This document is an excerpt from the EUR-Lex website
Document 32015R1475
Commission Regulation (EU) 2015/1475 of 27 August 2015 amending Regulation (EU) No 284/2013 as regards the transitional measures applying to procedures concerning plant protection products (Text with EEA relevance)
Regolament tal-Kummissjoni (UE) 2015/1475 tas-27 ta' Awwissu 2015 li jemenda r-Regolament (UE) Nru 284/2013 fir-rigward tal-miżuri tranżitorji li japplikaw għall-proċeduri li jikkonċernaw il-prodotti għall-protezzjoni tal-pjanti (Test b'rilevanza għaż-ŻEE)
Regolament tal-Kummissjoni (UE) 2015/1475 tas-27 ta' Awwissu 2015 li jemenda r-Regolament (UE) Nru 284/2013 fir-rigward tal-miżuri tranżitorji li japplikaw għall-proċeduri li jikkonċernaw il-prodotti għall-protezzjoni tal-pjanti (Test b'rilevanza għaż-ŻEE)
ĠU L 225, 28.8.2015, p. 10–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 27/08/2015; Data ta' adozzjoni
- Date of effect:
- 17/09/2015; Dħul fis-seħħ Data tal-pubblikazzjoni +20 Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32009R1107 - A78P1PTB)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32013R0284 Żieda artikolu 4 paragrafu 1 L 17/09/2015 - Instruments cited:
- Link
- EUROVOC descriptor:
- Subject matter:
- Directory code:
|
28.8.2015 |
MT |
Il-Ġurnal Uffiċjali tal-Unjoni Ewropea |
L 225/10 |
REGOLAMENT TAL-KUMMISSJONI (UE) 2015/1475
tas-27 ta' Awwissu 2015
li jemenda r-Regolament (UE) Nru 284/2013 fir-rigward tal-miżuri tranżitorji li japplikaw għall-proċeduri li jikkonċernaw il-prodotti għall-protezzjoni tal-pjanti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-Artikolu 78(1)(b) tagħha,
Billi:
|
(1) |
Ir-Regolament tal-Kummissjoni (UE) Nru 284/2013 (2) ħassar ir-Regolament tal-Kummissjoni (UE) Nru 545/2011 (3) u stipula rekwiżiti ġodda tad-dejta għall-prodotti għall-protezzjoni tal-pjanti. |
|
(2) |
Biex l-Istati Membri u l-partijiet interessati jkunu jistgħu jħejju ruħhom biex jissodisfaw dawk ir-rekwiżiti l-ġodda, ir-Regolament (UE) Nru 284/2013 jistabbilixxi miżuri tranżitorji li jikkonċernaw kemm il-preżentazzjoni ta' dejta għal applikazzjonijiet għall-approvazzjoni, għat-tiġdid tal-approvazzjoni jew għall-emenda għall-kundizzjonijiet tal-approvazzjoni ta' sustanzi attivi, u kemm il-preżentazzjoni ta' dejta dwar applikazzjonijiet għall-awtorizzazzjoni, kif imsemmi fl-Artikolu 28 tar-Regolament (KE) Nru 1107/2009, li jinkludi t-tiġdid tal-awtorizzazzjoni jew l-emenda tal-awtorizzazzjoni ta' prodotti għall-protezzjoni tal-pjanti. |
|
(3) |
Huwa mistenni li l-applikazzjonijiet kollha għat-tiġdid tal-awtorizzazzjonijiet għal prodotti li fihom sustanzi attivi, imġedda skont ir-Regolament tal-Kummissjoni (UE) Nru 1141/2010 (4), ikunu tressqu sal-31 ta' Diċembru 2015. B'konsegwenza ta' dan, ir-Regolament (UE) Nru 545/2011 ikun applika għal dawk l-applikazzjonijiet. Madankollu, jidher li wħud mill-applikazzjonijiet ser ikollhom jitressqu wara l-31 ta' Diċembru 2015. |
|
(4) |
Biex jiġi żgurat li l-applikazzjonijiet kollha għat-tiġdid tal-awtorizzazzjonijiet ta' prodotti għall-protezzjoni tal-pjanti li fihom sustanzi attivi, imġedda skont ir-Regolament (UE) Nru 1141/2010, ikunu soġġetti għall-istess rekwiżiti rigward id-dejta, jixraq li jiġu pprovduti miżuri tranżitorji bil-għan li r-rekwiżiti tad-dejta tar-Regolament (UE) Nru 545/2011 japplikaw għall-applikazzjonijiet kollha ta' dan it-tip. |
|
(5) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Fl-Artikolu 4(1) tar-Regolament (UE) Nru 284/2013, jiżdied is-subparagrafu li ġej:
“Ir-Regolament (UE) Nru 545/2011 għandu jibqa' japplika fir-rigward tal-proċeduri għat-tiġdid tal-awtorizzazzjonijiet ta' prodotti għall-protezzjoni tal-pjanti skont l-Artikolu 43(2) tar-Regolament (KE) Nru 1107/2009, wara t-tiġdid ta' sustanza attiva skont ir-Regolament (UE) Nru 1141/2010.”
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Awwissu 2015.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Ir-Regolament tal-Kummissjoni (UE) Nru 284/2013 tal- 1 ta' Marzu 2013 li jistipula r-rekwiżiti tad-dejta għall-prodotti għall-ħarsien tal-pjanti, skont ir-Regolament (KE) Nru 1107/2009 tal-Parlament Ewropew u tal-Kunsill li jikkonċerna t-tqegħid fis-suq ta' prodotti għall-protezzjoni tal-pjanti (ĠU L 93, 3.4.2013, p. 85).
(3) Ir-Regolament tal-Kummissjoni (UE) Nru 545/2011 tal-10 ta' Ġunju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill rigward ir-rekwiżiti tad-dejta tal-prodotti għall-ħarsien tal-pjanti (ĠU L 155, 11.6.2011, p. 67).
(4) Ir-Regolament tal-Kummissjoni (UE) Nru 1141/2010 tas-7 ta' Diċembru 2010 li jistabbilixxi l-proċedura għat-tiġdid tal-inklużjoni tat-tieni grupp ta' sustanzi attivi fl-Anness I tad-Direttiva tal-Kunsill 91/414/KEE u li jistabbilixxi l-lista ta' dawk is-sustanzi (ĠU L 322, 8.12.2010, p. 10).
