Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006E0184

    Azzjoni Konġunta tal-Kunsill 2006/184/PESK tas- 27 ta' Frar 2006 b'appoġġ għall-Konvenzjoni ta’ l-Armi Bioloġiċi u Tossiċi, fil-qafas ta' l-Istrateġija ta' l-UE kontra l-Proliferazzjoni ta' l-Armi ta' Qerda tal-Massa

    ĠU L 65, 7.3.2006, p. 51–55 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 270M, 29.9.2006, p. 311–315 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO)

    Legal status of the document No longer in force, Date of end of validity: 26/08/2007

    ELI: http://data.europa.eu/eli/joint_action/2006/184/oj

    Date of document:
    27/02/2006
    Date of effect:
    27/02/2006; Dħul fis-seħħ Data tal-pubblikazzjoni Ara Art. 5
    Date of end of validity:
    26/08/2007; Ara Art. 5
    Author:
    Il-Kunsill tal-Unjoni Ewropea
    Form:
    Azzjoni konġunta
    Treaty:
    Trattat dwar l−Unjoni Ewropea
    Legal basis:
    Link
    Select all documents based on this document
    Link
    Link
    Select all documents mentioning this document
    Link
    Link

    29.9.2006   

    MT

    Il-Ġurnal Uffiċjali ta’ l-Unjoni Ewropea

    311

    AZZJONI KONĠUNTA TAL-KUNSILL 2006/184/PESK

    tas-27 ta' Frar 2006

    b'appoġġ għall-Konvenzjoni ta’ l-Armi Bioloġiċi u Tossiċi, fil-qafas ta' l-Istrateġija ta' l-UE kontra l-Proliferazzjoni ta' l-Armi ta' Qerda tal-Massa

    IL-KUNSILL TA' L-UNJONI EWROPEA,

    Wara li kkunsidra t-Trattat dwar l-Unjoni Ewropea, u b’mod partikolari l-Artikolu 14 tiegħu,

    Billi:

    (1)

    Fit-12 ta' Diċembru 2003, il-Kunsill Ewropew adotta l-Istrateġija ta' l-UE kontra l-Proliferazzjoni ta' Armi ta' Qerda tal-Massa, li fil-Kapitolu III tagħha, fiha lista ta' miżuri biex tiġi miġġielda tali proliferazzjoni.

    (2)

    L-Unjoni Ewropea qiegħda attivament timplementa l-Istrateġija ta' l-UE u qed tagħti effett lill-miżuri elenkati fil-Kapitolu III tagħha, b'mod partikolari dawk relatati mar-rinfurzar tal-Konvenzjoni dwar Armi Bijoloġiċi u Tossiniċi (BTWC), u li jinkludu appoġġ għall-implimentazzjoni nazzjonali tal-BTWC, u qed tkompli tirrifletti dwar il-mekkaniżmu tal-verifika.

    (3)

    Il-preżentazzjoni ta' Miżuri ta' Bini ta' Kunfidenza (CBMs) tikkostitwixxi element importanti biex tiżdied it-transparenza fl-implimentazzjoni tal-BTWC u kien hemm qbil fuq Pjan ta' Azzjoni ta' l-UE biex in-numru ta' CBMs preżentati mill-Istati Membri jitjieb u biex l-Istati Membri kollha jiġu inkoraġġuti sabiex jippreżentaw listi ta' esperti u laboratorji adatti lis-Segretarju Ġenerali tan-Nazzjonijiet Uniti (UNSG), u r-riżultati ta' dan jistgħu jservu biex jiddefinixxu l-kontenuti ta' Azzjonijiet Konġunti ulterjuri f'dan il-qasam.

    (4)

    Il-Konferenza ta' Reviżjoni tal-BTWC fl-2006 se tkun opportunità tajba għal qbil dwar miżuri speċifiċi, prattiċi u realistiċi biex isaħħu kemm il-BTWC kif ukoll il-konformità magħha. Rigward dan, l-Unjoni Ewropea tibqa' impenjata li tiżviluppa miżuri biex tivverifika l-konformità mal-BTWC. Madankollu, fin-nuqqas ta' negozjati dwar dan il-mekkaniżmu ta' verifika, xorta jifdal ħafna xogħol utli xi jsir fil-limiti tal-programm ta' ħidma intersessjonali tal-BTWC.

