Šis dokumentas gautas iš interneto svetainės „EUR-Lex“
Dokumentas 32004D0111
2004/111/EC: Commission Decision of 29 January 2004 on the implementation of surveys for avian influenza in poultry and wild birds in Member States, to be carried out during 2004 (notified under document number C(2004) 134)
Id-Deċiżjoni tal-Kummissjoni tad-29 ta’ Jannar 2004 dwar l-implimentazzjoni ta’ stħarriġ għall-influwenza ta’ l-għasafar fit-tjur u għasafar selvaġġi fl-Istati Membri, li għandu jitwettaq matul l-2004 (notifikata bid-dokument numru K(2004) 134)
Id-Deċiżjoni tal-Kummissjoni tad-29 ta’ Jannar 2004 dwar l-implimentazzjoni ta’ stħarriġ għall-influwenza ta’ l-għasafar fit-tjur u għasafar selvaġġi fl-Istati Membri, li għandu jitwettaq matul l-2004 (notifikata bid-dokument numru K(2004) 134)
ĠU L 32, 5.2.2004, p. 20—21
(ES, DA, DE, EL, EN, FR, IT, NL, PT, FI, SV) Edizzjoni(jiet) speċjali oħra
(CS, ET, LV, HU, MT, PL, SK, SL)
Edizzjoni Speċjali bil-Litwan: Kapitolu 03 Volum 042 P. 288 - 289
Galioja: Šis aktas pakeistas. Dabartinė konsoliduota redakcija: 27/08/2004
Sąsaja | Aktas | Pastaba | Susijęs padalinys | Nuo | iki |
---|---|---|---|---|---|
iš dalies pakeitė | 32004D0615 | Sostituzzjoni | artikolu 1 | 23/07/2004 | |
iš dalies pakeitė | 32004D0615 | Żieda | anness | 23/07/2004 | |
iš dalies pakeitė | 32004D0615 | Emenda | artikolu 2 | 23/07/2004 |
Official Journal L 032 , 05/02/2004 P. 0020 - 0021
Id-Deċiżjoni tal-Kummissjoni tad-29 ta’ Jannar 2004 dwar l-implimentazzjoni ta’ stħarriġ għall-influwenza ta’ l-għasafar fit-tjur u għasafar selvaġġi fl-Istati Membri, li għandu jitwettaq matul l-2004 (notifikata bid-dokument numru K(2004) 134) (2004/111/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-qasam veterinarju [1], u b’mod partikolari l-Artikolu 20 tagħha, Billi: (1) Skond id-Direttiva tal-Kunsill 92/40/KEE tad-19 ta’ Mejju 1992 li tintroduċi miżuri tal-Komunità għall-kontroll ta’ l-influwenza ta’ l-għasafar [2] immonitorjar regolari ta’ qatgħat tat-tjur u għasafar selvaġġi sabiex tistma l-presenza possibbli ta’ mard f’dawn il-popolazzjonijiet mhux previst. (2) L-esperjenza wriet li ċerti xejriet tal-virus ta’ l-influwenza ta’ l-għasafar, li fil-present m’humiex koperti b’miżuri ta’ kontroll tad-Direttiva, għandhom l-abbiltà li jindiblu għal xejriet patoġeniċi ħafna wara li jkunu ċċirkolaw fil-popolazzjoni tat-tjur għal xi żmien. (3) Din is-sitwazzjoni x’aktarx li toħloq mortalità għolja fit-tjur u telf ekonomiku iebes għall-industrija tat-tjur, li jista’ jitnaqqas permezz ta’ l-implimentazzjoni ta’ sistema ta’ skrinjar fl-Istati Membri biex jippermetti skoperta aktar kmieni u kontroll ta’ dawk it-tnedenzi prekursuri. (4) Il-Kumitat Xjentifiku dwar is-Saħħa ta’ l-Annimali u l-Welfare ta’ l-Annimali ħareġ opinjoni dwar id-definizzjoni ta’ l-influwenza ta’ l-għasafar u l-użu tat-tilqim kontra l-influwenza ta’ l-għasafar. F’dan ir-rapport kien rakkomandat li tinbidel id-definizzjoni għall-influwenza ta’l-għasafar sabiex tinkludi aktar tendenzi ta’ l-influwenza ta’ l-għasafar li għalihom huma adattati miżuri ta’ eradikazzjoni. B’żieda, l-stħarriġ għandu jitwettaq biex jistabilixxi il-prevalenza ta’ dawk it-tendenzi f’popolazzjonijiet