32017D2412

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2017/2412 - EN - EUR-Lex

Help

Search tips

Need more search options? Use the Advanced search

Document 32017D2412

Deċiżjoni ta' Implimentazzjoni tal-Kummissjoni (UE) 2017/2412 tal-20 ta' Diċembru 2017 li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (notifikata bid-dokument C(2017) 9014) (Test b'rilevanza għaż-ŻEE. )

C/2017/9014

ĠU L 342, 21.12.2017, p. 29–34 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 31/12/2019

ELI: http://data.europa.eu/eli/dec_impl/2017/2412/oj

Date of document:: 20/12/2017; Data ta' adozzjoni
Date of effect:: 21/12/2017; Jidħol fis-seħħ Data tan-notifika
Date of notification:: 21/12/2017
Date of end of validity:: 31/12/2019; Marbuta ma’ 32017D0247

Author:: Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
Responsible body:: SANTE
Form:: Deċiżjoni implimentattiva
Addressee:: L-Istati Membri
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

31989L0662 - A09P3 31989L0662 - A09P4
31990L0425 - A10P3 31990L0425 - A10P4

Link

Select all documents mentioning this document

Modifies:

Relation	Act	Comment	Subdivision concerned	From
Modifies	32017D0247	Żieda	anness P. A Test	21/12/2017
Modifies	32017D0247	Żieda	anness P. B Test	21/12/2017
Modifies	32017D0247	Sostituzzjoni	anness P. A Test	21/12/2017
Modifies	32017D0247	Sostituzzjoni	anness P. B Test	21/12/2017
Repeal	32017D2304			21/12/2017

Instruments cited:

Link

EUROVOC descriptor:

Subject matter:

Directory code:

03.50.30.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-annimali u żooteknika

HTML

PDF

Official Journal

21.12.2017

Il-Ġurnal Uffiċjali tal-Unjoni Ewropea

L 342/29

DEĊIŻJONI TA' IMPLIMENTAZZJONI TAL-KUMMISSJONI (UE) 2017/2412

tal-20 ta' Diċembru 2017

li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri

(notifikata bid-dokument C(2017) 9014)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(3) u (4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u żootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(3) u (4) tagħha,

Billi:

(1)

Id-Deċiżjoni ta' Implimentazzjoni tal-Kummissjoni (UE) 2017/247 (3) ġiet adottata wara t-tifqigħat ta' influwenza avjarja b'patoġeniċità għolja tas-sottotip H5 f'għadd ta' Stati Membri (“l-Istati Membri kkonċernati”) u l-istabbiliment ta' żoni ta' protezzjoni u ta' sorveljanza mill-awtoritajiet kompetenti tal-Istati Membri kkonċernati skont l-Artikolu 16(1) tad-Direttiva tal-Kunsill 2005/94/KE (4).

(2)

Id-Deċiżjoni ta' Implimentazzjoni (UE) 2017/247 tipprevedi li ż-żoni ta' protezzjoni u ta' sorveljanza stabbiliti mill-awtoritajiet kompetenti tal-Istati Membri kkonċernati skont id-Direttiva 2005/94/KE jridu jinkludu minn tal-inqas iż-żoni elenkati bħala żoni ta' protezzjoni u ta' sorveljanza fl-Anness ta' dik id-Deċiżjoni ta' Implimentazzjoni. Id-Deċiżjoni ta' Implimentazzjoni (UE) 2017/247 tistipula wkoll li l-miżuri li jridu jiġu applikati fiż-żoni ta' protezzjoni u ta' sorveljanza, kif previst fl-Artikolu 29(1) u fl-Artikolu 31 tad-Direttiva 2005/94/KE, iridu jinżammu minn tal-inqas sad-dati stabbiliti fl-Anness ta' dik id-Deċiżjoni ta' Implimentazzjoni għal dawk iż-żoni.

