32005D0290

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2005/290 - EN - EUR-Lex

Help

Search tips

Need more search options? Use the Advanced search

Document 32005D0290

Id-Deċiżjoni tal-Kummissjoni ta' l- 4 ta' April 2005 dwar ċertifikati ssimplifikati għall-importazzjoni fis-semen ta' l-annimali ta' l-ifrat u laħam frisk tal-majjal mill-Kanada u li temenda d-Deċiżjoni 2004/639/KE (innotifikata taħt in-numru tad-dokument C(2005) 1002) Test b’rilevanza għaż-ŻEE.

ĠU L 93, 12.4.2005, p. 34–39 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, p. 250–255 (MT)

(BG, RO, HR)
⏵Dan id-dokument ġie ppubblikat f’edizzjoni(jiet) speċjali (BG, RO, HR)
Edizzjoni Speċjali bil-Bulgaru: Kapitolu 03 Volum 063 P. 160 - 165
Edizzjoni Speċjali bir-Rumen: Kapitolu 03 Volum 063 P. 160 - 165
Edizzjoni speċjali bil-Kroat: Kapitolu 03 Volum 053 P. 56 - 61

Legal status of the document In force

ELI: http://data.europa.eu/eli/dec/2005/290/oj

Date of document:: 04/04/2005
Date of effect:: 04/04/2005; Dħul fis-seħħ Data tan-notifika
Date of notification:: 04/04/2005
Date of end of validity:: 31/10/2011; Tmiem parzjali tal-validità Art. 3 Impliċitament imħassar minn 32011D0630
Date of end of validity:: No end date

Author:: Il-Kummissjoni Ewropea
Form:: Deċiżjoni
Addressee:: Il-ħamsa u għoxrin Stat Membru: il-Belġju, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, is-Slovenja, is-Slovakkja, il-Finlandja, l-Isvezja, ir-Renju Unit
Additional information:: Rilevanza għaż-ŻEE
Authentic language:: Spanjol, Ċek, Daniż, Ġermaniż, Eston, Grieg, Ingliż, Franċiż, Taljan, Latvjan, Litwan, Ungeriż, Malti, Olandiż, Pollakk, Portugiż, Slovakk, Sloven, Finlandiż, Svediż

Treaty:

Trattat li jistabbilixxi l-Komunità Ewropea

Legal basis:

31972L0462 - A16P1 31972L0462 - A22P2
31988L0407 - A10P2 31988L0407 - A11P2
31999D0201 - A03
32002L0099 - A08P4 32002L0099 - A09P4PTB)

Link

Select all documents mentioning this document

Modifies:

Relation	Act	Comment	Subdivision concerned	From	To
Modifies	32004D0639	Żieda	artikolu 1.4	04/04/2005

Modified by:

Relation	Act	Comment	Subdivision concerned	From
Corrected by	32005D0290R(01)	(SV)
Implicitly repealed by	32011D0630	Revoka parzjali	artikolu 3	01/11/2011
Implicitly repealed by	32011D0630	Revoka parzjali		01/11/2011

Instruments cited:

31993L0119

Link

EUROVOC descriptor:

Subject matter:

Leġislazzjoni veterinarja

Directory code:

03.50.30.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-annimali u żooteknika

HTML

PDF

Official Journal

18.10.2005

Il-Ġurnal Uffiċjali ta’ l-Unjoni Ewropea

250

ID-DEĊIŻJONI TAL-KUMMISSJONI

ta' l-4 ta' April 2005

dwar ċertifikati ssimplifikati għall-importazzjoni fis-semen ta' l-annimali ta' l-ifrat u laħam frisk tal-majjal mill-Kanada u li temenda d-Deċiżjoni 2004/639/KE

(innotifikata taħt in-numru tad-dokument C(2005) 1002)

(Test b'rilevanza għaż-ŻEE)

