Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014D0332

2014/332/UE: Deċiżjoni ta' Implimentazzjoni tal-Kummissjoni tal- 4 ta' Ġunju 2014 li temenda l-Annessi tad-Deċiżjonijiet 92/260/KEE, 93/197/KEE u 2004/211/KE rigward il-kundizzjonijiet tas-saħħa tal-annimali u ċ-ċertifikazzjoni veterinarja għall-importazzjoni ta' żwiemel irreġistrati minn ċerti partijiet tat-territorju tal-Indja (notifikata bid-dokument C(2014) 3582) Test b'rilevanza għaż-ŻEE

ĠU L 167, 6.6.2014, p. 52–56 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 30/09/2018; Impliċitament imħassar minn 32018R0659

ELI: http://data.europa.eu/eli/dec_impl/2014/332/oj

Date of document:
04/06/2014
Date of effect:
06/06/2014; Jidħol fis-seħħ Data tan-notifika
Date of notification:
06/06/2014
Date of end of validity:
30/09/2018; Impliċitament imħassar minn 32018R0659
Author:
Il-Kummissjoni Ewropea
Form:
Deċiżjoni implimentattiva
Addressee:
Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31992D0260 Emenda anness I
Modifies 31992D0260 Emenda anness II
Modifies 31993D0197 Emenda anness I
Modifies 31993D0197 Emenda anness II
Modifies 32004D0211 Emenda anness I
Modified by:
Relation Act Comment Subdivision concerned From To
Implicitly repealed by 32018R0659 01/10/2018
Link

6.6.2014   

MT

Il-Ġurnal Uffiċjali tal-Unjoni Ewropea

L 167/52

DEĊIŻJONI TA' IMPLIMENTAZZJONI TAL-KUMMISSJONI

tal-4 ta' Ġunju 2014

li temenda l-Annessi tad-Deċiżjonijiet 92/260/KEE, 93/197/KEE u 2004/211/KE rigward il-kundizzjonijiet tas-saħħa tal-annimali u ċ-ċertifikazzjoni veterinarja għall-importazzjoni ta' żwiemel irreġistrati minn ċerti partijiet tat-territorju tal-Indja

(notifikata bid-dokument C(2014) 3582)

(Test b'rilevanza għaż-ŻEE)

(2014/332/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 92/65/KEE tat-13 ta' Lulju 1992, li tistabbilixxi l-ħtiġijiet dwar saħħa tal-annimali li jirregolaw il-kummerċ ta', u l-importazzjoni fil-Komunità ta' annimali, semen, ova u embrijuni mhux suġġetti għal ħtiġijiet ta' saħħa tal-annimali meħtieġa f'regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (1), u b'mod partikolari l-Artikolu 17(3)(a) tagħha,

Wara li kkunsidrat id-Direttiva tal-Kunsill 2009/156/KE tat-30 ta' Novembru 2009 dwar kundizzjonijiet tas-saħħa tal-annimali li jirregolaw il-moviment u l-importazzjoni minn pajjiżi terzi ta' ekwidi (2), u b'mod partikolari l-Artikolu 12(1) u (4), il-punt (a) tal-Artikolu 15, l-Artikolu 16(2) u l-fażi introduttorja tal-Artikolu 19 u l-punti (a) u (b) tal-Artikolu 19 tagħha,

Billi:

(1)

Id-Direttiva 2009/156/KE tistipola l-kundizzjonijiet tas-saħħa tal-annimali għall-importazzjoni tal-ekwidi ħajjin fl-Unjoni. Din tipprevedi li l-importazzjonijiet ta' ekwidi fl-Unjoni jkunu awtorizzati biss minn dawk il-pajjiżi terzi li jissodisfaw ċerti rekwiżiti dwar saħħet l-annimali.