(3)

Mid-data tal-adozzjoni tagħha 'l hawn, id-Deċiżjoni ta' Implimentazzjoni (UE) 2017/247 ġiet emendata diversi drabi sabiex jitqiesu l-iżviluppi fis-sitwazzjoni epidemjoloġika fl-Unjoni fir-rigward tal-influwenza avjarja. B'mod partikolari, id-Deċiżjoni ta' Implimentazzjoni (UE) 2017/247 ġiet emendata bid-Deċiżjoni ta' Implimentazzjoni tal-Kummissjoni (UE) 2017/696 (5) sabiex jiġu stabbiliti r-regoli fir-rigward tad-dispaċċ tal-konsenji ta' flieles ta' ġurnata miż-żoni elenkati fl-Anness tad-Deċiżjoni ta' Implimentazzjoni (UE) 2017/247. Dik l-emenda qieset il-fatt li l-flieles ta' ġurnata jirrappreżentaw riskju baxx ħafna ta' tixrid tal-influwenza avjarja b'patoġeniċità għolja meta mqabbla ma' prodotti bażiċi oħra tat-tjur.

(4)

Id-Deċiżjoni ta' Implimentazzjoni (UE) 2017/247 ġiet emendata wkoll sussegwentement bid-Deċiżjoni ta' Implimentazzjoni tal-Kummissjoni (UE) 2017/1841 (6) sabiex jissaħħu l-miżuri ta' kontroll tal-mard applikabbli fejn hemm riskju ikbar ta' tixrid tal-influenza avjarja b'patoġeniċità għolja. B'konsegwenza ta' dan, issa d-Deċiżjoni ta' Implimentazzjoni (UE) 2017/247 tipprevedi l-istabbiliment fil-livell tal-Unjoni ta' żoni ristretti oħra fl-Istati Membri kkonċernati, kif imsemmi fl-Artikolu 16(4) tad-Direttiva 2005/94/KE, wara tifqigħa jew tifqigħat ta' influwenza avjarja b'patoġeniċità għolja, u d-durata tal-miżuri li jridu jiġu applikati fihom. Issa d-Deċiżjoni ta' Implimentazzjoni (UE) 2017/247 tistipula wkoll ir-regoli għad-dispaċċ ta' tjur ħaj, ta' flieles ta' ġurnata u ta' bajd għat-tifqis miż-żoni ristretti l-oħra lejn Stati Membri oħra, soġġett għal ċerti kundizzjonijiet.

(5)	Barra minn hekk, l-Anness tad-Deċiżjoni ta' Implimentazzjoni (UE) 2017/247 ġie emendat diversi drabi sabiex jitqiesu l-bidliet fil-konfini taż-żoni ta' protezzjoni u ta' sorveljanza stabbiliti mill-Istati Membri kkonċernati skont id-Direttiva 2005/94/KE.

(6)

L-Anness tad-Deċiżjoni ta' Implimentazzjoni (UE) 2017/247 ġie emendat l-aħħar bid-Deċiżjoni ta' Implimentazzjoni tal-Kummissjoni (UE) 2017/2289 (7), wara n-notifika tal-Bulgarija u tal-Italja dwar tifqigħat ulterjuri ta' influwenza avjarja b'patoġeniċità għolja f'dawk l-Istati Membri. Barra minn hekk, il-Bulgarija nnotifikat lill-Kummissjoni dwar tifqigħa waħda ta' influwenza avjarja b'patoġeniċità għolja tas-sottotip H5N8 f'azjenda tat-tjur li tinsab fir-reġjun ta' Stara Zagora ta' dak l-Istat Membru. Barra minn hekk, l-Italja nnotifikat lill-Kummissjoni dwar tifqigħat ta' influwenza avjarja b'patoġeniċità għolja tas-sottotip H5N8 f'azjendi tat-tjur li jinsabu fir-reġjuni tal-Lombardia u tal-Veneto ta' dak l-Istat Membru. Dawk l-Istati Membri nnotifikaw ukoll lill-Kummissjoni li kienu ħadu l-miżuri neċessarji meħtieġa skont id-Direttiva 2005/94/KE wara li seħħew dawk it-tifqigħat, inkluż l-istabbiliment ta' żoni ta' protezzjoni u ta' sorveljanza madwar l-azjendi tat-tjur infettati.

