoti tal-Ekotikketta tal-UE għal prodotti kożmetiċi li jitlaħalħu (ĠU L 354, 11.12.2014, p. 47).
(6) Ir-Rapport tal-Kummissjoni lill-Parlament Ewropew u lill-Kunsill dwar ir-rieżami tal-implimentazzjoni tar-Regolament (KE) Nru 1221/2009 tal-Parlament Ewropew u tal-Kunsill tal-25 ta' Novembru 2009 dwar il-parteċipazzjoni volontarja ta' organizzazzjonijiet fi skema Komunitarja ta' ġestjoni u verifika ambjentali (EMAS) u tar-Regolament (KE) Nru 66/2010 tal-Parlament Ewropew u tal-Kunsill tal-25 ta' Novembru 2009 dwar skema ta' Ekotikketta tal-UE (COM(2017) 355 final).