(2)

Id-Deċiżjoni tal-Kummissjoni 92/260/KEE (3) tistipula l-kondizzjonijiet tas-saħħa tal-annimali u r-rekwiżiti taċ-ċertifikazzjoni veterinarja għad-dħul temporanju fl-Unjoni ta' żwiemel irreġistrati għal perjodu ta' inqas minn 90 jum minn pajjiżi terzi assenjati lil gruppi sanitarji speċifiċi kif stabbilit fl-Anness I tagħha. L-Anness II ta' din id-Deċiżjoni jistabbilixxi l-mudelli taċ-ċertifikati tas-saħħa tal-annimali li għandhom jakkumpanjaw l-annimali li jaslu minn pajjiżi terzi assenjati lil gruppi sanitarji korrispondenti.

(3)

Id-Deċiżjoni tal-Kummissjoni 93/197/KEE (4) tistipula l-kondizzjonijiet tas-saħħa tal-annimali u ċertifikazzjoni veterinarja għall-importazzjoni ta' annimali tar-razza tal-ekwidi rreġistrati għat-tnissil u produzzjoni minn pajjiżi terzi assenjati lil gruppi sanitarji speċifiċi kif stabbilit fl-Anness I tagħha. Dan l-Anness jispeċifika wkoll il-kategorija tal-ekwidi li jitħallew jiġu importati minn pajjiż terz partikolari. L-Anness II ta' din id-Deċiżjoni jistabbilixxi l-mudelli taċ-ċertifikati tas-saħħa tal-annimali li għandhom jakkumpanjaw l-annimali li jaslu minn pajjiżi terzi assenjati lil gruppi sanitarji korrispondenti.

(4)

Id-Deċiżjoni tal-Kummissjoni 2004/211/KE (5) li tistabbilixxi lista ta' pajjiżi terzi, jew ta' partijiet minnhom fejn tapplika r-reġjonalizzazzjoni, li minnhom l-Istati Membri għandhom jawtorizzaw l-importazzjoni ta' ekwidi u semen, ova u embrijuni tagħhom, u tindika l-kundizzjonijiet l-oħra li huma applikabbli għal dawn l-importazzjonijiet. Din il-lista hija stabbilita fl-Anness I ta' dik id-Deċiżjoni.

(5)

Mill-informazzjoni disponibbli, l-Indja hija ħielsa mill-marda Afrikana taż-żwiemel skont il-leġiżlazzjoni tal-Unjoni u l-aħħar każ tal-marda taż-żwiemel Afrikana kien irrappurtat fl-1963. Barra minn hekk, l-Indja ilha ħielsa sentejn mill-enċefalomjelite ekwina tal-Venezwela; fatt li s'issa għadu qatt ma ġie rrappurtat f'dan il-pajjiż terz. Madankollu, f'partijiet mit-territorju tal-Indja wieħed jista' jsib il-glanders u hemm ukoll nuqqas ta' informazzjoni dwar l-okkorrenza tad-durina.

(6)

Filwaqt li titqies is-sitwazzjoni epidemoloġika fl-Indja fir-rigward tal-mard li jinxtered fost l-ekwidi, dan il-pajjiż terz għandu jiġi assenjat lill-Grupp Sanitarju C kif stabbilit fl-Anness I tad-Deċiżjonijiet 92/260/KEE u 93/197/KEE rispettivament.

(7)

Billi l-prevalenza tal-glanders hija iżgħar għal żwiemel irreġistrati, huwa xieraq li d-dħul fl-Unjoni tal-ekwidi jiġi limitat għal żwiemel reġistrati biss u jinħtieġ li dawk iż-żwiemel reġistrati introdotti fl-Unjoni, ikunu suġġetti għal testijiet għall-glanders u d-durina, skont id-Deċiżjonijiet 92/260/KEE jew 93/197/KEE. Il-mudell taċ-ċertifikat tas-saħħa tal-annimali “C” stipulat fl-Anness II rispettiv ta' dawn id-Deċiżjonijiet għandu għalhekk jispeċifika dawk it-testijiet għall-introduzzjoni ta' dawk iż-żwiemel irreġistrati mill-Indja.

(8)

L-Annessi I u II tad-Deċiżjoni 92/260/KEE u tad-Deċiżjoni 93/197/KEE għandhom għalhekk jiġu emendati skont dan.

