Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0840

Regolament ta’ Implimentazzjoni tal-Kummissjoni (UE) Nru 840/2012 tat- 18 ta’ Settembru 2012 rigward l-awtorizzazzjoni tas-6-fitażi (EC 3.1.3.26) prodotta mis- Schizosaccharomyces pombe (ATCC 5233) bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd (id-detentur tal-awtorizzazzjoni Danisco Animal Nutrition) Test b’relevanza għaż-ŻEE

ĠU L 252, 19.9.2012, p. 14–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force: This act has been changed. Current consolidated version: 30/03/2019

ELI: http://data.europa.eu/eli/reg_impl/2012/840/oj

Date of document:
18/09/2012
Date of effect:
09/10/2012; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea
Form:
Regolament implimentattiv
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modified by:
Relation Act Comment Subdivision concerned From To
Modified by 32019R0221 Sostituzzjoni titolu Test 30/03/2019
Modified by 32019R0221 Sostituzzjoni anness kolonna tat-tabella 2 Test 30/03/2019
Instruments cited:
Link

19.9.2012   

MT

Il-Ġurnal Uffiċjali tal-Unjoni Ewropea

L 252/14

REGOLAMENT TA’ IMPLIMENTAZZJONI TAL-KUMMISSJONI (UE) Nru 840/2012

tat-18 ta’ Settembru 2012

rigward l-awtorizzazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233) bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd (id-detentur tal-awtorizzazzjoni Danisco Animal Nutrition)

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fin-nutriment tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ awtorizzazzjoni bħal din.

(2)

B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233). L-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tas-6-fitażi (KE 3.1.3.26) prodotta mis-Schizosaccharomyces pombe (ATCC 5233) bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd, biex tiġi kklassifikata fil-kategorija tal-addittivi “addittivi żootekniċi”.

(4)

L-użu ta’ preparazzjonijiet tas-6-fitażi EC 3.1.3.26 kien awtorizzat għal għaxar snin għat-tiġieġ għat-tismin, id-dundjani għat-tismin, it-tiġieġ tal-bajd, il-ħnienes (miftuma), il-papri għat-tismin, il-ħnieżer għat-tismin u l-ħnieżer nisa mir-Regolament tal-Kummissjoni (KE) Nru 785/2007 (2) u mir-Regolament tal-Kummissjoni (KE) Nru 379/2009 (3).

(5)

Tressqet dejta ġdida li ssostni l-applikazzjoni għall-awtorizzazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233) għall-użu bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd. Fl-opinjoni tagħha tas-7 ta’ Marzu 2012 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet ta’ użu proposti, il-6-fitażi (EC 3.1.3.26), prodotta mis-Schizosaccharomyces pombe (ATCC 5233), ma għandhiex effett ta’ ħsara fuq is-saħħa tal-annimali, is-saħħa tal-bniedem jew l-ambjent, u li l-użu tagħha jista’ jtejjeb l-utilizzazzjoni tal-fosforu fl-ispeċijiet kollha fil-mira. L-Awtorità tqis li wara t-tqegħid fis-suq ma hemmx bżonn ta’ rekwiżiti speċifiċi ta’ monitoraġġ. Din ivverifikat ukoll ir-rapport dwar il-metodu ta’ analiżi tal-addittiv fl-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

(6)

Il-valutazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233) turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta’ din il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija “addittivi żootekniċi” u mill-grupp funzjonali “sustanzi li jtejbu d-diġestibilità”, hija awtorizzata bħala addittiv fin-nutriment tal-annimali, dejjem skont il-kundizzjonijiet stipulati f’dak l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-18 ta’ Settembru 2012.

Għall-Kummissjoni

Il-President

José Manuel BARROSO

(1)  ĠU L 268, 18.10.2003, p. 29.

(2)  ĠU L 175, 5.7.2007, p. 5.

(3)  ĠU L 116, 9.5.2009, p. 6.

(4)  EFSA Journal 2012; 10(3):2619.

ANNESS

Numru ta’ identifikazzjoni tal-addittiv

Isem id-detentur tal-awtorizzazzjoni

L-addittiv

Il-kompożizzjoni, il-formula kimika, id-deskrizzjoni, il-metodu analitiku

L-ispeċi jew il-kategorija tal-annimal

L-età massima

Il-kontenut minimu

Il-kontenut massimu

Dispożizzjonijet oħra

Tmiem il-perjodu ta’ awtorizzazzjoni

Unitajiet ta’ attività/kg ta’ għalf sħiħ b’kontenut ta’ umdità ta’ 12 %

Il-kategorija tal-addittivi żootekniċi. Grupp funzjonali: sustanzi li jtejbu d-diġestibilità.

4a1640

Danisco Animal Nutrition (l-entità legali Danisco (UK) Limited)

6-fitażi EC 3.1.3.26

 

Kompożizzjoni tal-addittiv:

Preparazzjoni tas-6-fitażi (EC 3.1.3.26) prodotta minn Schizosaccharomyces pombe (ATCC 5233) li fiha attività minima ta’:

Forma solida u likwida: 5 000 FTU (1)/g

 

Karatterizzazzjoni tas-sustanza attiva

6-fitażi (EC 3.1.3.26 prodotta mis-Schizosaccharomyces pombe (ATCC 5233)

 

Metodu analitiku  (2)

 

Determinazzjoni tas-6-fitażi EC 3.1.3.26 fl-addittiv fl-għalf: metodu kolorimetriku bbażat fuq il-kwantifikazzjoni ta’ fosfat inorganiku rilaxxat mill-enzima mill-fitat tas-sodju.

 

Determinazzjoni tas-6-fitażi EC 3.1.3.26 f’taħlitiet lesti tal-għalf u fl-għalf: EN ISO 30024: metodu kolorimetriku bbażat fuq il-kwantifikazzjoni ta’ fosfat inorganiku rilaxxat mill-enzima mill-fitat tas-sodju (wara li jiġi dilwit mad-dqiq tal-qamħ sħiħ ittrattat bis-sħana).

L-ispeċi tat-tjur kollha għat-tismin, għajr it-tiġieġ għat-tismin, id-dundjani għat-tismin u l-papri għat-tismin

—

250 FT U

 

1.

Fl-istruzzjonijiet għall-użu tal-addittiv u tat-taħlita lesta, indika t-temperatura għall-ħażna, kemm żmien tista’ tinżamm il-ħażna, u l-istabbiltà għall-pelleting.

2.

Għall-użu f’għalf kompost li fih aktar minn 0,23 % ta’ fosforu li huwa marbut mal-fitin.

3.

Doża minima rakkomandata: 1 000 FTU/kg ta’ għalf komplut.

4.

Għas-sikurezza: waqt l-immaniġġar għandhom jintużaw in-nuċċalijiet għall-protezzjoni tan-nifs u l-ingwanti.

Id-9 ta' Ottubru 2022

L-ispeċi tat-tjur kollha għat-tismin għajr it-tiġieġ tal-bajd

150 FTU

(1)  1 FTU huwa l-ammont ta’ enżima li jillibera mikromolu wieħed ta’ fosfat inorganiku fil-minuta minn substrat ta’ fitat tas-sodju b’pH ta’ 5.5 u f’37 °C.

(2)  Id-dettalji dwar il-metodi analitiċi huma disponibbli fuq is-sit ta’ hawn taħt tal-Laboratorju ta’ Referenza: http://irmm.jrc.ec.europa.eu/EURLs/EURL_feed_additives/Pages/index.aspx

Top