(7)

Mid-data li fiha saret l-aħħar emenda tad-Deċiżjoni ta' Implimentazzjoni (UE) 2017/247 bid-Deċiżjoni ta' Implimentazzjoni (UE) 2017/2289 'l hawn, in-Netherlands innotifikaw lill-Kummissjoni dwar tifqigħa reċenti ta' influwenza avjarja b'patoġeniċità għolja tas-sottotip H5N6 f'azjenda tat-tjur li tinsab fil-provinċja ta' Flevoland ta' dak l-Istat Membru. In-Netherlands innotifikaw ukoll lill-Kummissjoni li ħadu l-miżuri neċessarji meħtieġa skont id-Direttiva 2005/94/KE wara li seħħet dik it-tifqigħa reċenti, inkluż l-istabbiliment ta' żoni ta' protezzjoni u ta' sorveljanza madwar l-azjenda tat-tjur infettata.

(8)

Il-Kummissjoni eżaminat dawk il-miżuri b'kollaborazzjoni man-Netherlands, u kienet sodisfatta li l-fruntieri taż-żoni ta' protezzjoni u ta' sorveljanza, stabbiliti mill-awtorità kompetenti f'dak l-Istat Membru, kienu jinsabu 'l bogħod biżżejjed mill-azjenda tat-tjur proprja fejn ġiet konfermata t-tifqigħa.

(9)

Sabiex jiġi evitat kwalunkwe tfixkil bla bżonn għall-kummerċ fl-Unjoni u biex tiġi evitata l-impożizzjoni minn pajjiżi terzi ta' ostakli mhux iġġustifikati għall-kummerċ, kien meħtieġ li, b'kollaborazzjoni man-Netherlands, jiġu deskritti malajr fil-livell tal-Unjoni ż-żoni ta' protezzjoni u ta' sorveljanza stabbiliti f'dak l-Istat Membru skont id-Direttiva 2005/94/KE, wara t-tifqigħat reċenti ta' influwenza avjarja b'patoġeniċità għolja f'dak l-Istat Membru.

(10)

Sakemm tinħareġ l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, il-Kummissjoni adottat ċerti miżuri protettivi interim fejn tqieset is-sitwazzjoni epidemjoloġika fin-Netherlands, b'mod partikolari r-riskji assoċjati mal-influwenza avjarja li reġgħet ġiet ikkonfermata f'dak l-Istat Membru wara diversi xhur mingħajr detezzjoni tagħha u d-densità ġeneralment għolja ta' azjendi tat-tjur fin-Netherlands, li tikkostitwixxi riskju ogħla għat-tixrid tal-virus. L-għan ta' dawn il-miżuri protettivi interim kien li jipprevenu t-tixrid tal-marda bla dewmien.

(11)

Dawn il-miżuri protettivi interim marbuta mal-influwenza avjarja b'patoġeniċità għolja fin-Netherlands ġew adottati permezz tad-Deċiżjoni ta' Implimentazzjoni tal-Kummmissjoni (UE) 2017/2304 (8), li fl-Anness tagħha telenka ż-żoni li l-awtorità kompetenti tan-Netherlands stabbiliet bħala żoni ta' protezzjoni u ta' sorveljanza. Dik id-Deċiżjoni ta' Implimentazzjoni tapplika sal-10 ta' Jannar 2018.

(12)

Jenħtieġ li jiġu riveduti l-miżuri protettivi interim stipulati fid-Deċiżjoni ta' Implimentazzjoni (UE) 2017/2304. In-Netherlands ipprovdew ukoll aġġornamenti regolari dwar is-sitwazzjoni epidemjoloġika, u fit-territorju tagħhom ma seħħewx tifqigħat ulterjuri tal-influwenza avjarja b'patoġeniċità għolja.

