This document is an excerpt from the EUR-Lex website
Document 32010R0157
Implementing Regulation of the Council (EU) No 157/2010 of 22 February 2010 imposing a definitive anti-dumping duty on imports of certain ring binder mechanisms originating in the People’s Republic of China following an expiry review pursuant to Article 11(2) of Regulation (EC) No 384/96
Regolament ta’ implimentazzjoni tal-Kunsill (UE) Nru 157/2010 tat- 22 ta’ Frar 2010 li jimponi dazju anti-dumping definittiv fuq importazzjonijiet ta’ ċerti ligaturi li jaħdmu b’mekkaniżmu ta’ ċrieki li joriġinaw fir-Repubblika Popolri taċ-Ċina wara reviżjoni ta’ skadenza skont l-Artikolu 11(2) tar-Regolament (KE) Nru 384/96
Regolament ta’ implimentazzjoni tal-Kunsill (UE) Nru 157/2010 tat- 22 ta’ Frar 2010 li jimponi dazju anti-dumping definittiv fuq importazzjonijiet ta’ ċerti ligaturi li jaħdmu b’mekkaniżmu ta’ ċrieki li joriġinaw fir-Repubblika Popolri taċ-Ċina wara reviżjoni ta’ skadenza skont l-Artikolu 11(2) tar-Regolament (KE) Nru 384/96
ĠU L 49, 26.2.2010, p. 1–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Corrected by | 32010R0157R(01) | (ET) |
26.2.2010 |
MT |
Il-Ġurnal Uffiċjali tal-Unjoni Ewropea |
L 49/1 |
REGOLAMENT TA’ IMPLIMENTAZZJONI TAL-KUNSILL (UE) Nru 157/2010
tat-22 ta’ Frar 2010
li jimponi dazju anti-dumping definittiv fuq importazzjonijiet ta’ ċerti ligaturi li jaħdmu b’mekkaniżmu ta’ ċrieki li joriġinaw fir-Repubblika Popolri taċ-Ċina wara reviżjoni ta’ skadenza skont l-Artikolu 11(2) tar-Regolament (KE) Nru 384/96
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembruu 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità (1), li jħassar ir-Regolament tal-Kunsill (KE) Nru 384/96 tat-22 ta’ Diċembru 1995 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (2) (“ir-Regolament bażiku”) u b’mod partikolari l-Artikolu 11(2) tar-Regolament (KE) 1225/2009,
Wara li kkunsidra l-proposta ppreżentata mill-Kummissjoni Ewropea (“il-Kummissjoni”) wara li ġie kkonsultat il-Kumitat Konsultattiv,
Billi:
A. PROĊEDURA
1. Miżuri fis-seħħ
(1) |
Bir-Regolament (KE) Nru 119/97 (3), il-Kunsill impona dazji anti-dumping definittivi li jvarjaw minn 32,5 % għal 39,4 % fuq importazzjonijiet ta’ ċerti ligaturi li jaħdmu b’mekkaniżmu ta’ ċrieki (“ligaturi”) li joriġinaw mir-Repubblika Popolari taċ-Ċina (RPĊ). Dawn ir-rati ta’ dazju kienu applikabbli fuq il-ligaturi minbarra dawk li għandhom 17 jew 23 ċirku, waqt li l-ligaturi bi 17 u 23 ċirku kienu soġġetti għal dazju ugwali għad-differenza bejn il-prezz minimu ta’ importazzjoni (PMI ta’ EUR 325 għal kull 1 000 biċċa u l-prezz liberu fil-fruntiera tal-Unjoni li m’għaddiex mid-dwana kull meta dan tal-aħħar kien ikun anqas mill-PMI). |
(2) |
Bir-Regolament (KE) Nru 2100/2000 (4), il-Kunsill emenda u żied id-dazji msemmija hawn fuq għal ċerti ligaturi minbarra dawk li għandhom 17 jew 23 ċirku, wara investigazzjoni ta’ reviżjoni skont l-Artikolu 12 tar-Regolament bażiku. Id-dazji emendati varjaw minn 51,2 % sa 78,8 %. |
(3) |
Wara talba minn żewġ produtturi tal-Unjoni reviżjoni ta’ skadenza skont l-Artikolu 11(2) tar-Regolament bażiku nbdiet f’Jannar 2002 (5) u, bir-Regolament (KE) Nru 2074/2004 (6) il-Kunsill estenda l-miżuri anti-dumping eżistenti għal erba’ snin. |
(4) |
Wara investigazzjoni ta’ kontra l-evażjoni skont l-Artikolu 13 tar-Regolament bażiku, bir-Regolament (KE) Nru 1208/2004 (7), il-Kunsill estenda l-miżuri anti-dumping definittivi għal importazzjonijiet ta’ ċerti ligaturi kkunsinnati mill-Vjetnam, kemm jekk huma ddikjarati li joriġinaw mill-Vjetnam jew le. |
(5) |
Wara investigazzjoni kontra l-evażjoni skont l-Artikolu 13 tar-Regolament bażiku, bir-Regolament (KE) Nru 1208/2006 (8), il-Kunsill estenda l-miżuri anti-dumping definittivi għal importazzjonijiet ta’ ċerti ligaturi kkunsinnati mir-Repubblika Demokratika Popolari tal-Laos, kemm jekk huma ddikjarati li joriġinaw mill-Vjetnam jew le. |
(6) |
Finalment, f’Awwissu 2008, bir-Regolament (KE) Nru 818/2008 (9), il-Kunsill estenda l-ambitu tal-miżuri għal ċerti ligaturi kemxejn modifikati minħabba li ġie stabbilit li l-miżuri kienu ġew evitati. |
2. Talba għal reviżjoni
(7) |
Wara l-pubblikazzjoni ta’ avviż dwar l-iskadenza imminenti tal-miżuri anti-dumping fis-seħħ kontra l-importazzjonijiet ta’ ċerti ligaturi li joriġinaw fir-RPĊ (10), il-Kummissjoni rċeviet, fl-4 ta’ Settembru 2008, talba għar-reviżjoni ta’ dawn il-miżuri skont l-Artikolu 11(2) tar-Regolament bażiku. |
(8) |
It-talba kienet ippreżentata mill-produttur tal-Unjoni Ring Alliance Ringbuchtechnik GmbH (“l-applikant”) li jirrappreżenta proporzjon prinċipali, f’dan il-każ ta’ aktar minn 50 %, tat-total tal-produzzjoni tal-Unjoni ta’ ċerti ligaturi li jaħdmu b’mekkaniżmu ta’ ċrieki. It-talba kienet imsejsa fuq ir-raġuni li l-iskadenza tal-miżuri x’aktarx li tirriżulta fi tkomplija jew rikorrenza ta’ dumping u ħsara lill-industrija tal-Unjoni. |
(9) |
Billi ġie ddeterminat, wara konsultazzjoni mal-Kumitat Konsultattiv, li teżisti biżżejjed evidenza biex jingħata bidu għal reviżjoni skont l-Artikolu 11(2) tar-Regolament bażiku, il-Kummissjoni bdiet reviżjoni (11). |
3. Investigazzjoni
(a) Proċedura
(10) |
Il-Kummissjoni avżat uffiċjalment lill-produtturi li jesportaw, lill-importaturi u lill-utenti magħrufa bħala kkonċernati, lir-rappreżentanti tal-pajjiż esportatur, lill-produttur tal-Unjoni applikant u lill-produttur tal-Unjoni l-ieħor magħruf dwar it-tnedija tar-reviżjoni tal-iskadenza. Il-partijiet interessati ngħataw l-opportunità li jagħmlu l-fehmiet tagħhom magħrufa bil-miktub u li jitolbu smigħ fil-limitu taż-żmien stabbilit fin-notifika tal-bidu. |
(11) |
Il-partijiet kollha li għamlu din it-talba fil-limitu msemmi hawn fuq u li urew li kien hemm raġunijiet partikolari għaliex huma għandhom jinstemgħu ngħataw l-opportunità li jinstemgħu. |
(12) |
Intbagħtu kwestjonarji lill-partijiet kollha li kienu avżati uffiċjalment bit-tnedija tar-reviżjoni u lil dawk li talbu kwestjonarju fil-limitu ta’ żmien stipulat fl-avviż ta’ tnedija. Barra minn hekk, produttur wieħed fit-Tajlandja (il-pajjiż analogu maħsub) ġie kkuntattjat u rċieva kwestjonarju. |
(13) |
Tweġibiet għall-kwestjonarji waslu minn produttur esportatur wieħed fir-RPĊ li ma esportax ligaturi lill-Unjoni Ewropea (“UE”) u l-kumpanija relatata tagħha fit-Tajlandja, il-produttur applikant tal-Unjoni, tliet importaturi mhux relatati u utent wieħed relatat mal-kwerelant. Il-produttur l-ieħor tal-Unjoni ma kkooperax f’din l-investigazzjoni u importatur wieħed mhux relatat ressaq biss kummenti. |
(14) |
Il-partijiet kollha kkonċernati ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom kien hemm ħsieb li tiġi rrakkomandata l-impożizzjoni ta’ miżuri anti-dumping definittivi. Ingħataw perijodu ta’ żmien li fih setgħu jagħmlu rappreżentazzjonijiet sussegwentement għall-espożizzjoni tal-fatti. Il-kummenti tal-partijiet ġew ikkunsidrati, u, fejn xieraq, is-sejbiet ġew modifikati kif meħtieġ. |
(b) Partijiet interessati u żjarat ta’ verifika
(15) |
Is-servizzi tal-Kummissjoni fittxew u vverifikaw l-informazzjoni kollha meħtieġa neċessarja għall-iskop tad-determinazzjoni tal-probabbiltà ta’ kontinwazzjoni jew rikorrenza tad-dumping u d-dannu u tal-interess tal-UE. Iż-żjarat ta’ verifika twettqu fil-postijiet tal-kumpaniji li ġejjin:
