Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32017R1172

    Regolament ta' Implimentazzjoni tal-Kummissjoni (UE) 2017/1172 tat-30 ta' Ġunju 2017 li jemenda r-Regolament ta' Implimentazzjoni (UE) Nru 809/2014 fir-rigward ta' miżuri ta' kontroll dwar il-kultivazzjoni tal-qanneb

    C/2017/4464

    ĠU L 170, 1.7.2017, p. 87–88 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 31/12/2022; Impliċitament imħassar minn 32022R1173

    ELI: http://data.europa.eu/eli/reg_impl/2017/1172/oj

    Date of document:
    30/06/2017; Data ta' adozzjoni
    Date of effect:
    04/07/2017; Dħul fis-seħħ Data tal-pubblikazzjoni +3 Ara Art. 2
    Date of end of validity:
    31/12/2022; Impliċitament imħassar minn 32022R1173
    Author:
    Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
    Responsible body:
    AGRI
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32014R0809 Tħassir anness 04/07/2017
    Modifies 32014R0809 Sostituzzjoni artikolu 17 paragrafu 7 L 2 04/07/2017
    Modifies 32014R0809 Tħassir artikolu 45 04/07/2017
    Modified by:
    Relation Act Comment Subdivision concerned From To
    Implicitly repealed by 32022R1173 01/01/2023
    Instruments cited:
    Link

    1.7.2017   

    MT

    Il-Ġurnal Uffiċjali tal-Unjoni Ewropea

    L 170/87

    REGOLAMENT TA' IMPLIMENTAZZJONI TAL-KUMMISSJONI (UE) 2017/1172

    tat-30 ta' Ġunju 2017

    li jemenda r-Regolament ta' Implimentazzjoni (UE) Nru 809/2014 fir-rigward ta' miżuri ta' kontroll dwar il-kultivazzjoni tal-qanneb

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta' Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b'mod partikolari l-Artikolu 58(4) u l-Artikolu 62(2)(e) tiegħu,

    Billi:

    (1)

    Ir-regoli għall-verifika tal-kontenut ta' Δ9 tetraidrokannabinol (minn hawn 'il quddiem imsejjaħ “kontenut ta' THC”) ta' varjetajiet ta' qanneb ġew stabbiliti fl-Artikolu 45 tar-Regolament ta' Implimentazzjoni tal-Kummissjoni (UE) Nru 809/2014 (2) u l-Anness ta' dak ir-Regolament. Jidher li jixraq li dawk ir-regoli jiġu inkorporati fir-Regolament Delegat tal-Kummissjoni (UE) Nru 639/2014 (3) kif emendat bir-Regolament Delegat (UE) 2017/1155 (4). Għaldaqstant, l-Artikolu 45 tar-Regolament ta' Implimentazzjoni (UE) Nru 809/2014 u l-Anness ta' dak ir-Regolament jenħtieġ li jitħassru b'effett mid-data tad-dħul fis-seħħ tar-Regolament Delegat (UE) 2017/1155.

    (2)

    Ir-regoli għad-determinazzjoni ta' varjetajiet ta' qanneb u l-verifika tal-kontenut ta' THC huma bbażati fuq is-suppożizzjoni li l-qanneb jiġi kkultivat bħala għalla ewlenija fir-rebbiegħa, iżda dawn mhumiex kompletament adattati għall-qanneb imkabbar bħala għelejjel intermedji. B'mod partikolari, id-data tat-30 ta' Ġunju bħala l-aħħar data għas-sottomissjoni tat-tikketti uffiċjali taż-żerriegħa stabbilita fl-Artikolu 17(7) tar-Regolament ta' Implimentazzjoni (UE) Nru 809/2014 hija kmieni wisq għall-qanneb imkabbar bħala għalla intermedja. Peress li dak il-metodu ta' kultivazzjoni wera li huwa xieraq għall-qanneb industrijali u kompatibbli mal-ħtiġijiet ambjentali, l-Istati Membri għandhom ikunu jistgħu jistabbilixxu data iktar tard minn hekk għall-qanneb imkabbar bħala għalla intermedja iżda li ma tkunx aktar tard mill-1 ta' Settembru.

