Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006R1678

    Regolament tal-Kummissjoni (KE) Nru 1678/2006 ta’ l- 14 ta’ Novembru 2006 li jemenda r-Regolament (KE) Nru 92/2005 rigward il-mezzi alternattivi għar-rimi u l-użu ta’ prodotti sekondarji mill-annimali Test b’rilevanza għaż-ŻEE.

    ĠU L 314, 15.11.2006, p. 4–6 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 314M, 1.12.2007, p. 346–348 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO)

    Legal status of the document No longer in force, Date of end of validity: 03/03/2011; Impliċitament imħassar minn 32011R0142

    ELI: http://data.europa.eu/eli/reg/2006/1678/oj

    Date of document:
    14/11/2006
    Date of effect:
    18/11/2006; Dħul fis-seħħ Data tal-pubblikazzjoni + 3 Ara Art. 2
    Date of end of validity:
    03/03/2011; Impliċitament imħassar minn 32011R0142
    Author:
    Il-Kummissjoni Ewropea
    Form:
    Regolament
    Additional information:
    Estiża għaż-ŻEE permezz ta' 22007D0135, Rilevanza għaż-ŻEE
    Authentic language:
    Spanjol, Ċek, Daniż, Ġermaniż, Eston, Grieg, Ingliż, Franċiż, Taljan, Latvjan, Litwan, Ungeriż, Malti, Olandiż, Pollakk, Portugiż, Slovakk, Sloven, Finlandiż, Svediż, Islandiż, Norveġiż
    Treaty:
    Trattat li jistabbilixxi l-Komunità Ewropea għall-Enerġija Atomika
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32005R0092 Emenda anness 4 18/11/2006
    Modifies 32005R0092 Tlestija artikolu 4.2 18/11/2006
    Modifies 32005R0092 Tlestija artikolu 2.3 18/11/2006
    Modifies 32005R0092 Sostituzzjoni artikolu 2 18/11/2006
    Modifies 32005R0092 Żieda anness 7 18/11/2006
    Modifies 32005R0092 abolizzjoni artikolu 4.5 18/11/2006
    Modified by:
    Relation Act Comment Subdivision concerned From To
    Implicitly repealed by 32011R0142 04/03/2011
    Link
    Link

    1.12.2007   

    MT

    Il-Ġurnal Uffiċjali ta’ l-Unjoni Ewropea

    346

    REGOLAMENT TAL-KUMMISSJONI (KE) Nru 1678/2006

    ta’ l-14 ta’ Novembru 2006

    li jemenda r-Regolament (KE) Nru 92/2005 rigward il-mezzi alternattivi għar-rimi u l-użu ta’ prodotti sekondarji mill-annimali

    (Test b’rilevanza għaż-ŻEE)

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkundsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jistipula regoli tas-saħħa li jikkonċernaw prodotti sekondarji ta’ l-annimali mhux maħsuba għall-konsum uman (1), u partikolarment l-Artikoli 5(2) u 6(2) tiegħu,

    Billi:

    (1)

    Ir-Regolament (KE) Nru 1774/2002 jistipula regoli li jikkonċernaw il-mezzi għar-rimi u użi ta’ prodotti sekondarji mill-annimali. Jipprevedi wkoll il-possibilità għal mezzi supplimentari ta’ rimi ta’ u użi oħrajn ta’ prodotti sekondarji mill-annimali li jridu jiġu approvati wara konsultazzjoni tal-kumitat xjentifiku rilevanti.