|
(c) Perijodu tal-investigazzjoni
(16) |
L-investigazzjoni tal-kontinwazzjoni jew tar-rikorrenza tad-dumping kopriet il-perijodu mill-1 ta’ Ottubru 2007 sat-30 ta’ Settembru 2008 (“il-perijodu tal-investigazzjoni tar-reviżjoni” jew il-“PIR”). L-eżaminar tat-tendenzi rilevanti għall-verifika tal-probabbiltà ta’ kontinwazzjoni jew rikorrenza tad-dannu kopriet il-perijodu li jibda fl-1 ta’ Jannar 2005 u jibqa’ sejjer sal-aħħar tal-PIR (“perijodu kkunsidrat”). |
B. PRODOTT IKKONĊERNAT U PRODOTT SIMILI
1. Prodott ikkonċernat
(17) |
Il-prodott ikkonċernat hu l-istess kif iddefinit fir-Regolament tal-Kunsill (KE) Nru 2074/2004 jiġifieri ċerti ligaturi li jaħdmu b’mekkaniżmu ta’ ċrieki li jikkonsistu f’żewġ pjanċi tal-metall jew wajers b’mill-inqas erba’ nofs ċrieki magħmulin minn wajer tal-azzar imwaħħlin fuqhom u li huma miżmuma flimkien b’għatu tal-azzar. Dawn jistgħu jinfetħu jew billi jinġibed in-nofs taċ-ċrieki jew b’mekkaniżmu żgħir tal-azzar li jaħdem b’reazzjoni mwaħħal mal-ligaturi li jaħdmu b’mekkaniżmu ta’ ċrieki. Iċ-ċrieki jista’ jkollhom forom differenti; l-aktar komuni huma tondi jew f’forma ta’ D (“il-prodott ikkonċernat”). Bħalissal-ligaturi jaqgħu taħt il-kodiċi NM ex 8305 10 00. Il-mekkaniżmi tat-tip lever-arch (“LAM”) ikklassifikati taħt l-istess kodiċi NM ma ġewx inklużi fl-ambitu tal-prodott ikkonċernat. |
(18) |
Il-ligaturi jintużaw sabiex ikun hemm preżentazzjoni tal-karti tal-fajls tal-uffiċċju, tal-kartun jew miksijin bil-plastik, u fajls oħra illegati. |
(19) |
Matul il-PIR inbiegħet kwantità kbira ta’ tipi differenti ta’ ligaturi fl-UE. Id-differenzi bejn dawn it-tipi kienu jikkonsistu fil-wisa’ tal-bażi, fit-tip tal-mekkaniżmu, fin-numru taċ-ċrieki, fis-sistema ta’ ftuħ, fil-kapaċità nominali ta’ kemm jieħdu karti, fid-dijametru taċ-ċrieki, fil-forma taċ-ċrieki, fit-tul u fl-ispazju bejn iċ-ċrieki. Billi t-tipi kollha għandhom l-istess karatteristiċi fiżiċi u tekniċi bażiċi u, f’ċerti limiti, huma interkambjabbli, ġie stabbilit li l-ligaturi kollha jikkonsistu fi prodott wieħed għall-finijiet tal-proċediment attwali. |
2. Prodott simili
(20) |
Instab ukoll li ma kien hemm l-ebda differenza fil-karatteristiċi fiżiċi u tekniċi bażiċi u fl-użu bejn il-ligaturi prodotti fir-RPĊ u l-ligaturi prodotti mill-industrija tal-Unjoni u mibjugħa fis-suq tal-UE. |
(21) |
Għaldaqstant ġie konkluż li l-ligaturi li joriġinaw mir-RPĊ u l-ligaturi magħmula u mibjugħa mill-industrija tal-Unjoni fis-suq tal-UE kienu kollha prodotti simili fit-tifsira tal-Artikolu 1(4) tar-Regolament bażiku. |
C. PROBABBILTÀ TA’ KONTINWAZZJONI JEW RIKORRENZA TAD -DUMPING
(22) |
Skont l-Artikolu 11(2) tar-Regolament bażiku, ġie eżaminat jekk huwiex probabbli li l-iskadenza tal-miżuri eżistenti hijiex ser twassal gћal kontinwazzjoni jew gћal rikorrenza tad-dumping. |
1. Rimarki preliminari
(23) |
L-ebda produttur Ċiniż li jesporta l-ligaturi lill-UE ma kkoopera mal-investigazzjoni. Mill-erba’ kumpaniji Ċiniżi msemmija fit-talba, waħda biss ikkooperat, kif ukoll il-kumpanija relatata tagħha bbażata fit-Tajlandja. It-tliet kumpaniji esportaturi l-oħra ma weġbux għall-kwestjonarju. L-uniku produttur Ċiniż li kkoopera ma esportax il-prodott ikkonċernat lill-UE iżda għamel esportazzjonijiet tal-prodott ikkonċernat lil swieq oħra ta’ pajjiżi terzi. Fin-nuqqas ta’ kooperazzjoni ta’ kwalunkwe produttur esportatur Ċiniż tal-ligaturi lill-UE waqt il-PRI, riżultati fir-rigward tad-dumping kellhom ikunu bbażati fuq informazzjoni disponibbli lill-Kummissjoni minn sorsi oħra f’konformità mad-dispożizzjonijiet tal-Artikolu 18 tar-Regolament bażiku. F’dan il-każ ġie meqjus li l-aktar informazzjoni raġonevoli u xierqa kienet l-informazzjoni li ngħatat mill-Eurostat b’rabta mal-esportazzjonijiet. Fejn prattiku u b’qies dovut għal-limiti taż-żmien tal-investigazzjoni, din l-informazzjoni kienet verifikata b’referenza għall-informazzjoni mill-uniku produttur Ċiniż li kkoopera mal-investigazzjoni attwali iżda li ma esportax ligaturi lill-UE u lill-istatistika tal-esportazzjoni Ċiniża. Minkejja dan, billi ġie meqjus il-fatt li ebda data speċifika ta’ kumpaniji fir-rigward ta’ kwantitajiet u volumi ma teżisti mill-produtturi esportaturi Ċiniżi, l-istatistika tal-Eurostat xorta waħda għadha titqies bħala l-unika stima disponibbli tal-esportazzjonijiet Ċiniżi lill-UE, anki jekk il-livell assolut ta’ prezzijiet mogħti mill-Eurostat jidher għoli ħafna meta mqabbel ma’ prezzijiet ta’ importazzjoni rrappurtati mill-istatistika tal-esportazzjoni Ċiniża u ċ-ċifri tal-Eurostat mogħtija għal pajjiżi terzi oħra. |
2. Tkomplija ta’ dumping
(a) Pajjiż analogu
(24) |
Billi r-RPĊ hija ekonomija fi tranżizzjoni u f’konformità mad-dispożizzjonijiet tal-Artikolu 2(7)(a) tar-Regolament bażiku, il-valur normali kellu jiġi ddeterminat abbażi tal-prezz jew tal-valur normali kostrutt miksub f’pajjiż terz b’suq ta’ ekonomija xierqa (“il-pajjiż analogu”), jew il-prezz mill-pajjiż analogu għal pajjiżi oħra, inkluża l-Unjoni, jew fejn dawn mhumiex possibbli fuq kwalunkwe bażi oħra raġonevoli, inkluż il-prezz imħallas attwalment jew li għandu jitħallas fl-Unjoni għall-prodott simili, aġġustat b’mod xieraq jekk meħtieġ biex jinkludi marġini ta’ profitt raġonevoli. |
(25) |
Fl-investigazzjoni ta’ qabel, l-Indja kien il-pajjiż li ntgħażel bħala l-pajjiż analogu. F’dan ir-rigward huwa nnotat li l-Kummissjoni infurmat l-uniku produttur Indjan li kkoopera fl-investigazzjoni ta’ qabel dwar it-tnedija tal-proċediment attwali iżda l-parti rilevanti rrifjuta li jikkoopera. Fit-talba għar-reviżjoni tal-iskadenza, it-Tajlandja ġie ssuġġerit bħala pajjiż analogu għall-iskop li jiġi stabbilit valur normali. Din l-għażla ġiet ikkontestata minn ċerti partijiet involuti fil-proċediment li ddikjaraw li l-Indja kellha tintuża bħala pajjiż analogu xieraq. |
(26) |
Fir-rigward tat-Tajlandja produttur wieħed Tajlandiż qabel li jikkoopera. Għaldaqstant il-Kummissjoni eżaminat il-possibbiltà tal-użu ta’ data miksuba mit-Tajlandja għall-iskop tat-twaqqif ta’ valur normali għar-RPĊ. F’dan ir-rigward għandu jiġi nnotat li ma kien hemm ebda bejgħ domestiku tal-prodott ikkonċernat fit-Tajlandja. Għalhekk, kwalunkwe determinazzjoni ta’ valur normali fit-Tajlandja trid issir abbażi tal-Artikolu 2(6)(c). |
(27) |
Barra minn hekk, it-tqabbil tal-livell tal-prezz medju ta’ esportazzjoni tal-prodott ikkonċernat meta jiġi esportat mit-Tajlandja u l-prezz medju ta’ esportazzjoni tal-prodott ikkonċernat mir-RPĊ kif ipprovdut mill-Eurostat wera li l-prezzijiet Ċiniżi kienu ogħla mill-prezzijiet Tajlandiżi. F’dan ir-rigward għandu jiġi nnotat li hemm firxa sinifikanti ta’ tipi differenti tal-prodott li huma koperti mill-prodott ikkonċernat u l-prezzijiet jistgħu jvarjaw skont it-tip ta’ prodott. Minħabba n-nuqqas ta’ kooperazzjoni mill-produtturi esportaturi tar-RPĊ, il-kompożizzjoni eżatta tal-bejgħ tal-esportazzjoni tagħhom lill-UE ma setgħetx tiġi stabbilita u mqabbla mat-taħlita tal-prodott tal-produtturi esportaturi Tajlandiżi. Konsegwentement, minħabba li ma kienx hemm indikazzjonijiet li d-differenza sinifikanti fil-prezzijiet tal-esportazzjoni tista’ tiġi attribwita ma’ kwalunkwe fattur ieħor, ġie konkluż li hemm differenza fit-taħlita tal-prodott ta’ ligaturi esportati lejn l-UE mill-produtturi esportaturi Ċiniżi u dawk Tajlandiżi. Fil-fatt abbażi tad-differenzi fil-prezzijiet tal-esportazzjoni għat-Tajlandja u r-RPĊ lejn l-Unjoni Ewropea, ġie konkluż, bl-użu tal-aħjar data disponibbli, li l-esportazzjonijiet mir-RPĊ ikopru tipi ta’ prodotti ħafna aktar għoljin, tipi ta’ prodotti elaborati u li wkoll għal din ir-raġuni ma jkunx xieraq li tintuża data mit-Tajlandja biex jiġi stabbilit valur normali għar-RPĊ. |
