EUR-Lex Access to European Union law
This document is an excerpt from the EUR-Lex website
Document 32007D0169
2007/169/EC: Commission Decision of 16 March 2007 establishing that Article 30(1) of Directive 2004/17/EC of the European Parliament and of the Council coordinating the procurement procedures of entities operating in the water, energy, transport and postal services sectors applies to certain courier and parcel services in Denmark (notified under document number C(2007) 840) (Text with EEA relevance )
Deċiżjoni tal-Kummissjoni tas- 16 ta' Marzu 2007 jistabbilixxi li l-Artikolu 30(1) tad-Direttiva tal-Parlament Ewropew u tal-Kunsill 2004/17/KE tal- 31 ta' Marzu 2004 li tikkoordina l-proċeduri ta' xiri ta' entitajiet li joperaw fis-setturi ta' l-ilma, l-enerġija, it-trasport u s-servizzi postali japplika għal ċerti servizzi ta' courier u ta' posta tal-pakketti fid-Danimarka (notifikat bid-dokument numru C(2006) 840) Test b'rilevanza għaż-ŻEE
Deċiżjoni tal-Kummissjoni tas- 16 ta' Marzu 2007 jistabbilixxi li l-Artikolu 30(1) tad-Direttiva tal-Parlament Ewropew u tal-Kunsill 2004/17/KE tal- 31 ta' Marzu 2004 li tikkoordina l-proċeduri ta' xiri ta' entitajiet li joperaw fis-setturi ta' l-ilma, l-enerġija, it-trasport u s-servizzi postali japplika għal ċerti servizzi ta' courier u ta' posta tal-pakketti fid-Danimarka (notifikat bid-dokument numru C(2006) 840) Test b'rilevanza għaż-ŻEE
ĠU L 78, 17.3.2007, p. 28–30
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 219M, 24.8.2007, p. 346–348
(MT)
In force
24.8.2007 |
MT |
Il-Ġurnal Uffiċjali ta’ l-Unjoni Ewropea |
346 |
DEĊIŻJONI TAL-KUMMISSJONI
tas-16 ta' Marzu 2007
jistabbilixxi li l-Artikolu 30(1) tad-Direttiva tal-Parlament Ewropew u tal-Kunsill 2004/17/KE tal-31 ta' Marzu 2004 li tikkoordina l-proċeduri ta' xiri ta' entitajiet li joperaw fis-setturi ta' l-ilma, l-enerġija, it-trasport u s-servizzi postali japplika għal ċerti servizzi ta' courier u ta' posta tal-pakketti fid-Danimarka
(notifikat bid-dokument numru C(2006) 840)
(It-test bid-Daniż biss huwa awtentiku)
(Test b'rilevanza għaż-ŻEE)
(2007/169/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Parlament Ewropew u tal-Kunsill 2004/17/KE tal-31 ta' Marzu 2004 li tikkoordina l-proċeduri ta' xiri ta' entitajiet li joperaw fit-taqsimiet ta' l-ilma, l-enerġija, it-trasport u s-servizzi postali (1), u b'mod partikulari l-Artikolu 30(4) u (6) tiegħu,
Wara li kkunsidrat it-talba ppreżentata mir-Renju tad-Danimarka permezz ta' messaġġ elettroniku tal-20 ta' Novembru 2006, u l-informazzjoni addizzjonali mitluba mill-persunal tal-Kummissjoni permezz ta' messaġġ elettroniku tat-8 ta' Diċembru 2006 u ppreżentata mill-awtoritajiet Daniżi permezz ta' messaġġ elettroniku tat-22 ta' Diċembru 2006,
Wara li kkunsidrat il-konklużjonijiet ta' l-awtorità nazzjonali indipendenti, Konkurrencestyrelsen (l-Awtorità Daniża għall-Kompetizzjoni), li l-kundizzjonijiet għall-applikabbiltà ta' l-Artikolu 30(1) tad-Direttiva 2004/17/KE ser jintlaħqu,
Billi:
(1) |
L-Artikolu 30 tad-Direttiva 2004/17/KE jistipula li l-kuntratti previsti biex jippermettu li l-prestazzjoni ta' waħda mill-attivitajiet li għaliha tapplika d-Direttiva ma tkunx soġġett għad-Direttiva jekk, fl-Istat Membru li li fih tkun sejra ssir, l-attività tkun esposta direttament għal kompetizzjoni fi swieq li mhemmx restrizzjonijiet ta' aċċess għalihom. L-espożizzjoni diretta għall-kompetizzjoni tiġi evalwata fuq il-bażi ta' kriterji oġġettivi, filwaqt li jiġu kkunsidrati l-karatteristiċispeċifiċi tas-settur involut. L-aċċess jitqies li jkun mhux ristrett jekk l-Istat Membru implimenta u applika l-leġiżlazzjoni rilevanti tal-Komunità għall-ftuħ ta' settur partikulari jew parti minnu. |