    (2)

    Fuq il-bażi ta’ l-opinjonijiet maħruġa mill-Kumitat Xjentifiku ta’ Tmexxija u ta’ l-Awtorità ta’ Sigurtà ta’ l-Ikel Ewropea (EFSA), sa llum sitt proċessi ġew approvati bħala mezzi alternattivi għar-rimi jew ta’ użi ta’ prodotti sekondarji mill-annimali skond ir-Regolament tal-Kummissjoni (KE) Nru 92/2005 tad-19 ta’ Jannar 2005 li jimplimenta r-Regolament (KE) Nru 1774/2002 tal-Parlament Ewropew u tal-Kunsill rigward il-mezzi ta’ rimi jew użi ta’ prodotti sekondarji mill-annimali u jemenda l-Anness VI tiegħu rigward it-trasformazzjoni tal-bijogass u l-ipproċessar ta’ trasformazzjoni ta’ xaħmijiet maħlula (2)

    (3)

    Fuq il-bażi ta’ iżjed applikazzjonijiet, fit-13 ta’ Lulju 2006 l-EFSA ħarġet opinjoni rigward is-sigurtà ta’ proċess termo-mekkaniku għall-produzzjoni tal-bijofjuwil. Il-kundizzjonijiet li bis-saħħa tagħhom il-proċess tqies bħala mezz sigur ta’ rimi tad-demel u l-kontenut tas-sistema diġestiva u l-materjal tal-Kategorija 3 għandhom għalhekk jitqiesu billi jiġi emendat ir-Regolament (KE) Nru 92/2005.

    (4)

    Meta tqiesu mill-ġdid ir-riskji għas-saħħa pubblika u ta’ l-annimali, il-materjal tal-Kategorija 2 li jirriżulta mill-proċess ta’ produzzjoni tal-bijodiżil approvat għandu jiġi permess għal ċerti użi tekniċi jew għat-trasformazzjoni f’bijogass.

    (5)

    Ir-Regolament (KE) Nru 92/2005 għandu jiġi emendat skond dan.

    (6)

    Il-miżuri stipulati f’dan ir-Regolament huma konformi ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

    ADOTTAT DAN IR-REGOLAMENT:

    Artikolu 1

    Ir-Regolament (KE) Nru 92/2005 huwa emendat kif ġej:

    (1)

    L-Artikolu 2 jinbidel b’dan li ġej:

    “Artikolu 2

    Approvazzjoni, trattament u użu jew rimi tal-materjal tal-Kategorija 2 jew 3

    1.   Il-proċessi segwenti huma approvati u jistgħu jiġu awtorizzati mill-awtorità kompetenti għat-trattament u użu jew rimi tal-materjal tal-Kategorija 2 jew 3:

    (a)

    proċess ta’ idrolisi alkalina kif iddefinit fl-Anness I;

    (b)

    proċess ta’ idrolisi alkalina ta’ temperatura u pressjoni għolja kif iddefinit fl-Anness II;

    (c)

    proċess ta’ bijogass ta’ l-idrolisi taħt pressjoni għolja kif iddefinit fl-Anness III;

    (d)

    proċess ta’ produzzjoni ta’ bijodiżel kif iddefinit fl-Anness IV;

    (e)

    proċess ta’ gassifikazzjoni Brookes kif iddefinit fl-Anness V; kif ukoll

    (f)

    il-ħruq tax-xaħam ta’ l-annimali fi proċess ta’ bojler termali kif iddefinit fl-Anness VI;

    Il-proċessi ta’ produzzjoni bijofjuwil termo-mekkaniku kif iddefinit fl-Anness VII hu approvat u jista’ jiġi awtorizzat mill-awtorità kompetenti għat-trattament u rimi tad-demel u tal-kontenut tas-sistema diġestiva u l-materjal tal-Kategorija 3.

    2.   L-awtorità kompetenti tista’ tawtorizza l-użu ta’ parametri oħrajn ta’ proċess, dment li tali parameteri jipprovdu għal tnaqqis ekwivalenti ta’ riskji għas-saħħa pubblika u ta’ l-annimali, għall-istadji ta’:

    (a)

    il-proċess ta’ produzzjoni ta’ bijodiżil kif iddefinit fl-Anness IV, il-punt 1(b)(i); kif ukoll

    (b)

    il-proċess ta’ ħruq tax-xaħam ta’ l-annimali f’bojler termali kif iddefinit fl-Anness VI, il-punt 1(c)(i).”