(13)

Meta jitqiesu l-eżitu favorevoli tal-inkjesti epidemjoloġiċi u r-riżultati tal-investigazzjonijiet fil-laboratorju mwettqa fiż-żoni ta' protezzjoni u ta' sorveljanza stabbiliti mill-awtorità kompetenti tan-Netherlands skont id-Direttiva 2005/94/KE, huwa xieraq li fil-livell tal-Unjoni jiġu adattati l-konfini taż-żoni ta' sorveljanza stabbiliti f'dak l-Istat Membru skont dik id-Direttiva. Il-konfini l-ġodda jenħtieġ li jiġu elenkati fl-Anness tad-Deċiżjoni ta' Implimentazzjoni (UE) 2017/247.

(14)

Barra minn hekk, l-Italja issa nnotifikat lill-Kummissjoni dwar tifqigħa ġdida ta' influwenza avjarja b'patoġeniċità għolja fit-territorju tagħha, fir-reġjun tal-Emilia-Romagna. L-Italja nnotifikat ukoll lill-Kummissjoni li ħadet il-miżuri neċessarji meħtieġa skont id-Direttiva 2005/94/KE wara li seħħet dik it-tifqigħa, inkluż l-istabbiliment ta' żoni ta' protezzjoni u ta' sorveljanza madwar l-azjenda tat-tjur infettata.

(15)

Il-Kummissjoni eżaminat il-miżuri li ħadu n-Netherlands u l-Italja skont id-Direttiva 2005/94/KE, wara t-tifqigħat reċenti ta' influwenza avjarja b'patoġeniċità għolja f'dawk l-Istati Membri, u hija sodisfatta li l-konfini taż-żoni ta' protezzjoni u ta' sorveljanza stabbiliti mill-awtoritajiet kompetenti ta' dawk iż-żewġ Stati Membri jinsabu 'l bogħod biżżejjed minn kwalunkwe azjenda tat-tjur li fiha kienet ġiet ikkonfermata tifqigħa ta' influwenza avjarja b'patoġeniċità għolja.

(16)

Sabiex jiġi evitat kwalunkwe tfixkil bla bżonn għall-kummerċ fl-Unjoni, u sabiex jiġi evitat li xi pajjiżi terzi jimponu ostakli mhux iġġustifikati għall-kummerċ, jenħtieġ li, b'kollaborazzjoni mal-Italja u man-Netherlands, jiġu deskritti malajr fil-livell tal-Unjoni, iż-żoni ta' protezzjoni u ta' sorveljanza stabbiliti f'dawk iż-żewġ Stati Membri, skont id-Direttiva 2005/94/KE wara t-tifqigħat reċenti ta' influwenza avjarja b'patoġeniċità għolja f'dawk l-Istati Membri.

(17)

Għalhekk jenħtieġ li d-Deċiżjoni ta' Implimentazzjoni (UE) 2017/247 tiġi aġġornata sabiex tiġi meqjusa s-sitwazzjoni epidemjoloġika attwali fl-Italja u fin-Netherlands marbuta mal-influwenza avjarja b'patoġeniċità għolja. B'mod partikolari, jenħtieġ li fl-Anness tad-Deċiżjoni ta' Implimentazzjoni (UE) 2017/247 jiġu elenkati ż-żoni ta' protezzjoni u ta' sorveljanza fl-Italja u fin-Netherlands, li issa huma soġġetti għal restrizzjonijiet skont id-Direttiva 2005/94/KE.

(18)

Għalhekk, jenħtieġ li l-Anness tad-Deċiżjoni ta' Implimentazzjoni (UE) 2017/247 jiġi emendat biex tiġi aġġornata r-reġjonalizzazzjoni fil-livell tal-Unjoni sabiex jiġu inklużi ż-żoni ta' protezzjoni u ta' sorveljanza stabbiliti fl-Italja u fin-Netherlands skont id-Direttiva 2005/94/KE, wara t-tifqigħat reċenti ta' influwenza avjarja b'patoġeniċità għolja f'dawk l-Istati Membri, u d-durata tar-restrizzjonijiet applikabbli fihom.

