31998D0594

Id-Deċiżjoni tal-Kummissjoni

tas-6 ta' Ottubru 1998

li temenda d-Deċiżjonijiet tal-Kunsill 79/542/KEE, 92/260/KEE, 93/195/KEE u 93/197/KEE, f'dak li għandhom x'jaqsmu mal-kondizzjonijiet tas-saħħa ta' l-annimali għall-importazzjoni, id-dħul temporanju u d-dħul mill-ġdid ta' żwiemel reġistrati mit-Tajlandja

(nnotifikata taħt dokument numru C(1998)

(Test b'relevanza ŻEE)

(98/594/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/426/KEE tas-26 ta' Ġunju 1990 dwar il-kondizzjonijiet li jirregolaw il-moviment u l-importazzjoni minn pajjiżi terzi ta' l-annimali tar-razza taż-żwiemel [1], kif l-aħħar emendata mill-Att ta' l-Adeżjoni ta' l-Awstria, l-Fillandja u l-Isvezja, u b'mod partikolari l-Artikoli 12, 13, 15 u 16, u l-punt (ii) ta' l-Artikolu 19 tagħha,

Billi, bid-Deċiżjoni tal-Kunsill 79/452/KEE [2], kif l-aħħar emendata bid-Deċiżjoni tal-Kummissjoni 98/146/KEE [3], lista ta' pajjiżi terzi minn fejn l-Istati Membi jawtorizzaw l-importazzjoni ta' l-annimali tal-fart, tal-majjali, tar-razza taż-żwiemel, tan-nagħaġ u tal-mogħoż, tal-laħam frisk u tal-prodotti tal-laħam, kienet ġiet stabbilita;

Billi l-kondizzjonijiet tas-saħħa u ċ-ċertifikazzjoni veterinarja għad-dħul temporanju ta' żwiemel reġistrati, id-dħul mill-ġdid wara l-esportazzjoni temporanja, u l-importazzjoni ta' dawn huma stabbiliti rispettivament fid-Deċiżjonijiet tal-Kummissjoni 92/260/KEE [4], 93/195/KEE [5], 93/197/KEE [6], kollha kif l-aħħar emendati bid-Deċiżjoni 98/360/KE [7];

Billi, b'segwiment tal-missjoni veterinarja tal-Komunità għat-Tajlandja jidher li s-sitwazzjoni tas-saħħa ta' l-annimali f'dan il-pajjiż hi sodisfaċenti f'dak li għandu x'jaqsam mal-mard ta' l-annimali tar-razza taż-żwiemel u kkontrollat minn servizzi strutturati sewwa u minn servizzi organizzati;

Billi l-awtoritajiet veterinarji responsabbli tat-Tajlandja iddeċidew li jinnotifikaw lill-Kummissjoni u lill-Istati Membri b'telex, jew b'fax jew b'telegramm fi żmien 24 siegħa mal-konferma ta' l-okkorrenza ta' xi marda msemmija fl-Anness A tad-Direttiva 90/426/KEE jew l-adozzjoni ta' strateġija tal-vaċċinazzjoni kontrihom jew bidla f'dik l-istrateġija u fi żmien xieraq ta' bidliet fl-istrateġija ta' l-importazzjoni f'dak li jirrigwarda r-razza taż-żwiemel;

Billi l-kondizzjonijiet tas-saħħa ta' l-annimali u ċ-ċertifikazzjoni veterinarja trid tkun adottata skond is-sitwazzjoni tal-pajjiżi konċernati; billi l-każ preżenti għandu x'jaqsam biss maż-żwiemel irreġistrati;

Billi d-Deċiżjonijiet 79/542/KEE, 92/260/KEE, 93/195/KEE u 93/197/KEE għandhom ikunu emendat kif xieraq;

Billi l-miżuri li hemm provvediment dwarhom f'din id-Deċiżjoni huma bi qbil ma' l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Fil-parti 2 ta' l-Anness tad-Deċiżjoni tal-Kunsill 79/542/KEE, il-kolonna speċjali għall-annimali tar-razza taż-żwiemel, il-linja li ġejja hi mdaħħla bi qbil ma' l-ordni alfabetika tal-kodiċi ISO:

"'TH | It-Tajlandja | x'" |

Artikolu 2

Id-Deċiżjoni 92/260/KEE hi emendata kif ġej:

1) "It-Tajlandja" hi miżjuda mal-lista tal-pajjiżi terzi fil-Grupp C ta' l-Anness I;

2) "It-Tajlandja" hi miżjuda mal-lista tal-pajjiżi terzi fit-titolu taċ-ċertifikat tas-saħħa stabbilit fl-Anness II C.

