This document is an excerpt from the EUR-Lex website
Document 31998D0456
98/456/EC: Commission Decision of 3 July 1998 on the procedure for attesting the conformity of construction products pursuant to Article 20(2) of Council Directive 89/106/EEC as regards post-tensioning kits for the prestressing of structures (notified under document number C(1998) 1506) (Text with EEA relevance)
Id-Deċiżjoni tal-Kummissjoni tat-3 ta’ lulju 1998 dwar il-proċedura ta’ attestazzjoni ta’ konformità ta’ prodotti għall-bini skond l-artikolu 20(2) tad-Direttiva tal-Kunsill 89/106/kee dwar kits għall-post-tensioning ta’ strutturi pre-kompressi (notifikata bid-dokument numru c (1998) 1506)
Id-Deċiżjoni tal-Kummissjoni tat-3 ta’ lulju 1998 dwar il-proċedura ta’ attestazzjoni ta’ konformità ta’ prodotti għall-bini skond l-artikolu 20(2) tad-Direttiva tal-Kunsill 89/106/kee dwar kits għall-post-tensioning ta’ strutturi pre-kompressi (notifikata bid-dokument numru c (1998) 1506)
ĠU L 201, 17.7.1998, p. 112–113
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Relation | Act | Comment | Subdivision concerned | From | To |
---|---|---|---|---|---|
Corrected by | 31998D0456R(01) |
Official Journal L 201 , 17/07/1998 P. 0112 - 0113
Id-Deċiżjoni tal-Kummissjoni tat-3 ta’ lulju 1998 dwar il-proċedura ta’ attestazzjoni ta’ konformità ta’ prodotti għall-bini skond l-artikolu 20(2) tad-Direttiva tal-Kunsill 89/106/kee dwar kits għall-post-tensioning ta’ strutturi pre-kompressi (notifikata bid-dokument numru c (1998) 1506) (test b’relevanza għaż-żee) (98/456/ke) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 89/106/KEE tal-21 ta’ Diċembru, 1988, dwar l-approssimazzjoni ta’ liġijiet, regolamenti u dispożizzjonijiet amministrattivi ta’ l-Istati Membri dwar prodotti ta’ bini [1], kif emendata bid-Direttiva 93/68/KEE [2], u partikolarment l-Artikolu 13(4) tagħha, Billi l-Kummissjoni jeħtiġilha, skond iż-żewġ proċeduri msemmija fl-Artikolu 13(3) tad-Direttiva 89/106/KEE dwar attestazzjoni ta’ konformità ta’ prodott, illi tagħżel "il-proċedura l-inqas oneruża possibbli li tkun taqbel mas-sigurtà"; billi dan ifisser li jeħtieġ ikun deċiż jekk, għal ċertu prodott jew klassi ta’ prodotti, l-eżistenza ta’ sistema ta’ kontroll ta’ produzzjoni fil-fabbrika taħt ir-responsabbiltà tal-fabbrikant hix kondizzjoni neċessarja u suffiċjenti għal attestazzjoni ta’ konformità, jew jekk, għal raġunijiet li għandhom x’jaqsmu biex jitħarsu l-kriterji msemmija fl-Artikolu 13(4), hemmx ħtieġa ta’ l-intervent għal dak l-iskop ta’ korp approvat ta’ ċertifikazzjoni; Billi l-Artikolu 13(4) jitlob li l-proċedura hekk stabbilita għandha tintwera fil-mandati u fl-ispeċifikazzjonijiet tekniċi; billi, għalhekk, ikun aħjar li jkun hemm definizzjoni tal-kunċett ta’ prodotti jew familja ta’ prodotti kif użati fil-mandati u fl-ispeċifikazzjonijiet tekniċi; Billi ż-żewġ proċeduri msemmija fl-Artikolu 13(3) huma murija fid-dettall fl-Anness III tad-Direttiva 89/106/KEE; billi għalhekk jeħtieġ li jintwerew b’mod ċar il-metodi li bihom iż-żewġ proċeduri għandhom ikunu