    (5)

    Il-Kummissjoni hija fdata bis-superviżjoni ta' l-implimentazzjoni korretta tal-kontribuzzjoni finanzjarja ta' l-UE,

    ADOTTA DIN L-AZZJONI KONĠUNTA:

    Artikolu 1

    1.   Bil-għan li tingħata applikazzjoni immedjata u prattika lil xi elementi ta' l-Istrateġija ta' l-UE kontra l-Proliferazzjoni ta' Armi ta' Qerda tal-Massa, l-Unjoni Ewropea għandha tappoġġa lill-BTWC, bl-objettivi li ġejjin:

    —

    Il-promozzjoni ta’ l-universalità tal-BTWC;

    —

    L-appoġġ għall-implimentazzjoni tal-BTWC mill-Istati Partijiet;

    2.   Il-proġetti li jikkorrespondu mal-miżuri ta' l-Istrateġija ta' l-UE huma dawk li għandhom l-għan li:

    —

    Jippromwovu l-universalità tal-BTWC bit-twettiq ta' attivitajiet, inklużi seminars u workshops reġjonali u sub-reġjonali, bil-għan li jikber in-numru ta' membri tal-BTWC;

    —

    Jassistu lill-Istati Partijiet fl-implimentazzjoni nazzjonali tal-BTWC, sabiex jiġi żġurat li l-Istati Partijiet jitrasferixxu l-obbligi internazzjonali tal-BTWC fil-leġislazzjoni nazzjonali u l-miżuri amministrattivi tagħhom.

    Deskrizzjoni dettaljata tal-proġetti msemmija hawn fuq tinsab fl-Anness.

    Artikolu 2

    1.   Il-Presidenza għandha tkun responsabbli għall-implimentazzjoni ta' l-Azzjoni Konġunta f'assoċjazzjoni sħiħa mal-Kummissjoni. Il-Kummissjoni għandha tissorvelja l-implimentazzjoni xierqa tal-kontribuzzjoni finanzjarja msemmija fl-Artikolu 3.

    2.   Sabiex jitwettqu l-objettivi li hemm speċifikati fl-Artikolu 1(1), il-Presidenza hija assistita mis-Segretarju Ġenerali/Rappreżentant Għoli tal-PESK (SĠ/RGħ), li ser ikun responsabbli għall-koordinazzjoni politika ta' l-implimentazzjoni tal-proġetti msemmija fl-Artikolu 1(2).

    3.   L-implimentazzjoni teknika tal-proġetti msemmija fl-Artikolu 1(2) hija fdata f'idejn l-Istitut tal-Gradwati ta' l-Istudji Internazzjonali, Ġinevra, li għandu jwettaq ix-xogħol tiegħu taħt ir-responsabbiltà tal-Presidenza u taħt il-kontroll tas-SĠ/RGħ.

    Artikolu 3

    1.   L-ammont finanzjarju ta' referenza għaż-żewġ proġetti elenkati fl-Artikolu 1(2), għandu jkun ta' EUR 867 000.

    2.   In-neqfa ffinanzjata mill-ammont stipulat fil-paragrafu 1 għandha tiġi ġestita skond il-proċeduri u r-regoli tal-Komunità applikabbli għall-budget ġenerali ta' l-Unjoni Ewropea bl-eċċezzjoni li kwalunkwe finanzjament ta' qabel m'għandux jibqa' l-proprjetà tal-Komunità.

    3.   Għall-għan ta' l-implimentazzjoni tal-proġetti msemmija fl-Artikolu 1(2), il-Kummissjoni għandha tikkonkludi arranġament finanzjarju ma' l-Istitut tal-Gradwati ta' l-Istudji Internazzjonali, Ġinevra, imsemmi fl-Artikolu 2 (3).