3) Fil-punt III ta' l-Anness II C, is-segwenti paragrafu hu miżjud:

"1. Jekk l-annimali tar-razza taż-żwiemel jiġu mit-Tajlandja, ikunu suġġetti għal test ta' fissazzjoni kumplimentari għall-glanders fuq… (5) u għal dourine fuq… (5) dan fi żmien 10t ijiem mill-esportazzjoni b'riżultati negattivi f' 1 f' 10 (4).".

4) Fin-nota (6) ta' qiegħ il-paġna ta' l-Anness II C, "Hong Kong, il-Ġappun, il-Makaw, il-Malasja (peninżula) u s-Singapore" hi mibdula bi "Hong Kong, il-Ġappun, il-Makaw, il-Malasja (peninsula), is-Singapore u t-Tajlandja".

5) "It-Tajlandja (TH)" hi miżjuda mal-lista tal-Kapitolu III, il-punt (d) ta' l-Anness II, A, B, C, D u E.

Artikolu 3

Id-Deċiżjoni 93/195/KEE hi emendata kif ġej:

1) "It-Tajlandja (TH)" hi miżjuda mal-lista tal-pajjiżi terzi fil-Grupp C ta' l-Anness I;

2) "It-Tajlandja" hi miżjuda mal-lista tal-pajjiżi terzi fit-titolu taċ-ċertifikat tas-saħħa stabbilit fl-Anness II C.

Artikolu 4

Id-Deċiżjoni 93/197/KEE hi emendata kif ġej:

1) "It-Tajlandja (TH)" hi miżjuda mal-lista tal-pajjiżi terzi fil-Grupp C ta' l-Anness I;

2) Fit-titolu taċ-ċertifikat tas-saħħa stabbilit fl-Anness II C, "Hong Kong u l-Ġappun, il-Makaw, il-Malasja (peninżula) u s-Singapore" huwa mibdul bi "Hong Kong, il-Ġappun, il-Makaw, il-Malasja (peninżula), is-Singapore u t-Tajlandja".

3) Fil-punt III ta' l-Anness II C, is-segwenti paragrafu hu miżjud:

"(m) Jekk l-annimali tar-razza taż-żwiemel jiġu mit-Tajlandja, ikunu suġġetti għall test ta' fissazzjoni kumplimentari għall-glanders fuq… (4) u għal dourine fuq… (4) dan fi żmien 21 jum mill-esportazzjoni b'riżultati negattivi fi 1 f' 10 (4).".

4) Fin-nota (5) tat-tarf tal-paġna ta' l-Anness II C, "Hong Kong u l-Ġappun, il-Makaw, il-Malasja (peninżula) u s-Singapore" huwa mibdul bi "Hong Kong, il-Ġappun, il-Makaw, il-Malasja (peninsula), is-Singapore u t-Tajlandja".

Artikolu 5

Din id-Deċiżjoni hija indirizzata lill-Istati Membri.

Magħmula fi Brussel, is-6 ta' Ottubru 1998.

Għall-Kummissjoni

Franz Fischler

Membru tal-Kummissjoni

[1] ĠU L 224, tat-18.8.1990, p. 42.

[2] ĠU L 146, ta' l-14.6.1979, p. 15.

[3] ĠU L 46, tas-17.2.1998, p. 8.

[4] ĠU L 130, tal-15.5.1992, p. 67.

[5] ĠU L 86, tas-6.4.1993, p. 1.

[6] ĠU L 86, tas-6.4.1993, p. 16.

[7] ĠU L 163, tas-6.6.1998, p. 44.

--------------------------------------------------