(2) |
Il-leġiżlazzjoni hi mniżżla fl-Anness XI tad-Direttiva 2004/17/KE, li, fil-kaz tas-servizzi postali, tirreferi għad-Direttiva tal-Parlament Ewropew u tal-Kunsill 97/67/KE tal-15 ta' Diċembru 1997 dwar regoli komuni għall-iżvilupp tas-suq intern ta' servizzi postali komunitarji u t-titjib ta' kwalità ta' servizz (2). |
(3) |
Skond l-Artikolu 62(2) tad-Direttiva 2004/17/KE, it-Titolu III ta' dik id-Direttiva li jistabbilixxi r-regoli dwar il-kompetizzjonijiet tad-disinn ta' servizzi ma japplikax għall-kompetizzjonijiet organizzati għall-iskop, fl-Istat Membru kkonċernat, ta' attività li għaliha l-applikabbiltà ta' l-Artikolu 30(1) tad-Direttiva kienet stabbilita minn deċiżjoni tal-Kummissjoni jew li kienet tqieset applikabbli taħt it-tieni jew it-tielet subparagrafu ta' l-Artikolu 30(4) jew ir-raba' subparagrafu ta' l-Artikolu 30(5). |
(4) |
It-talba ppreżentata mir-Renju tad-Danimarka tikkonċerna ċerti servizzi ta' courier u ta' posta tal-pakketti fid-Danimarka. B'mod aktar preċiż, is-servizzi involuti jistgħu jiġu deskritti bħala servizzi domestiċi u internazzjonali ta' posta tal-pakketti tat-tip Impriża għal Impriża (Business to Business – BtB); servizzi domestiċi u internazzjonali għal ġarr ta' oġġetti ħfief/oġġetti fuq pallet; kif ukoll servizzi domestiċi u internazzjonali ta' courier u express. B'konformità ma' deċiżjonijiet preċedenti tal-Kummissjoni (3), tista' ssir distinzjoni bejn is-servizzi msemmija hawn fuq, u għalhekk kull wieħed minn dawn is-servizzi jista' jitqies li jikkostitwixxi suq separat. Għalhekk, it-talba Daniża tikkonċerna sitt swieq differenti. Skond l-Artikolu 6 tad-Direttiva 2004/17/KE, servizzi ta' loġistika, bħal servizzi ta' courier u express, huma koperti mid-Direttiva sakemm dawn is-servizzi jiġu pprovduti minn entitajiet li jipprovdu wkoll servizzi postali fis-sens tal-Artikolu 6(2)(b) tagħha. |
(5) |
Bħala intrapriża pubblika fis-sens tal-Artikolu 2(1)(b) tad-Direttiva 2004/17/KE li tagħmel ħafna mill-attivitajiet imsemmija fl-Artikolu 6 ta' dik id-Direttiva, Post Danmark, li f'isimha saret din ir-rikjesta, għall-iskopijiet tad-Direttiva 2004/17/KE hi entità kontraenti. Skond l-informazzjoni disponibbli, jidher li hi l-unika entità kontraenti li qed topera fis-swieq ikkonċernati minn din id-Deċiżjoni, peress li l-operaturi l-oħra huma kumpaniji li ma joperawx fuq il-bażi ta' drittijiet speċjali jew esklussivi. |
(6) |
Dawn il-valutazzjonijiet, u l-oħrajn li jinstabu f'din id-Deċiżjoni, huma magħmulin biss għall-iskopijiet tad-Direttiva 2004/17/KE u huma bla preġudizzju għall-applikazzjoni tar-regoli dwar il-kompetizzjoni. |
(7) |
Id-Danimarka implimentat u applikat id-Direttiva 97/67/KE. Konsegwentement, u f'konformità ma' l-ewwel subparagrafu ta' l-Artikolu 30(3), għandu jiġi kkunsidrat li l-aċċess għas-suq mhux ristrett. |
(8) |
L-espożizzjoni diretta għall-kompetizzjoni għandha tiġi evalwata fuq il-bażi ta' indikaturi varji, li l-ebda wieħed minnhom ma hu deċiżiv fih innifsu. |
(9) |