    Artikolu 4

    Il-Presidenza, assistita mis-SĠ/RGħ, għandha tirrapporta lill-Kunsill dwar l-implimentazzjoni ta' din l-Azzjoni Konġunta abbażi ta' rapporti regolari ppreparati mill-Istitut ta' Gradwati ta' l-Istudji Internazzjonali, Ġinevra. Il-Kummissjoni ser tkun assoċjata b'mod sħiħ u ser tipprovdi informazzjoni dwar l-implimentazzjoni finanzjarja tal-proġetti msemmija fl-Artikolu 1(2).

    Artikolu 5

    Din l-Azzjoni Konġunta għandha tidħol fis-seħħ fil-jum ta’ l-adozzjoni tagħha.

    Hija għandha tiskadi 18-il xahar wara li tiġi adottata.

    Artikolu 6

    Din l-Azzjoni Konġunta għandha tiġi pubblikata fil-Ġurnal Uffiċjali ta’ l-Unjoni Ewropea.

    Magħmul fi Brussell, nhar is-27 ta' Frar 2006.

    Għall-Kunsill

    Il-President

    U. PLASSNIK

    ANNESS

    1.   Objettiv

    Objettiv ġenerali: l-appoġġ għall-universalizzazzjoni tal-BTWC u, b'mod partikolari, il-promozzjoni ta' l-adeżjoni għall-BTWC minn Stati mhux Parti (Stati firmatarji kif ukoll Stati mhux firmatarji) u l-appoġġ għall-implimentazzjoni tal-BTWC mill-Istati Partijiet.

    Deskrizzjoni: L-assistenza ta' l-UE lill-BTWC ser tkun konċentrata fuq l-oqsma li ġejjin, identifikati mill-Istati Partijiet Ewropej tal-BTWC bħala li jeħtieġu azzjoni urġenti:

    (i)

    Il-promozzjoni ta’ l-universalità tal-BTWC;

    (ii)

    L-appoġġ għall-implimentazzjoni tal-BTWC mill-Istati Partijiet.

    Il-proġetti deskritti hawn taħt ser jibbenefikaw esklussivament mill-appoġġ ta’ l-UE.

    2.   Deskrizzjoni tal-proġett

    2.1.   Proġett 1: Il-promozzjoni ta’ l-universalità tal-BTWC

     

    Għan tal-proġett:

    Sħubija msaħħa fil-BTWC permezz ta' workshops reġjonali u sub-reġjonali. L-għan tal-workshops ser ikun li jinkoraġġixxu sħubija akbar u b'hekk implimentazzjoni msaħħa tal-BTWC f'dawn ir-reġjuni u li jfissru l-benefiċċji u l-konsegwenzi ta' adeżjoni mal-BTWC u li jifhmu l-ħtiġijiet ta' l-Istati mhux Parti għall-BTWC biex jassistuhom fl-adeżjoni u joffru l-assistenza teknika u ta' abbozzar ta' l-UE lill-Istati fil-bżonn.

     

    Riżultati tal-proġett:

    (i)

    Sħubija msaħħa tal-BTWC f'diversi reġjuni ġeografiċi (fl-Afrika tal-Punent u Ċentrali, fl-Afrika tal-Lvant u ta' Nofsinhar, fil-Lvant Nofsani, fl-Asja Ċentrali u l-Kawkasu, fl-Asja u l-Ġżejjer tal-Paċifiku, fl-Amerika Latina u l-Karibew);

    (ii)

    Networking reġjonali msaħħaħ, li jinvolvi organizzazzjonijiet u networks sub-reġjonali f'diversi oqsma rilevanti għall-BTWC.

