Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011R1216

    Regolament ta’ Implimentazzjoni tal-Kummissjoni (UE) Nru 1216/2011 tal- 24 ta’ Novembru 2011 li jemenda r-Regolament tal-Kummissjoni Nru 691/2010 li jistabbilixxi skema ta' prestazzjoni għal servizzi ta' navigazzjoni bl-ajru u funzjonijiet tan-netwerk Test b’relevanza għaż-ŻEE

    ĠU L 310, 25.11.2011, p. 3–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 31/12/2014; Imħassar b' 32013R0390

    ELI: http://data.europa.eu/eli/reg/2011/1216/oj

    Date of document:
    24/11/2011
    Date of effect:
    14/12/2011; Dħul fis-seħħ Data tal-pubblikazzjoni +20 Ara Art. 2
    Date of end of validity:
    31/12/2014; Imħassar b' 32013R0390
    Author:
    Il-Kummissjoni Ewropea
    Form:
    Regolament
    Additional information:
    Rilevanza għaż-ŻEE
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Replacement 32010R0691 TXT artikolu 14 P1 14/12/2011
    Replacement 32010R0691 TXT artikolu 14 P2 14/12/2011
    Replacement 32010R0691 TXT anness 1 S2 P1 14/12/2011
    Replacement 32010R0691 TXT artikolu 14 P3 14/12/2011
    Modified by:
    Relation Act Comment Subdivision concerned From To
    Repealed by 32013R0390
    Instruments cited:
    Link

    25.11.2011   

    MT

    Il-Ġurnal Uffiċjali tal-Unjoni Ewropea

    L 310/3

    REGOLAMENT TA’ IMPLIMENTAZZJONI TAL-KUMMISSJONI (UE) Nru 1216/2011

    tal-24 ta’ Novembru 2011

    li jemenda r-Regolament tal-Kummissjoni Nru 691/2010 li jistabbilixxi skema ta' prestazzjoni għal servizzi ta' navigazzjoni bl-ajru u funzjonijiet tan-netwerk

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (1) u b’mod partikolari l-Artikolu 11 tiegħu,

    Billi:

    (1)

    Ir-Regolament tal-Kummissjoni (UE) Nru 691/2010 li jistabbilixxi skema ta' prestazzjoni għas-servizzi tan-navigazzjoni bl-ajru u għall-funzjonijiet tan-netwerk u li jemenda r-Regolament (KE) Nru 2096/2005 li jistabbilixxi rekwiżiti komuni għall-forniment ta’ servizzi ta’ navigazzjoni bl-ajru (2), jistipula l-Indikaturi ta' Prestazzjoni Ewlenin (Key Performance Indicators (KPI) u miri vinkolanti dwar l-oqsma ta' prestazzjoni ewlenin tas-sikurezza, l-ambjent, il-kapaċità u l-kost-effiċjenza.

    (2)

    L-iffisar tal-miri tal-indikaturi ta' prestazzjoni ewlenin tas-sikurezza għall-blokk nazzjonali jew funzjonali tal-ispazju tal-ajru (functional airspace block - FAB) stabbilita fl-Anness 1 għar-Regolament (UE) nru 691/2010, jinkludi: l-effikaċja tal-ġestjoni tas-sikurezza kif imkejla b'metodoloġija bbażata fuq il-Qafas tal-Istħarriġ tal-Maturità tas-Sikurezza tal-ATM; l-applikazzjoni tal-klassifikazzjoni tal-gravità tal-Għodda għall-Analiżi tar-Riskju li tippermetti rapportar armonizzat tal-evalwazzjoni tal-gravità tal-Ksur Minimu tas-Separazzjoni, tal-Inkursjonijiet fuq ir-Runway u tal-Avvenimenti Tekniċi Speċifiċi tal-ATM; u r-rapportar ta' kultura ġusta.

    (3)

    Skont l-Anness 1 għar-Regolament (UE) Nru 691/2010, dawk il-KPIs tas-sikurezza għandhom ikunu żviluppati aktar flimkien mal-Kummissjoni, l-Istati Membri, l-Aġenzija Ewropea tas-Sigurtà tal-Avjazzjoni (EASA) u l-Organizzazzjoni għas-Sikurezza tan-Navigazzjoni bl-Ajru (Eurocontrol), u għandhom ikunu adottati mill-Kummissjoni qabel l-ewwel perjodu ta' referenza.

