EUR-Lex Access to European Union law
This document is an excerpt from the EUR-Lex website
Document 32007L0031
Commission Directive 2007/31/EC of 31 May 2007 amending Council Directive 91/414/EEC as regards the specific provisions set for the use of the active substance fosthiazate (Text with EEA relevance)
Direttiva tal-Kummissjoni 2007/31/KE tal- 31 ta’ Mejju 2007 li temenda d-Direttiva tal-Kunsill 91/414/KEE fir-rigward ta’ l-estensjoni ta’ l-użu tas-sustanza attiva fosthiazate (Test b’relevanza għaż-ŻEE)
Direttiva tal-Kummissjoni 2007/31/KE tal- 31 ta’ Mejju 2007 li temenda d-Direttiva tal-Kunsill 91/414/KEE fir-rigward ta’ l-estensjoni ta’ l-użu tas-sustanza attiva fosthiazate (Test b’relevanza għaż-ŻEE)
ĠU L 140, 1.6.2007, p. 44–46
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 13/06/2011
Relation | Act | Comment | Subdivision concerned | From | To |
---|---|---|---|---|---|
Modifies | 31991L0414 | Emenda | anness 1 | 21/06/2007 |
1.6.2007 |
MT |
Il-Ġurnal Uffiċjali ta’ l-Unjoni Ewropea |
L 140/44 |
DIRETTIVA TAL-KUMMISSJONI 2007/31/KE
tal-31 ta’ Mejju 2007
li temenda d-Direttiva tal-Kunsill 91/414/KEE fir-rigward ta’ l-estensjoni ta’ l-użu tas-sustanza attiva fosthiazate
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti li jħarsu l-pjanti (1), u b’mod partikolari t-tieni inċiż tat-tieni subparagrafu ta’ l-Artikolu 6(1) tagħha,
Billi:
(1) |
Bis-saħħa tad-Direttiva tal-Kummissjoni 2003/84/KE (2) fosthiazate kien inkluż bħala sustanza attiva fl-Anness I tad-Direttiva 91/414/KEE. |
(2) |
Meta kien qed japplika għall-inklużjoni tal-fosthiazate l-manifattur tagħha ISK Biosciences Europe S.A. ssottometta data dwar l-użi biex ikunu kkontrollati nematodi li jappoġġaw il-konklużjoni ġenerali li tista' tkun mistennija minn prodotti li jipproteġu l-pjanti li fihom il-fosthiazate biex jissodisfaw il-ħtiġijiet ta’ sigurtà stabbiliti fl-Artikolu 5(1)(a) u (b) tad-Direttiva 91/414/KEE. Għalhekk, il-fosthiazate kien inkluż fl-Anness I ta’ din id-Direttiva bid-dispożizzjonijiet speċifiċi li l-Istati Membri jistgħu jawtorizzaw biss użi bħala n-nematiċid. |
(3) |
Barra l-kontroll ta’ nematodi f'ċerti użi agrikoli, in-notifikatur issa applika għal emenda f'dawk id-dispożizzjonijiet speċifiċi fir-rigward tal-kontroll ta’ l-insetti. Sabiex tkun appoġġata din l-estensjoni ta’ l-użu, in-notifikatur issottometta informazzjoni addizzjonali. |
(4) |
L-Olanda u r-Renju Unit eżaminaw l-informazzjoni u d-data sottomessi mill-kumpanija. Huma infurmaw lill-Kummissjoni f'Mejju u f'Novembru 2006 rispettivament li waslu għall-konklużjoni li l-estensjoni ta’ l-użu mitluba ma tikkawżax riskji oħrajn barra dawk li diġà kienu kkunsidrati fid-dispożizzjonijiet speċifiċi għall-fosthiazate fl-Anness I tad-Direttiva 91/414/KEE u fir-rapport ta’ reviżjoni tal-Kummissjoni dwar is-sustanza. Dan hu partikularment minnu ġaladarba l-estensjoni tikkonċerna biss l-organiżmi kkontrollati, iżda mhux il-parametri ta’ l-applikazzjoni kif iffissati fid-dispożizzjonijiet speċifiċi ta’ l-Anness I tad-Direttiva 91/414/KEE. |
(5) |
Għalhekk huwa ġustifikat li jkunu modifikati d-dispożizzjonijiet speċifiċi għall-fosthiazate. |
(6) |
Għalhekk huwa xieraq li d-Direttiva 91/414/KEE tkun emendata kif inhu xieraq. |
(7) |
Il-miżuri previsti f'din id-Direttiva huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat kif stipulat fl-Anness ta’ din id-Direttiva.
Artikolu 2
L-Istati Membri għandhom jadottaw u jippubblikaw sa mhux iktar tard mill-1 ta’ Settembru 2007, il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Huma għandhom minnufih jikkomunikaw lill-Kummissjoni t-test ta’ dawn id-dispożizzjonijiet u l-iskeda ta’ korrelazzjoni bejn dawn id-dispożizzjonijiet u din id-Direttiva.
Għandhom japplikaw dawn id-dispożizzjonijiet mit-2 ta’ Settembru 2007.
Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew ikunu akkumpanjati minn din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha issir din ir-referenza.
Artikolu 3
Din id-Direttiva għandha tidħol fis-seħħ fl-għoxrin jum wara dak li fih tkun ippubblikata fil-Ġurnal Uffiċjali ta’ l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, 31 ta’ Mejju 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 230, 19.8.1991, p. 1. Id-Direttiva kif emendata l-aħħar bid-Direttiva tal-Kummissjoni 2007/25/KE (ĠU L 106, 24.4.2007, p. 34).
(2) ĠU L 247, 30.9.2003, p. 20. Id-Direttiva kif emendata bid-Direttiva 2004/64/KE (ĠU L 125, 28.4.2004, p. 42).
ANNESS
Fl-Anness I tad-Direttiva 91/414/KEE, ir-ringiela 69 tinbidel b’dan li ġej:
“69 |
Fosthiazate Nru CAS 98886-44-3 CIPAC Nru 585 |
(RS)-S-sec-butyl O-ethyl 2-oxo-1,3-thiazolidin-3-ylphosphonothioate |
930 g/kg |
1 ta’ Jannar 2004 |
31 ta’ Diċembru 2013 |
Huma biss użi bħala insettiċidi jew nematiċidi li jistgħu jkunu awtorizzati. Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-fosthiazate, u b’mod partikolari l-Appendiċi I u II tiegħu, kif iffinalizzati mill-Kumitat Permanenti dwar il-Katina Alimentari u s-Saħħa ta’ l-Annimali fl-4 ta’ Lulju 2003. F’din il-valutazzjoni ġenerali, l-Istati Membri:
Miżuri ta' tnaqqis tar-riskju għandhom ikunu applikati fejn hu xieraq. Sabiex jitnaqqas ir-riskju potenzjali lill-għasafar iż-żgħar, l-awtorizzazzjonijiet tal-prodott għandhom jirrikjedu li jinkiseb livell għoli ħafna ta' inkorporazzjoni ta' granuli fl-art. L-Istati Membri għandhom jinformaw il-Kummissjoni skond l-Artikolu 13(5) dwar l-ispeċifikazzjoni tal-materjal tekniku kif kummerċjalment manifatturat.” |