This document is an excerpt from the EUR-Lex website
Document 32014R0182
Commission Delegated Regulation (EU) No 182/2014 of 17 December 2013 amending Annex III to Regulation (EU) No 978/2012 of the European Parliament and of the Council applying a scheme of generalised tariff preferences
Regolament ta’ Delega tal-Kummissjoni (UE) Nru 182/2014 tas- 17 ta’ Diċembru 2013 li jemenda l-Anness III għar-Regolament (UE) Nru 978/2012 tal-Parlament Ewropew u tal-Kunsill li japplika sistema ta’ preferenzi tariffarji ġeneralizzati
Regolament ta’ Delega tal-Kummissjoni (UE) Nru 182/2014 tas- 17 ta’ Diċembru 2013 li jemenda l-Anness III għar-Regolament (UE) Nru 978/2012 tal-Parlament Ewropew u tal-Kunsill li japplika sistema ta’ preferenzi tariffarji ġeneralizzati
ĠU L 57, 27.2.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 17/12/2013
- Date of effect:
- 28/02/2014; Dħul fis-seħħ Data tal-pubblikazzjoni +1 Ara Art. 2
- Date of end of validity:
- 31/12/2027; Marbuta ma’ 32012R0978
- Author:
- Il-Kummissjoni Ewropea
- Form:
- Regolament delegat
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32012R0978 - A10P4
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32012R0978 Emenda anness 28/02/2014 - Link
- EUROVOC descriptor:
- Subject matter:
- Directory code:
|
27.2.2014 |
MT |
Il-Ġurnal Uffiċjali tal-Unjoni Ewropea |
L 57/1 |
REGOLAMENT TA’ DELEGA TAL-KUMMISSJONI (UE) Nru 182/2014
tas-17 ta’ Diċembru 2013
li jemenda l-Anness III għar-Regolament (UE) Nru 978/2012 tal-Parlament Ewropew u tal-Kunsill li japplika sistema ta’ preferenzi tariffarji ġeneralizzati
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 978/2012 tal-Parlament Ewropew u tal-Kunsill tal-25 ta’ Ottubru 2012 li japplika sistema ta’ preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008 (1), u b’mod partikolari l-Artikolu 10(4) tiegħu,
Billi:
|
(1) |
L-Artikolu 9(1) tar-Regolament (UE) Nru 978/2012 jistabbilixxi kriterji ta’ eliġibilità speċifiċi għall-għoti ta’ preferenzi tariffarji skont l-arranġament ta’ inċentiv speċjali għal żvilupp sostenibbli u governanza tajba (SPĠ+) lil pajjiż rikjedenti. Għal dan l-għan, il-pajjiż għandu jitqies bħala vulnerabbli. Huwa għandu jkun irratifika l-konvenzjonijiet kollha elenkati fl-Anness VIII tar-Regolament SPĠ u l-konklużjonijiet disponibbli l-aktar riċenti tal-korpi ta’ monitoraġġ rilevanti ma jidentifikawx nuqqas serju biex jimplimentaw b’mod effettiv kull waħda minn dawn il-konvenzjonijiet. Fir-rigward ta’ kwalunkwe konvenzjoni, il-pajjiż ma kellux jifformula riżerva pprojbita minn din il-konvenzjoni jew li, għall-finijiet esklussivi tal-Artikolu 9 tar-Regolament (UE) Nru 978/2012, titqies inkompatibbli mal-għan u l-fini ta’ din il-konvenzjoni. Għandu jaċċetta mingħajr riżerva l-obbligi ta’ rapportar imposti minn kull konvenzjoni u jagħti l-impenji vinkolanti msemmijin fil-punti (d), (e) u (f) tal-Artikolu 9(1) tar-Regolament (UE) Nru 978/2012. |
|
(2) |
Pajjiż benefiċjarju tal-SPĠ li jixtieq jibbenefika mill-SPĠ+ għandu jissottometti talba flimkien ma’ informazzjoni komprensiva li tikkonċerna r-ratifika tal-konvenzjonijiet rilevanti, ir-riżervi tiegħu u l-oġġezzjonijiet għal dawn ir-riżervi magħmula minn partijiet oħra għall-konvenzjoni, u l-impenji obbligatorji tiegħu. |
|
(3) |
Il-Kummissjoni ngħatat is-setgħa tadotta att delegat f’konformità mal-Artikolu 290 tat-TFUE biex tistabbilixxi u temenda l-Anness III biex jingħata l-SPĠ+ lil pajjiż rikjedenti billi jiżdied mal-lista ta’ pajjiżi benefiċjarji tal-SPĠ+. |
|
(4) |
Il-Kummissjoni rċeviet talba mir-Repubblika ta’ El Salvador, ir-Repubblika tal-Gwatemala u r-Repubblika tal-Panama. |
|
(5) |
Il-Kummissjoni eżaminat it-talbiet magħmula skont id-dispożizzjonijiet tal-Artikolu 10(1) tar-Regolament (UE) Nru 978/2012, u stabbiliet li dawn il-pajjiżi jissodisfaw il-kriterji ta’ eliġibilità. Għalhekk għandhom jingħataw l-SPĠ+ mid-data tad-dħul fis-seħħ ta’ dan ir-Regolament u l-Anness III għar-Regolament (UE) Nru 978/2012 għandu jiġi emendat skont dan. |
|
(6) |
Il-Kummissjoni se tħalli taħt rieżami l-istatus ta’ ratifika tal-konvenzjonijiet rilevanti u l-implimentazzjoni effettiva tagħhom mill-pajjiżi benefiċjarji, kif ukoll il-kooperazzjoni tagħhom mal-korpi ta’ monitoraġġ rilevanti, skont l-Artikolu 13, |
ADOTTAT DAN IR-REGOLAMENT:
Artikolu 1
Il-pajjiżi li ġejjin u l-kodiċi alfabetiċi korrispondenti huma mdaħħla taħt kolonni B u A, rispettivament, tal-Anness III għar-Regolament (UE) Nru 978/2012:
|
“El Salvador |
SV |
|
Il-Gwatemala |
GT |
|
Il-Panama |
PA” |
Artikolu 2
Dan ir-Regolament jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Diċembru 2013.
Għall-Kummissjoni
Il-President
José Manuel BARROSO
(1) ĠU L 303, 31.10.2012, p. 1.