implimentati, b’referenza għall-Anness III, għal kull prodott jew klassi ta’ prodotti, peress li l-Anness III jagħti preferenza lil ċerti sistemi; Billi l-proċedura li għaliha saret referenza f’punt (a) ta’ l-Artikolu 13(3) taqbel mas-sistemi msemmija fl-ewwel possibbiltà, mingħajr sorveljanza kontinwa, u t-tieni u t-tielet possibbiltà tal-punt (ii) tat-Taqsima 2 ta’ l-Anness III, u l-proċedura msemmija fil-punt (b) ta’ l-Artikolu 13(3) jaqblu mas-sistemi msemmija fil-punt (i) tat-Taqsima 2 ta’ l-Anness III, u fl-ewwel possibbiltà, b’sorveljanza kontinwa, tal-punt (ii) tat-Taqsima 2 ta’ l-Anness III; Billi l-miżuri stabbiliti f’din id-Deċiżjoni huma skond l-opinjoni tal-Kumitat Permanenti dwar il-Bini, ADOTTAT DIN ID-DEĊIŻJONI: L-Artikolu 1 Il-prodotti msemmija fl-Anness I għandu jkollhom il-konformità tagħhom attestata permezz ta’ proċedura li biha, flimkien ma’ sistema ta’ kontroll tal-produzzjoni fil-fabbrika mħaddma mill-fabbrikant, korp approvat ta’ ċertifikazzjoni jkollu x’jaqsam fl-istima u s-sorveljanza tal-kontroll tal-produzzjoni jew tal-prodott innifsu. L-Artikolu 2 Il-proċedura għall-attestazzjoni ta’ konformità, kif mogħtija fl-Anness III, għandha tintwera fil-mandati għal speċifikazzjonijiet tekniċi Ewropej. L-Artikolu 3 Din id-Direttiva hija indirizzata lill-Istati Membri. Magħmula fi Brussel, fit-3 ta’ Lulju, 1998. Għall-Kummissjoni Martin Bangemann Membru tal-Kummissjoni [1] ĠU L 40, tal-11.2.1989, p. 12. [2] ĠU L 220, tat-30.8.1993, p. 1. -------------------------------------------------- L-ANNESS I Kits għall-post-tensioning ta’ strutturi pre-kompressi -------------------------------------------------- L-ANNESS II FAMILJA TA’ PRODOTT: KITS GĦALL-POST-TENSIONING TA’ STRUTTURI PRE-KOMPRESSI 1. Sistemi ta’ attestazzjoni ta’ konformità Dwar prodott/i u l-użu maħsub għalih/om skond il-lista ta’ hawn taħt, EOTA hija mitluba li tispeċifika s-sistema/i ta’ attestazzjoni ta’ konformità li ġejja/ġejjin fil-linja-gwida relevanti għal approvazzjoni teknika Ewropea: Sistema 1+: Ara l-Anness III, it-Taqsima 2, il-punt (i), tad-Direttiva 89/106/KEE, mingħajr eżami ta’ verifika ta’ kampjuni. Prodott/i | Użu | Livell/i jew klassi/jiet | Sistema/i ta’ attestazzjoni ta’ konformità | Kits għall-post-tensioning | Għal strutturi pre-kompressi | — | 1+ | 2. Kondizzjonijiet li għandhom ikunu applikati mill-EOTA dwar l-ispeċifikazzjonijiet tal-attestazzjoni ta’ konformità L-ispeċifikazzjoni għas-sistema għandha tkun b’mod li tista’ tiġi implimentata wkoll fejn il-prestazzjoni tal-prodott ma tkunx jeħtiġilha tiġi eżaminata għal xi karatteristika, minħabba li mill-inqas Stat Membru wieħed ma jkunx jeħtieġlu legalment bl-ebda mod li jkollu din il-karatteristika (ara l-Artikolu 2. 1 tad-Direttiva 89/106/KEE u, meta tkun tapplika, il-klawsola 1.2.3 tad-Dokumenti ta’ Interpretazzjoni). F’dawk il-każi il-verifika ta’ din il-karatteristika m’għandhiex tiġi imposta fuq il-fabbrikant jekk dan ma jkunx jixtieq jiddikjara l-prestazzjoni tal-prodott f’dan ir-rigward. --------------------------------------------------