     

    Deskrizzjoni tal-proġett:

    Il-proġett jipprovdi għall-organizzazzjoni ta' ħames workshops reġjonali fl-2006 - 2007 fi tliet stadji konsekuttivi. L-ewwel stadju preparatorju jikkonsisti f'li jiġu stabbiliti kuntatti ma' atturi rilevanti (il-komunità ta' diplomatiċi u esperti), jinżammu laqgħat preparatorji u jiġu abbozzati pakketti ta' informazzjoni, titwettaq riċerka u reviżjoni ta' l-istatus ta' l-implimentazzjoni fil-pajjiżi mmirati u tinħoloq Sistema ta' Maniġġar ta' Informazzjoni u Kollaborazzjoni għall-proġett ibbażata fuq l-internet. L-għan tat-tieni stadju hu li titqajjem kuxjenza dwar ir-rilevanza tal-BTWC fost il-komunità diplomatika u b'mod aktar wiesa' fost l-amministrazzjonijiet nazzjonali ta' pajjiżi magħżula u titħejja l-bażi għal parteċipazzjoni effettiva tal-pajjiżi konċernati fit-tielet stadju tal-proġett. Għal dan il-għan, is-sensiela ta' laqgħat ma' diplomatiċi ta' pajjiżi magħżula ser tiġi organizzata fi Brussel, Ġinevra, l-Aja u New York, fejn normalment jitwettqu l-attivitajiet diplomatiċi relatati tal-BTWC. Ħames workshops reġjonali previsti fit-tielet stadju tal-proġett:

    (a)

    Workshop dwar il-BTWC għal Stati Firmatarji u Stati mhux Parti fl-Afrika tal-Punent u Ċentrali sabiex ikun hemm parteċipazzjoni ta' dawk li jieħdu d-deċiżjonijiet u ta' organizzazzjonijiet reġjonali, eż. l-Unjoni Afrikana. Ser ikunu mistiedna rappreżentanti, inkluż mill-Kamerun, ir-Repubblika Afrikana Ċentrali, ir-Repubblika taiċ-Ċad, il-Kosta ta’ l-Avorju, il-Gabon, il-Ginea, il-Liberja u l-Mawritanja. Diversi kelliema mill-UE jagħtu informazzjoni lill-parteċipanti dwar l-importanza u l-benefiċċji ta' l-adeżjoni għall-BTWC, kif ukoll dwar l-inizjattivi ta' l-UE dwar in-non proliferazzjoni u d-diżarm. Stat Parti fil-BTWC f'dan ir-reġjun ser ikun mistieden ukoll biex jipparteċipa fil-workshop.

    (b)

    Workshop dwar il-BTWC għal Stati Firmatarji u Stati mhux Parti fl-Afrika tal-Lvant u ta' Nofsinhar sabiex ikun hemm parteċipazzjoni ta' dawk li jieħdu d-deċiżjonijiet u ta' organizzazzjonijiet reġjonali, eż.; l-Unjoni Afrikana. Ser ikunu mistiedna rappreżentanti, inklużi mill-Angola, il-Burundi, il-Komoros, Ġibuti, l-Eritrea, il-Madagaskar, il-Malawi, il-Możambik, il-Namibja, is-Somalja, ir-Repubblika Unita tat-Tanżanja u ż-Żambja. Diversi kelliema mill-UE jagħtu informazzjoni lill-parteċipanti dwar l-importanza u l-benefiċċji ta' l-adeżjoni għall-BTWC, kif ukoll dwar l-inizjattivi ta' l-UE dwar in-non proliferazzjoni u d-diżarm. Stat Parti fil-BTWC f'dan ir-reġjun ser ikun mistieden ukoll biex jipparteċipa fil-workshop.

    (ċ)

    Workshop dwar il-BTWC għal Stati Firmatarji u Stati mhux Parti fil-Lvant Nofsani. Ser jiġu mistiedna rappreżentanti, inklużi mill-Eġittu, l-Iżrael, ir-Repubblika Għarbija tas-Sirja u l-Emirati Għarab Magħquda. Diversi kelliema mill-UE jagħtu informazzjoni lill-parteċipanti dwar l-importanza u l-benefiċċji ta' l-adeżjoni għall-BTWC, kif ukoll dwar l-inizjattivi ta' l-UE dwar in-non proliferazzjoni u d-diżarm. Stat Parti fil-BTWC f'dan ir-reġjun ser ikun mistieden ukoll biex jipparteċipa fil-workshop.

