Choose the experimental features you want to try

This document is an excerpt from the EUR-Lex website

Document 31998D0515

    Id-Deċiżjoni tal-Kummissjoni tas-17 ta' Ġunju, 1998 dwar Regolament tekniku komuni għall-aċċess bażiku għas-servizzi diġitali integrati pan-Ewropej (ISDN) (Emenda Nru 1) (notifikata taħt id-dokument numru K (1998) 1607) (Test b'relevenza għaż-ŻEE)

    ĠU L 232, 19.8.1998, p. 7–9 (ES, DA, DE, EL, EN, FR, IT, NL, PT, FI, SV)

    Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

    Legal status of the document In force

    ELI: http://data.europa.eu/eli/dec/1998/515/oj

    31998D0515



    Official Journal L 232 , 19/08/1998 P. 0007 - 0009


    Id-Deċiżjoni tal-Kummissjoni

    tas-17 ta' Ġunju, 1998

    dwar Regolament tekniku komuni għall-aċċess bażiku għas-servizzi diġitali integrati pan-Ewropej (ISDN) (Emenda Nru 1)

    (notifikata taħt id-dokument numru K (1998) 1607)

    (Test b'relevenza għaż-ŻEE)

    (98/51/KE)

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat id-Direttiva 98/13/KE tal-Parlament Ewropew u tal-Kunsill tat-12 ta' Frar 1998 li għandha x'taqsam mat-tagħmir terminali ta' telekomunikazzjonijiet u tagħmir ta' stazzjon terrestri tas-satellita, inkluż ir-rikonoxximent reċiproku tal-konformità tagħhom [1],

    Billi l-Kummissjoni addottat il-miżura li tidentifika t-tip ta' tagħmir terminali li għalih huwa meħtieġ regolament tekniku komuni, kif ukoll id-dikjarazzjoni tal-qasam ta' applikazzjoni assoċjat miegħu;

    Billi għandhom ikunu adottati l-i standards armonizzati korrispondenti, jew partijiet minnhom, li jimplimentaw il-ħtiġiet essenzjali li għandhom jitbiddlu f'regolamenti tekniċi komuni;

    Billi biex tkun żgurata l-kontinwità fl-aċċess għal swieq għal manifatturi, huwa meħtieġ li jkunu permessi arranġamenti transitorji dwar tagħmir approvat skond id-Deċiżjoni tal-Kummissjoni 97/346/KE [2];

    Billi r-regolament tekniku komuni adottat f'din id-Deċiżjoni huwa fi qbil ma’ l-opinjoni ta' l-ACTE,

    ADOTTAT DIN ID-DEĊIŻJONI:

    Artikolu 1

    1. Din id-Deċiżjoni għandha tapplika għal tagħmir terminali maħsub biex jitqabbad ma’ network pubbliku tat-telekomunikazzjonijiet u li jaqa’ fil-kamp ta' applikazzjoni ta' l-i standard armonizzat imsemmi fl-Artikolu 2(1).

    2. Din id-Deċiżjoni tistabbilixxi regolament tekniku komuni li jkopri l-karatteristiċi tekniċi, elettriċi u ħtiġijiet mekkaniċi ta' interface, u protokoll ta' kontroll ta' aċċess li għandu jkun provdut mit-tagħmir terminali li jkun kapaċi u maħsub mill-manifattur jew mir-rappreżentant tiegħu għal konnessjoni ma’ punt ta' referenza T, jew koinċident S u T, għall-aċċess bażiku f’interface ma’ network pubbliku tat-telekomunikazzjonijiet ippreżentat bħala punt bażiku ta' aċċess pan-Ewropew (ISDN (Euro-ISDN).

    Artikolu 2

    1. Dan ir-regolment tekniku komuni għandu jinkludi l-i standard armonizzat imħejji mill-korp relevanti ta' standardizzazzjoni li jimplimenta sal-limitu applikabbli l-ħtiġiet essenzjali imsemmija fl-Artikolu 5(ċ), (d) u (f) tad-Direttiva 98/13/KEE. Ir-referenza għall-i standard hija mniżżla fl-Anness.