(28) |
Barra minn dan, il-kumpanija Tajlandiża kienet relatata mal-uniku produttur Ċiniż tal-ligaturi li kkoopera. Il-Kummissjoni investigat jekk il-fatt li ż-żewġ kumpaniji kienu relatati setax kellu impatt fuq id-determinazzjoni tal-valur normali. F’dan ir-rigward għandu jitfakkar li l-investigazzjonijiet ta’ qabel (jiġifieri ż-żewġ investigazzjonijiet kontra l-evażjoni) urew li l-kumpanija Tajlandiża ġiet stabbilita bħala reazzjoni ta’ negozju ta’ produttur Ċiniż għall-impożizzjoni ta’ miżuri anti-dumping għall-prodott ikkonċernat. L-istess konklużjoni hi kkonfermata mill-investigazzjoni attwali kif spjegat fid-detall fil-premessa (38). Meta ġiet meqjusa din il-konnessjoni stabbilita tajjeb bejn il-produttur Ċiniż u dak Tajlandiż kien meqjus bħala xieraq li ma tintużax l-informazzjoni mressqa mill-unika kumpanija li kkooperat fil-pajjiż analogu propost. Għalhekk, billi tqiesu l-fatturi kollha ta’ hawn fuq u skont l-Artikolu 2(7)(a) tar-Regolament bażiku, it-Tajlandja ma kienx ikkunsidrat bħala pajjiż analogu adattat sabiex jiġi stabbilit il-valur normali. |
(29) |
Meta tqiesu l-fatti deskritti hawn fuq fir-rigward tat-Tajlandja, in-nuqqas ta’ kwalunkwe kooperazzjoni mill-pajjiż analogu li ntuża qabel (l-Indja) kif ukoll il-fatt li ebda kumpanija Ċiniża li esportat ligaturi lejn l-UE ma kkooperat mal-investigazzjoni, kien meqjus bħala xieraq li l-valur normali jkun ibbażat fuq kwalunkwe bażi oħra raġonevoli, jiġifieri l-prezzijiet li fil-fatt tħallsu jew li jridu jitħallsu fl-Unjoni għall-prodott simili. |
(b) Valur normali
(30) |
Fid-dawl tal-fatti deskritti hawn fuq, ġie deċiż li d-determinazzjoni għall-valur normali tiġi bbażata fuq il-prezzijiet tal-industrija tal-Unjoni f’konformità mad-dispożizzjonijiet tal-Artikolu 2(7)(a) tar-Regolament bażiku, jiġifieri abbażi tal-prezzijiet fil-fatt imħallsa jew li jridu jitħallsu lill-Unjoni għall-prodott simili. Il-valur normali ġie għalhekk ikkalkulat abbażi ta’ data verifikata fuq il-post tal-produttur applikant tal-Unjoni. Instab li l-bejgħ domestiku ta’ dan il-produttur tal-prodott simili kien rappreżentattiv meta mqabbel mal-prodott ikkonċernat li ġie esportat lejn l-UE mir-RPĊ. Hekk kif il-prezzijiet tal-bejgħ tal-industrija tal-Unjoni kienu qed jagħmlu t-telf, huma ġew imbagħad aġġustati dovutament sabiex jinkludu marġini ta’ profitt raġonevoli, kif previst skont l-Artikolu 2(7)(a) tar-Regolament bażiku. F’dan ir-rigward intuża marġini ta’ profitt raġonevoli ta’ 5 % li hu meqjus raġonevoli għal din it-tip ta’ attività ta’ negozju. |
(c) Prezz tal-esportazzjoni
(31) |
Skont l-Artikolu 18 tar-Regolament bażiku, u fin-nuqqas tal-kooperazzjoni minn produtturi esportaturi Ċiniżi, il-prezz tal-esportazzjoni ġie kkalkulat billi ntużat id-data tal-Eurostat. |
(d) Tqabbil
(32) |
It-tqabbil bejn il-valur normali u l-prezz tal-esportazzjoni sar fuq bażi ta’ kif kien joħroġ mill-fabbrika. Bl-għan li jiġi żgurat tqabbil ġust bejn il-valur normali u l-prezz tal-esportazzjoni, saru aġġustamenti dovuti għad-differenzi li jaffettwaw il-prezzijiet u t-tqabbil tal-prezzijiet skont l-Artikolu 2(10) tar-Regolament bażiku. Saru aġġustamenti fejn hu meħtieġ, għal differenzi fit-trasport, assigurazzjoni u spejjeż oħra marbuta mat-trasport. |
(e) Marġini tad-dumping
(33) |
Meta tqies li ntqal hawn fuq u n-nuqqas ta’ kwalunkwe informazzjoni oħra kredibbli għall-marġini ta’ dumping nazzjonali taċ-Ċina, ibbażat fuq tqabbil ikkalkulat medja ma’ medja u espress bħala perċentwali tas-CIF prezz bid-dazju mhux imħallas fuq il-fruntiera tal-UE, kien ikkalkulat u nstab li hu 20,7 %. |
(f) Konklużjoni dwar id-dumping
(34) |
L-investigazzjoni waqqfet l-eżistenza tad-dumping waqt il-PIR. Din il-konklużjoni kienet ibbażata (i) minn naħa waħda fuq il-prezzijiet tal-esportazzjoni kif stabbiliti mill-Eurostat għal raġunijiet spjegati fil-premessa (23) u (ii) min-naħa l-oħra fuq il-valur normali ddeterminat abbażi tal-prezzijiet tal-industrija tal-Unjoni f’konformità mad-dispożizzjonijiet tal-Artikolu 2(7)(a) tar-Regolament bażiku għar-raġunijiet spjegati fil-premessi (24) sa (29). |
3. Rikorrenza tad-dumping
(35) |
Minbarra l-analiżi tal-eżistenza tad-dumping waqt il-PIR, il-probabbiltà tar-rikorrenza tad-dumping ġiet investigata. Fin-nuqqas ta’ kooperazzjoni minn produtturi esportaturi Ċiniżi għajr għall-kumpanija waħda li kellha esportazzjonijiet biss għal pajjiżi li mhumiex fl-UE, u minħabba n-nuqqas ta’ informazzjoni disponibbli pubblikament, il-konklużjonijiet ta’ hawn taħt joqogħdu l-aktar fuq il-fatti disponibbli f’konformità mal-Artikolu 18 tar-Regolament bażiku, jiġifieri d-data tal-Eurostat, data mill-unika kumpanija li tikkoopera, l-istatistika Ċiniża u t-talba ta’ reviżjoni. |
(36) |
F’dan ir-rigward, l-elementi li ġejjin ġew analizzati: (a) il-kapaċità produttiva inutilizzata u l-attitudni f’termini ta’ volumi u prezzijiet tal-produtturi esportaturi Ċiniżi u (b) l-attrazzjoni tas-suq tal-UE għall-esportaturi Ċiniżi f’termini ta’ prezzijiet u volum. |
(a) Kapaċità produttiva inutilizzata u attitudni tal-produtturi esportaturi Ċiniżi
(37) |
Ta’ min jiftakar li, fl-assenza ta’ kooperazzjoni min-naħa tal-produtturi esportaturi barra WHS, ma kienet disponibbli l-ebda informazzjoni dwar il-produzzjoni fir-RPĊ, il-kapaċità produttiva inutilizzata u l-bejgħ fis-suq Ċiniż, għajr il-produttur li kkoopera. |
(38) |
L-uniku produttur Ċiniż li jikkoopera naqqas il-kapaċità tal-produzzjoni tiegħu stess mill-2005 lill-PIR b’mod sinifikanti (iċ-ċifra preċiża ma tistax tiġi żvelata għal raġunijiet ta’ kunfidenzjalità). Madankollu, dan il-produttur Ċiniż jista’ jerġa’ jespandi l-kapaċità tal-produzzjoni tiegħu. Fil-fatt dan in-nuqqas ta’ kapaċità tal-produzzjoni jista’ jitranġa mingħajr dewmien u sforz minħabba li l-produttur xorta għadu jippossjedi impjant industrijali vojt qrib dak operattiv. F’dak is-sit il-produttur Ċiniż jista’ jerġa’ jistabbilixxi f’qasir żmien, jiġifieri fi żmien sitt xhur, linja ta’ produzzjoni għal ligaturi li jużaw tagħmir eżistenti li attwalment tipprovdi ħtiġijiet oħra ta’ produzzjoni iżda tista’ terġa’ tiġi adattata sabiex iżżid il-produzzjoni tal-ligaturi ġenerali. F’dan ir-rigward għandu jiġi nnotat ukoll li dan il-produttur Ċiniż m’għandux bejgħ domestiku u ebda pjanijiet ovvji biex jibda bejgħ domestiku fil-futur qrib. Konsegwentament, dan il-produttur jista’ malajr iżid il-produzzjoni u jiddiriġiha lejn kwalunkwe suq ta’ esportazzjoni (inkluż is-suq tal-UE li miegħu attwalment dan ma jagħmilx bejgħ) jekk il-miżuri jitħallew jiskadu. Il-kumpanija kkonfermat ukoll li jekk il-miżuri anti-dumping jitħassru, dawn jagħlqu s-sit tal-produzzjoni tal-kumpanija Tajlandiża relatata tagħhom u jibagħtu lura l-produzzjoni kollha ta’ ligaturi lejn iċ-Ċina. Il-kumpanija li kkooperat ma żammitx livell għoli ta’ investimenti, xi ħaġa li tispjega ruħha faċilment meta wieħed iqis l-eżistenza tal-kumpanija Tajlandiża relatata tagħha, il-livell baxx ta’ investiment li ġeneralment ikun meħtieġ għal din it-tip ta’ attività ta’ manifattura u tal-perijodu qasir ta’ żmien biex il-makkinarju jinbidel fil-produzzjoni tal-ligaturi. |