    (d)

    Workshop dwar il-BTWC għal Stati Firmatarji u Stati mhux Parti fl-Asja u l-Gżejjer tal-Paċifiku. Ser ikunu mistiedna rappreżentanti, inklużi mill-Gżejjer Cook, Kiribati, l-Gżejjer Marshall, Mikronesja, il-Mjanmar, Nauru, in-Nepal, Niue, Samoa u Tuvalu. Diversi kelliema mill-UE jagħtu informazzjoni lill-parteċipanti dwar l-importanza u l-benefiċċji ta' l-adeżjoni għall-BTWC, kif ukoll dwar l-inizjattivi ta' l-UE dwar in-non proliferazzjoni u d-diżarm. Stat Parti fil-BTWC f'dan ir-reġjun ser ikun mistieden ukoll biex jipparteċipa fil-workshop.

    (e)

    Workshop dwar il-BTWC għal Stati Firmatarji u Stati mhux Parti fl-Amerika Latina u l-Karibew. Ser ikunu mistiedna rappreżentanti, inklużi mill-Ħaiti, il-Guyana u Trinidad u Tobago. Diversi kelliema mill-UE jagħtu informazzjoni lill-parteċipanti dwar l-importanza u l-benefiċċji ta' l-adeżjoni għall-BTWC, kif ukoll dwar l-inizjattivi ta' l-UE dwar in-non proliferazzjoni u d-diżarm. Stat Parti fil-BTWC f'dan ir-reġjun ser ikun mistieden ukoll biex jipparteċipa fil-workshop.

     

    Stima ta' l-Ispiża: EUR 509 661

    2.2.   Proġett 2: Assistenza lil Stati Partijiet għall-implimentazzjoni nazzjonali tal-BTWC

     

    Għan tal-proġett:

    Biex jiġi żgurat li Stati Partijiet jitrasponu l-obbligi internazzjonali tal-BTWC fil-leġislazzjoni nazzjonali u f'miżuri amministrattivi tagħhom.

     

    Riżultati tal-proġett:

    B'mod konformi ma' dak li kien identifikat mill-Istati Partijiet fil-“Proċess intersessjonali tal-BTWC”, għandhom jinkisbu tliet elementi komuni fil-metodu ta' implimentazzjoni nazzjonali tagħhom:

    (i)

    Adozzjoni ta' leġislazzjoni nazzjonali, inkluż leġislazzjoni penali, li tkopri l-kamp ta' applikazzjoni kollu tal-projbizzjonijiet tal-Konvenzjoni;

    (ii)

    Regolamenti effettivi u legislazzjoni biex jiġu kkontrollati u ssorveljati trasferimenti ta' teknoloġiji rilevanti ta' użu doppju;

    (iii)

    Implimentazzjoni u infurzar effettivi għall-prevenzjoni tal-vjolazzjonijiet u s-sanzjonijiet għall-ksur.

     

    Deskrizzjoni tal-proġett:

    Il-proġett jimmira li jimla l-vojt li jeżisti fl-implimentazzjoni tal-BTWC bħan-nuqqas ta' network ta' konsulenza legali jew l-implimentazzjoni ta' Pjan ta' Azzjoni, in-nuqqas ta' eżistenza ta' punti fokali nazzjonali għall-implimentazzjoni tal-BTWC, in-nuqqas ta' sigurtà fir-rigward ta' l-istandards ta' implimentazzjoni nazzjonali minimi tal-BTWC. Sabiex jitratta dawn in-nuqqasijiet il-proġett jipprevedi l-fażi preparatorja li tinkludi l-istabbiliment ta' grupp ta' esperti legali ta' l-UE u ta' attivitajiet ta' riċerka u konsultazzjoni. Wara l-implimentazzjoni ser jittieħdu azzjonijiet ta' assistenza bħala l-pass li jmiss:

    (a)

    Ser tiġi organizzata konferenza fil-kuntest tal-preparazzjoni għall-Konferenza ta' Reviżjoni tal-BTWC ta' l-2006, sabiex jintlaqgħu l-ħtiġijiet speċifiċi mitluba minn Stati Partijiet li għad iridu jwettqu l-obbligi tagħhom tal-BTWC.

