Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32004R2150

Regolament tal-Kummissjoni (KE) Nru 2150/2004 tas- 16 ta' Diċembru 2004 li jiftaħ kwota tariffarja għas-sena 2005 għall-importazzjoni fil-Komunità Ewropea ta’ xi oġġetti mit-Turkija

ĠU L 370, 17.12.2004, p. 36–37 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 183M, 5.7.2006, p. 371–372 (MT)

Legal status of the document No longer in force, Date of end of validity: 31/12/2005

ELI: http://data.europa.eu/eli/reg/2004/2150/oj

Date of document:
16/12/2004
Date of effect:
20/12/2004; Dħul fis-seħħ Ara Art. 2
Date of effect:
01/01/2005; Applikazzjoni Ara Art. 3
Date of end of validity:
31/12/2005; Ara Art. 1
Author:
Il-Kummissjoni Ewropea
Form:
Regolament
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Instruments cited:
Link
Link

5.7.2006   

MT

Il-Ġurnal Uffiċjali ta' l-Unjoni Ewropea

371

REGOLAMENT TAL-KUMMISSJONI (KE) Nru 2150/2004

tas-16 ta' Diċembru 2004

li jiftaħ kwota tariffarja għas-sena 2005 għall-importazzjoni fil-Komunità Ewropea ta’ xi oġġetti mit-Turkija

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 3448/93 tas-6 ta’ Diċembru 1993 li jistabbilixxi l-arranġamenti għall-kummerċ applikabbli għal xi oġġetti li jiġu minn prodotti agrikoli pproċessati (1), b’mod partikolari, l-Artikolu 7(2) tiegħu,

Wara li kkunsidrat id-Deċiżjoni 1/97 tal-Kunsill ta’ l-Assoċjazzjoni KE-Turkija tad-29 ta’ April 1997 dwar l-arranġamenti applikabbli għal xi prodotti agrikoli pproċessati (2) u, b’mod partikolari, l-Artikolu 1 tagħha,

Billi:

(1)

Id-Deċiżjoni (KE) Nru 1/97 tal-Kunsill ta’ l-Assoċjazzjoni jistabbilixxi, sabiex jinkoraġġixxi l-iżvilupp tal-kummerċ fi qbil ma’ l-għanijiet ta’ l-Unjoni Doganali, kwota annwali għal dak li hu l-valur ta’ xi prodotti ta’ l-għaġin importati fil-Komunità mit-Turkija. Din il-kwota għandha tinfetaħ għall-2005 u d-dħul tagħha għandha tkun soġġetta għaċ-ċertifikat taċ-ċirkolazzjoni A.TR kif imniżżel fid-Deċiżjoni Nru 1/2001 tal-Kumitat għall-Kooperazzjoni Doganali KE-Turkija tat-28 ta’ Marzu 2001 li temenda d-Deċiżjoni Nru 1/96 li tistabbilixxi regoli dettaljati għall-applikazzjoni tad-Deċiżjoni Nru 1/95 tal-Kunsill ta’ l-Assoċjazzjoni KE-Turkija (3).

(2)

Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jistabbilixxi d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komuni (4), jistabbilixxi r-regoli għat-tmexxija tal-kwoti tariffarji. Huwa xieraq li jingħad li l-kwota tariffarja miftuħa minn dan ir-Regolament għandha titmexxa fi qbil ma’ dawn ir-regoli.

(3)

Il-miżuri mniżżla f’dan ir-Regolament huma fi qbil ma’ l-opinjoni tal-Kumitat ta’ Tmexxija għall-kwistjonijiet orizzontali dwar il-kummerċ ta’ prodotti agrikoli pproċessati li mhumiex imniżżla fl-Anness I,

ADOTTAT DAN IR-REGOLAMENT:

Artikolu 1

Il-kwota tariffarja tal-Komunità speċifikata fl-Anness għandha tkun miftuħa mill-1 ta’ Jannar sal-31 ta’ Diċembru 2005 għall-oġġetti importati mit-Turkija msemmija f’dak l-Anness.

L-ibbenefiċjar ta’ din il-kwota tariffarja għandha tkun soġġetta għall-preżentazzjoni ta’ ċertifikat ta’ ċirkolazzjoni A.TR fi qbil mad-Deċiżjoni Nru 1/2001 tal-Kumitat għall-Kooperazzjoni Doganali KE-Turkija.

Artikolu 2

Il-kwota tariffarja tal-Komunità msemmija fl-Artikolu 1 se titmexxa mill-Kummissjoni fi qbil ma’ l-Artikoli 308a, 308b u 308c tar-Regolament (KEE) Nru 2454/93.

Artikolu 3

Dan ir-Regolament se jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu jkun applikabbli mill-1 ta’ Jannar 2005.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, nhar is-16 ta' Diċembru 2004.

Għall-Kummissjoni

Gunter VERHEUGEN

Membru tal-Kummissjoni

(1)  ĠU L 318, ta’ l-20.12.1993, p. 18. Regolament kif emendat l-aħħar mir-Regolament (KE) Nru 2580/2000 (ĠU L 298, tal-25.11.2000, p. 5).

(2)  ĠU L 126, tas-17.5.1997, p. 26.

(3)  ĠU L 98, tas-7.4.2001, p. 31.

(4)  ĠU L 253, tal-11.10.1993, p. 1. Regolament kif emendat l-aħħar mir-Regolament (KE) Nru 2286/2003 (ĠU L 343, tal-31.12.2003, p. 1).

L-ANNESS

Numru ta’ l-ordni

Kodiċi NM

Deskrizzjoni

Kwota

Rata tad-dazju applikabbli

09.0205

1902 11 00

1902 19

Għaġin mhux imsajjar, mhux mimli u mhux ippreparat b’xi mod ieħor

€2.5 miljuni

€10.67/100 kg netti
Top