Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32001D0019

    Id-Deċiżjoni tal-Kummissjoni tal-20 ta' Diċembru 2000 dwar il-proċedura li tattesta l-konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward il-ġonti ta' l-espansjoni għall-pontijiet tat-toroq (innotifikata fid-dokument bin-numru K(2000) 3694) (Test bir-relevanza għaż-ŻEE)

    ĠU L 5, 10.1.2001, p. 6–7 (ES, DA, DE, EL, EN, FR, IT, NL, PT, FI, SV)

    ⏵Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

    Legal status of the document In force

    ELI: http://data.europa.eu/eli/dec/2001/19(1)/oj

    Date of document:
    20/12/2000
    Date of effect:
    10/01/2001; Jidħol fis-seħħ Data tan-notifika
    Date of notification:
    10/01/2001; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
    Date of end of validity:
    No end date
    Author:
    Il-Kummissjoni Ewropea
    Form:
    Deċiżjoni
    Addressee:
    Il-ħmistax-il Stat Membru: il-Belġju, id-Danimarka, il-Ġermanja, l-Irlanda, il-Greċja, Spanja, Franza, l-Italja, il-Lussemburgu, il-Pajjiżi l-Baxxi, l-Awstrija, il-Portugall, il-Finlandja, l-Isvezja, ir-Renju Unit
    Additional information:
    Estiża għaż-ŻEE permezz ta' 22001D0156, Rilevanza għaż-ŻEE
    Authentic language:
    Spanjol, Daniż, Ġermaniż, Grieg, Ingliż, Franċiż, Taljan, Olandiż, Portugiż, Finlandiż, Svediż, Islandiż, Norveġiż
    Treaty:
    Trattat li jistabbilixxi l-Komunità Ewropea
    Legal basis:
    Link
    Link
    Link
    Select all documents mentioning this document
    Link

    32001D0019



    Official Journal L 005 , 10/01/2001 P. 0006 - 0007


    Id-Deċiżjoni tal-Kummissjoni

    tal-20 ta' Diċembru 2000

    dwar il-proċedura li tattesta l-konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward il-ġonti ta' l-espansjoni għall-pontijiet tat-toroq

    (innotifikata fid-dokument bin-numru K(2000) 3694)

    (Test bir-relevanza għaż-ŻEE)

    (2001/19/KE)

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat id-Direttiva tal-Kunsill 89/106/KEE tal-21 ta' Diċembru 1988 dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mal-prodotti għall-bini [1], kif emendata bid-Direttiva 93/68/KEE [2], u b'mod partikolari fl-Artikolu 13(4) tagħha,

    Billi:

    (1) Il-Kummissjoni hija mitluba li tagħżel, bejn iż-żewġ proċeduri fl-Artikolu 13(3) tad-Direttiva 89/106/KEE sabiex tattesta l-konformità ta' prodott, il-proċedura l-inqas oneruża possibbli konsistenti mas-sigurtà. Dan ifisser illi huwa meħtieġ li tiddeċiedi jekk, rigward prodott jew familja ta' prodotti mogħtija, l-eżistenza ta' sistema ta' kontroll tal-produzzjoni f'fabbrika taħt ir-responsabbiltà tal-fabbrikant, hijiex kundizzjoni meħtieġa u biżżejjed sabiex tiġi attestata l-konformità, jew jekk, għal raġunijiet li jkollhom x'jaqsmu mat-tħaris tal-kriterji msemmija fl-Artikolu 13(4), ikunx meħtieġ l-intervent ta' korp approvat taċ-ċertifikazzjoni.

    (2) L-Artikolu 13(4) jeħtieġ illi l-proċedura hekk stabbilita għandha tkun indikata fil-mandati u fl-ispeċifikazzjonijiet tekniċi. Huwa għalhekk mixtieq li jiġu identifikati l-prodotti jew il-familji tal-prodotti riferiti fl-ispeċifikazzjonijiet tekniċi.

    (3) Iż-żewġ proċeduri pprovduti fl-Artikolu 13(3) huma deskritti fid-dettal fl-Anness III mad-Direttiva 89/106/KEE. Huwa għalhekk meħtieġ li jiġu speċifikati b'mod ċar il-metodi li bihom iż-żewġ proċeduri għandhom jiġu implimentati, bir-referenza għall-Anness III, għal kull prodott jew familja ta' prodotti, ġaladarba l-Anness III jagħti preferenza lil ċerti sistemi.

