This document is an excerpt from the EUR-Lex website
Document 31998D0519
98/519/EC: Commission Decision of 17 June 1998 on a common technical Regulation for very small aperture terminals (VSATs) operating in the 11/12/14 GHz frequency bands (notified under document number C(1998) 1612) (Text with EEA relevance)
Id-Deċiżjoni tal-Kummissjoni tas-17 ta' Ġunju, 1998 dwar Regolament tekniku komuni għal terminali ta' aperturi żgħar ħafna (VSATs) li jaħdmu fuq firxa ta' frekwenzi 11/12/14 GHz (notifikata taħt dokument numru K(1998) 1612) (Test b'relevenza għaż-ŻEE)
Id-Deċiżjoni tal-Kummissjoni tas-17 ta' Ġunju, 1998 dwar Regolament tekniku komuni għal terminali ta' aperturi żgħar ħafna (VSATs) li jaħdmu fuq firxa ta' frekwenzi 11/12/14 GHz (notifikata taħt dokument numru K(1998) 1612) (Test b'relevenza għaż-ŻEE)
ĠU L 232, 19.8.1998, p. 17–18
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 232 , 19/08/1998 P. 0017 - 0018
Id-Deċiżjoni tal-Kummissjoni tas-17 ta' Ġunju, 1998 dwar Regolament tekniku komuni għal terminali ta' aperturi żgħar ħafna (VSATs) li jaħdmu fuq firxa ta' frekwenzi 11/12/14 GHz (notifikata taħt dokument numru K(1998) 1612) (Test b'relevenza għaż-ŻEE) (98/519/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva 98/13/KE tal-Parlament Ewropew u tal-Kunsill tat-12 ta' Frar 1998 li għandha x'taqsam mat-tagħmir terminali ta' telekomunikazzjonijiet u tagħmir ta' stazzjon terrestri tas-satellita, inkluż ir-rikonoxximent reċiproku tal-konformità tagħhom [1], Billi l-Kummissjoni adottat il-miżura li tidentifika t-tip ta' tagħmir ta' stazzjon terrestri tas-satellita li għalih huwa meħtieġ regolament tekniku komuni, kif ukoll id-dikjarazzjoni dwar il-qasam ta' applikazzjoni assoċjat miegħu; Billi għandhom ikunu adottati l-istandards armonizzati korrispondenti, jew partijiet minnhom, li jimplimentaw il-ħtiġiet essenzjali li għandhom jitbiddlu f'regolamenti tekniċi komuni; Billi r-Regolament tekniku komuni adottat minn din id-Deċiżjoni huwa fi qbil ma’ l-opinjoni ta' l-ACTE, ADOTTAT DIN ID-DEĊIŻJONI: Artikolu 1 1. Din id-Deċiżjoni għandha tapplika għal tagħmir ta' stazzjon terrestri tas-satellita f li jaqa’ fil-kamp ta' applikazzjoni ta' l-istandard armonizzat imsemmi fl-Artikolu 2(1). 2. Din id-Deċiżjoni tistabbilixxi Regolament tekniku komuni li jkopri terminali ta' aperturi żgħar ħafna (VSATs) li jaħdmu fil-firxa ta' frekwenzi 11/12/14 GHz. Artikolu 2 1. Ir-Regolment tekniku komuni għandu jinkludi l-istandards armonizzati mħejjija mill-korp ta' standardizzazzjoni relevanti li jimplimenta sal-limitu applikabbli l-ħtiġiet essenzjali msemmija fl-Artikolu 17 tad-Direttiva 98/13/KE. Ir-referenza għall-istandards hija mniżżla fl-Anness. 2. It-tagħmir ta' stazzjon terrestri tas-satellita kopert b'din id-Deċiżjoni għandu jikkonforma mar-Regolament tekniku komuni imsemmi fil-paragrafu 1, għandu jilħaq il-ħtiġiet essenzjali msemmija fl-Artikolu 5(a) tad-Direttiva 98/13/KE, u għandu jilħaq il-ħtiġiet ta' kull Direttiva oħra applikabbli, partikolarment id-Direttivi tal-Kunsill 73/23/KEE [2] u 89/336/KEE [3]. Artikolu 3 Korpi notifikati nominati biex iwettqu l-proċeduri imsemmija fl-Artikolu 10 tad-Direttiva 98/13/KE għandhom, fir-rigward ta' tagħmir ta' stazzjon terrestri tas-satellita kopert bl-Artikolu 1(1) ta' din id-Deċiżjoni, jużaw jew jiżguraw li jkun użat l-istandard armonizzat imsemmi fl-Anness wara d-dħul fis-seħħ ta' din id-Deċiżjoni. Artikolu 4 Din id-Direttiva hija indirizzata lill-Istati Membri. Magħmula fi Brussel, is-17 ta' Ġunju, 1998. Għall-Kummissjoni Martin Bangemann Membru tal-Kummissjoni [1] ĠU L 74, tat-12.3.1998, p. 1. [2] ĠU L 77, tas-26.3.1973, p. 29. [3] ĠU L 139, tat-23.5.1989, p. 19. -------------------------------------------------- ANNESS Referenza għall-istandard armonizzat applikabbli L-istandard armonizzat imsemmi fl-Artikolu 2 ta' din id-Deċiżjoni huwa: Stazzjonijiet Terrestri u Sistemi ta' Satelliti (SES); terminali ta' aperturi żgħar ħafna (VSAT); Stazzjonijiet terrestri tas-satellita li jittrasmettu biss, jittrasmettu/jirċievu jew jirċievu biss li jaħdmu fil-firxa ta' frekwenzi 11/12/14 GHz ETSI Istitut Ewropew ta' l-Istandards ta' Telekomunikazzjoni Segretarjat ta' ETSI TBR 28 — Diċembru ta' l-1997 (eskluża d-daħla) Tagħrif addizzjonali: L-Istitut Ewropew ta' l-Istandards ta' Telekomunikazzjoni huwa rikonoxxut skond id-Direttiva tal-Kunsill 83/189/KEE [1]. L-istandard armonizzat imsemmi hawn fuq ġie prodott skond mandat maħruġ fi qbil mal-proċeduri relevanti tad-Direttiva tal-Kunsill 83/189/KEE. It-test sħiħ ta' l-istandard armonizzat imsemmi hawn fuq jista’ jinkiseb mill-: Istitut Ewropew ta' l-Istandards ta' Telekomunikazzjoni 650 Route des Lucioles F- 06921 Sophia Antipolis Cedex | Kummissjoni Ewropea DG XIII/A/2 - (BU 31 1/7), Rue de la Loi/Wetstraat 200, B-1049 Brussels | jew minn kull organizzazzjoni oħra responsabbli li tagħmel l-istandards ETSI disponibbli, li lista tagħhom tista tinstab fuq l-Internet fl-indirizz www.ispo.cec.be. [1] ĠU L 109, tas-26.4.1983, p. 8. --------------------------------------------------