(2005/290/KE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 1999/201/KE ta' l-14 ta' Diċembru 1998 dwar il-konklużjoni tal-Ftehim bejn il-Komunità Ewropea u l-Gvern tal-Kanada fuq miżuri sanitarji biex jiġu protetti s-saħħa pubblika u dik ta' l-annimali f'dak li għandu x'jaqsam mal-kummerċ ta' l-annimali ħajjin u prodotti ta' l-annimali (1), u b'mod partikolari l-Artikolu 3 tiegħu,

Wara li kkunsidrat id-Direttiva tal-Kunsill 88/407/KEE ta' l-14 ta' Ġunju 1988 li tistipola l-ħtiġijiet għas-saħħa ta' l-annimali applikabbli għall-kummerċ intra-Komunitarju u l-importazzjonijiet tas-semen ta' annimali domestiċi ta' l-ispeċi ta' l-ifrat (2), b'mod partikulari l-Artikoli 10(2) u 11(2) tagħha,

Wara li kkunsidrat id-Direttiva tal-Kunsill 71/462/KEE tat-12 ta' Diċembru 1972 dwar problemi dwar ispezzjonijiet ta' saħħa u veterinarji fuq l-importazzjoni ta' annimali ta' l-ifrat, ovini u kaprini u ħnieżer, laħam frisk jew prodotti tal-laħam minn pajjiżi terzi (3), u b'mod partikulari l-Artikoli 16(1) u 22(2) tagħha,

Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistipola r-regoli dwar is-saħħa ta' l-annimali dwar il-produzzjoni, l-ipproċessar, id-distribuzzjoni u l-introduzzjoni ta' prodotti li ġejjin mill-annimali maħsuba għal konsum tal-bniedem (4), b'mod partikulari l-Artikoli 8(4) u 9(4)(b) tagħha.

Billi:

(1)

Anness V għall-Ftehim tas-17 ta' Diċembru 1998 bejn il-Komunità Ewropea u l-Gvern tal-Kanada dwar miżuri sanitarji biex jiġu protetti s-saħħa pubblika u dik ta' l-annimali f'dak li għandu x'jaqsam man-negozju ta' l-annimali ħajjin u prodotti ta' annimali ('il-Ftehim') jistabbilixxi l-miżuri għas-saħħa pubblika u dik ta' l-annimali għal importazzjonijiet fil-Komunità ta' ċertu annimali u prodotti tagħhom għal liema għandha tiġi rikonoxxuta ekwivalenza.

(2)

Anness VII għal dan il-Ftehim jipprovdi għal attestazzjonijiet uffiċjali simplifikati għas-saħħa ta' l-annimali u/jew dik pubblika li għandhom jiġu inklużi fiċ-ċertifikat mudell tas-saħħa għal importazzjonijiet fil-Komunità ta' annimali ħajjin u prodotti ta' l-annimali għal liema l-ekwivalenza tal-miżuri (Iva-1) ġiet rikonoxxuta.

(3)	Ġiet rikonoxxuta ekwivalenza għas-semen tal-bovini f'dak li għandu x'jaqsam mal-ħtiġijiet tas-saħħa ta' l-annimali fuq il-bażi tad-Direttiva 88/407/KEE, kif emendata mid-Direttiva 2003/43/KE (5), u għalhekk iċ-ċertifikat mudell simplifikat għas-semen tal-bovini għandu jiġi stabbilit.

(4)

Għandu jiġi kjarit li l-użu taċ-ċertifikati mudell tas-saħħa ta' l-annimali stipulat fid-Deċiżjoni 2004/639/KE tas-6 ta' Settembru 2004 li tistipola il-kundizzjonijiet ta' l-importazzjoni tas-semen ta' l-annimali domestiċi ta' l-ispeċi ta' l-ifrat (6) huwa mitlub mingħajr preġudizzju għall-ħtiġijiet ta' ċertifikazzjoni speċifiċi bbażati fuq ftehim ta' ekwivalenza bejn il-Komunità u pajjiżi terzi. Id-Deċiżjoni 2004/639/KE għalhekk għandha tiġi emendata skond dan.