(39) |
Fir-rigward tal-produtturi Ċiniżi li ma kkooperawx, ġie konkluż li għad hemm kapaċità produttiva inutilizzata fir-RPĊ. Dan hu bbażat fuq il-fatt li bejn wieħed u ieħor l-esportazzjonijiet Ċiniżi naqsu u ma hemmx informazzjoni li turi l-kapaċità fir-RPĊ naqset. Barra minn hekk, huwa nnotat li hemm żmien qasir ta’ tħejjija fl-adattabilità ta’ makkinarju u l-versatilità ġenerali ta’ tagħmir fl-industrija tal-ligaturi biex il-kapaċitajiet ikunu jistgħu jitranġaw faċilment sabiex ikun hemm żviluppi fis-suq tal-ligaturi. |
(40) |
Fir-rigward ta’ bejgħ minn esportazzjonijiet lill-pajjiżi terzi tal-uniku produttur Ċiniż li kkoopera ġiet ipprovduta biss informazzjoni parzjali li tissuġġerixxi li l-bejgħ żdied b’xi 10 % mill-2006 għall-PIR. Matul l-istess perijodu l-prezz medju ta’ esportazzjoni lill-pajjiżi terzi żdied b’0,7 %. |
(41) |
Fir-rigward tal-iżvilupp tal-esportazzjonijiet ġenerali Ċiniżi lejn pajjiżi oħrajn l-istatistika disponibbli Ċiniża ġiet ikkunsultata sabiex jiġu stabbiliti volumi u prezzijiet ta’ esportazzjonijiet Ċiniżi. Din id-data tikkonferma li kien hemm tnaqqis sinifikanti fil-ligaturi miċ-Ċina fil-perijodu bejn l-2004 u l-PIR. Skont l-istatistika Ċiniża, il-volum tal-ligaturi esportati fl-2004 kien ta’ 198 miljun biċċa, li naqas għal 89 miljun biċċa waqt il-PIR. Il-prezz medju tal-bejgħ min-naħa l-oħra, naqas b’mod drastiku matul il-perijodu 2004 sal-2007, biex laħaq biss il-livelli kemxejn inqas mill-2004 matul il-PIR. Il-fatt li l-volumi tal-esportazzjonijiet Ċiniżi tal-ligaturi rrappreżentaw biss 45 % tal-livell tagħhom tal-2004 matul il-PIR waqt li l-prezz medju ta’ esportazzjoni kien ta’ 7 % inqas mil-livell tiegħu tal-2004 matul il-PIR jikkonferma li hemm inċentiv b’saħħtu għall-produtturi Ċiniżi kollha, kemm dawk li kkooperaw mal-investigazzjoni jew le, biex imorru lura għall-prestazzjonijiet ta’ esportazzjoni miksuba tagħhom meta tqies li l-kapaċitajiet disponibbli u t-tendenza tagħhom osservati fl-aħħar snin għal żieda fil-prezzijiet tal-esportazzjoni. F’dawn iċ-ċirkostanzi, huwa raġonevoli li wieħed jemmen li, jekk il-miżuri anti-dumping jitħallew jiskadu, is-suq tal-UE jsir mira attraenti ħafna għall-produtturi Ċiniżi kollha, li għalhekk jimmiraw li jesportaw lejn is-suq tal-UE fi kwantitajiet konsiderevoli. |
(b) Attrazzjoni tas-suq tal-UE
(42) |
Qabel l-impożizzjoni ta’ miżuri anti-dumping, l-UE kienet it-tieni l-aktar suq ta’ esportazzjoni sinifikanti għal-ligaturi għar-RPĊ f’termini ta’ volum ġenerali. Is-sehem tas-suq tar-RPĊ naqas b’mod kostanti wara li l-miżuri anti-dumping ġew imposti, estiżi wara żewġ investigazzjonijiet ta’ evażjoni u ġew riveduti fl-2008 biex ikabbru l-iskop tagħhom. L-ishma tas-suq baqgħu sostanzjalment stabbli matul il-perijodu kkunsidrat u naqas biss għal 3,2 % (– 0,4 %) matul il-PIR. Madankollu, id-daqs tas-suq tal-UE, it-tieni wieħed wara l-Istati Uniti tal-Amerika, u d-domanda konsegwenti tagħmel lill-UE mira importanti meta mqabbla ma’ swieq esportaturi Ċiniżi oħrajn. Il-preżenza Ċiniża tal-imgħoddi fis-suq tal-UE u l-importanza tas-suq tista’ tiġi kkunsidrata bħala indikazzjoni ċara li l-produtturi Ċiniżi fil-futur jipprovaw jerġgħu jiksbu l-ishma tas-suq fl-UE. |
(43) |
Barra minn hekk, hemm indikazzjonijiet ċari li l-partijiet fiċ-Ċina jsegwu mill-qrib l-investigazzjoni attwali u jikkunsidraw il-possibbiltà li jibdew jesportaw lejn l-UE. F’dan ir-rigward huwa nnotat li wara t-tnedija tal-proċediment il-Kummissjoni rċeviet mistoqsijiet minn produttur Ċiniż, mhux imsemmi fit-talba għar-reviżjoni ta’ skadenza, fejn qal li l-kumpanija ġiet stabbilita fl-2005, li tipproduċi ligaturi u li tippjana li tesporta l-ligaturi lill-UE mill-2009. Għall-ewwel il-kumpanija kkunsidrat il-possibbiltà li tikkoopera mal-proċediment iżda ma ppreżentatx it-tweġiba rilevanti tal-kwestjonarju. Li ntqal hawn fuq jikkonferma li l-UE tibqa’ suq mhux attraenti għall-produtturi Ċiniżi anki bil-miżuri anti-dumping eżistenti u għaldaqstant jekk il-miżuri jitħallew jiskadu l-inċentiv tagħhom li jibdew, iżidu jew jerġgħu jibdew jesportaw lejn l-UE jissaħħaħ b’mod sinifikanti. |
(44) |
L-importanza storika u l-attrazzjoni tal-UE bħala suq tal-ligaturi hija wkoll ikkonfermata mit-tentattivi persistenti tal-imgħoddi li jkun hemm evażjoni jew assorbiment tal-miżuri anti-dumping attwali. Minħabba li ġew imposti miżuri anti-dumping kontra r-RPĊ, kien hemm tentattivi kontinwi biex ikun hemm evażjoni jew assorbiment tagħhom mill-esportaturi Ċiniżi sabiex ikollhom aċċess għas-suq tal-UE. Huwa mfakkar li miżuri attwali żdiedu fis-sena 2000 bħala riżultat ta’ proċedura anti-dumping, estiżi għall-Vjetnam u l-Laos fl-2004 u l-2006 rispettivament bħala riżultat tal-eżistenza ta’ prattika ta’ evażjoni u emendati fl-2008 fir-rigward tad-definizzjoni tal-prodott ikkonċernat ukoll bħala riżultat ta’ prattika ta’ evażjoni permezz ta’ modifika żgħira tal-prodott. |
(45) |
Fir-rigward tal-prezzijiet, skont l-istatistika Ċiniża, il-prezz medju tal-esportazzjoni Ċiniża għal swieq ta’ pajjiż terz hu ogħla mill-prezz medju tal-esportazzjoni Ċiniża għall-UE iżda xorta sinifikament inqas mill-prezz medju tal-prezz Indjan u l-prezzijiet Tajlandiżi fis-suq tal-UE, jiġifieri l-kompetituri potenzjali diretti tagħhom. Id-data rilevanti tal-esportazzjoni Ċiniża tissuġġerixxi li l-produtturi Ċiniżi diġà għandhom pożizzjoni stabbilita sew f’ħafna mis-swieq l-oħra għall-kuntrarju tal-prestazzjoni attwali tagħhom tal-UE. Għaldaqstant huwa ċar li s-suq tal-UE jkun għażla finanzjalment attraenti għall-esportaturi Ċiniżi minħabba li dawn ikunu jistgħu jbiegħu bi prezzijiet ogħla fl-UE mingħajr ma jipperikolaw il-bejgħ tagħhom lill-bqija tad-dinja u xorta jegħlbu lill-kompetituri ewlenin tagħhom fl-UE billi jbiegħu bi prezzijiet li huma l-oġġett ta’ dumping. |
(c) Miżuri ta’ difiża fil-kummerċ applikati mill-pajjiżi terzi
(46) |
L-ebda pajjiż terz ma japplika miżuri kummerċjali kontra l-importazzjoni ta’ ligaturi fir-RPĊ. |
4. Konklużjoni
(47) |
L-investigazzjoni wriet li kemm il-produttur esportatur li jikkoopera u, wisq probabbli, anki ż-żewġ produtturi esportaturi Ċiniżi l-oħra għandhom kapaċità produttiva inutilizzata konsiderevoli fid-dawl tat-tnaqqis sinifikanti fl-esportazzjonijiet tagħhom mill-2004 sal-PIR. Dan wera wkoll li hemm interess kostanti mill-partijiet Ċiniżi biex jidħlu fis-suq tal-UE. Barra minn hekk, l-uniku produttur li kkoopera seta’ faċilment jibdel il-kapaċità tal-produzzjoni mit-Tajlandja lura għaċ-Ċina jekk jitħassru l-miżuri anti-dumping. |
(48) |
