This document is an excerpt from the EUR-Lex website
Document 32009R1035
Commission Regulation (EC) No 1035/2009 of 30 October 2009 fixing the coefficients applicable to cereals exported in the form of Scotch whisky for the period 2009/2010
Regolament tal-Kummisjoni (KE) Nru 1035/2009 tat- 30 ta’ Ottubru 2009 li jistabbilixxi l-koeffiċjenti applikabbli għaċ-ċereali esportati fil-forma ta’ Scotch whisky għall-perjodu 2009/2010
Regolament tal-Kummisjoni (KE) Nru 1035/2009 tat- 30 ta’ Ottubru 2009 li jistabbilixxi l-koeffiċjenti applikabbli għaċ-ċereali esportati fil-forma ta’ Scotch whisky għall-perjodu 2009/2010
ĠU L 285, 31.10.2009, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/09/2010; Imħassar b' 32010R1113
- Date of document:
- 30/10/2009
- Date of effect:
- 01/10/2009; Applikazzjoni Ara Art. 3
- Date of effect:
- 31/10/2009; Dħul fis-seħħ Data tal-pubblikazzjoni Ara Art. 3
- Date of end of validity:
- 30/09/2010; Imħassar b' 32010R1113
- Author:
- Il-Kummissjoni Ewropea
- Form:
- Regolament
- Treaty:
- Trattat li jistabbilixxi l-Komunità Ewropea
- Legal basis:
-
- 32006R1670 - A05
- 32007R1234
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Repeal 32008R1196
No data available in the table
- Modified by:
-
Relation Act Comment Subdivision concerned From To Repealed by 32010R1113 - Link
- EUROVOC descriptor:
- Subject matter:
- Directory code:
-
- 03.60.51.00 Agrikoltura / Prodotti soġġetti għal organizzazzjoni tas-suq / Ċereali
|
31.10.2009 |
MT |
Il-Ġurnal Uffiċjali tal-Unjoni Ewropea |
L 285/3 |
REGOLAMENT TAL-KUMMISJONI (KE) Nru 1035/2009
tat-30 ta’ Ottubru 2009
li jistabbilixxi l-koeffiċjenti applikabbli għaċ-ċereali esportati fil-forma ta’ Scotch whisky għall-perjodu 2009/2010
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1670/2006 tal-10 ta’ Novembru 2006 li jistipula regoli dettaljati għall-applikazzjoni tar-Regolament tal-Kunsill (KE) Nru 1784/2003 dwar l-iffissar u l-għoti ta’ rifużjonijiet aġġustati fir-rigward ta’ ċereali esportati fil-forma ta’ ċertu xorb spirituż (2), u b’mod partikolari l-Artikolu 5 tiegħu,
Billi:
|
(1) |
L-Artikolu 4(1) tar-Regolament (KE) Nru 1670/2006 jipprovdi li l-kwantitajiet taċ-ċereali eliġibbli għar-rifużjoni għandhom ikunu l-kwantitajiet ta’ ċereali mqiegħda taħt il-kontroll u ddistillati, b’piż ta’ koeffiċjent li jiġi ffissat kull sena għal kull wieħed mill-Istati Membri kkonċernati. Il-koeffiċjent għandu jesprimi r-relazzjoni bejn il-kwantitajiet totali esportati u l-kwantitajiet imqiegħda fis-suq tal-ispirtu tax-xorb ikkonċernat, abbażi tax-xejra osservata f’dawn il-kwantitajiet matul l-għadd ta’ snin li jikkorrispondi għall-perjodu medju taż-żmien tal-maturazzjoni ta’ dan l-ispirtu tax-xorb. |
|
(2) |
Abbażi tat-tagħrif fornut mir-Renju Unit u li jirrigwarda l-perjodu mill-1 ta’ Jannar sal-31 ta’ Diċembru 2008, dan il-perjodu medju taż-żmien ta’ maturazzjoni fl-2008 kien ta’ tmien snin għall-iScotch whisky. |
|
(3) |
Għaldaqstant, jeħtieġ li jiġu ffissati l-koeffiċjenti għall-perjodu li jibda mill-1 ta’ Ottubru 2009 sat-30 ta’ Settembru 2010. |
|
(4) |
L-Artikolu 10 tal-Protokoll 3 tal-ftehim dwar iż-Żona Ekonomika Ewropea jeskludi l-għoti ta’ rifużjonijiet fuq l-esportazzjoni lejn Liechtenstein, l-Iżlanda u n-Norveġja. Barra minn hekk, il-Komunità kkonkludiet ftehimiet ma’ ċerti pajjiżi terzi li jabolixxu r-rifużjonijiet fuq l-esportazzjoni. Konsegwentement jeħtieġ li, b’applikazzjoni tal-Artikolu 7(2) tar-Regolament (KE) Nru 1670/2006, dan jitqies fil-kalkolu tal-koeffiċjent għall-perjodu 2009/2010. |
|
(5) |
Ir-regolament tal-Kummissjoni (KE) Nru 1196/2008 tat-2 ta’ Diċembru 2008 li jistabbilixxi l-koeffiċjenti applikabbli għaċ-ċereali esportati fil-forma ta’ Scotch whisky għall-perjodu 2008/2009 (3) eżawrixxa l-effetti tiegħu minħabba li jirrigwarda l-koeffiċjenti applikabbli għas-sena 2008/2009. Għal raġunijiet ta’ ċarezza u sigurtà legali, dan ir-Regolament għandu jitħassar, |
ADOTTAT DAN IR-REGOLAMENT:
Artikolu 1
Għall-perjodu li jibda mill-1 ta’ Ottubru 2009 sat-30 ta’ Settembru 2010, il-koeffiċjenti msemmija fl-Artikolu 4 tar-Regolament (KE) Nru 1670/2006, applikabbli għaċ-ċereali utilizzati fir-Renju Unit għall-fabbrikazzjoni tal-iScotch whisky huma stipulati fl-Anness għal dan ir-Regolament.
Artikolu 2
Ir-Regolament (KE) Nru 1196/2008 għandu jitħassar.
Artikolu 3
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Ottubru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta’ Ottubru 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1.
(2) ĠU L 312, 11.11.2006, p. 33.
(3) ĠU L 323, 3.12.2008, p. 20.
ANNESS
Koeffiċjenti applikabbli għar-Renju Unit
|
Perjodu ta’ applikazzjoni |
Koeffiċjent applikabbli |
|
|
għax-xgħir ipproċessat f’malt utilizzat fil-fabrikazzjoni tal-malt whisky |
għaċ-ċereali użati fil-fabrikazzjoni tal-grain whisky |
|
|
Mill-1 ta’ Ottubru 2009 sat-30 ta’ Settembru 2010 |
0,196 |
0,197 |