    (b)

    Ser jiġu organizzati żjarat ta' assistenza dwar aspetti legali u tekniċi biex jirrispondu għal ħtiġijiet speċifiċi li jkunu talbu dawk l-Istati Partijiet. Iż-żjarat ser jindirizzaw l-abbozzar ta' leġislazzjoni nazzjonali biex jiġi żgurat li l-obbligi tal-BTWC ikunu trasformati b'mod effettiv f'sensiela ta' liġijiet u miżuri nazzjonali, inkluż disposizzjonijiet kriminali xierqa. L-UE ser tgħin ukoll lill-Istati biex jadottaw miżuri sabiex tiġi żgurata l-protezzjoni fiżika meħtieġa ta' aġenti bijoloġiċi u tossiniċi, kif ukoll ta' materjali u tagħmir relatati. It-tul ta' kull żjara jkun ta' madwar 5 ijiem. Dawn iż-żjarat ikunu jinvolvu mhux iżjed minn 3 esperti għal kull żjara. Ser ikunu mistiedna esperti mill-Istati membri ta' l-UE biex jieħdu sehem.

    (ċ)

    Barra minn dan, il-proġetti ser jipprovdu traduzzjonijiet tal-BTWC, kif ikun xieraq, li sussegwentament ikunu disponibbli fuq l-internet.

     

    Stima ta' l-Ispiża: EUR 277 431

    3.   Tul ta' żmien

    It-tul ta' żmien totali stmat għall-implimentazzjoni ta' din l-Azzjoni Konġunta hu ta' 18-il xahar.

    4.   Benefiċjarji

    Il-benefiċjarji ta' attivitajiet relatati ma' l-universalità huma Stati mhux Parti għall-BTWC (kemm Stati firmatarji kif ukoll Stati mhux firmatarji). Il-benefiċjarji ta' attivitajiet relatati ma' l-implimentazzjoni huma Stati Partijiet għall-BTWC.

    5.   Entità ta' implimentazzjoni

    L-Istitut tal-Gradwati ta' l-Istudji Internazzjonali, Ġinevra (permezz tal-Proġett tal-Prevenzjoni ta' l-Armi-Bijoloġiċi, BWPP, Direttur, Dr Zanders) huwa fdat bl-implimentazzjoni teknika taż-żewġ proġetti, fil-qafas tal-koordinazzjoni politika mis-Segretarju Ġenerali/Rappreżentant Għoli permezz tar-Rappreżentant Personali tiegħu dwar in-non-proliferazzjoni ta' Armi ta' Qerda tal-Massa. Il-workshops u l-konsultazzjonijiet reġjonali previsti ser ikunu organizzati bl-appoġġ ta' l-Istitut ta' l-UE għall-Istudji dwar is-Sigurtà. Fit-twettiq ta' l-attivitajiet tiegħu, il-BWPP għandu jikkoopera, kif xieraq, mal-missjonijiet lokali ta' l-Istati Membri u l-Kummissjoni.

    6.   Stima ta' finanzi meħtieġa

    Il-kontribuzzjoni ta' l-UE ser ikopri 100 % ta' l-implimentazzjoni tal-proġetti kif deskritt f'dan l-Anness. L-istimi ta' l-ispejjeż huma kif ġej:

    [Proġett 1

    EUR 509 661

    Proġett 2

    EUR 277 431

    Spiża Amministrattiva (7 % ta' l-ispiża diretta):

    EUR 55 096

    SPIŻA TOTALI (barra l-kontinġenzi):

    EUR 842 188

    Barra minn dan, riżerva ta' kontinġenza ta' madwar 3 % ta' l-ispejjeż eliġibbli (EUR 24 812) hi inkluża.

    SPIŻA TOTALI (inklużi l-kontinġenzi):

    EUR 867 000 ]

    7.   Ammont finanzjarju ta' referenza biex ikopri l-ispiża tal-proġetti

    [L-ispiża totali tal-proġetti hi ta' EUR 867 000.]

    Top