(9)

Permezz ta' ittra tal-31 ta' Diċembru 2013, l-Indja infurmat lill-Kummissjoni dwar l-istabbiliment ta' żona ħielsa mill-mard tal-ekwini fiċ-Ċentru “Remount and Veterinary Corps” (RVC), f'Meerut Cantonment, id-distrett ta' Meerut, fid-diviżjoni ta' Meerut fl-Istat ta' Uttar Pradesh, u pprovdiet il-garanziji neċessarji kif meħtieġ skont l-Artikolu 12 tad-Direttiva 2009/156/KE.

(10)

Sakemm joħroġ ir-riżultat ta' missjoni ta' verifika tal-Kummissjoni u meta wieħed iqis li l-Indja tixtieq tipparteċipa fil-World Equestrian Games tal-Fédération Èquestre Internationale (FEI) fin-Normandija fi Franza f'Awwissu 2014, iż-żona ħielsa mill-mard tal-ekwini stabbilita fl-Indja għandha tiġi approvata fuq bażi temporanja sa Ottubru 2014.

(11)

Ir-reġjonalizzazzjoni għandha tinkludi wkoll it-toroq ta' aċċess għat-trasferiment taż-żwiemel irreġistrati miż-żona ħielsa mill-mard tal-ekwini sal-eqreb ajruport internazzjonali, li għalihom l-Indja ppreżentat il-Proċeduri Operattivi Standard u miżuri ta' bijosigurtà.

(12)

L-Anness I tad-Deċiżjoni 2004/211/KE għandu għalhekk jiġi emendat.

(13)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Annessi I u II tad-Deċiżjoni 92/260/KEE huma emendati skont l-Anness I ta' din id-Deċiżjoni.

Artikolu 2

L-Annessi I u II tad-Deċiżjoni 93/197/KEE huma emendati skont l-Anness II ta' din id-Deċiżjoni.

Artikolu 3

L-Anness I tad-Deċiżjoni 2004/211/KE huwa emendat skont l-Anness III ta' din id-Deċiżjoni.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, l-4 ta' Ġunju 2014.

Għall-Kummissjoni

Tonio BORG

Membru tal-Kummissjoni

(1)  ĠU L 268, 14.9.1992, p. 54.

(2)  ĠU L 192, 23.7.2010, p. 1.

(3)  Id-Deċiżjoni tal-Kummissjoni 92/260/KEE tal-10 ta' April 1992 dwar kondizzjonijiet tas-saħħa ta' annimali u ċertifikazzjoni veterinarja għal dħul temporanju ta' żwiemel irreġistrati (ĠU L 130, 15.5.1992, p. 67).

(4)  Id-Deċiżjoni tal-Kummissjoni 93/197/KEE tal-5 ta' Frar 1993 fuq il-kondizzjonijiet tas-saħħa tal-annimali u ċertifikazzjoni tal-veterinarju għall-importazzjoni ta' annimali tar-razza tal-ekwidi rreġistrati għat-tnissil u produzzjoni (ĠU L 86, 6.4.1993, p. 16).

(5)  Id-Deċiżjoni tal-Kummissjoni 2004/211/KE tas-6 ta' Jannar 2004 li tistabbilixxi l-lista ta' pajjiżi terzi u ta' partijiet mit-territorju tagħhom li minnhom l-Istati Membri jawtorizzaw l-importazzjoni ta' equidae ħajjin u ta' semen, ova u embrijoni tal-ispeċi ekwina, u li temenda d-Deċiżjonijiet Nru 93/195/KEE u 94/63/KE (ĠU L 73, 11.3.2004, p. 1).

ANNESS I

L-Annessi I u II tad-Deċiżjoni 92/260/KEE huma emendati kif gej:

(1)

Fl-Anness I, il-lista ta' pajjiżi terzi assenjati lill-Grupp Sanitarju C tinbidel b'dan li ġej:

“Il-Grupp Sanitarju C (1)

Il-Kanada (CA), iċ-Ċina (3) (CN), Ħong Kong (HK), l-Indja (3) (IN), il-Ġappun (JP), ir-Repubblika tal-Korea (KR), il-Makaw (MO), il-Malasja (peniżola) (MY), Singapor (SG), it-Tajlandja (TH), l-Istati Uniti tal-Amerika (US)”