    (4)

    Għal dan l-għan, il-Kummissjoni waqqfet Grupp ta' Ħidma li jikkonsisti minn rappreżentanti tal-EASA, tal-Eurocontrol u tal-Kummissjoni (magħrufa bħala l-“E3-Task Force”). Dak il-grupp ta' ħidma pproduċa rapport tekniku intitolat “Metrics for Safety Key Performance Indicators for the Performance Scheme” (Metrika għall-Indikaturi ta' Prestazzjoni Ewlenin tas-Sikurezza għall-Iskema ta' Prestazzjoni) Dak ir-rapport kien żviluppat iktar abbażi tal-kummenti li waslu mill-Istati Membri u mill-partijiet konċernati u jikkostitwixxi l-kunċett tekniku għal dan ir-Regolament u għall-Mezzi Aċċettabbli ta' Konformità (Acceptable Means of Compliance - AMC) u l-Materjal ta' Gwida (Guidance Material - GM) assoċjati tiegħu.

    (5)

    Xogħol li diġà sar fir-rigward ta' inizjattivi oħra bħall-Pjan ta' Azzjoni tas-Sikurezza tal-EASA u l-Istrument għall-Analiżi tar-Riskju u l-Qafas tal-Istħarriġ ta' Maturità ta' Sikurezza tal-Eurocontrol għandhom ikunu kkunsidrati fl-iżvilupp tal-KPIs tas-sikurezza.

    (6)

    L-esperjenza miksuba mill-implimentazzjoni gradwali tal-iskema ta' prestazzjoni turi li ż-żmien allokat għall-Kummissjoni għall-valutazzjoni tal-miri ta' prestazzjoni riveduti għandhom jiżdiedu fid-dawl tax-xogħol iġġenerat mill-valutazzjoni ddettaljata tal-pjanijiet ta' prestazzjoni u sabiex isir id-djalogu neċessarju mal-awtoritajiet superviżorji nazzjonali u biex tkun żgurata ġustifikazzjoni xierqa tar-riżultati tal-valutazzjoni.

    (7)

    Għaldaqstant, ir-Regolament (UE) Nru 691/2010 għandu jiġi emendat skont dan.

    (8)

    Il-miżuri stipulati f’dan ir-Regolament huma skont l-opinjoni tal-Kumitat dwar Ajru Uniku,

    ADOTTAT DAN IR-REGOLAMENT:

    Artikolu 1

    Ir-Regolament (KE) Nru 691/201 huwa emendat kif ġej:

    (1)

    L-Artikolu 14 huwa emendat kif ġej:

    (a)

    Fil-paragrafu 1, il-kelma “xahrejn” hija sostitwita b' “erba' xhur”;

    (b)

    Fil-paragrafu 2, il-kelma “xahrejn” hija sostitwita b' “erba' xhur”;

    (c)

    Fil-paragrafu 3, il-kelma “xahrejn” hija sostitwita b' “erba' xhur”;

    (2)

    F'Anness I, il-punt 1 tat-Taqsima 2 huwa sostitwit b'dan li ġej:

    “1.   INDIKATURI TA’ PRESTAZZJONI EWLENIN TAS-SIKUREZZA

    (a)

    		 L-ewwel KPI tas-sikurezza nazzjonali/tal-FAB għall-ewwel perjodu ta' referenza għandu jkun l-effikaċja tal-ġestjoni tas-sikurezza kif imkejla b’metodoloġija bbażata fuq il-Qafas tal-Istħarriġ tal-Maturità tas-Sikurezza tal-ATM.

    Fir-rigward tal-Istati Membri u l-awtoritajiet superviżorji nazzjonali tagħhom u l-fornituri tas-servizzi ta' navigazzjoni bl-ajru, iċċertifikati biex jipprovdu servizzi tat-traffiku tal-ajru, jew servizzi ta' komunikazzjoni, navigazzjoni u sorveljanza, dan il-KPI għandu jkun imkejjel bil-livell ta' implimentazzjoni tal-Objettivi ta' Ġestjoni li ġejjin:

    —

    Politika u objettivi tas-sikurezza;

    —

    Ġestjoni tar-riskju tas-sikurezza;

    —

    Assigurazzjoni tas-sikurezza;

    —

    Promozzjoni tas-sikurezza;

    —

    Kultura tas-Sikurezza.

    (b)

    		 It-tieni KPI tas-sikurezza nazzjonali/FAB għall-ewwel perjodu ta' referenza għandu jkun l-applikazzjoni tal-klassifikazzjoni tal-gravità li tidher hawn taħt ibbażata fuq il-metodoloġija tal-Għodda għall-Analiżi tar-Riskju, għar-rapportar ta', bħala minimu, tliet kategoriji ta' okkorrenzi: il-Ksur Minimu tas-Separazzjoni, l-Inkursjonijiet fuq ir-Runway u l-Avvenimenti Tekniċi Speċifiċi tal-ATM fiċ-Ċentri ta' Kontroll tat-Traffiku tal-Ajru kollha u fl-ajruporti. L-Istati Membri jistgħu jiddeċiedu li ma japplikawx il-metodu f’ajruporti b’inqas minn 50 000 moviment kummerċjali tat-trasport tal-ajru fis-sena.