(5)

L-ekwivalenza ġiet rrikonoxxuta f'dak li għandu x'jaqsam mal-ħtiġijiet tas-saħħa pubblika għal-laħam tal-majjal iżda mhux għal ħtiġijiet tas-saħħa ta' l-annimali. Għalhekk is-simplifikazzjoni bbażata fuq l-ekwivalenza taċ-ċertifikat mudell għal-laħam tal-majjal għandu jkopri biss miżuri ta' saħħa pubblika.

(6)

Id-Direttiva tal-Kunsill 93/119/KE tat-22 ta' Diċembru 1993 dwar il-protezzjoni ta' l-annimali fil-ħin tal-qtil (7) jipprovdi li ċ-ċertifikati tas-saħħa li jaslu mal-laħam li jiġi importat minn pajjiż terz għandu jkun issupplimentat minn attestazzjoni li tiċċertifika li l-annimali msemmija f'dik id-Direttiva kienu ġew maqtula taħt kundizzjonijiet li joffru garanzija ta' trattament mhux krudili għallinqas ekwivalenti għal dawk ipprovduti f'dik id-Direttiva. Dik l-attestazzjoni għandha tiġi inkluża fiċ-ċertifikat mudell għal-laħam tal-majjal frisk stipulat f'din id-Deċiżjoni.

(7)	Il-miżuri li hemm f'din id-Deċiżjoni huma skond l-opinjoni tal-Kumitat Permanenti dwar il- Katina Alimentari u s-Saħħa ta' l-Annimali,

ADOTTAT DIN ID-DEĊIZJONI:

Artikolu 1

L-Istati Membri ser jawtorizzaw l-importazzjoni mill-Kanada tas-semen ta' annimali domestiċi ta' l-ispeċi ta' l-ifrat li jikkonformaw mal-kondizzjonijiet taċ-ċertifikazzjoni stipulati fiċ-ċertifikat mudell stipulat fl-Anness I, u mehmuż b'ċertifikat bħal dan komplut b'mod korrett u maħruġ qabel it-tluq tal-kunsinna mill-Kanada.

Artikolu 2

L-Istati Membri ser jawtorizzaw l-importazzjoni mill-Kanada ta' laħam frisk tal-majjal domestiku li jikkonformaw mal-kundizzjonijiet taċ-ċertifikazzjoni stipulati fiċ-ċertifikat mudell stipulat fl-Anness II, u mehmuż b'ċertifikat bħal dan komplut b'mod korrett u maħruġ qabel it-tluq tal-kunsinna mill-Kanada.

Artikolu 3

Fl-Artikolu 1 tad-Deċiżjoni 2004/639/KE, il-paragrafu 4 li ġej huwa miżjud:

“4. Il-ħtieġa stipulata fil-paragrafu 1 biex jintuża' ċ-ċertifikat mudell għas-saħħa ta' l-annimali stipulat fl-Anness II, parti 1, ser ikun mingħajr preġudizzju lejn il-ħtiġijiet speċifiċi ta' ċertifikazzjoni u ċ-ċertifikati mudell adottati skond il-ftehim bejn il-Komunità u l-pajjiżi terzi wara rikonoxxenza ta' ekwivalenza.”

Artikolu 4

Għal perijodu ta' transizzjoni li ma jaqbiżx id-90 ġurnata mid-data ta' l-applikazzjoni ta' din id-Deċiżjoni, l-Istati Membri ser jawtorizzaw l-importazzjoni mill-Kanada ta' semen ta' annimali domestiċi ta' l-ispeċi bovini u ta' laħam frisk tal-majjal domestiku taħt iċ-ċertifikat mudell applikabbli qabel id-data ta' applikazzjoni ta' din id-Deċiżjoni.

Artikolu 5

Din id-Deċiżjoni hija indirizzata lill-Istati Membri.

Magħmula fi Brussell, fl-4 ta' April 2005.