Wieħed mill-parametri li għandu jiġi kkunsidrat hu l-ishma mis-suq tal-partijiet ewlenin f'suq partikolari u ieħor hu l-livell ta' konċentrazzjoni. Kemm jekk jitkejjel f'termini ta' fatturat anke jekk jitkejjel f'termini ta' għadd ta' konsenji, is-sehem mis-suq li Post Danmark ikollu fi kwalunkwe mis-sitt swieq ikkonċernati jvarja, skond l-informazzjoni disponibbli, bejn anqas minn 1 % (4) sa 35-40 % (5), li huma livelli aċċettabbli, meta tikkonsidra wkoll il-livell ta' konċentrazzjoni f'dawn is-swieq. Post Danmark hu l-akbar operatur waħdieni fuq tnejn biss minn dawn is-swieq, dak għas-servizzi domestiċi ta' posta tal-pakketti u dak għas-servizzi domestiċi ta' courier u express rispettivament (6). F'dawn iż-żewġ swieq, is-sehem mis-suq totali ta' l-akbar żewġ kompetituri ta' Post Danmark hu daqs dak ta' Post Danmark jew akbar minnu (7). F'dawk is-swieq fejn Post Danmark ma għandiex l-akbar sehem mis-suq, it-totali ta' l-ishma mis-suq ta' l-akbar żewġ kompetituri tagħha huwa ferm akbar (8) minn dak ta' Post Danmark. Dawn il-fatturi għandhom għalhekk jitqiesu bħala indikazzjoni ta' espożizzjoni diretta għal kompetizzjoni. |
(10) |
Minħabba l-indikaturi msemmija hawn fuq, il-kundizzjoni ta' l-esponiment dirett għall-kompetizzjoni mniżżla fl-Artikolu 30(1) tad-Direttiva 2004/17/KE għandha titiqies li ntlaħqet fir-rispett tas-servizzi ta' posta tal-pakketti u courier fid-Danimarka li huma speċifikati fil-Premessa 4 (9). Kif innotat hawn fuq fil-premessa 7, il-kundizzjoni l-oħra għall-aċċess ħieles għall-attività trid titqies bħala milħuqa. B'riżultat ta' dan, id-Direttiva 2004/17/KE ma għandhiex tapplika, la meta l-entitajiet kontraenti joffru kuntratti bl-għan li jipprovdu s-servizzi ta' posta tal-pakketti u courier li jsiru fid-Danimarka u li jintlaqtu minn din it-talba, u l-anqas meta jorganizzaw kompetizzjonijiet ta' disinn sabiex jintlaħaq l-għan ta' attività bħal din hemmhekk. |
(11) |
Din id-Deċiżjoni hi bbażata fuq is-sitwazzjoni ġuridika u fattwali kif kienet f'Novembru u Diċembru tal-2006, kif toħroġ mill-informazzjoni mressqa mir-Renju tad-Danimarka. Tista' tiġi riveduta, jekk xi tibdiliet sinifikanti fis-sitwazzjoni ġuridika jew fattwali jfissru li l-kundizzjonijiet għall-applikabbiltà ta' l-Artikolu 30(1) tad-Direttiva 2004/17/KE ma jistgħux jintlaħqu aktar. |
(12) |
Il-miżuri previsti f'din id-Deċiżjoni huma skond l-opinjoni tal-Kumitat Konsultattiv għall-Kuntratti Pubbliċi, |
ADOTTAT DIN ID-DEĊIŻJONI:
Artikolu 1
Id-Direttiva 2004/17/EC ma tapplikax għall-kuntratti mogħtija mill-entitajiet kontraenti u bl-għan li jippermettulhom iwettqu s-servizzi ta' posta tal-pakketti u courier li jidhru hawn taħt fid-Danimarka:
a) |
Servizzi domestiċi ta' posta tal-pakketti Impriża għal Impriża (BtB); |
b) |
Servizzi internazzjonali ta' posta tal-pakketti Impriża għal Impriża (BtB); |
ċ) |
Servizzi domestiċi għal ġarr ta' oġġetti ħfief/oġġetti fuq pallet; |
d) |
Servizzi internazzjonali għal ġarr ta' oġġetti ħfief/oġġetti fuq pallet; |
e) |
Servizzi domestiċi ta' courier u express; kif ukoll |
f) |
Servizzi internazzjonali ta' courier u express; |
Artikolu 2
Din id-Deċiżjoni hi bbażata fuq is-sitwazzjoni ġuridika u fattwali kif kienet f'Novembru u Diċembru ta' l-2006, kif toħroġ mill-informazzjoni mressqa mir-Renju tad-Danimarka. Tista' tiġi riveduta, jekk xi tibdiliet sinifikanti fis-sitwazzjoni ġuridika jew fattwali jfissru li l-kundizzjonijiet għall-applikabbiltà ta' l-Artikolu 30(1) tad-Direttiva 2004/17/KE ma jistgħux jintlaħqu aktar.