(2)

Fl-Anness II, fil-mudell taċ-ċertifikat tas-saħħa tal-annimali C, fit-Taqsima III, il-punt (l) jinbidel b'dan li ġej:

“(l)

Jekk iż-żiemel jiġi miċ-Ċina (1) (3), mill-Indja (1) (3) jew mit-Tajlandja (3), kien suġġett għal test ta' fissazzjoni tal-komplement għall-glanders u għad-durina li kellu riżultati negattivi f'dilwizzjoni tas-serum ta' wieħed f'10 f'kampjun tad-demm miġbur fi żmien għaxart ijiem qabel l-esportazzjoni fil-… (4) (5);”

ANNESS II

L-Annessi I u II tad-Deċiżjoni 93/197/KEE huma emendati kif gej:

(1)

Fl-Anness I, il-lista ta' pajjiżi terzi assenjati lill-Grupp Sanitarju C tinbidel b'dan li ġej:

“Il-Grupp Sanitarju C (1)

Il-Kanada (CA), iċ-Ċina (2) (3) (CN), Ħong Kong (3) (HK), l-Indja (2) (3) (IN), il-Ġappun (3) (JP), ir-Repubblika tal-Korea (3) (KR), il-Makaw (3) (MO), il-Malasja (peniżola) (3) (MY), Singapor (3) (SG), it-Tajlandja (3) (TH), l-Istati Uniti tal-Amerika (US)”

(2)

Fl-Anness II, fil-mudell taċ-ċertifikat tas-saħħa tal-annimali C, fit-Taqsima III, il-punt (m) jinbidel b'dan li ġej:

“(m)

Jekk iż-żiemel jiġi miċ-Ċina (1) (3) mill-Indja (1) (3) jew mit-Tajlandja (3), kien suġġett għal test ta' fissazzjoni tal-komplement għall-glanders u għad-durina li kellu riżultati negattivi f'dilwizzjoni tas-serum ta' wieħed f'10 f'kampjun tad-demm miġbur fi żmien għaxart ijiem ta' esportazzjoni fi … (4);”

ANNESS III

L-Anness I tad-Deċiżjoni 2004/211/KE huwa emendat kif ġej:

(1)

ir-ringiela li ġejja tiddaħħal fl-ordni tal-kodiċi ISO tal-pajjiż:

“IN

L-Indja

IN-0

Il-pajjiż kollu

C

—

—

—

—

—

—

—

—

—

 

IN-1

Iż-żona ħielsa mill-mard tal-ekwini fiċ-Ċentru Remount and Veterinary Corps (RVC), Meerut Cantonment, fid-distrett ta' Meerut, fid-diviżjoni tal-Istat Meerut ta' Uttar Pradesh inkluza t-triq mill-ajruport u lejn l-ajruport ta' New Delhi

(ara l-Kaxxa 6 għad-dettalji)

C

X

—

X

—

—

—

—

—

—

Validu sal-31 ta' Ottubru 2014”

(2)

Qed tiżdied il-Kaxxa 6 li ġejja:

“Kaxxa 6

 

IN

L-Indja

IN-1

Iż-żona ħielsa mill-mard tal-ekwini fiċ-Ċentru Remount and Veterinary Corps (RVC), Meerut Cantonment, fid-distrett ta' Meerut, fid-diviżjoni tal-Istat Meerut ta' Uttar Pradesh (lokalizzat f' 29.028893, 77.731018 jew +29° 01′ 44.01″, +77° 43′ 51.66″) u mdawwar b'żona ta' sorveljanza ta' 10 km, inkluż l-aċċess mit-toroq ta' Roorkee, Mawana u Delhi għall-awtostrada nazzjonali Nru 58, Hapur Road (57), triq GT, triq Dharampura, triq Eastern Approach, Yudister Setu, Lala Hardev Sahai Marg, triq Mahatma, Vandemataram Marg, l-awtostrada nazzjonali Nru 8, triq tal-ajruport, Ullan Batar Marg sal-ajruport internazzjonali Indira Gandhi fi New Delhi.”
Top