    (3)

    Għaldaqstant, ir-Regolament ta' Implimentazzjoni (UE) Nru 809/2014 għandu jiġi emendat skont dan.

    (4)

    Il-miżuri previsti f'dan ir-Regolament huma skont l-opinjoni tal-Kumitat għall-Pagamenti Diretti,

    ADOTTAT DAN IR-REGOLAMENT:

    Artikolu 1

    Ir-Regolament ta' Implimentazzjoni (UE) Nru 809/2014 huwa emendat kif ġej:

    (1)

    Fl-Artikolu 17(7), it-tieni subparagrafu għandu jinbidel b'dan li ġej:

    “B'deroga mill-punt (c) tal-ewwel sottoparagrafu, meta ż-żrigħ iseħħ wara d-data finali għat-tressiq tal-applikazzjoni unika, it-tikketti għandhom jitressqu sa mhux iktar tard mit-30 ta' Ġunju. Madanakollu, għall-qanneb imkabbar bħala għalla intermedja, it-tikketti għandhom jiġu ppreżentati sa data li għandha tiġi stabbilita mill-Istati Membri iżda li ma tkunx aktar tard mill-1 ta' Settembru. F'każ li t-tikketti jkunu jridu jitressqu wkoll lil awtoritajiet nazzjonali oħrajn, l-Istati Membri jistgħu jipprevedu li dawk it-tikketti jintbagħtu lura lill-benefiċjarju ladarba jkunu tressqu skont dak il-punt. Fuq it-tikketti mibgħutin lura għandu jiġi mmarkat li dawn intużaw għal applikazzjoni.”

    (2)

    L-Artikolu 45 jitħassar.

    (3)

    L-Anness jitħassar.

    Artikolu 2

    Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-30 ta' Ġunju 2017.

    Għall-Kummissjoni

    Il-President

    Jean-Claude JUNCKER

    (1)  ĠU L 347, 20.12.2013, p. 549.

    (2)  Ir-Regolament ta' Implimentazzjoni tal-Kummissjoni (UE) Nru 809/2014 tas-17 ta' Lulju 2014 li jistabbilixxi r-regoli għall-applikazzjoni tar-Regolament (UE) Nru 1306/2013 tal-Parlament Ewropew u tal-Kunsill fir-rigward tas-sistema integrata ta' amministrazzjoni u kontroll, tal-miżuri tal-iżvilupp rurali u tal-kundizzjonalità (ĠU L 227, 31.7.2014, p. 69).

    (3)  Ir-Regolament Delegat tal-Kummissjoni (UE) Nru 639/2014 tal-11 ta' Marzu 2014 li jissupplimenta r-Regolament (UE) Nru 1307/2013 tal-Parlament Ewropew u tal-Kunsill li jistabbilixxi regoli għal pagamenti diretti lil bdiewa skont skemi ta' appoġġ fi ħdan il-qafas tal-politika agrikola komuni u li jemenda l-Anness X ta' dak ir-Regolament (ĠU L 181, 20.6.2014, p. 1).

    (4)  Ir-Regolament Delegat tal-Kummissjoni (UE) 2017/1155 tal-15 ta' Frar 2017 li jemenda r-Regolament ta' Delega (UE) Nru 639/2014 fir-rigward ta' miżuri ta' kontroll relatati mal-kultivazzjoni tal-qanneb, ċerti dispożizzjonijiet dwar il-pagament ekoloġiku, il-pagament għal bdiewa żgħażagħ li jkollhom fil-kontroll tagħhom persuna ġuridika, il-kalkolu tal-ammont għal kull unità fil-qafas ta' appoġġ volontarju akkoppjat, il-frazzjonijiet ta' drittijiet għall-pagament u ċerti rekwiżiti ta' notifika b'rabta mal-iskema ta' ħlas taż-żona unika u l-appoġġ volontarju akkoppjat, u li jemenda tal-Anness X tar-Regolament (UE) Nru 1307/2013 tal-Parlament Ewropew u tal-Kunsill (ĠU L 167, 30.6.2017, p. 1).

    Top