This document is an excerpt from the EUR-Lex website
Document 32004R0858
Council Regulation (EC, Euratom) No 858/2004 of 29 April 2004 determining the rates and conditions of the special allowances provided for in Article 56c of the Staff Regulations which may be granted to compensate for particularly arduous working conditions
Ir-Regolament tal-Kunsill (KE, EURATOM) Nru 858/2004 tad-29 ta' April 2004 li jistabbilixxi r-rati u l-kondizzjonijiet tal-konċessjonijiet speċjali tal-flus ipprovvduti fl-Artikolu 56ċ tar-Regolament dwar il-Persunal li jistgħu jiġu konċessi għalbiex jikkumpensaw għal kondizzjonijiet tax-xogħol partikolarment diffiċli
Ir-Regolament tal-Kunsill (KE, EURATOM) Nru 858/2004 tad-29 ta' April 2004 li jistabbilixxi r-rati u l-kondizzjonijiet tal-konċessjonijiet speċjali tal-flus ipprovvduti fl-Artikolu 56ċ tar-Regolament dwar il-Persunal li jistgħu jiġu konċessi għalbiex jikkumpensaw għal kondizzjonijiet tax-xogħol partikolarment diffiċli
ĠU L 161, 30.4.2004, p. 14–22
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Relation | Act | Comment | Subdivision concerned | From | To |
---|---|---|---|---|---|
Repeal | 31972R1799 |
Relation | Act | Comment | Subdivision concerned | From | To |
---|---|---|---|---|---|
Corrected by | 32004R0858R(01) | (DA, DE, EL, EN, ES, FI, FR, IT, NL, PT, SV) | |||
Corrected by | 32004R0858R(02) | (NL) |
Official Journal L 161 , 30/04/2004 P. 0014 - 0022
Ir-Regolament tal-Kunsill (KE, EURATOM) Nru 858/2004 tad-29 ta' April 2004 li jistabbilixxi r-rati u l-kondizzjonijiet tal-konċessjonijiet speċjali tal-flus ipprovvduti fl-Artikolu 56ċ tar-Regolament dwar il-Persunal li jistgħu jiġu konċessi għalbiex jikkumpensaw għal kondizzjonijiet tax-xogħol partikolarment diffiċli IL-KUNSILL TA' L-UNJONI EWROPEA, Wara li kkunsidra r-Regolamenti dwar il-Personal ta' l-uffiċjali u l-Kondizzjonijiet tax-xogħol ta' ħaddiema oħra tal-Komunitajiet Ewropej stabbiliti fir-Regolament (KEE, Euratom, KEFA) Nru 259/68 [1], kif l-aħħar emendat bir-Regolament (KE, Euratom) Nru 723/2004 [2], u b'mod partikolari l-Artikolu 56a tar-Regolamenti dwar il-Personal, Wara li kkunsidra l-proposta mill-Kummissjoni, issottomessa wara li kkonsulta lill-Kumitat tar-Regolamenti dwar il-Personal, Billi: Huwa għall-Kunsill, huwa u jaġixxi fuq proposta mill-Kummissjoni, li jistabbilixxi r-rati u l-kondizzjonijiet tal-konċessjonijiet speċjali tal-flus li jistgħu jiġu konċessi lil ċerti uffiċjali għalbiex jikkumpensaw għal kondizzjonijiet tax-xogħol partikolarment diffiċli, ADOTTA DAN IR-REGOLAMENT: Artikolu 1 Il-konċessjonijiet speċjali tal-flus stabbiliti skond l-Artikoli li ġejjin għandhom ikunu konċessi lill-uffiċjali imsejħa għalbiex jagħmlu kompiti partikolarment diffiċli. Artikolu 2 The allowances shall be expressed in points. Il-konċessjonijiet għandhom jiġu espressi f'punti. Punt għandu jkun egwali għal 0,032 % tas-salarju bażiku ta' uffiċjal fil-grad 1, skaluna 1 [3]. Il-konċessjoni tal-flus għandha tiġi aġġustata bil-koeffiċjenti tal-korrezzjoni applikabbli għall-ħlas ta' l-uffiċjali. Il-konċessjoni tal-flus għandha titħallas bix-xahar. Artikolu 3 1. It-tabella li ġejja telenka l-kondizzjonijiet speċjali tax-xogħol li fihom jistgħu jiġu konċessi l-konċessjonijiet tal-flus u n-numru tal-punti għal kull siegħa tax-xogħol attwali. Il-kondizzjonijiet speċjali tax-xogħol | In-numru tal-punti fis-siegħa tax-xogħol attwali għall-gruppi tal-funzjoni AD u AST | I.Is-sigurtà