Fid-dawl tal-kapaċità produttiva inutilizzata tal-produtturi Ċiniżi u l-versatilità tal-makkinarju u t-tagħmir huwa probabbli li l-importazzjonijiet mir-RPĊ lejn is-suq tal-UE jerġgħu jibdew fi kwantitajiet sinifikanti jekk il-miżuri anti-dumping jitħallew jiskadu. Is-suq tal-UE bħalissa huwa l-uniku wieħed fid-dinja fejn jeżistu miżuri anti-dumping u l-fatti stabbiliti jissuġġerixxu li l-esportaturi Ċiniżi jimmiraw ċertament li jerġgħu jiksbu lura malajr kemm jista’ jkun l-ishma tas-suq tagħhom tal-imgħoddi billi jieħdu vantaġġ mill-adattabilità neċessarja tal-kapaċità. Il-konklużjoni ta’ hawn fuq hija msaħħa bil-fatt li dawn jistgħu jbiegħu bi prezzijiet li huma aktar baxxi minn dawk tal-kompetituri tagħhom kollha fis-suq tal-UE u diġà wrew li dawn għamlu hekk fil-PIR. |
(49) |
Abbażi ta’ dawn il-konklużjonijiet u avvenimenti, huwa probabbli li, f’każ li jerġgħu jibdew l-esportazzjonijiet mill-esportaturi Ċiniżi lejn l-UE, dawn l-esportazzjonijiet probabbilment isiru bi prezzijiet taħt il-valur normali. Konsegwentement, hu ddeterminat li, jekk il-miżuri eżistenti jitħassru, x’aktarx jerġa’ jkun hemm dumping miċ-Ċina. |
D. DEFINIZZJONI TAL-INDUSTRIJA TAL-UNJONI
(50) |
Matul il-PIR il-ligaturi ġew manifatturati fl-UE mill-produtturi li ġejjin:
|
(51) |
L-ewwel produttur huwa l-applikant u kkoopera fl-investigazzjoni. Il-produttur l-ieħor (iżgħar) tal-Unjoni ma kkooperax. L-investigazzjoni stabbilixxiet li l-applikant irrappreżenta aktar minn 50 % tal-produzzjoni totali tal-Unjoni ta’ ligaturi fil-PIR. Gћalhekk skont it-tifsira tal-Artikoli 4(1) u 5(4) tar-Regolament bażiku ġie kkunsidrat li dan il-produttur jirrappreżenta l-industrija tal-Unjoni. Minn hawn ‘il quddiem din hija msejħa “l-industrija tal-Unjoni”. L-applikant u s-sussidjarji tiegħu mhux relatat mal-produtturi esportaturi Ċiniżi. |
(52) |
Għandu jiġi nnotat li fl-imgħoddi, l-industrija tal-Unjoni kienet oriġinarjament magħmula minn żewġ produtturi differenti (Koloman Handler – Austria u Robert Krause – il-Ġermanja) li kienu fallew u ttieħdu minn grupp Awstrijak. Il-kumpaniji kienu suġġett għal ristrutturar sinifikanti u l-istruttura attwali “Ring Alliance Ringbuchtechnik GmbH” inħolqot fl-2003, jiġifieri madwar sentejn qabel il-perjodu kkunsidrat. Il-kwartieri ġenerali jinsabu fl-Awstrija filwaqt li l-produzzjoni ssir fl-Ungerija. |
E. QAGĦDA FIS-SUQ TAL-UE
1. Konsum fis-suq tal-UE
(53) |
Ir-risposti għall-kwestjonarju mill-produtturi tal-Unjoni li kkooperaw intużaw sabiex jiġi stabbilit il-bejgħ tal-ligaturi mill-industrija tal-Unjoni fis-suq tal-UE. Tagħrif ieħor disponibbli ntuża wkoll fil-kalkolu tal-bejgħ mill-produttur tal-Unjoni li mhuwiex inkluż fid-definizzjoni tal-industrija tal-Unjoni. |
(54) |
Data li tikkonċerna volumi ta’ importazzjoni nkisbet mill-istatistika tal-Eurostat, bl-eċċezzjoni ta’ importazzjonijiet mit-Tajlandja li nkisbu mit-tweġibiet għall-kwestjonarju li waslu fil-qafas ta’ proċediment anti-dumping parallel li jikkonċerna dak il-pajjiż. |
(55) |
Abbażi ta’ dan, il-konsum tal-UE ta’ ligaturi naqas b’4 % matul il-perijodu kkunsidrat minn madwar 170-180 miljun biċċa fl-2005 għal 165-175 miljun biċċa fil-PIR (12). |
2. Importazzjonijiet mill-pajjiż ikkonċernat
(a) Volum tal-importazzjonijiet u sehem tas-suq
|
2005 |
2006 |
2007 |
PIR |
Volum tal-importazzjoni |
100 |
49 |
41 |
43 |
Sehem mis-Suq (%) |
7,0 % |
3,8 % |
3,2 % |
3,2 % |
(56) |
Biex jiġu stabbiliti l-volumi totali ta’ importazzjoni tal-prodott ikkonċernat mir-RPĊ, tqies bħala xieraq li jiġu inklużi importazzjonijiet minn dawk il-pajjiżi li għalihom ġew estiżi l-miżuri tal-anti-dumping attwali skont l-Artikolu 13(3) tar-Regolament bażiku, jiġifieri l-Vjetnam u l-Laos (ara l-premessi 4 u 5 hawn fuq). Fil-fatt tqies li l-importazzjonijiet minn dawn il-pajjiżi kienu prodotti li joriġinaw fir-RPĊ. Fuq din il-bażi, ġie stabbilit li l-volum totali impurtat ta’ ligaturi mir-RPĊ naqas b’aktar minn 50 % matul il-perijodu kkunsidrat. Is-sehem tas-suq naqas bl-istess mod matul dan il-perijodu. Madankollu, wieħed għandu jinnota li dawn iċ-ċifri jinkludu importazzjonijiet ikkunsinnati mil-Laos fl-2005 biss, u dawn jirrappreżentaw nofs l-importazzjonijiet f’dik is-sena. Ta’ min jinnota li l-investigazzjoni kontra l-evażjoni li tikkonċerna l-importazzjonijiet ta’ ligaturikkunsinnati mil-Laos infetħet f’April 2005. |
(57) |
Is-sehem tas-suq tar-RPĊ niżel minn 7,0 % għal 3,8 % fl-2006 u baqa’ stabbli minn dak iż-żmien (madwar 3 %). Huwa nnotat li, fil-qafas tar-reviżjoni ta’ skadenza ta’ qabel, l-ishma tas-suq tar-RPĊ naqas minn 14,8 % fl-1998 għal 1,9 % fl-2001, jiġifieri s-sehem tas-suq tal-ligaturi Ċiniż issa huwa ogħla milli fl-aħħar tal-perijodu eżaminat għar-reviżjoni ta’ skadenza ta’ qabel. |
(b) Prezz tal-importazzjonijiet tal-prodott ikkonċernat/tnaqqis
(58) |
Mit-tliet importaturi li kkooperaw kien hemm ligatur impurtat wieħed biss mir-RPĊ matul il-PIR. Dawn l-importazzjonijiet kienu żgħar ħafna meta mqabbla mal-importazzjonijiet ġenerali mir-RPĊ u kkonsistew minn mekkaniżmi bi 17 u 23 ċirku soġġetti għal prezz minimu ta’ importazzjoni. Għaldaqstant dawn ma setgħux jintużaw bħala bażi rappreżentattiva. Skont l-istatistika tal-Eurostat, il-prezzijiet tal-importazzjoni tal-ligaturi li joriġinaw fir-RPĊ naqsu b’5 % matul il-perijodu kkunsidrat u l-prezzijiet Ċiniżi waqqgħu l-prezzijiet tal-industrija tal-Unjoni b’madwar 10 % (meta ma jitqisux id-dazji anti-dumping). Il-livell assolut ta’ prezzijiet mogħtija mill-Eurostat, madankollu, jidher għoli ħafna meta mqabbel ma’ prezzijiet ta’ importazzjoni rrappurtati mill-istatistiċi ta’ esportazzjoni Ċiniżi u ċ-ċifri tal-Eurostat mogħtija għal pajjiżi terzi oħra. Kif imsemmi hawn fuq, x’aktarx li, jekk il-miżuri jitħassru, il-prezzijiet tal-esportazzjoni Ċiniża jkollhom jaġġustaw għall-kompetituri barranin tagħhom (it-Tajlandja, l-Indja) u fuq dik il-bażi r-rata tat-tnaqqis tkun ħafna aktar sinifikanti. |
(c) Importazzjonijiet minn pajjiżi terzi oħra
|
2005 |
2006 |
2007 |
PIR |
Indja |
52,9 % |
48,3 % |
44,9 % |
43,3 % |
Tajlandja |
11,5 % |
12,2 % |
7,9 % |
13,0 % |
Ħong Kong |
0,2 % |
0,0 % |
5,1 % |
4,9 % |
Oħrajn |
1,2 % |
2,7 % |
4,4 % |
1,7 % |
(59) |
Għal dawk li huma importazzjonijiet minn pajjiżi terzi oħra, l-importazzjonijiet ta’ ligaturi li joriġinaw fl-Indja qed jonqsu filwaqt li l-importazzjonijiet ta’ ligaturi li joriġinaw fit-Tajlandja żdiedu ftit matul il-PIR meta dawn ikunu ogħla meta mqabbla mas-snin ta’ qabel. Bħal pajjiżi oħra, Ħong Kong qed jesporta l-ligaturi lill-UE iżda l-ebda rappreżentazzjoni ma saret f’dan ir-rigward u l-ebda informazzjoni ulterjuri mhi disponibbli. |
3. Sitwazzjoni ekonomika tal-industrija tal-Unjoni (13)
(a) Produzzjoni, kapaċità tal-produzzjoni u użu tal-kapaċità
|
2005 |
2006 |
2007 |
PIR |
Produzzjoni |
100 |
102 |
118 |
119 |
Kapaċità tal-produzzjoni |
100 |
91 |
100 |
103 |
Użu tal-kapaċità (%) |
59 % |
66 % |
70 % |
68 % |
(60) |
Matul il-perijodu kkunsidrat il-produzzjoni żdiedet bi kważi 20 % filwaqt li l-kapaċità baqgħet relattivament stabbli. B’riżultat ta’ dan, l-użu tal-kapaċità segwa tendenza simili għall-produzzjoni, b’żieda ta’ disa’ punti perċentwali. |
(61) |
Il-livell tal-użu ta’ kapaċità matul il-PIR kien madankollu taħt il-livell li laħaq fl-2001, jiġifieri, il-perijodu ta’ investigazzjoni tar-reviżjoni ta’ skadenza ta’ qabel. Ir-rata tal-utilizzazzjoni tal-kapaċità mbagħad kienet bejn 70 % u 75 %. |
(b) Ħażniet
|
2005 |
2006 |
2007 |