(19)	Għalhekk, jenħtieġ li d-Deċiżjoni ta' Implimentazzjoni (UE) 2017/247 tiġi emendata skont dan.

(20)

Barra minn hekk, minħabba li l-Anness tad-Deċiżjoni ta' Implimentazzjoni (UE) 2017/247, kif emendat b'din id-Deċiżjoni se jkun qed jelenka ż-żoni ta' protezzjoni u ta' sorveljanza stabbiliti mill-awtorità kompetenti tan-Netherlands skont id-Direttiva 2005/94/KE, id-Deċiżjoni ta' Implimentazzjoni (UE) 2017/2304 għandha titħassar.

(21)	Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni ta' Implimentazzjoni (UE) 2017/247 huwa emendat skont l-Anness ta' din id-Deċiżjoni.

Artikolu 2

Id-Deċiżjoni ta' Implimentazzjoni (UE) 2017/2304 titħassar.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, l-20 ta' Diċembru 2017.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU L 395, 30.12.1989, p. 13.

(2) ĠU L 224, 18.8.1990, p. 29.

(3) Id-Deċiżjoni ta' Implimentazzjoni tal-Kummissjoni (UE) 2017/247 tad-9 ta' Frar 2017 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (ĠU L 36, 11.2.2017, p. 62).

(4) Id-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (ĠU L 10, 14.1.2006, p. 16).

(5) Id-Deċiżjoni ta' Implimentazzjoni tal-Kummissjoni (UE) 2017/696 tal-11 ta' April 2017 li temenda d-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat tal-influwenza avjarja b'patoġeniċità għolja f'ċerti Stati Membri (ĠU L 101, 13.4.2017, p. 80).

(6) Id-Deċiżjoni ta' Implimentazzjoni tal-Kummissjoni (UE) 2017/1841 tal-10 ta' Ottubru 2017 li temenda d-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (ĠU L 261, 11.10.2017, p. 26).

(7) Id-Deċiżjoni ta' Implimentazzjoni tal-Kummissjoni (UE) 2017/2289 tal-11 ta' Diċembru 2017 li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat tal-influwenza avjarja b'patoġeniċità għolja f'ċerti Stati Membri (ĠU L 328, 12.12.2017, p. 126).

(8) Id-Deċiżjoni ta' Implimentazzjoni tal-Kummissjoni (UE) 2017/2304 tat-12 ta' Diċembru 2017 dwar ċertu miżuri protettivi interim marbuta mal-influwenza avjarja b'patoġeniċità għolja tas-sottotip H5 fin-Netherlands (ĠU L 329, 13.12.2017, p. 61).

ANNESS

L-Anness tad-Deċiżjoni ta' Implimentazzjoni (UE) 2017/247 huwa emendat kif ġej:

(1)

Il-Parti A hija emendata kif ġej:

(a)

l-annotazzjoni għall-Italja tinbidel b'dan li ġej:

“Stat Membru: L-Italja

Iż-żona li tkopri:

Id-data sa meta applikabbli skont l-Artikolu 29(1) tad-Direttiva 2005/94/KE

—	The area of the parts of Lombardia Region (ADNS 17/0080) contained within a circle of radius of three kilometres, centred on WGS84 dec. coordinates N45.259133 E10.317484

16.12.2017

—	The area of the parts of Veneto Region (ADNS 17/0082) contained within a circle of radius of three kilometres, centred on WGS84 dec. coordinates N45.707605 E11.947517

29.12.2017

—	The area of the parts of Emilia Romagna Region (ADNS 17/0083) contained within a circle of radius of three kilometres, centred on WGS84 dec. coordinates N44.495737 E11.777354

4.1.2018”

(b)

l-annotazzjoni li ġejja għan-Netherlands tiddaħħal bejn l-annotazzjonijiet għall-Ungerija u l-Polonja:

“Stat Membru: In-Netherlands

Iż-żona li tkopri:

Id-data sa meta applikabbli skont l-Artikolu 29(1) tad-Direttiva 2005/94/KE

Il-Provinċja ta' Flevoland

Biddinghuizen

—	Vanaf kruising Swifterweg (N710) met Hoge Vaart (water), Hoge Vaart volgen in noordoostelijke richting tot aan Oosterwoldertocht (water).