Ghall-Kummissjoni

Is-Sur Markos KYPRIANOU

Membru tal-Kummissjoni

(1) ĠU L 71, tat-18.3.1999, p. 1.

(2) ĠU L 194, tat-22.7.1998, p. 10. Id-Direttiva kif l-aħħar emendata bid-Deċiżjoni tal-Kummissjoni 2004/101/KE (ĠU L 30, ta' l-4.2.2004, p. 15).

(3) ĠU L 302, tal-31.12.1972, p. 24. Id-Direttiva kif l-aħħar emendata mir-Regolament (KE) Nru 807/2003 (ĠU L 122, tas-16.5.2003, p. 36).

(4) ĠU L 18, tat-23.1.2003, p. 11.

(5) ĠU L 143, tal-11.6.2003, p. 23.

(6) ĠU L 292, tal-15.9.2004, p. 21.

(7) ĠU L 340, tal-31.12.1993, p. 21. Direttiva emendata bir-regolament (KE) Nru 806/2003 (ĠU L 122, tas-16.5.2003, p. 1).

ANNESS I

Ċertifikat tas-Saħħa għas-Semen ta' Annimali Domestiċi ta' l-Ispeċi ta' l-Ifrat

Test ta 'immaġni

ANNESS II

Ċertifikat tas-Saħħa ta' l-Annimali u dik Pubblika għal-Laħam Frisk tal-Majjal Domestiku

Test ta 'immaġni

1. Min qed jibgħat il-kunsinna (isem u indirizz sħiħ) ĊERTIFIKAT VETERINARJU

.................................................................. għal-laham frisk tal-majjal domestiku(1),

.................................................................. kkunsinnjat lill-Komunità Ewropea

.................................................................. Nru(2) ORIGINALI

.................................................................. 3. Oriġini tal-laħam

2. Destinatarju (isem u indirizz sħiħ) 3.1 Pajjiż IL-KANADA

.................................................................. 3.2 Kodiċi tat-territorju: CA

.................................................................. 4. Awtorità Kompetenti

.................................................................. Agenzija Kanadiża għall-Ispezzjoni ta’ l-ikel (CFIA)

.................................................................. ..................................................................

5. Destinazzjoni maħsuba għal-laham ..................................................................

5.1 Stat Membru ta’ l-UE .................................................................

5.2 Isem, indirizz ta’ l-istabbiliment: .......................... ..................................................................

Approvazzjoni jew numru tar-reġistrazzjoni (fejn japplika) ..................................................................

.................................................................. 6. Post tat-tgħabbija għall-esportazzjoni

.................................................................. ..................................................................

..................................................................

7. Mezz ta’ trasport u identifikazzjoni tal-konsenja (3) 7.3 Dettalji ta' l-identifikazzjoni tal-konsenja(5):

7.1 (Trakk, Vagun tal-ferrovija, Vapur, jew Ajruplan)(4) ..................................................................

7.2 Numru(i) tar-registrazzjoni, isem il-vapur jew numru tat-titjira: ..................................................................

.................................................................. ..................................................................

..................................................................

8. Identifikazzjoni tal-laham

8.1 Laħam minn: Majjal Domestiku

8.2 Kondizzjonijiet tat-temperatura tal-laħam inkluż f'din il-konsenja: imkessaħ/iffriżat(4)

8.3 Identifikazzjoni individwali tal-laham inkluż f'din il-konsenja :

Numru ta’ approvazzjoni ta’ l-istabbilimenti

Natura ta’ qatghat(6)

Biċċerija

Tqattigħ/Manifattura

Cold store

Numru ta’ pakketti/biċċiet

Nett piż(kg)

Total

9. Attestazzjoni ta’ Saħħa Pubblika

Jien, il-veterinarju uffiċjali hawn taht iffirmat, b'dan niċċertifika, li :