    2. It-tagħmir terminali kopert b'din id-Deċiżjoni għandu jikkonforma mar-Regolament tekniku komuni imsemmi fil-paragrafu 1, għandu jissodisfa il-ħtiġiet essenzjali imsemmija fl-Artikolu 5(a) u (b) tad-Direttiva 98/13/KEE, u għandu jissodisfa il-ħtiġiet ta' kull Direttiva oħra applikabbli, partikolarment id-Direttivi tal-Kunsill 73/23/KEE [3] u 89/336/KEE [4].

    Artikolu 3

    Korpi notifikati nominati biex iwettqu l-proċeduri imsemmija fl-Artikolu 10 tad-Direttiva 98/13/KEE għandhom, fir-rigward ta' tagħmir terminali kopert bl-Artikolu 1(1) ta' din id-Deċiżjoni, jużaw jew jiżguraw li jkun użat l-istandard armonizzat li għalih jirreferi l-Anness wara d-dħul fis-seħħ ta' din id-Deċiżjoni.

    Artikolu 4

    1. Id-Deċiżjoni 97/346/KE għandha tkun revokata b'effett mill-20 ta' Mejju 1998.

    2. Id-Deċiżjoni tal-Kummissjoni 94/797/KE [5] għandha tkun revokata b'effett mill-20 ta' Mejju 1998.

    3. Tagħmir terminali, approvat skond id-Deċiżjonijiet 94/797/KE u 97/346/KE jista’ jkompli jitqiegħed fis-suq u jitqiegħed fis-servizz.

    Artikolu 5

    Din id-Deċiżjoni hija indirizata lill-Istati Membri kollha.

    Magħmula fi Brussel, is-17 ta' Ġunju, 1998.

    Għall-Kummissjoni

    Martin Bangemann

    Membru tal-Kummissjoni

    [1] ĠU L 74, tat-12.3.1998, p. 1.

    [2] ĠU L 148, tas-6.6.1997, p. 19.

    [3] ĠU L 77, tas-26.3.1973, p. 29.

    [4] ĠU L 139, tat-23.5.1989, p. 19.

    [5] .ĠU L 329, ta' l-20.12.1994, p. 14.

    --------------------------------------------------

    ANNESS

    Riferenza għall-istandard armonizzat applikabbli

    L-istandard armonizzat imsemmi fl-Artikolu 2 ta' din id-Deċiżjoni tkun:

    Network Diġitali ta' Servizzi Integrati (ISDN);

    Il-ħtiġiet ta' konnessjoni għat-tagħmir terminali biex issir konnessjoni ma’ ISDN bl-użu ta' aċċess bażiku ISDN

    ETSI

    Istitut Ewropew ta' l-Istandards ta' Telekomunikazzjoni

    Segretarjat ta' ETSI

    TBR 3: Novembru ta' l-1995 kif emendat b'TBR 3 A1 – Diċembru ta' l-1997

    (minbarra d-daħla)

    Tagħrif addizzjonali:

    L-Istitut Ewropew ta' l-Istandards tat-Telekomunikazzjonijiet huwa rikonoxxut skond id-Direttiva tal-Kunsill 83/189/KEE [1].

    L-istandard armonizzat imsemmi hawn fuq kien ġie prodott skond mandat maħruġ bi qbil mal-proċeduri relevanti tad-Direttiva tal-Kunsill 83/189/KEE.

    It-test sħiħ ta' l-istandard armonizzat imsemmi hawn fuq jista’ jinkiseb mingħand

    Istitut Ewropew ta' l-Istandards ta' Telekomunikazzjoni 650 Route des Lucioles F-06921 Sophia Antipolis Cedex | Kummissjoni Ewropea DG XIII/A/2 - (BU 31 1/7) Rue de la Loi/Wetstraat 200 B-1049 Brussels |

    jew minn kull organizzazzjoni oħra responsabbli li tagħmel l-istandards ta' ETSI disponibbli, li lista tagħhom tista’ tinstab fuq l-Internet fl-indirizz www.ispo.cec.be.

    [1] ĠU L 109, tas-26.4.1983, p. 8.

    --------------------------------------------------

    Top