Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32008R0228

    Regolament tal-Kummissjoni (KE) Nru 228/2008 tat- 13 ta' Marzu 2008 li jemenda r-Regolament (KE) Nru 595/2004 rigward l-intensità tal-kontrolli fuq il-kunsinni u l-bejgħ dirett tal-ħalib

    ĠU L 70, 14.3.2008, p. 7–8 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/reg/2008/228/oj

    Date of document:
    13/03/2008
    Date of effect:
    01/04/2007; Applikazzjoni Ara Art. 2
    Date of effect:
    21/03/2008; Dħul fis-seħħ Data tal-pubblikazzjoni + 7 Ara Art. 2
    Date of end of validity:
    No end date
    Author:
    Il-Kummissjoni Ewropea
    Form:
    Regolament
    Treaty:
    Trattat li jistabbilixxi l-Komunità Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32004R0595 Sostituzzjoni artikolu 22.2 01/04/2007
    Modifies 32004R0595 Emenda artikolu 22.1 01/04/2007
    Link

    14.3.2008   

    MT

    Il-Ġurnal Uffiċjali ta’ l-Unjoni Ewropea

    L 70/7

    REGOLAMENT TAL-KUMMISSJONI (KE) Nru 228/2008

    tat-13 ta' Marzu 2008

    li jemenda r-Regolament (KE) Nru 595/2004 rigward l-intensità tal-kontrolli fuq il-kunsinni u l-bejgħ dirett tal-ħalib

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat ir-Regolament tal-Kunsill (KE) Nru 1788/2003 tad-29 ta' Settembru 2003 li jistabbilixxi taxxa fil-qasam tal-ħalib u l-prodotti mill-ħalib (1), u b'mod partikolari l-Artikolu 24 tiegħu,

    Billi:

    (1)

    L-Artikolu 22(1) tar-Regolament tal-Kummissjoni (KE) Nru 595/2004 (2), li jistipula regoli dettaljati għall-applikazzjoni tar-Regolament (KE) Nru 1788/2003, jistabbilixxi l-intensità minima tal-kontrolli li jridu jitwettqu għall-kunsinni u l-bejgħ dirett. Dawn il-kontrolli għandhom jiġu inklużi fil-pjan ġenerali ta’ kontroll imfassal fuq il-bażi ta’ l-analiżi tar-riskju.

    (2)

    Il-Bulgarija u r-Rumanija qegħdin japplikaw is-sistema tat-taxxa għall-ewwel darba fil-perjodu ta’ tnax-il xahar 2007/2008. Sabiex tkun iffaċilitata l-applikazzjoni tas-sistema l-ġdida, dawn l-Istati Membri għandhom jitħallew inaqqsu l-intensità tal-kontroll għall-kunsinni matul perjodu transizzjonali ta’ sena.

    (3)

    L-esperjenza turi li fl-Istati Membri l-għadd ta’ produtturi b’baqra waħda jew bi tnejn għadu sinifikanti, speċjalment f’dak li għandu x’jaqsam ma' bejgħ dirett. Sabiex tinżamm l-istess intensità ta’ kontroll fuq dawn il-produtturi jiġi impost piż amministrattiv sproporzjonat u jista’ jdawwar il-konċentrazzjoni tal-miżuri ta’ kontroll minn fuq attivitajiet b’riskju akbar. Għalhekk ikun xieraq li titnaqqas l-intensità tal-kontroll għall-bejjiegħa żgħar diretti li jipproduċu kwantitajiet ta' inqas minn 5 000 kg ta' ekwivalenti tal-ħalib.

    (4)

    Sabiex l-Istati Membri jkunu jistgħu jibbenefikaw minn sitwazzjoni ta’ inqas piż b’riżultat ta’ l-intensità aġġustata tal-kontrolli, u meta jiġi kkunsidrat li skond l-Artikolu 19(2) tar-Regolament (KE) Nru 595/2004 l-kontrolli għandhom jitwettqu sa ċertu punt matul il-perjodu ta’ 12-il xahar li ssemma’, u sa ċertu punt wara l-perjodu ta’ 12-il xahar, huwa xieraq li tiġi applikata l-intensità aġġustata tal-kontrolli għall-perjodu ta’ tnax-il xahar 2007/2008, i.e. il-perjodu li jibda fl-1 ta’ April 2007 u li jispiċċa fit-30 ta’ Marzu 2008.

    (5)

    Ir-Regolament (KE) Nru 595/2004 għandu għalhekk jiġi emendat skond dan.

    (6)

    Il-miżuri provduti f'dan ir-Regolament huma skond l-opinjoni tal-Kumitat ta' Ġestjoni għall-Ħalib u l-Prodotti tal-Ħalib,

    ADOTTAT DAN IR-REGOLAMENT:

    Artikolu 1

    L-Artikolu 22 tar-Regolament (KE) Nru 595/2004 huwa emendat kif ġej:

    (1)

    Fil-paragrafu 1, il-punt (a) jinbidel b'dan li ġej:

    “(a)

    2 % tal-produtturi għall-perjodu ta’ tnax-il xahar 2007/2008 u għall-perjodi ta’ tnax-il xahar li jmiss, ħlief fil-każ tal-Bulgarija u tar-Rumanija, fejn talanqas 1 % tal-produtturi għandhom jiġu kkontrollati għall-perjodu ta’ tnax-il xahar 2007/2008,”

    (2)

    Il-paragrafu 2 għandu jinbidel b'dan li ġej:

    “2.   Il-kontrolli msemmija fl-Artikolu 21(2) għandhom ikopru talanqas:

    (a)

    5 % tal-produtturi; jew

    (b)

    iż-żewġ gruppi li ġejjin:

    (i)

    1 % tal-produtturi li l-kwantità ta’ referenza individwali għall-bejgħ dirett tagħhom hija inqas minn 5 000 kg u li l-bejgħ dirett iddikjarat tagħhom għall-perjodu konċernat ta’ 12-il xahar huwa inqas minn 5 000 kg ta’ ħalib jew ta’ ekwivalenti tal-ħalib.

    (ii)

    5 % tal-produtturi li ma jissodisfawx il-kundizzjonijiet stipulati fil-punt (i).”

    Artikolu 2

    Dan ir-Regolament għandu jidħol fis-seħħ fis-seba' jum ta' wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

    Għandu japplika mill-1 ta' April 2007.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, 13 ta’ Marzu 2008.

    Għall-Kummissjoni

    Mariann FISCHER BOEL

    Membru tal-Kummissjoni

    (1)  ĠU L 270, 21.10.2003, p. 123. Ir-Regolament kif emendat l-aħħar bir-Regolament tal-Kummissjoni (KE) Nru 1186/2007 (ĠU L 265, 11.10.2007, p. 22).

    (2)  ĠU L 94, 31.3.2004, p. 22. Ir-Regolament kif l-aħħar emendat bir-Regolament (KE) Nru 1913/2006 (ĠU L 365, 21.12.2006, p. 52).

    Top