    (2)

    Fit-titolu u fl-ewwel sentenza ta’ l-Artikolu 3, “Annessi I sa VI” hi mibdula b“l-Anness”i.

    (3)

    L-Artikolu 4 huwa emendat kif ġej:

    (a)

    Fil-paragrafu 2, jiżdied is-subparagrafu li ġej:

    “Madankollu, il-materjal li jirriżulta mill-proċess ta’ produzzjoni ta’ bijodiżel kif iddefinit fl-Anness IV se jinħaraq.”

    (b)

    Fil-paragrafu 3 il-punt (d) li ġej huwa miżjud:

    “(d)

    f’każ ta’ materjal li jirriżulta mill-proċess ta’ produzzjoni ta’ bijodiżel kif iddefinit fl-Anness IV, użat għall-produzzjoni ta’ prodotti tekniċi.”

    (c)

    Il-Paragrafu 5 qed jitneħħa.

    (4)

    L-Annessi jiġu emendati skond l-Anness għal dan ir-Regolament.

    Artikolu 2

    Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, 14 ta’ Novembru 2006.

    Għall-Kummissjoni

    Markos KYPRIANOU

    Membru tal-Kummissjoni

    (1)  ĠU L 273, 10.10.2002, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 208/2006 (ĠU L 36, 8.2.2006, p. 25).

    (2)  ĠU L 19, 21.1.2005, p. 27. Ir-Regolament kif emendat l-aħħar mir-Regolament (KE) Nru 2067/2005 (ĠU L 331, 17.12.2005, p. 12).

    ANNESS

    L-Annessi tar-Regolament (KE) Nru 92/2005 huma emendati kif ġej:

    (1)

    Fl-Anness IV, il-punt 3 qed jitneħħa.

    (2)

    L-Anness VII li ġej hu miżjud:

    “ANNESS VII

    PROĊESS TA’ PRODUZZJONI TAL-BIJOFJUWIL TERMO-MEKKANIKU

    Il-produzzjoni tal-bijofjuwil termo-mekkaniku jfisser trattament tal-prodotti sekondarji mill-annimali skond dawn il-kondizzjonijiet:

    1.

    Il-prodotti sekondarji mill-annimali huma mgħobbija f’reċipjent u ttrattati għaldaqstant f’temperatura ta’ 80° C għal perjodu ta’ tmien sigħat. Tul dan il-perjodu, il-materjal hu kontinwament imnaqqas fid-daqs bl-użu ta’ tagħmir mekkaniku xieraq li jobrox.

    2.

    Il-materjal hu għalhekk ittrattat għal temperatura ta’ 100° C għal mill-inqas sagħtejn.

    3.

    Id-daqs tal-partikola tal-materjal li tirriżulta m’għandhiex tkun akbar minn 20 millimetru.

    4.

    Il-prodotti sekondarji ta’ l-annimali huma ttrattati b’tali mod li r-rekwiżiti ħin-temperatura stipulati fil-paragrafu 1 u 2 jinkisbu fl-istess ħin.

    5.

    Filwaqt li l-materjal jissaħħan, ilma evaporat jinħareġ kontinwament mill-ispazju ta’ l-arja fuq il-bijofjuwil u jgħaddi minn kondenser ta’ l-azzar li ma jissaddadx. Il-kondensat jinżamm f’temperatura ta’ mill-inqas 70° C għal mill-inqas siegħa qabel ma jitbattal bħala ilma għar-rimi.

    6.

    Wara li jissaħħan il-materjal, il-bijofjuwil li jirriżulta mill-reċipjent jitbattal u jinġarr awtomatikament minn trasportatur kopert u magħluq totalment għall-ħruq sa ma jsiru rmied jew ko-inċinerazzjoni fl-istess post.

    7.

    Sistema ta’ analiżi tal-periklu u punti ta’ kontroll kritiċi hi stabbilita u miżmuma. Din tippermetti għall-kontroll tar-rekwiżiti stipulati fil-paragrafu 1 sa 6.

    8.

    L-ipproċessar hu mwettaq f’sistema ta’ gruppi.”
    Top