differenti ta’ tjur. Dan għandu jippermetti stima tan-nefqa għall-miżuri modifikati tal-kontroll tal-marda. (5) F’Novembru 2001 il-Kummissjoni organizzat simposju dwar il-preparatezza tal-pandemiċi ta’ l-influwenza fil-bniedem. Kien enfasizzat li stħarriġ f’popolazzjonijiet varji ta’ Annimali għandu jitwettaq biex itejjeb l-aċċess għall-impatt żunotiku ta’ dawk l-infezzjonijiet. (6) Kemm l-aspett żunotiku u l-implikazzżjonijiet tas-saħħa ta’ l-annimali jsostnu l-ħtieġa ta’ stħarriġ għall-influwenza f’popolazzjonijiet ta’ l-annimali. (7) Fl-2002 u l-2003 l-Istati Membri kollha implimentaw stħarriġ għall-influwenza ta’ l-għasafar fit-tjur u l-parti ‘l kbira tal-pajjiżi wettqu wkoll skrinjar f’għasafar selvaġġi skond id-Deċiżjoni tal-Kummissjoni 2002/649/KE [3]. (8) Il-programmi ndividwali u l-kontribuzzjoni finanzjarja tal-Komunità lejn kull wieħed minn dawn il-programmi kienet ġiet approvata bid-Deċiżjoni 2002/673/KE [4]. (9) Matul dan l-istħarriġ il-presenza ta’ subtipi differenti ta’ viruses ta’ l-influwenza ta’ l-għasafar H5 u H7 ġiet skoperta fi tjur f’diversi Stati Membri. Għalkemm il-prevalenza kurrenti tal-viruses ta’ l-influwenza ta’l-għasafar tista’ titqies pjuttost baxxa, jista’ jiġi konkluż li huwa importanti li dawn is-sejbiet pożittivi jiġu segwiti u li titkompla s-sorveljanza fis-sena 2004 biex tiġi miftiehma aħjar l-epidemjoloġija tal-viruses ta’ l-influwenza ta’ l-għasafar. (10) L-Istati Membri għandhom jibgħatu l-programmi tagħhom għall-approvazzjoni mill-Kummissjoni sabiex dik l-għajnuna finanzjarja mill-Komunità tkun tista’tingħata. (11) L-Artikolu 32 ta’ l-Att ta’ l-Adeżjoni ta’ l-2003 jipprovdi li l-Istati Membri l-ġodda għandhom jirċievu l-istess trattament ta’ l-Istati Membri fir-rigward tan-nefqa taħt il-fondi veterinarji. (12) Madankollu, ma tista’ ssir ebda rabta finanzjarja għal xi programm qabel l-adeżjoni qabel ma tkun seħħet l-adeżjoni konċernata ta’ l-Istati Membri. B’żieda, l-immonitorjar ta’ ċertu mard fl-Istati Membri ta’ adeżjoni jista’ wkoll jiġi ko-finanzjat minn strumenti oħra tal-Komunità. (13) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, ADOTTAT DIN ID-DEĊIŻJONI: L-Artikolu 1 L-Istati Membri għandhom jibgħat għall-approvazzjoni lill-Kummissjoni sal-15 ta’ Marzu 2004 il-pjani għall-implimentazzjoni ta’ l-istħarriġ għall-influwenza ta’l-għasafar fit-tjur u l-għasafar selvaġġi. L-Artikolu 2 Il-kontribuzzjoni finanzjarja tal-Komunità’s lejn il-miżuri msemmija fl-Artikolu 1 għandha tkun bir-rata ta’ 50 % tan-nefqa magħmula fl-Istati Membri għall-ikkampjonar u l-analiżi tal-kampjuni sa massimu ta’ Ewro 600000 għat-total ta’ l-Istati Membri kollha. L-Artikolu 3 Din id-Deċiżjoni hija ndirizzata lill-Istati Membri. Magħmul fi Brussel, fid-29 ta’ Jannar 2004. Għall-Kummissjoni David Byrne Membru tal-Kummissjoni [1] ĠU L 224, tat-18.8.1990, p. 19. Deċiżjoni kif l-aħħar emendata bir-Regolament (KE) Nru 806/2003 (ĠU L 122, tas-16.5.2003, p. 1.). [2] ĠU L 167, 22.06.92, p. 1. [3] ĠU L 213, 09.08.02, p. 38. [4] ĠU L 228, ta’ l-24.8.2002, p. 27. Deċiżjoni kif l-aħġħar emendata bid-Deċiżjoni 2003/21/KE (ĠU L 8, ta’ l-14.1.2003, p. 37). --------------------------------------------------