PIR |
Ħażna tal-għeluq |
100 |
95 |
119 |
143 |
(62) |
Matul il-perijodu kkunsidrat, il-ħażniet tal-industrija tal-Komunità żdiedu bi 43 %. Parti sinifikanti tal-produzzjoni tal-ligaturi tikkonsisti fi prodotti standard, u l-industrija tal-Unjoni għalhekk trid iżżomm ċertu livell ta’ ħażna sabiex tkun f’pożizzjoni biex tissodisfa malajr id-domanda tal-konsumaturi. Kwalunkwe żieda tal-ħażna tal-għeluq ‘il fuq mil-livell medju jindika diffikultajiet biex jinbiegħu l-prodotti (domestikament u fis-suq tal-esportazzjoni). L-istaġjonalità tal-bejgħ għandha tiġi kkunsidrata wkoll: il-bejgħ hu aktar importanti matul l-aħħar tliet xhur tas-sena, li jikkorrispondi mal-bidu tal-istaġun tal-iskola. |
(c) Volum tal-bejgħ, sehem mis-suq u tkabbir
|
2005 |
2006 |
2007 |
PIR |
Volum tal-bejgħ |
100 |
113 |
118 |
123 |
Ishma mis-suq |
24,4 % |
30,2 % |
31,5 % |
31,1 % |
(63) |
Il-bejgħ tal-industrija tal-Unjoni fis-suq tal-UE żdied bi 23 % matul il-perijodu kkunsidrat u l-ishma mis-suq żviluppaw minn 24,4 % għal 31,1 %, jiġifieri żieda ta’ kważi 7 punti perċentwali. Din iż-żieda tal-ishma mis-suq tindika li t-tkabbir tal-industrija tal-Unjoni kien ogħla mill-iżvilupp tal-konsum. |
(64) |
Il-livell assolut tas-sehem tas-suq baqa’ madankollu taħt il-livell tiegħu tal-2001, il-perijodu ta’ investigazzjoni ta’ qabel, meta dan laħaq madwar 40 %. |
(d) Prezzijiet tal-bejgħ u spejjeż
|
2005 |
2006 |
2007 |
PIR |
Prezzijiet tal-bejgħ |
100 |
88 |
88 |
88 |
(65) |
Il-prezz tal-bejgħ medju peżat tal-industrija tal-Unjoni naqas bi 12 % matul il-perijodu kkunsidrat. Għandu jiġi nnotat li fl-aħħar snin il-prezzijiet tal-materja prima (azzar) kellhom tendenza li dejjem tiżdied madwar id-dinja kollha, u li l-azzar jirrappreżenta madwar 40 % tal-ispiża totali tal-unità. Il-prezzijiet tal-bejgħ kienu qed jagħmlu telf mill-2006 ‘l quddiem. |
(e) Profittabbiltà, redditu mill-investimenti, likwidità
|
2005 |
2006 |
2007 |
PIR |
Profitabbiltà |
100 |
– 646 |
–62 |
– 115 |
Redditu fuq l-assi netti |
100 |
–72 |
– 103 |
–53 |
Likwidità |
100 |
56 |
42 |
– 131 |
(66) |
L-industrija tal-Unjoni kienet għadha qed tagħmel profitt fl-2005, iżda s-sitwazzjoni ddeterjorat serjament is-sena ta’ wara minħabba prattika ta’ evażjoni li wasslet għal estensjoni ta’ miżuri fl-2006 u ta’ definizzjoni tal-prodott fl-2008. Għalkemm il-profittabbiltà madankollu tjiebet fl-2007, l-industrija tal-Unjoni xorta ma setgħetx tilħaq punt ta’ pariġġ u bdiet tagħmel it-telf matul il-PIR. Matul il-PIR, it-telf kien żgħir. |
(67) |
Il-likwidità u r-redditu fuq l-assi netti fil-biċċa l-kbira segwew l-istess tendenza. B’sitwazzjoni finanzjarja bħal din li l-applikant jirrappreżenta l-industrija tal-Unjoni bla dubju tiffaċċja diffikultajiet biex tgħolli l-kapital barra mill-grupp. |
(f) Investimenti u ħila li jinġabar kapital
|
2005 |
2006 |
2007 |
PIR |
Ivestimenti (EUR) |
100 |
190 |
85 |
80 |
(68) |
Anki jekk l-investimenti segwew tendenza ta’ tnaqqis, jiġifieri 20 % matul il-perjodu kkunsidrat, l-industrija Komunitarja madankollu żammet ċertu livell ta’ investimenti sabiex tibqa’ kompetittiva. Dawn l-investimenti kkonsistew f’makkinarju ġdid sabiex jitjieb il-proċess ta’ produzzjoni u tiżdied il-kompetittività. |
(69) |
Kif iddikjarat fil-premessa (66), minħabba fis-sitwazzjoni finanzjarja dgħajfa tal-industrija tal-Unjoni, jista’ jiġi konkluż li l-kapaċità tagħha li tgħolli l-kapital minn sorsi indipendenti ġiet serjament affettwata. |
(g) Impjiegi, produttività u pagi
|
2005 |
2006 |
2007 |
PIR |
Impjieg |
100 |
94 |
105 |
104 |
Produttività |
100 |
109 |
113 |
114 |
Pagi ġenerali |
100 |
102 |
107 |
111 |
Pagi |
100 |
109 |
102 |
106 |
(70) |
Matul il-perijodu kkunsidrat ix-xogħol (unitajiet full-time) żdied b’4 % u l-produttività, li titkejjel f’eluf ta’ biċċiet prodotti minn kull impjegat matul il-perijodu, tjiebet b’14 %. L-ispejjeż ġenerali tax-xogħol żdiedu bi 11 %, li huma spjegati fil-biċċa l-kbira biż-żieda taċ-ċifri tax-xogħol; iż-żieda medja fil-paga għal kull impjegat baqgħet aktar limitata. |
(h) Daqs tal-marġni reali tad-dumping
(71) |
Abbażi tal-aħjar fatti disponibbli, l-investigazzjoni stabbilixxiet l-eżistenza ta’ dumping matul il-PIR ta’ 20,7 %, li hija sostanzjali ħafna. |
4. Konklużjoni
(72) |
L-industrija tal-Unjoni rristrutturat u bbenefikat sa ċertu punt mill-impożizzjoni ta’ miżuri kontra importazzjonijiet li huma l-oġġett ta’ dumping. Is-sitwazzjoni ekonomika tagħha tjiebet fl-aħħar snin: produzzjoni, bejgħ, sehem tas-suq u x-xogħol juru tendenzi pożittivi. |
(73) |
Minkejja l-iżvilupp pożittiv imsemmi hawn fuq, l-industrija madankollu ma setgħetx tirkupra b’mod sħiħ mid-dannu li sar qabel. Xhieda ewlenija ta’ dan huma l-indikaturi finanzjarji: profitabbiltà, likwidità u redditu fuq l-assi netti għadhom qed juru sinjali ta’ dannu. L-industrija tista’ wkoll għalissa ma tilħaqx il-livell ta’ bejgħ u produzzjoni li laħqet fil-passat. Dan għandu jidher ukoll fid-dawl tal-fatt li matul parti mill-perijodu eżaminat, il-miżuri kienu qed jiddgħajfu bi prattika ta’ evażjoni kif deskritt hawn fuq. |
(74) |
Għalkemm kien hemm titjib tas-sitwazzjoni ekonomika tal-industrija tal-Unjoni, din għalhekk baqgħet f’sitwazzjoni prekarja matul il-perijodu kkunsidrat. |
F. PROBABBILTÀ TA’ SSUKTAR JEW TA’ RIKORRENZA TAL-ĦSARA
(75) |
L-industrija tal-Unjoni rristrutturat l-attivitajiet tagħha u bbenefikat mill-miżuri anti-dumping. Madankollu, għalkemm dawn il-miżuri kienu imposti għall-ewwel darba fl-1997, dawn kienu effettivi b’mod sħiħ biss meta l-effetti ta’ assorbiment u prattika ta’ evażjoni kienu kkumpensati. Anki jekk is-sitwazzjoni tal-industrija tal-Unjoni tjiebet, din tibqa’ fraġli u vulnerabbli. |
(76) |
Taħt ċerti ċirkostanzi huwa xieraq li ssir analiżi tal-probabbiltà ta’ rikorrenza ta’ dannu ta’ materjal sabiex jiġi eżaminat jekk – jekk il-miżuri jitħassru – żviluppi maħsuba f’termini ta’ volumi u prezzijiet ta’ importazzjonijiet li joriġinaw fir-RPĊ jkomplux jiddeterjoraw is-sitwazzjoni tal-industrija u jikkawżaw dannu materjali. |
1. Impatt fuq l-industrija tal-Unjoni taż-żieda mistennija fl-importazzjonijiet li huma l-oġġett ta’ dumping
(77) |
Wieħed ifakkar li hemm kapaċità produttiva inutilizzata sinifikanti fiċ-Ċina u li l-produzzjoni tal-ligaturi tista’ faċilment tiżdied b’mod sinifikanti. Dan huwa bbażat fuq ir-riżultati ta’ hawn fuq li l-uniku produttur Ċiniż li kkoopera seta’ faċilment jerġa’ jistabbilixxi l-kapaċità mnaqqsa tal-produzzjoni attwali tiegħu u wkoll jagħlaq is-sit ta’ produzzjoni tiegħu fit-Tajlandja sabiex jibgħat lura l-produzzjoni lejn iċ-Ċina. Barra minn hekk produtturi Ċiniżi oħrajn li ma kkooperawx għandhom kapaċità produttiva inutilizzata sinifikanti jew li t-tali kapaċità tista’ tingħata lura faċilment minħabba li hemm żmien qasir ta’ tħejjija fl-adattabilità ta’ makkinarju u l-versatilità ġenerali ta’ tagħmir neċessarju biex jipproduċi l-ligaturi. |
(78) |
Ġie stabbilit li kwalunkwe żieda tal-produzzjoni ta’ ligaturi fir-RPĊ tkun x’aktarx esportata b’mod massiv lejn l-UE, jekk il-miżuri jitħassru. Dan hu bbażat fuq il-fatt li s-suq tal-UE jibqa’ sinifikanti fit-termini ta’ daqs u li kien storikament suq importanti għall-esportaturi Ċiniżi li ċertament jipprovaw jerġgħu jiksbu t-telf tal-ishma tagħhom. L-attrazzjoni tas-suq tal-UE għall-esportaturi Ċiniżi kienet ukoll xhieda ċara bl-għadd ta’ tentattivi biex jiġu evitati miżuri anti-dumping stabbiliti. Il-miżuri ġew assorbiti, b’evażjoni permezz ta’ pajjiżi terzi u wkoll permezz ta’ modifika żgħira tal-prodotti. |