    Meta jirrapportaw l-okkorrenzi ta' hawn fuq, l-Istati Membri u l-fornituri tas-servizzi tan-navigazzjoni tal-ajru għandhom jużaw il-klassifikazzjoniijiet gravità li ġejjin:

    —

    Inċident serju.

    —

    Inċident kbir

    —

    Inċident sinifikanti

    —

    L-ebda effett fuq is-sikurezza

    —

    Mhux determinat Pereżempju informazzjoni insuffiċjenti disponibbli, jew evidenza inkonklussiva jew konflinġenti pprekludiet din id-determinazzjoni.

    Ir-rapportar dwar l-applikazzjoni tal-metodu għandu jsir għal okkorrenzi individwali.

    (c)

    		 It-tielet KPI tas-sikurezza nazzjonali/FAB għall-ewwel perjodu ta' referenza għandu jkun ir-rapportar mill-Istati Membri u l-fornituri tas-servizz tan-navigazzjoni tal-ajru tagħhom permezz ta' kwestjonarju stabbilit skont il-paragrafu (e), li jkejjel il-livell ta' preżenza u l-livell korrispondenti ta' nuqqas ta' kultura ġusta.

    (d)

    		 Matul l-ewwel perjodu ta' referenza, mhu se jkun hemm l-ebda mira ta' prestazzjoni tas-sikurezza għall-UE kollha. Madankollu, l-Istati Membri jistgħu jistabbilixxu miri korrispondenti għal dawn il-KPIs tas-sikurezza.

    (e)

    		 Sabiex ikunu ffaċilitati l-implimentazzjoni u l-kejl tal-KPIs tas-sikurezza, EASA – f'konsultazzjoni mal-Korp ta' Analiżi tal-Prestazzjoni – għandha tadotta qabel il-bidu tal-ewwel perjodu ta' referenza mezzi aċċettabbli ta' konformità u materjal ta' gwida f'konformità mal-proċedura adottata skont l-Artikolu 52 tar-Regolament (KE) Nru 216/2008.

    (f)

    		 Il-Eurocontrol għandu jipprovdi b'mod puntwali, l-informazzjoni meħtieġa għall-iżvilupp tad-dokumenti msemmija fil-punt (e), inkluża mill-inqas l-ispeċifikazzjoni tal-metodoloġija tal-Għodda għall-Analiżi tar-Riskju u l-iżvilupp ulterjuri tagħha u d-dettalji tal-metodoloġija tal-Qafas tal-Istħarriġ tal-Maturità tas-Sikurezza u l-fatturi ta' kejl tiegħu.

    (g)

    		 Il-kejl annwali tal-KPIs imsemmi fil-punti (a) u (c) (kwestjonarji dwar l-effettività tal-ġestjoni tas-sikurezza u l-kultura ġusta) minn awtoritajiet superviżorji nazzjonali u fornituri tas-servizzi tan-navigazzjoni bl-ajru għandhom ikunu rrapportati lill-EASA għas-sena preċedenti mill-awtoritajiet superviżorji nazzjonali qabel l-1 ta' Frar ta' kull sena. Dan il-kejl annwali għandu jintuża bħala kontribut għall-funzjonijiet ta' monitoraġġ deskritti fil-punti (h) u (i). L-awtoritajiet superviżorji nazzjonali għandhom jippreżentaw kwalunkwe bidla li sseħħ fil-kejl annwali tal-KPIs qabel ma jkun ippreżentat ir-rapport annwali ta' wara.

    (h)

    		 L-awtoritajiet superviżorji nazzjonali għandhom jimmonitorjaw l-implimentazzjoni u l-kejl tal-KPIs tas-sikurezza mill-fornituri tas-servizzi tan-navigazzjoni bl-ajru, skont il-proċeduri għas-sorveljanza tas-sikurezza stabbiliti bir-Regolament ta' Implimentazzjoni tal-Kummissjoni (UE) Nru 1034/2011 (*1).

    (i)

    		 Fil-kuntest tal-ispezzjonijiet ta' standardizzazzjoni tagħha, l-EASA għandha timmonitorja l-implimentazzjoni u l-kejl tal-KPIs tas-sikurezza mill-awtoritajiet superviżorji nazzjonali skont il-metodi ta' ħidma msemmija fl-Artikolu 24 tar-Regolament (KE) Nru 216/2008. L-EASA għandha tinforma lill-Korp ta' Analiżi tal-Prestazzjoni bl-eżitu ta' dawn l-ispezzjonijiet.

    (*1)   ĠU L 271, 18.10.2011, p. 15.” "

    Artikolu 2

    Dan ir-Regolament għandu jidħol fis-seħħ fl-għoxrin (20) jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-24 ta’ Novembru 2011.

    Għall-Kummissjoni

    Il-President

    José Manuel BARROSO

    (1)   ĠU L 96, 31.3.2004, p. 1.

    (2)   ĠU L 201, 3.8.2010, p. 1.

    Top