Artikolu 3
Din id-Deċiżjoni hija indirizzata lir-Renju tad-Danimarka.
Magħmul fi Brussell, 16 ta' Marzu 2007.
Għall-Kummissjoni
Charlie McCREEVY
Membru tal-Kummissjoni
(1) ĠU L 134, 30.4.2004, p. 1. Id-Direttiva kif emendata l-aħħar bir-Regolament tal-Kummissjoni (KE) Nru 2083/2005 tad-19 ta' Diċembru 2005 (ĠU L 333, 20.12.2005, p. 28).
(2) GU L 15, 21.1.1998, p. 14. Id-Direttiva kif emendata l-aħħar bid-Direttiva 2002/39/KE (ĠU L 176, 5.7.2002, p. 21).
(3) Id-Deċiżjoni tal-Kummissjoni tat-02.12.1991 li tiddikjara li konċentrazzjoni tkun kompatibbli mas-suq komuni (Każ Nru IV/M 102 – TNT/CANADA POST, DBP POSTDIENST, LA POSTE, PTT POST & SWEDEN POST) skond ir-Regolament tal-Kunsill (KEE) Nru 4064/89: punti 19 et seq.; id-Deċiżjoni tal-Kummissjoni tat-08/11/1996 li tiddikjara li konċentrazzjoni tkun kompatibbli mas-suq komuni (Każ Nru IV/M 843 – PTT Post/TNT/GD Express Worldwide) skond ir-Regolament tal-Kunsill (KEE) Nru 4064/89, punti 10 et seq.; id-Deċiżjoni tal-Kummissjoni tal-01/07/1999 li tiddikjara li konċentrazzjoni tkun kompatibbli mas-suq komuni (Każ Nru IV/M 1513 – DEUTSCHE POST/DANZAS/NEDLLOYD) skond ir-Regolament tal-Kunsill (KEE) Nru 4064/89, punti 8 et seq.; id-Deċiżjoni tal-Kunsill tal-20 ta' Marzu 2001 rigward proċedura taħt l-Artikolu 82 tat-Trattat tal-KE (Każ COMP/35.141 – Deutsche Post AG): punt 26 et seq.; id-Deċiżjoni tal-Kummissjoni tal-21/10/2002 li tiddikjara li konċentrazzjoni tkun kompatibbli mas-suq komuni (Każ Nru IV/M 2908 – DEUTSCHE POST/DHL (II)) skond ir-Regolament tal-Kunsill (KEE) Nru 4064/89: punt 10 et seq.;
(4) Fis-suq tas-servizzi internazzjonali ta' courier u express fl-2005.
(5) Is-suq ta' l-2005 għal servizzi postali domestiċi BtB (minn u lejn id-Danimarka).
(6) Fl-2005, is-sehem mis-suq li kellu l-Post Danmark f'termini ta' fatturat kien ta' 16-19 % għal-servizzi domestiċi ta' courier u express u ta' 35 – 40 % f'termini ta' fatturat għal servizzi domestiċi ta' posta tal-pakketti BtB.
(7) Fl-2005, l-ishma mis-suq miġmugħa ta' l-akbar żewġ kompetituri fis-suq tas-servizzi domestiċi ta' posta tal-pakketti BtB kien jammonta għal 36 –44 % f'termini ta' fatturat, filwaqt li sehemhom magħqud mis-suq, f'termini ta fatturat ukoll, kien ta' 23 – 29 % fis-suq għal servizzi domestiċi ta' courier u express.
(8) Eż. fis-suq għal ġarr ta' oġġetti ħfief/oġġetti fuq pallet, fejn Post Danmark, f'termini ta' fatturat, għandha sehem mis-suq ta' 3 – 5 %, filwaqt li l-għadd totali ta' ishma mis-suq ta' l-akbar żewġ operaturi, f'termini ta' fatturat, jammonta għal 69 – 83 %. Fis-suq tas-servizzi internazzjonali ta' courier u express, id-differenza hija akbar, fejn is-sehem ta' Post Danmark f'termini ta' fatturat telgħet għal 1 % fl-2005, meta l-għadd totali ta' ishma mis-suq ta' l-akbar żewġ operaturi fis-suq, f'termini ta' fatturat ukoll, ammonta għal 65 – 80 %.
(9) Is-servizzi involuti huma deskritti bħala servizzi domestiċi u internazzjonali ta' posta tal-pakketti tat-tip Impriża għal Impriża (Business to Business – BtB); ġarr ta' oġġetti ħfief/oġġetti fuq pallet, domestiċi u internazzjonali; kif ukoll servizzi domestiċi u internazzjonali ta' courier u express.