—	Oosterwoldertocht volgen in zuidoostelijke richting tot aan Elburgerweg (N309).

—	Elburgerweg (N309) volgen tot aan de brug in Flevoweg over het Veluwemeer.

—	Veluwemeer volgen in zuidwestelijke richting tot aan Bijsselseweg.

—	Bijsselseweg volgen in noordelijke richting tot aan de Spijkweg (N306).

—	Spijkweg (N306) volgen in noordelijke richting tot aan Strandgaperweg.

—	Strandgaperweg volgen in westelijke richting tot aan Bremerbergweg (N708).

—	Bremerbergweg volgen in noordelijke richting tot aan Oldebroekerweg Oldebroekerweg volgen in noordwestelijke richting tot aan Baan.

—	Baan volgen in westelijke richting overgaand in Swifterweg (N710).

—	Swifterweg (N710) volgen in noordelijke richting tot aan Hoge Vaart (Water).

29.12.2017”

(2)

Il-Parti B, hija emendata kif ġej:

(a)

l-annotazzjoni għall-Italja tinbidel b'dan li ġej:

“Stat Membru: L-Italja

Iż-żona li tkopri:

Id-data sa meta applikabbli skont l-Artikolu 31 tad-Direttiva 2005/94/KE

—	The area of the parts of Lombardia Region (ADNS 17/0075) contained within a circle of radius of three kilometres, centred on WGS84 dec. coordinates N45,297588 E10,221751

Mit-8.12.2017 sas-16.12.2017

—	The area of the parts of Lombardia Region (ADNS 17/0075) extending beyond the area described in the protection zone and within the circle of a radius of ten kilometres, centred on WGS84 dec. coordinates N45,297588 E10,221751

16.12.2017

—	The area of the parts of Lombardia Region (ADNS 17/0080) contained within a circle of radius of three kilometres, centred on WGS84 dec. coordinates N45.259133 E10.317484

Mis-17.12.2017 sal-25.12.2017

—	The area of the parts of Lombardia Region (ADNS 17/0080) extending beyond the area described in the protection zone and within the circle of a radius of ten kilometres, centred on WGS84 dec. coordinates N45.259133 E10.317484

25.12.2017

—	The area of the parts of Veneto Region (ADNS 17/0082) contained within a circle of radius of three kilometres, centred on WGS84 dec. coordinates N45.707605 E11.947517

Mit-30.12.2017 sas-7.1.2018

—	The area of the parts of Veneto Region (ADNS 17/0082) extending beyond the area described in the protection zone and within the circle of a radius of ten kilometres, centred on WGS84 dec. coordinates N45.707605 E11.947517

7.1.2018

—	The area of the parts of Emilia Romagna Region (ADNS 17/0083) contained within a circle of radius of three kilometres, centred on WGS84 dec. coordinates N44.495737 E11.777354

Mill-5.1.2018 sat-13.1.2018

—	The area of the parts of Emilia Romagna Region (ADNS 17/0083) extending beyond the area described in the protection zone and within the circle of a radius of ten kilometres, centred on WGS84 dec. coordinates N44.495737 E11.777354

13.1.2018”

(b)

l-annotazzjoni li ġejja għan-Netherlands tiddaħħal bejn l-annotazzjonijiet għall-Ungerija u l-Awstrija:

“Stat Membru: In-Netherlands

Iż-żona li tkopri:

Id-data sa meta applikabbli skont l-Artikolu 31 tad-Direttiva 2005/94/KE

Il-Provinċja ta' Flevoland

Biddinghuizen

—	Vanaf kruising Swifterweg (N710) met Hoge Vaart (water), Hoge Vaart volgen in noordoostelijke richting tot aan Oosterwoldertocht (water).

