This document is an excerpt from the EUR-Lex website
Document 32017D1583
Commission Decision (EU) 2017/1583 of 1 September 2017 specifying, pursuant to Directive 2006/7/EC of the European Parliament and of the Council, EN ISO 17994:2014 as the standard on the equivalence of microbiological methods (notified under document C(2017) 5843)
Deċiżjoni tal-Kummissjoni (UE) 2017/1583 tal-1 ta' Settembru 2017 li tispeċifika, skont id-Direttiva 2006/7/KE tal-Parlament Ewropew u tal-Kunsill, EN ISO 17994:2014 bħala l-istandard dwar l-ekwivalenza ta' metodi mikrobijoloġiċi (notifikata bid-dokument C(2017) 5843)
Deċiżjoni tal-Kummissjoni (UE) 2017/1583 tal-1 ta' Settembru 2017 li tispeċifika, skont id-Direttiva 2006/7/KE tal-Parlament Ewropew u tal-Kunsill, EN ISO 17994:2014 bħala l-istandard dwar l-ekwivalenza ta' metodi mikrobijoloġiċi (notifikata bid-dokument C(2017) 5843)
C/2017/5843
ĠU L 239, 19.9.2017, p. 34–35
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Repeal | 32009D0064 | 04/09/2017 |
19.9.2017 |
MT |
Il-Ġurnal Uffiċjali tal-Unjoni Ewropea |
L 239/34 |
DEĊIŻJONI TAL-KUMMISSJONI (UE) 2017/1583
tal-1 ta' Settembru 2017
li tispeċifika, skont id-Direttiva 2006/7/KE tal-Parlament Ewropew u tal-Kunsill, EN ISO 17994:2014 bħala l-istandard dwar l-ekwivalenza ta' metodi mikrobijoloġiċi
(notifikata bid-dokument C(2017) 5843)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2006/7/KE tal-Parlament Ewropew u tal-Kunsill tal-15 ta' Frar 2006 dwar l-immaniġġjar tal-kwalità tal-ilma għall-għawm u li tħassar id-Direttiva 76/160/KEE (1), u b'mod partikolari l-Artikolu 15(2)(a) tagħha,
Billi:
(1) |
Id-Deċiżjoni tal-Kummissjoni 2009/64/KE (2) tispeċifika l-istandard internazzjonali ISO 17994:2004(E) “Standard tal-Ilma — Kriterji biex tiġi stabbilita ekwivalenza bejn metodi mikrobijoloġiċi” bħala l-istandard dwar l-ekwivalenza ta' metodi mikrobijoloġiċi għall-għanijiet tad-Direttiva 2006/7/KE. |
(2) |
L-Istandard ISO 17994:2004(E) huwa antikwat u skadut u ġie aġġornat fil-livell tekniku (eż. aġġornament tat-terminoloġija, speċifikazzjonijiet aktar ċari u ż-żieda ta' Anness ġdid dwar il-kalkoli tekniċi). |
(3) |
Għaldaqstant, ISO 17994:2004(E) ġie sostitwit b'verżjoni aktar reċenti, ISO 17994:2014 “Kwalità tal-ilma — Rekwiżiti għat-tqabbil tal-irkupru relattiv tal-mikroorganiżmi permezz ta' żewġ metodi kwantitattivi”. Dan l-istandard internazzjonali ġie traspost fi Standard Ewropew EN ISO 17994:2014 mill-Kumitat Ewropew għall-Istandardizzazzjoni. Għalhekk huwa xieraq li l-istandard EN ISO 17994:2014 jiġi speċifikat bħala l-istandard dwar l-ekwivalenza ta' metodi mikrobijoloġiċi għall-għanijiet tad-Direttiva 2006/7/KE. |
(4) |
Għaldaqstant id-Deċiżjoni 2009/64/KE għandha tiġi mħassra. |
(5) |
Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16(1) tad-Direttiva 2006/7/KE, |
ADOTTAT DIN ID-DEĊIŻJONI:
Artikolu 1
Għall-għanijiet tal-Artikolu 3(9) tad-Direttiva 2006/7/KE, l-istandard EN ISO 17994:2014 “Kwalità tal-ilma — Rekwiżiti għat-tqabbil tal-irkupru relattiv tal-mikroorganiżmi permezz ta' żewġ metodi kwantitattivi” għandu jiġi speċifikat bħala l-istandard dwar l-ekwivalenza ta' metodi mikrobijoloġiċi.
Artikolu 2
Id-Deċiżjoni 2009/64/KE hija mħassra.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, l-1 ta' Settembru 2017.
Għall-Kummissjoni
Karmenu VELLA
Membru tal-Kummissjoni
(2) Id-Deċiżjoni tal-Kummissjoni 2009/64/KE tal-21 ta' Jannar 2009 li tispeċifika, skont id-Direttiva 2006/7/KE tal-Parlament Ewropew u tal-Kunsill, ISO 17994:2004(E) bħala l-istandard dwar l-ekwivalenza ta' metodi mikrobijoloġiċi (ĠU L 23, 27.1.2009, p. 32).