9.1 il-laħam frisk huwa konformi ma’ l-istandards tas-saħħa pubblika tal-Kanada li huma rilevanti u l-ħtiġijiet li gew rikonoxxuti bħala ekwivalenti għall-istandards tal-Komunità Ewropea u l-ħtiġijiet(7), speċifikament, skond l-Att ta’ l-Ispezzjoni tal-Laħam u subtaqsimiet 2 u 3 tat-taqsima 11.7.3 ta’ l-Unjoni Ewropea tal-Kapitolu 11 tal-Manwali ta’ l-Iġjene fil-Laħam(8) u li huwa tajjeb għall-konsum mill-bnedmin;

9.2 il-laħam frisk, jew il-pakketti tal-laħam, fihom marka uffiċjali tas-sanità li tfisser li l-laħam kien kollu kemm hu ppreparat u spezzjonat fl-istabbilimenti indikati f'punt 8.3 li huma approvati għall-esportazzjoni lejn il-Komunità Ewropea;

Test ta 'immaġni

10. Attestazzjoni tas-Saħħa ta' l-Annimali

Jien, il-veterinarju uffiċjali hawn taht iffirmat, b'dan niċċertifika, li l-laħam frisk deskritt hawn fuq :

10.1 inkiseb fit-territorju bil-kodiċi CA li, fid-data tal-ħruġ ta' dan iċ-ċertifikat :

(4) jew [a) kien ħieles għal 12-il xahar mill-marda ta' l-ilsien u d-dwiefer, mir-rinderpest, deni tal-ħnieżer Afrikan, deni tal-ħnieżer klassiku, marda ta' l-infafet fil-ħnieżer, u]

(4) jew [a) i) kien ħieles għal 12-il xahar mir-rinderpest, mid-deni tal-ħnieżer Afrikan, [mill-marda ta' l-ilsien u d-dwiefer](4), [mid-deni tal-ħnieżer klassiku](4), [marda ta' l-iinfafet fil-ħnieżer](4), u

ii) kien ikkunsidrat ħieles [mill-marda ta' l-ilsien u d-dwiefer](4), [mid-deni tal-ħnieżer klassiku](4) u [mill-marda ta' l-infafet fil-ħnieżer](4), minn …………… (data), mingħajr ma' kellu każi/tifqigħ wara, u awtorizzat li jesporta dan il-laħam bid-Deċiżjoni tal-Kummissjoni ——/——/KE, ta' ………… (data), u]

b) matul l-aħħar 12-il xahar ma ngħata l-ebda tilqim kontra dan il-mard u ma kinitx permessa l-importazzjoni ta' l-annimali domestiċi mlaqqma kontra dan il-mard f'dan it-territorju;

10.2 inkiseb minn annimali li :

(4) [baqgħu fit-territorju deskritt f'punt 10.1 mit-twelid, jew minn ta' l-anqas fl-aħħar tliet xhur qabel il-qatla;]

(4) u/jew [ġew introdotti fi ………..…. (data) fit-territorju tal-Kanada, mit-territorju bil-kodiċi…. (9) li, f'dik id-data, kien awtorizzat li jesporta dan il-laħam frisk lill-Komunità Ewropea;]

(4) u/jew [ġew introdotti fi ………..…. (data) fit-territorju deskritt taħt il-punt 10.1, mill-Istat Membru ta' l-UE ………….. ;]

10.3 inkiseb minn annimali ġejjin minn azjendi:

a) li fihom ebda annimal preżenti hemmhekk ma tlaqqam kontra il-marda msemmija taħt il-punt 10.1,

b) li fiha u madwarha, f'żona b'raġġ ta' 10 km, ma kien hemm ebda każ/tifqigha tal-mardiet msemmija taht il-punt 10.1 matul l-40 jum ta' qabel;

c) li mhumiex suġġetti għal projbizzjoni bħala riżultat ta' tifqigħa ta' bruċellosi porċina matul is-sitt ġimgħat preċedenti;