ta' l-individwu | a)Li jilbes ilbies partikolarment skomdu għall-protezzjoni kontra n-nar, il-kontaminazzjoni, ir-radjazzjoni jew is-sustanzi korrużivi: | | 1.Ilbies tqil speċjali | 10 | 2.Ilbies intier kontra n-nar protettiv minnu nnifsu | 50 | 3.Ilbies intier ieħor protettiv minnu nnifsu | 34 | 4.Ilbies ieħor protettiv b'apparat tat-teħid tan-nifs minnu nnifsu | 25 | 5.Ilbies ieħor protettiv bl-apparat tat-teħid tan-nifs | 20 | b)Protezzjoni parzjali: | | 1.L-apparat tat-teħid tan-nifs minnu nnifsu | 16 | 2.Respiraturi kompleti | 10 | 3.Respiraturi ta' kontra t-trab | 6 | 4.Apparat protettiv ieħor kontra s-sustanzi tossiċi, asfissjanti, korrużivi, eċċ | 2 | 5.Kaxxi ta' l-ingwanti u mezzi oħra ta' tqandil mill-bogħod | 2 | II.Il-Post tax-Xogħol | a)Ikkonfinat | | Xogħol fi spazji kkonfinati, mingħajr dawl tax-xemx, li huma nkroċjati bil-kejblijiet ta' tensjoni għolja jew pajpijiet ta' temperatura għolja u li huma hekk ingombrati li jagħmluha diffiċli li tiċċaqlaq fihom | 2 | b)Storbjużi | | Xogħol fi spazji b'volum medju tal-ħsejjes li jaqbeż il-85 deċibel | 2 | c)Siti perikolużi li jeħtieġu l-użu ta' tagħmir tqil tal-protezzjoni | | 1.Il-passaġġi taħt l-art | 2 | 2.Postijiet fejn ix-xogħol jitwettaq f' iktar minn 6 metri l-fuq mill-art li jinvolvi riskji eċċezzjonali | 5 | F'dawn il-każijiet, il-konċessjoni tal-flus għandha tiġi konċess bid-deċiżjoni ta' l-awtorità tal-ħatra wara li tikkonsulta, meta approprjat, kumitat konġunt. | | III.In-natura tax-xogħol | a)It-tqandil jew ix-xogħol b'ċerti sustanzi f'kondizzjonjiet li jagħmlu x-xogħol diffiċli (ara l-lista fl-Anness) | 2 | b)Ix-xogħol bl-isplussivi bħala espert iċċertifikat ta' l-isplussivi | 5 | 2. Sabiex is-sorveljanza kostanti tintgħamel possibbli, ix-xogħol imwettaq taħt il-kondizzjonijiet iddefiniti fil-paragrafu 1 irid jiġi rreġistrat minnufih u f'ordni kronoloġiku. Ir-reġistru jrid jiddettalja x-xogħol imwettaq b'riferiment għat-tabella ta' hawn fuq. L-awtorità tal-ħatra għandha tistabbilixxi l-proċedura għalbiex titwettaq is-sorveljanza; meta n-numru tas-sigħat tax-xogħol fil-kwistjoni jista' jittieħed bħala li jkun l-istess kull xahar l-awtorità tal-ħatra tista' tiddisponi mir-reġistru. Artikolu 4 Il-konċessjonijiet tal-flus għax-xogħol imwettaq skond il-kondizzjonijiet iddefiniti fl-intestatura I tat-tabella fl-Artikolu 3 ma tistax tiġi aggregata; lanqas ma jistgħu dawk ipprovvduti fl-intestaturi II u III ta' din it-tabella. Il-konċessjonijiet tal-flus għax-xogħol imwettaq skond il-kondizzjonijiet iddefiniti fl-intestaturi I u II ta' din it-tabella ma jistgħux jiġu aggregati wkoll. Għall-għanijiet li jiġu applikati l-paragrafi ta' hawn fuq, meta tkun mistħoqqa iktar minn konċessjoni waħda tal-flus fl-istess waqt għandha titħallas biss l-ogħla konċessjoni tal-flus. Artikolu 5 Bla ħsara għall-applikazzjoni ta' l-Artikolu 2 tar-Regolament (KEFA, KEE, Euratom) Nru 300/76 li tistabbilixxi l-kategoriji ta' l-uffiċjali intitolati għall-konċessjonijiet tal-flus għax-xogħol bix-shift, u r-rati u l-kondizzjonijiet tiegħu [5], il-konċessjonijiet tal-flus imħallsa skond dan ir-Regolament ma għandhomx jaqbżu l-1500 punt għal kull uffiċjal kull xahar. Artikolu 6 Dan ir-Regolament għandu japplika b'analoġija għall-personal temporanju, awżiljari u fuq kuntratt. Artikolu 7 F'April ta' kull sena, il-Kummissjoni għandha tissottometti lill-Kunsill rapport dwar: - in-numru ta' l-uffiċjali u tal-ħaddiema f'kull kategorija li rċevew il-konċessjonijiet tal-flus riferiti f'dan ir-Regolament, imqassma waħda waħda skond l-istituzzjoni u l-lokazzjoni, u n-numru tas-sigħat maħduma skond il-kondizzjonijiet varji iddikjarati fit-tabella fl-Artikolu 3, - in-nefqa totali li jkollha x'taqsam ma' dawn il-konċessjonijiet ta' flus. Artikolu 8 Ir-Regolament (KEE) Nru 1799/72 [6] jiġi hawnhekk imħassar fil-jum li fih dan ir-Regolament jidħol fis-seħħ. Artikolu 9 Dan ir-Regolament għandu jidħol fis-seħħ fl-1 ta' Mejju 2004. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fil-Lussemburgu, fid-29 ta' April 2004. Għall-Kunsill Il-President M. McDowell [1] ĠU L 56, ta' l-4.3.1968, p. 1. [2] ĠU L 124, tas-27.4.2004, p. 1. [3] Għall-perjodu taż-żmien mill-1 ta' Mejju 2004 sat-30 ta' Ġunju 2006: il-grad D*1, l-iskaluna 1. [5] ĠU L 38, tat-13.2.1976, p. 1. Regolament kif l-aħħar emendat bir-Regolament (KE, KEFA, Euratom) Nru 2461/98 (ĠU L 307, tas-17.11.1998, p. 5). [6] ĠU L 192, tat-22.8.1972, p. 1. -------------------------------------------------- L-ANNESS Il-Lista riferita fl-Artikolu 3 A. Is-sustanzi korrużivi u asfissjanti 1. Fit-tqandil: L-aloġeni, l-aċidi idro-aloġeni (l-aċidi idro-kloriċi u idro-fluworokloriċi), il-fluworuri ta' l-aloġen, l-aċidu sulkfuriku, il-klorur tal-kubrit, is-soder u l-potassju tas-soder, l-ammonja 2. Fil-proċessi tekniċi: Il-għorik u l-passivazzjoni ta' tipi ta' azzar stainless u l-illigi ħfief bis-sommersjoni ġo l-aġenti tal-għorik jew ta' l-osidazzjoni jew fil-kuntatt magħhom. B. Is-Sustanzi tossiċi 1. Fit-tqandil: Il-għamliet tossiċi tas-sustanzi radju-attivi; il-berillju u l-komposti tiegħu; l-arseniku u l-komposti tiegħu; il-merkurju, il-komposti u l-amalgami tiegħu; iċ-ċomb tetra-etil; l-aċidu idro-ċjanit; iċ-ċjanuri u l-akronitril; l-ossidu tan-nitroġenu u n-nitroġenu diossidu; il-fosfru u l-eteri fosforiċi; is-selenju; l-ossidu tad-dewteronju. 2. Fil-proċessi tekniċi: Il-fabbrikazzjoni, il-konċentrazzjoni u l-magazzinaġġ tal-għamliet ossidi tas-sustanzi radju-attivi; il-fondut, il-welding u x-xogħol taċ-ċomb u l-illigi jew l-antimonju taċ-ċomb u l-antimonju tal-kadmju. Ċ. Is-sustanzi li jaqbdu bil-qawwi u/jew splussivi 1. Fit-tqandil: Compressed gases:Il-gassijiet ikkompressati: l-aċetilena, l-ossiġenu, il-metane, l-etane, l-etilene u l-gassijiet rari; is-solventi organiċi volatili bħall-alkol tal-metil, l-alkol ta' l-etil, l-etere dietil, l-aċetone, il-benżina, it-tolwene; il-metalli likwidi bħas-sodju u l-potassju; il-kubrit. 2. Fil-proċessi tekniċi: Il-welding bl-argon; it-tindif u t-tneħħija tal-grass ta' partijiet maħmuġa ħafna bis-solventi bħat-trikloroetane; l-użu ta' likwidi organiċi bħad-difenil, it-trifenil, il-polifenil, id-Dowtherm, ir-residwi tal-bajli qawwija f'ċirkwiti; it-tferrigħ tal-paraffina jew il-bitumen. D. Il-prodotti maħmuġa 1. Fit-tqandil: Il-komposti tal-kadmju, tal-kromju, tan-nijkil, tal-biżmut, tal-barju, tal-vanadju u tal-manjeżju fil-għamla ta' trab; l-ossidu tal-ħadid magħmul trab. 2. Fil-proċessi tekniċi: Il-proċessar tal-grafit, il-għoti tal-grass u t-tisfija tal-pompi u tal-muturi bħall-pompi tal-vakwu, il-pompi taċ-ċirkolazzjoni tal-fluwidi, il-pompi tad-dekompressjoni, il-ġeneraturi ta' l-arja kkompressata; il-lostru b'sustanzi speċjali; it-tqandil tal-gagazza metallika. Dan l-Anness għandu jiġi emendat mill-Kunsill fuq proposta mill-Kummissjoni fid-dawl ta' l-iżviluppi xjentifiċi u tekniċi. --------------------------------------------------