This document is an excerpt from the EUR-Lex website
Document 31996D0366
96/366/EC: Council Decision of 11 June 1996 on the implementation of Article 8 of the Agreement in the form of an Exchange of Letters between the European Economic Community and the Principality of Andorra
Id-Deċiżjoni tal-Kunsill tal-11 ta' Ġunju 1996 dwar l-implimentazzjoni ta' l-Artikolu 8 tal-Ftehim fil-forma ta' Skambju ta' Ittri bejn il-Komunità Ekonomika Ewropea u l-Prinċipat ta' l-Andorra
Id-Deċiżjoni tal-Kunsill tal-11 ta' Ġunju 1996 dwar l-implimentazzjoni ta' l-Artikolu 8 tal-Ftehim fil-forma ta' Skambju ta' Ittri bejn il-Komunità Ekonomika Ewropea u l-Prinċipat ta' l-Andorra
ĠU L 145, 19.6.1996, p. 16–16
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 145 , 19/06/1996 P. 0016 - 0016
Id-Deċiżjoni tal-Kunsill tal-11 ta' Ġunju 1996 dwar l-implimentazzjoni ta' l-Artikolu 8 tal-Ftehim fil-forma ta' Skambju ta' Ittri bejn il-Komunità Ekonomika Ewropea u l-Prinċipat ta' l-Andorra (96/366/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 113 tiegħu, Wara li kkunsidra l-proposta mill-Kummissjoni, Billi l-Artikolu 8(1)(a) tal-Ftehim fil-forma ta' Skambju ta' Ittri bejn il-Komunità Ekonomika Ewropea u l-Prinċipat ta' l-Andorra [1], iffirmat fil-Lussemburgu fit-28 ta' Ġunju 1990, jistipula li fuq perjodu ta' ħames snin u lil hinn minn dak il-perjodu jekk ebda ftehim ma jista' jintlaħaq skond il-1 (b), il-Prinċipat ta' l-Andorra jawtorizza lill-Komunità, li taġixxi f'isem u għall-Prinċipat ta' l-Andorra, biex iddaħħal oġġetti minn pajjiżi terzi għal ġol-Prinċipat ta' l-Andorra għal ċirkolazzjoni ħielsa; Billi l-Artikolu 8(1)(b) jistipula li fi tmiem dak il-perjodu, u skond l-artikolu 20 tiegħu, il-Prinċipat ta' l-Andorra jista' jeżerċita d-dritt ta' dħul għal ċirkolazzjoni ħielsa, wara ftehim mill-Partijiet Kontraenti; Billi l-Prinċipat ta' l-Andorra talab biex jeżerċita dan id-dritt ta' dħul għal ċirkolazzjoni ħielsa; Billi f'dikjarazzjoni tat-30 ta' Ottubru 1995 il-Kunsill qabel fi prinċipju mat-talba tal-Prinċipat ta' l-Andorra biex jeżerċita dak id-dritt; Billi għandu jkun il-Kunsill li jistabbilixxi l-pożizzjoni uffiċjali tal-Komunità bħala Pajjiż Kontraenti; Billi perjodu ta' żmien għandu jitħalla għall-preparazzjonijiet għal eżerċizzju tad-dritt imsemmi, IDDEĊIEDEW DAN LI ĠEJ: Artikolu Uniku Mill-1 ta' Lulju 1996, il-Komunità Ewropea, li taġixxi f'isem u għall-Prinċipat ta' l-Andorra, għandha tieqaf milli tassigura dħul għal ċirkolazzjoni ħielsa ta' oġġetti mibgħuta minn pajjiżi terzi għal ġol-Prinċipat ta' l-Andorra. Magħmul fil-Lussemburgu, fil-11 ta' Ġunju 1996. Għall-Kunsill Il-President W. Veltroni [1] ĠU L 374, tal-31.12.1990, p. 16. --------------------------------------------------