    (4) Il-proċedura riferita fl-Artikolu 13(3)(a) tikkorrispondi mas-sistemi ddikjarati fl-ewwel possibbiltà, mingħajr sorveljanza kontinwa, u mat-tieni u t-tielet possibbiltajiet ta' l-Anness III(2)(ii). Il-proċedura riferita fit-III(2)(i), l-Artikolu 13(3)(a)(b) jikkorrispondi mas-sistemi ddikjarati fl-Anness III(2)(i), u fl-ewwel possibbiltà, bis-sorveljanza kontinwa, ta' l-Anness III(2)(ii).

    (5) Il-miżuri pprovduti f'din id-Deċiżjoni huma skond l-opinjoni tal-Kumitat Permanenti għall-Bini,

    ADOTTAT DIN ID-DEĊIŻJONI:

    Artikolu 1

    Il-prodotti u l-familji tal-prodotti ddikjarati fl-Anness I għandu jkollhom il-konformità tagħhom attestata bi proċedura li biha, b'żieda mas-sistema tal-kontroll tal-produzzjoni fil-fabbrika mħaddma mill-fabbrikant, korp approvat taċ-ċertifikazzjoni jkun involut fl-istima u s-sorveljanza tal-kontroll tal-produzzjoni jew tal-prodott innifsu.

    Artikolu 2

    Il-proċedura sabiex tiġi attestata l-konformità kif iddikjarata fl-Anness II għandha tkun indikata fil-mandati għal-linji gwida għall-approvazzjonijiet tekniċi Ewropej.

    Artikolu 3

    Din id-Deċiżjoni hija indirizzata lill-Istati Membri.

    Magħmula fi Brussel, fl-20 ta' Diċembru 2000.

    Għall-Kummissjoni

    Erkki Liikanen

    Membru tal-Kummissjoni

    [1] ĠU L 40, tal-11.2.1989, p. 12.

    [2] ĠU L 220, tat-30.8.1993, p. 1.

    --------------------------------------------------

    ANNESS I

    Il-ġonti ta' l-espansjoni għall-pontijiet tat-toroq

    Sabiex jintużaw fil-pontijiet tat-toroq għalbiex jiżguraw il-kontinwità tal-wiċċ ta' fuq, il-kontinwità tal-kapaċità li jifilħu t-traffiku u biex jakkomodaw il-moviment tal-pontijiet.

    --------------------------------------------------

    ANNESS II

    Il-familja tal-prodotti: il-ġonti ta' l-espansjoni għall-pontijiet tat-toroq

    Is-sistemi ta' l-attestazzjoni tal-konformità

    Għall-prodott/i u l-użu/i maħsuba elenkati hawn taħt, l-EOTA hija mitluba li tispeċifika s-sistema/i li ġejja/in dwar l-attestazzjoni tal-konformità mal-linja gwida rilevanti għall-approvazzjonijiet tekniċi Ewropej:

    Is-Sistema 1 : Ara l-Anness III(2)(i) mad-Direttiva 89/106/KEE (CPD) mingħajr il-verifika tal-kampjuni.

    Il-Prodott | L-Użu maħsub | Il-Livell jew il-Klassi | Is-Sistema ta' l-attestazzjoni tal- konfomità |

    Il-ġonti ta' l-espansjoni għall-pontijiet tat-toroq | Fil-pontijiet tat-toroq | — | 1 |

    L-ispeċifikazzjoni għas-sistema għandha tkun tali li tkun tista’ tiġi implimentata saħansitra meta t-twettiq tax-xogħol ma jkollux il-ħtieġa li jiġi stabbilit għal ċerta karatteristika, minħabba li mill-inqas Stat Membru wieħed ma jkollu l-ebda ħtieġa legali għal din il-karatteristika (ara l-Artikolu 2(1) tad-Direttiva 89/106/KEE u, fejn japplika, il-paragrafu 1.2.3 tad-dokumenti interprettattivi). F'dawk il-każijiet il-verifika ta' din il-karatteristika ma għandhiex tiġi imposta fuq il-fabbrikant jekk ma jixtieqx jiddikjara l-effiċjenza tal-prodott f'dan ir-rigward.

    --------------------------------------------------

    Top