(79) |
Finalment, hu stabbilit li l-kundizzjonijiet ta’ kwalunkwe żieda futura ta’ importazzjonijiet ta’ ligaturi fl-UE jkollhom konsegwenzi negattivi fuq is-sitwazzjoni tal-Industrija tal-Unjoni. Kif imsemmi hawn fuq, jekk il-miżuri jitħassru, il-volum ta’ importazzjoni ta’ ligaturi mir-RPĊ hu mistenni li jkun importanti. Barra minn hekk, dawk l-importazzjonijiet x’aktarx iwasslu għal pressjoni sinifikanti fuq il-prezzijiet tal-UE, għaldaqstant fl-industrija tal-Unjoni, kif issuġġerit bl-analiżi tal-livell tal-prezzijiet fuq l-UE u swieq ta’ pajjiżi terzi. Skont il-Eurostat, il-prezzijiet attwali Ċiniżi jnaqqsu l-prezzijiet tal-UE b’madwar 10 % (esklużi d-dazji anti-dumping), u dawn huma attwalment ħafna ogħla mill-prezz medju tal-kompetituri potenzjali taċ-Ċina (l-Indja u t-Tajlandja) fis-suq tal-UE. Fil-każ li l-miżuri jitħassru u l-produtturi Ċiniżi jkunu f’pożizzjoni li jesportaw it-tipi kollha ta’ ligaturi mingħajr kwalunkwe dazji anti-dumping fl-UE, hu x’aktarx probabbli, għall-inqas sa ċertu punt, li jaġġustaw il-prezzijiet tagħhom għal dak tal-kompetitur tagħhom. Dan hu kkonfermat ukoll bil-livell (baxx) tal-prezzijiet Ċiniżi fis-suq ta’ pajjiżi terzi, skont l-istatistika tal-esportazzjoni taċ-Ċina. Mingħajr ebda miżuri, is-suq tal-UE jsir għaldaqstant attraenti ħafna għall-esportaturi Ċiniżi. |
2. Konklużjoni fuq il-probabbiltà tar-rikorrenza tad-dannu
(80) |
Abbażi ta’ dak li ntqal hawn fuq, huwa probabbli li l-iskadenza tal-miżuri anti-dumping fuq importazzjonijiet tal-ligaturi li joriġinaw fir-RPĊ jirriżultaw f’żieda sostanzjali fil-volum ta’ importazzjonijiet fl-UE bi prezzijiet baxxi ħafna, u li dan iwaqqa’ l-livell ġenerali ta’ prezzijiet fis-suq tal-UE. Għandu jkun innotat li l-biċċa l-kbira tal-prodotti fis-suq tal-ligaturi hija standardizzata ħafna u l-prezz hu għaldaqstant il-fattur ewlieni deċiżiv. |
(81) |
Fid-dawl tal-qagħda diġà prekarja tal-industrija tal-Unjoni, iż-żieda sostanzjali fl-importazzjonijiet mir-RPĊ bi prezzijiet li huma l-oġġett ta’ dumping flimkien ma’ tnaqqis sostanzjali fil-prezzijiet bla dubju jkollhom konsegwenzi serji fuq din is-sitwazzjoni. Dan jikkawża dannu materjali u għaldaqstant iwaqqaf għal kollox l-isforzi li jkunu saru mill-industrija biex tiġi ristrutturata. |
G. INTERESS TAL-UNJONI
1. Introduzzjoni
(82) |
Ġie mistħarreġ jekk kinux jeżistu raġunijiet impellenti li setgħu jwasslu għall-konklużjoni li mhux fl-interess tal-Unjoni li jiġġeddu l-miżuri antidumping fis-seħħ. Għal dan il-għan, u skont l-Artikolu 21 tar-Regolament bażiku, ġew ikkunsidrati, abbażi tal-evidenza kollha preżentata, l-impatt tat-tiġdid tal-miżuri fuq il-partijiet kollha involuti f’dan il-proċediment u l-konsegwenzi tal-iskadenza tal-miżuri. |
(83) |
Sabiex jiġi stmat l-impatt taż-żamma tal-miżuri, il-partijiet interessati kollha ngħataw l-opportunità li jressqu l-opinjonijiet tagħhom skont l-Artikolu 21(2) tar-Regolament bażiku. Kif diġà msemmi, il-produtturi tal-Unjoni li kkooperaw biss u tliet importaturi mhux relatati wieġbu għall-kwestjonarju. Importatur wieħed mhux relatat u utent wieħed għamlu wkoll kummenti, mingħajr ma wieġbu għall-kwestjonarju. |
2. Interess tal-industrija tal-Unjoni
(84) |
L-industrija tal-Unjoni kienet tikkonsisti minn żewġ produtturi meta tressaq l-ewwel ilment anti-dumping fl-1995: Koloman Handler GmbH, kumpanija Awstrijaka, u Robert Krause GmbH & Co., kumpanija Ġermaniża. Dawn iż-żewġ kumpaniji kienu preżenti fis-suq tal-UE għal żmien twil iżda dawn kienu soġġetti għal diffikultajiet finanzjarji sinifikanti, fost affarijiet oħra minħabba importazzjonijiet kummerċjali mhux ġusti. |
(85) |
Is-sitwazzjoni ekonomika tagħhom kienet tant ħażina li t-tnejn li huma kellhom jiddikjaraw stat ta’ falliment. Filwaqt li Robert Krause GmbH iddikjarat stat ta’ falliment fl-1998 u l-kumpanija ta’ suċċessjoni tagħha kellha tagħmel l-istess fl-2002, Koloman Hander falliet fl-2001. Iż-żewġ kumpaniji waqgħu f’idejn kumpanija oħra, SX Bürowaren Produktions- und Handels GmbH, li mbagħad ġiet akkwistata minn Ring Alliance Ringbuchtechnik GmbH, il-Kwerelant f’din ir-reviżjoni. |
(86) |
Minn dakinhar l-attività ġiet ristrutturata sabiex tikkompeti aħjar mad-dinja kollha, iżda b’mod speċjali fil-qalba tas-suq tal-Kwerelant, jiġifieri s-suq tal-UE. |
(87) |
L-akkwist ta’ Bensons, kumpanija stabbilita ħafna fil-kummerċ tal-ligaturi flimkien ma’ kumpaniji fl-Olanda, Singapor, ir-Renju Unit u l-Istati Uniti tal-Amerika, uriet biċ-ċar ir-rieda tal-industrija tal-Unjoni biex ittejjeb l-aċċess tagħha għas-suq fuq bażi dinjija u s-serjetà tal-isforzi tagħha ta’ ristrutturazzjoni. |
(88) |
L-isforzi tal-Kwerelant kienu ta’ suċċess, għall-inqas parti minnhom, kif wieħed jista’ jara mill-analiżi tas-sitwazzjoni ekonomika tal-kumpanija. Fl-aħħar snin, il-volum tal-bejgħ u s-sehem tas-suq żdied kif ukoll ix-xogħol. |
(89) |
L-isforzi li għamlet l-industrija sabiex ittejjeb is-sitwazzjoni tagħha madankollu ma ġewx ikkunsidrati minħabba li l-effetti tal-miżuri kontra importazzjonijiet mhux ġusti ġew dilwiti bl-assorbiment u prattika ta’ evażjoni. Konsegwenza ta’ dan, minkejja t-titjib sinifikanti, is-sitwazzjoni tal-industrija tibqa’ fraġli, kif jixhed l-iżvilupp tal-indikaturi finanzjarji. |
(90) |
Għaldaqstant, l-industrija xorta għadha vulnerabbli għall-effetti ta’ kwalunkwe żieda ta’ importazzjonijiet mir-RPĊ bi prezzijiet baxxi u prezzijiet li huma l-oġġett ta’ dumping. Huwa ovvju li, jekk il-miżuri jitħassru, l-industrija terġa’ tiffaċċja diffikultajiet serji li jistgħu jwasslu għall-għajbien definittiv tagħha. Permezz tal-isforzi tagħha ta’ ristrutturar l-industrija tal-Unjoni tat prova li hija industrija vijabbli li għadha f’pożizzjoni li tforni sehem importanti tas-suq tal-UE, iżda teħtieġ protezzjoni addizzjonali u effiċjenti kontra importazzjonijiet li huma l-oġġettb ta’ dumping sabiex tilħaq sitwazzjoni solida u b’saħħitha. |
(91) |
Abbażi ta’ dan huwa konkluż li jkun fl-interess tal-industrija tal-Unjoni li jinżammu l-miżuri għal ħames snin oħra. |
3. Interessi tal-importaturi
(92) |
Erba’ importaturi mhux relatati pparteċipaw f’din l-investigazzjoni iżda tlieta minnhom biss ipprovdew tweġiba għall-kwestjonarju. Madankollu, huma ma impurtawx ligaturi mir-RPĊ aktar, għajr għal wieħed li importa biss mekkaniżmi bi 17 u 23 ċirku soġġetti għall-prezz minimu ta’ importazzjoni. Filwaqt li tnejn minnhom opponew l-investigazzjoni u kkontestaw il-miżuri anti-dumping fis-seħħ għal 10 snin sħaħ, it-tielet wieħed kien newtrali ħafna u ddikjara li ma kienx affettwat mill-miżuri attwali. |
(93) |
L-importaturi lmentaw l-aktar dwar is-sorsi limitati ta’ provvista fis-suq tal-UE minħabba d-daqs tal-miżuri anti-dumping kontra l-importazzjonijiet mir-RPĊ u minħabba s-sehem importanti tas-suq tal-industrija tal-Unjoni kif ukoll il-fatt li hi tippossjedi distributur importanti ta’ ligaturi fis-suq tal-UE li allegatament għandu ċerta esklużività għal ligaturi li joriġinaw fl-Indja. |
