14.10.2005   

MT

Il-Ġurnal Uffiċjali ta’ l-Unjoni Ewropea

268

(1)

Skond id-Deċiżjoni tal-Kummissjoni 2002/975/KE tat-12 ta' Diċembru 2002 dwar l-introduzzjoni ta' tilqima biex tissupplementa l-miżuri ta' kontroll ta' l-infezzjonijiet b'influwenza tat-tjur patoġenika baxxa fl-Italja u dwar miżuri speċifiċi (5) ta' kontroll tal-moviment, sar programm ta' tilqim f'partijiet mill-Italja ta' Fuq sabiex jiġu kkontrollati l-infezzjonijiet bi strat baxx ta' influwenza patoġenika tat-tjur tas-sotto-tip H7N3. Strateġija DIVA ġiet applikata bl-użu ta' vaċċinazzjoni eterologa tas-sotto-tip H7N1, li tippermetti differenzjament bejn it-tjur infettati u dawk imlaqqma. Sa minn Settembru 2003, ma ġiet innutata l-ebda ċirkolazzjoni ulterjuri ta' l-istrat tal-virus.

(2)

Skond id-Deċiżjoni tal-Kummissjoni 2004/666/KE tad-29 ta' Settembru 2004 dwar l-introduzzjoin ta' tilqima biex tissupplementa l-miżuri ta' kontroll fuq l-infezzjonijiet b'influwenza patoġenika tat-tjur baxxa fl-Italja u dwar miżuri speċifiċi ta' kontroll fuq il-moviment li ħassret l-2002/975/KE (6) ġie approvat programm ġdid ta' tilqim f'żona iżgħar ta' l-Italja xħin imqabbla mal-kampanja ta' tilqim ta' qabel taħt id-deċiżjoni 2002/975/KE. Il-programm il-ġdid jitmexxa b' tilqima bilvalenti li fiha ż-żewġ sotto-tipi ta' influwenza tat-tjur H5 u H7. Il-projbizzjoni fuq il-kummerċ intra-Komunitarju fit-tjur ħajjin u l-bajd li jfaqqas tapplika fiż-żona ta' tilqim u l-kundizzjonijiet għall-kummerċ fi ħdan il-Komunità fil-laħam li ġej minn tjur imlaqqma ġew stabbiliti f'dik id-Deċiżjoni.

(3)

Sa minn nofs Settembru 2004, hemm provi illi influwenza patoġenika baxxa tat-tjur ta' l-istess sotto-tip H7N3 reġgħet tfaċċat fiż-żoni ta' l-Italja li kienu ntlaqtu qabel.

(4)

Minkejja sal-lum l-infezzjonijiet jidhru li huma limitati f'żona definita taħt ir-restrizzjonijiet stipulati fid-Deċiżjoni 2004/666/KE, jidher li huwa xieraq li jerġa' jiddaħħal it-tilqim fiż-żoni konfinanti sabiex jipprevjeni l-firxa ulterjuri tal-marda. Aktar minn hekk, jixraq li jiġu estiżi l-miżuri restrittivi stipulati f'dik id-Deċiżjoni.

(5)

Minħabba d-disponibbiltà tat-tilqim il-kampanja ta' tilqim għandha ssir b'tilqima monovalenti tajba kontra l-infezzjonijiet attwali tas-sotto-tip H7N3.

(6)

Aktar minn hekk, il-marka tas-saħħa li trid tiġi applikata għal-laħam frisk tat-tjur li mhux intiż għall-kummerċ fi ħdan il-Komunità u lanqas biex jintbagħat lejn terzi pajjiżi, kif stipulat fid-Deċiżjoni 2004/666/KE, għandha tiġi emendata sabiex tiffaċilita l-użu nazzjonali.

(7)

Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

1.

L-Artikolu 1 jiġi mibdul b'dan li ġej:

“Artikolu 1

1.   Il-programm ta' tilqim kontra l-influwenza tat-tjur sottomess mill-Italja lill-Kummissjoni qed jiġi approvat. Dan għandu jiġi implementat fiż-żoni elenkati fl-Anness I b'tilqima bivalenti u fiż-żoni elenkati fl-Anness II bit-tilqima monovalenti.

2.   Għandhom isiru monitoraġġ u sorveljanza intesivi, kif stipulat fil-programm ta' tilqim imsemmi fil-paragrafu 1, fiż-żoni elenkati fl-Annessi I u II.”

2.

Fl-Artikoli 2 u 3, il-kelmiet “Anness I” qed jiġu mibdula bil-kelmiet “Annessi I u II”.

3.

L-Artikolu 5 qed jiġi emendat kif ġej:

4.

Fl-Artikolu 6, il-frażi ta' introduzzjoni, il-kelmiet “Anness I” qed jiġu mibdula bil-kelmiet “Annessi I u II”.

5.

Fl-Anness I, it-titolu “żona ta' tilqim” qed jiġi mibdul mit-titolu “Żona, fejn it-tilqim isir b'tilqima bivalenti”.

6.

Fl-Anness II, it-titolu “żona konfinanti maż-żona ta' tilqim fejn isir monitoraġġ intensiv” huwa mibdul mit-titolu “Żona, fejn isir it-tilqim b'tilqima monovalenti”.