—	Oosterwoldertocht volgen in zuidoostelijke richting tot aan Elburgerweg (N309).

—	Elburgerweg (N309) volgen tot aan de brug in Flevoweg over het Veluwemeer.

—	Veluwemeer volgen in zuidwestelijke richting tot aan Bijsselseweg.

—	Bijsselseweg volgen in noordelijke richting tot aan de Spijkweg (N306).

—	Spijkweg (N306) volgen in noordelijke richting tot aan Strandgaperweg.

—	Strandgaperweg volgen in westelijke richting tot aan Bremerbergweg (N708).

—	Bremerbergweg volgen in noordelijke richting tot aan Oldebroekerweg Oldebroekerweg volgen in noordwestelijke richting tot aan Baan.

—	Baan volgen in westelijke richting overgaand in Swifterweg (N710).

—	Swifterweg (N710) volgen in noordelijke richting tot aan Hoge Vaart (Water).

Mit-30.12.2017 sat-8.1.2018

Biddinghuizen

—	Vanaf brug Biddingweg(N710) Lage vaart, Biddingweg volgen in noordelijke richting tot aan Elandweg.

—	Elandweg volgen in oostelijke richting tot aan Dronterringweg (N307).

—	Dronterringweg (N307) volgen in zuidoostelijke richting tot aan Rendieerweg.

—	Rendierweg volgen in noordoostelijke richting tot aan Swiftervaart(water).

—	Swiftervaart volgen in oostelijke richting tot aan Lage vaart.

—	Lage vaart volgen in noordelijke richting tot aan Ketelmeer(water).

—	Ketelmeer volgen in zuidoostelijke overgaand in Vossemeer overgaand in Drontermeer volgen ter hoogte van Geldersesluis.

—	Geldersesluis volgen in oostelijke richting tot aan Buitendijks.

—	Buitendijks volgen in zuidoostelijke richting overgaand in Groote Woldweg tot aan Naalderweg.

—	Naalderweg volgen in oostelijke richting tot aan Kleine Woldweg.

—	Kleine Woldweg volgen in zuidelijke richting tot aan Zwarteweg.

—	Zwarteweg volgen in oostelijke richting overgaand in Wittensteinse Allee tot aan Oosterweg.

—	Oosterweg volgen in zuidelijke richting tot aan Zuiderzeestraatweg (N308).

—	Zuiderzeestraatweg volgen in westelijke richting tot aan Mheneweg Zuid.

—	Mheneweg Zuid in zuidelijke richting overgaand in Bongersweg overgaand in Ottenweg tot aan A28.

—	A28 volgen in zuidwestelijke richting tot aan Klarenweg.

—	Klarenweg volgen in Noordelijke richting tot aan Harderwijkerweg.

—	Harderwijkerweg volgen in zuidwestelijke richting overgaand in Zuiderzeestraatweg tot aan Newtonweg.

—	Newtonweg volgen in noordelijke en vervolgens westelijke richting tot aan Knardijk (N302).

—	Knardijk (N302) volgen in noordelijke richting overgaand in Ganzenweg tot aan Futenweg.

—	Futenweg volgen in oostelijke richting tot aan Larserweg (N302).

—	Larserweg (N302) volgen in noordelijke richting Zeebiesweg.

—	Zeebiesweg volgen in oostelijke richting tot aan Larserringweg.

—	Larserringweg volgen in noordelijke richting tot aan Lisdoddeweg.

—	Lisdoddeweg volgen in oostelijke richting tot aan Wiertocht.

—	Wiertocht volgen in noordelijke richting tot aan Dronterweg.

—	Dronterweg volgen in oostelijke richting tot aan Biddingweg(N710).

8.1.2018”

Top

All

Choose the experimental features you want to try