10.4 inkiseb minn annimali li :

a) li baqgħu separati mit-twelid minn annimali selvaġġi ta' difirhom mifruq,

b) gew trasportati mill-azjendi tagħhom sa biċċerija approvata f'vetturi mnaddfa u diżinfettati, mingħajr kuntatt ma' annimali oħra li ma kienux konformi mal-kondizzjonijiet imsemmija hawn fuq,

c) fil-biċċerija, għaddew minn spezzjoni sanitarja ta' qabel il-qatla matul l-24 siegħa qabel ma' inqatlu u, b'mod partikolari, ma wrew ebda evidenza tal-mard imsemmi taħt il-punt 10.1 t'hawn fuq, u

d) inqatlu fi jew bejn il- ………………………………………..(10) ;

10.5 inkiseb fi stabbiliment li madwaru, f'raġġ ta' 10 km, ma kien hemm ebda każ/tifqigħ tal-mard imsemmija taħt punt 10.1 hawn fuq matul it-40 jum ta' qabel jew, jekk kien hemm xi każ ta' mard, il-preparazzjoni tal-laħam għall-esportazzjoni lejn il-Komunità Ewropea ġiet awtorizzata biss wara li, taħt il-kontroll ta' veterinarju uffiċjali saret il-qatla ta' l-annimali kollha preżenti, it-tneħħija tal-laham kollu, u t-tindif u diżinfezzjoni totali ta' l-istabbiliment;

10.6 jew inkiseb u ġie ppreparat bla kuntatt ma' laħmijiet oħra li ma jikkonformawx mal-kondizzjonijiet stipulati hawn fuq.

11. Attestazzjoni tal-Benesseri ta' l-Annimali

Jien, il-veterinarju uffiċjali hawn taħt iffirmat, b'dan niċċertifika, li l-laħam frisk deskritt hawn fuq joriġina minn annimali li fil-biċċerija qabel u waqt ħin il-qatla gew ittrattati taht kundizzjonijiet li joffru garanzija ta' trattament mhux krudili li huwa għallinqas ekwivalenti mad-dispożizzjonijiet rilevanti għall-legislazzjoni tal-Komunità Ewropea (11).

Test ta 'immaġni

Timbru uffiċjali u firma

Magħmula fi ……………………………………………….. nhar

(firma tal-veterinarju uffiċjali)

(timbru)

(isem b'ittri kbar, kwalifiki u titlu)

Noti

(1) Laħam frisk ifisser il-partijiet kollha, sew jekk friski, imkessħin jew iffriżati, adattati għal konsum tal-bniedem tal-ħanżir domestiku (Sus scrofa), eskluż laħam ikkapuljat iffriżat f'temperatura baxxa.

(2) maħrug mis-CFIA.

(3) In-numru(i) tar-reġistrazzjoni tat-trakk jew vagun tal-ferrovija u isem il-vapur għandhom jitniżżlu skond il-każ. Jekk inhu magħruf, in-numru tat-titjira ta' l-ajruplan.

F'każ ta' trasport fil-kaxxi jew kontejners, in-numru totali, in-numri tar-reġistrazzjoni u s-siġilli tagħhom, jekk ikun hemm, għandhom jiġu indikati f'punt 7.3.

(4) Żomm skond il-każ.

(5) Imla jekk inhu l-każ.

(6) Jekk iffriżat, indika d-data ta' l-iffriżar (xx/ss) tal-qatghat/biċċiet.

(7) Id-dispożizzjonijiet tad-Direttiva tal-Kunsill 2002/99 (kif l-aħħar emendati).

Rigward l-iġjene generali, id-dispożizzjonijiet tad-Deċiżjoni tal-Kummissjoni 2002/477/KE (kif emendata l-aħħar).

Dwar it-trikinosi, id-dispożizzjonijiet tad-Direttiva tal-Kunsill 77/96/KEE (kif l-aħħar emendati).