(94) |
F’dan ir-rigward ta’ min jinnota li bħalissa hemm diversi sorsi ta’ provvista fis-suq tal-UE, jew mill-industrija tal-Unjoni, il-produttur l-ieħor tal-Unjoni jew minn sorsi għajr dawk tar-RPĊ bħat-Tajlandja. |
(95) |
Barra minn hekk, anki jekk huwa minnu li l-livell tal-miżuri attwali hu relattivament għoli, għandu jiġi mfakkar li l-miżuri żdiedu bħala riżultat ta’ investigazzjoni li wriet li l-miżuri ġew assorbiti mill-esportaturi Ċiniżi. Il-livell attwali hu għaldaqstant iġġustifikat kollu. |
(96) |
Minħabba li l-miżuri ġew imposti u l-livell tagħhom żdied, l-importazzjonijiet mir-RPĊ waqgħu b’mod sinifikanti u kkonċerna biss porzjon minuri tas-suq tal-UE matul il-PIR. Madankollu l-importaturi adattaw għas-sitwazzjoni u bidlu s-sorsi tal-provvista. Anki jekk hu rikonoxxut li mingħajr miżuri dawn ikollhom sors ta’ provvista aktar wiesa’, minħabba li l-importaturi bħalissa ma jimpurtawx ligaturi li joriġinaw fir-RPĊ, iż-żamma tal-miżuri ma tikkawżax effetti negattivi fuq is-sitwazzjoni ekonomika ta’ dawn l-importaturi. |
(97) |
Abbażi ta’ dan hu konkluż li jekk jinżammu l-miżuri stabbiliti, l-importaturi ma jiġux affettwati materjalment. |
4. Interessi tal-utenti
(98) |
L-uniku utent li wieġeb għall-kwestjonarju pprovda argumenti favur l-estensjoni tal-miżuri, billi qal li l-ligaturi magħmula fl-UE huma ta’ kwalità aħjar minn dawk impurtati mir-RPĊ. |
(99) |
Utent ieħor għadda xi kummenti iżda ma tax evidenza biex jissostanzjahom. Dan jindika li, għalkemm kien hemm il-miżuri fis-seħħ, l-utenti ma ġewx milquta b’mod sinifikanti minn dawn il-miżuri. Il-qagħda tal-utenti, għalhekk, probabbilment mhijiex sejra tiħżien bħala riżultat taż-żamma tal-miżuri anti-dumping. |
5. Interessi tal-industrija fornitriċi
(100) |
Il-fornituri tal-wajer tal-azzar u tal-istrixxi tal-azzar ibiegħu perċentwali negliġibbli mill-produzzjoni tagħhom lill-industrija tal-Unjoni u, bħala tali, mhumiex milquta mill-eżitu ta’ dan il-proċediment. L-ebda wieħed minnhom ma resaq ‘il quddiem bħala parti interessata. |
6. Effetti li jfixklu l-kompetizzjoni u l-kummerċ
(101) |
Fir-rigward tal-effetti fuq il-kompetizzjoni fil-Komunità tal-iskadenza possibbli tal-miżuri, ta’ min jinnota li hemm biss ftit produtturi tal-ligaturi fid-dinja kollha, il-biċċa l-kbira minnhom Ċiniżi jew ikkontrollati mill-produtturi esportaturi Ċiniżi. Jekk jisparixxu l-ftit produtturi li għad fadal, li mhumiex ikkontrollati minn kumpaniji Ċiniżi, dan ikollu effetti negattivi fuq il-kompetizzjoni fl-UE. |
7. Konklużjoni dwar l-interess tal-Unjoni
(102) |
Meta wieħed iqis il-fatturi u l-konsiderazzjonijiet ta’ hawn fuq, il-konklużjoni hija li m’hemmx raġunijiet impellenti kontra ż-żamma fis-seħħ tal-miżuri anti-dumping attwali. |
H. ŻVELAR U MIŻURI TA’ ANTI-DUMPING
(103) |
Il-partijiet kollha ġew infurmati dwar il-fatti u l-kunsiderazzjonijiet essenzjali li fuq il-bażi tagħhom kien intiż li jiġi rakkomandat li l-miżuri eżistenti jinżammu. Dawn ingħataw ukoll perijodu li fih kellhom jissottomettu l-kummenti u l-allegazzjonijiet tagħhom wara l-iżvelar. Ir-rappreżentazzjonijiet rilevanti sottomessi ġew analizzati iżda ma wasslux għal tibdil tal-fatti u l-kunsiderazzjonijiet essenzjali li fuq il-bażi tagħhom kien ġie deċiż li jinżammu l-miżuri anti-dumping attwali. |
(104) |
Minn dan isegwi li, kif previst fl-Artikolu 11(2) tar-Regolament bażiku, il-miżuri anti-dumping applikabbli għall-importazzjonijiet ta’ ċerti mekkaniżmi ta’ legaturi li jaħdmu b’mekkaniżmu ta’ ċrieki li joriġinaw fir-Repubblika Popolari taċ-Ċina, imposti bir-Regolament (KE) Nru 2074/2004, għandhom jiġġeddu, |
ADOTTA DAN IR-REGOLAMENT:
Artikolu 1
1. Huwa b’dan impost dazju anti-dumping definittiv fuq importazzjonijiet ta’ ċerti ligaturi li jaħdmu b’mekkaniżmu ta’ ċrieki, li attwalment jaqgħu taħt il-kodiċi NM ex 8305 10 00 li joriġinaw mir-Repubblika Popolari taċ-Ċina.
2. Għall-iskop ta’ dan l-Artikolu, ligaturi li jaħdmu b’mekkaniżmu ta’ ċrieki għandhom jikkonsistu f’żewġ pjanċi tal-azzar jew wajers b’mill-inqas erba’ nofs ċrieki tal-azzar imwaħħlin fuqhom u li huma miżmuma flimkien b’għatu tal-azzar. Dawn jistgħu jinfetħu jew billi jinġibed in-nofs taċ-ċrieki jew jew b’mekkaniżmu żgħir tal-azzar li jaħdem b’reazzjoni mwaħħal mal-ligaturi li jaħdmu b’mekkaniżmu ta’ ċrieki.
3. Ir-rata ta’ dazju anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, għandha tkun kif ġej:
(a) |
għall-mekkaniżmi li għandhom 17 u 23 ċirku (Kodiċi TARIC 8305100021, 8305100023, 8305100029 u 8305100035), l-ammont tad-dazju għandu jkun ugwali għad-differenza bejn il-prezz minimu ta’ importazzjoni ta’ EUR 325 kull 1 000 biċċa u l-prezz nett, ħieles fil-fruntiera tal-Unjoni, qabel id-dazju; |
(b) |
għall-mekkaniżmi barra minn dawk li għandhom 17 jew 23 ċirku (Kodiċi TARIC 8305100011, 8305100013, 8305100019 u 8305100034):
|
Artikolu 2
1. Dazju anti-dumping definittiv huwa b’dan impost fuq l-importazzjonijiet ta’ ċerti ligaturi li jaħdmu b’mekkaniżmu ta’ ċrieki li attwalment jaqgħu taħt il-kodiċi NM ex 8305 10 00 ikkunsinnati mill-Vjetnam kemm jekk iddikjarati li joriġinaw fil-Vjetnam jew le (kodiċi TARIC 8305100011 u 8305100021).
2. Dazju anti-dumping definittiv huwa b’dan impost fuq l-importazzjonijiet ta’ ċerti ligaturi li jaħdmu b’mekkaniżmu ta’ ċrieki li attwalment jaqgħu taħt il-kodiċi NM ex 8305 10 00 ikkunsinnati mir-Repubblika Demokratika tal-Laos kemm jekk iddikjarati li joriġinaw fir-Repubblika Demokratika Popolari tal-Laos jew le (kodiċi TARIC 8305100013 u 8305100023).
3. Għall-għan ta’ dan l-Artikolu, ligaturi li jaħdmu b’mekkaniżmu ta’ ċrieki għandhom jikkonsistu f’żewġ folji tal-azzar jew wajers b’mhux anqas minn erba’ nofs ċrieki magħmulin mill-azzar imwaħħlin magħha, u li huma miżmuma flimkien permezz ta’ kopertura tal-azzar. Jistgħu jinfetħu billi jinġibdu n-nofs ċrieki jew permezz ta’ lieva tal-azzar mwaħħla mal-ligaturi li jaħdmu b’mekkaniżmu ta’ ċrieki.
4. Ir-rata ta’ dazju anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, għandha tkun kif ġej:
(a) |
għall-mekkaniżmi li għandhom 17 u 23 ċirku (Kodiċi TARIC 8305100021, u 8305100023), l-ammont tad-dazju għandu jkun ugwali għad-differenza bejn il-prezz minimu ta’ importazzjoni ta’ EUR 325 kull 1 000 biċċa u l-prezz nett, ħieles fil-fruntiera tal-Unjoni, qabel id-dazju; |
(b) |
għall-mekkaniżmi barra minn dawk li għandhom 17 jew 23 ċirku (Kodiċi TARIC 8305100011, u 8305100013) l-ammont ta’ dazju għandu jkun ta’ 78,8 %. |
Artikolu 3
Sakemm mhux speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.
Artikolu 4
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Artikolu 5
Dan ir-Regolament għandu jiġi ppubblikat f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, it-22 ta’ Frar 2010.
Għall-Kunsill
Il-President
C. ASHTON
(1) ĠU L 343, 22.12.2009, p. 51.
(4) ĠU L 250, 5.10.2000, p. 1.
(5) ĠU C 21, 24.1.2002, p. 25.
(6) ĠU L 359, 4.12.2004, p. 11.
(9) ĠU L 221, 19.8.2008, p. 1.
(10) ĠU C 146, 12.6.2008, p. 33.
(11) ĠU C 310, 5.12.2008, p. 15.
(12) Qed jingħataw meded biss biex tiġi protetta l-kunfidenzjalità tal-Kwerelant uniku.
(13) Id-data hija mogħtija forma ta’ numri indiċi (1998 = 100) jew bħala medda sabiex tinżamm il-privatezza fejn meħtieġ.