(8) Id-Direttiva Nru 2005-3. http://www.inspection.gc.ca/francais/anima/meavia/mmopmmhv/chap11/eu-uef.shtml ghall-verżjoni Franciża http://www.inspection.gc.ca/english/anima/meavia/mmopmmhv/chap11/eu-uee.shtml ghall-verżjoni Ingliża

(9) Il-pajjiż u l-kodiċi tat-territorju kif jidhru f'Parti 1 ta' l-Anness II mad-Deċiżjoni tal-Kunsill 79/542/KEE (kif emendata l-aħħar).

(10) Data jew dati tal-qatla. L-importazzjoni ta' dan il-laħam m'għandhiex titħalla meta dan inkiseb minn annimali maqtula jew qabel id-data ta' l-awtorizzazzjoni għall-esportazzjoni lejn il-Komunità Ewropea tat-territorju msemmi taħt (3), jew matul perijodu li matulu ġew adottati miżuri restrittivi mill-Komunità Ewropea kontra l-importazzjoni ta' dan il-laħam minn dan it-territorju.

(11) Id-Direttiva tal-Kunsill 93/119/KE (kif l-aħħar emendata).

Noti għat-tkomplija taċ-ċertifikat

(a) Ċertifikat separat u uniku jrid jiġi provdut għal-laħam li ġie kkunsinjat fl-istess destinazzjoni u ttrasportat fl-istess vagun tal-ferrovija, trakk, ajruplan jew vapur.

(b) L-oriġinali ta' kull ċertifikat ser jikkonsisti minn paġna waħda, ż-żewg naħat, jew fejn aktar kitba hija neċessarja, ser tkun f'tali forma li l-paġni kollha li hemm bżonn huma parti minn sistema integrata sħiħa u indivisibbli.

(c) Ser tkun redatta fil-lingwa Ingliża u Franċiża kif ukoll f'waħda mill-lingwi uffiċjali ta' l-Istat Membri fejn sseħħ l-ispezzjoni fuq il-post tal-fruntiera u ta' l-Istat Membru ta' l-UE li huwa destinatarju.

Madankollu, dawn l-Istati Membri jistgħu, jekk meħtieġ, jħallu li lingwi oħra jakkumpanjaw it-traduzzjoni uffiċjali.

(d) Jekk għal raġunijiet ta' identifikazzjoni ta' l-oġġetti għall-kunsinna (tabella fil-punt 8.3 taċ-ċertifikat mudell), paġni addizzjonali huma mehmuża maċ-ċertifikat, dawn il-paġni ser ikunu ukoll ikkunsidrati bħala li jifformaw parti mill-original taċ-ċertifikat bl-applikazzjoni tal-firma u tat-timbru ta' l-uffiċjal veterinarju li qed jiċċertifika, f'kull pagna.

(e) Meta ċ-ċertifikat, inklużi t-tabelli addizzjonali msemmija fi (d), jinkludi aktar minn paġna waħda, kull paġna ser tingħata numru — (numru tal-paġna) ta' (numru totali ta' paġni) — fil-qiegħ u ser ikollu n-numru tal-kodiċi taċ-ċertifikat li ġie nnominat mill-awtorità kompetenti fil-parti ta' fuq.

(f) L-oriġinali taċ-ċertifikat irid ikun mimli u ffirmat minn uffiċjal veterinarju. B'tali mod, l-awtoritajiet kompetenti tal-pajjiż li qed jesporta ser jiżgura li l-prinċipji taċ-ċertifikazzjoni ekwivalenti għal dawk stipulati fid-Direttiva tal-Kunsill 96/93/KE qegħdin jiġu osservati.

Il-kulur tal-firma ser tkun differenti minn dik tat-test. L-istess regola tapplika għal timbri oħra għajr dawk imqabbża jew watermarked.

(g) L-oriġinal taċ-ċertifikat irid jakkumpanja l-kunsinna sal-post ta' l-ispezzjoni fuq il-fruntiera ta' l-UE.

Top

All

Choose the experimental features you want to try