31995D0045

Id-Deċiżjoni tal-Kummissjoni

tal-20 ta’ Frar 1995

dwar il-lista ta’ stabbilimenti approvati f’dik li qabel kienet ir-Repubblika Jugoslava tal-Maċedonja,bil-għan ta’ l-importazzjoni ta’ laħam frisk fil-Komunità

(Test b’relevanza għaż-ŻEE)

(95/45/KE)

IL-KOMMISSJONI TAL-KOMMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 72/462/KEE tat-12 ta’ Diċembru dwar il-problemi tal-ispezzjoni veterinarja u tas-saħħa fuq l-importazzjoni ta’ l-annimali tal-ifrat, tan-nagħaġ, tal-mogħoż, tal-majjal u tal-laħam frisk jew prodotti tal-laħam minn pajjiżi terzi [1], kif l-aħħar emendata bl-Att ta’ l-Adezzjoni ta’ l-Awstria, tal-Finlandja u tal-Isvezja, u partikolarment bl-Artikoli 4(1) u 18 (a) u (b) tagħha,

Billi l-istabbilimenti fil-pajjiżi terzi ma jistgħux ikunu awtorizzati li jesportaw laħam frisk lejn il-Komunità jekk ma jissodisfawx il-kondizzjonijiet ġenerali u speċjali stabbiliti f’dik id-Direttiva;

Billi, bi qbil ma’ l-Artikolu 4(3) tad-Direttiva 72/462/EEC, f’dik li qabel kienet ir-Repubblika Juguslava tal-Maċedonja, bagħtet lista ta’ stabbilimenti awtorizzati biex jesportaw lejn il-Komunità;

Billi l-ispezzjonijiet fil-post mill-Komunità urew li l-istandards ta’ l-iġjene ta’ dawn l-istabbilimenti huma biżżejjed u għalhekk jistgħu jidħlu fl-ewwel lista ta’ stabbilimenti, magħmula bi qbil ma’ l-Artikolu 4(1) ta’ dik id-Direttiva, li minnha tista tkun awtorizzata l-importazzjoni ta’ laħam frisk;

Billi l-importazzjoni ta’ laħam frisk mill-istabbilimenti fil-lista fl-Anness ta’ hawnhekk tibqa’ suġġetta għall-provvedimenti diġa stabbiliti, għad-dispożizzjonijiet ġenerali tat- Trattat u partikolarment tar-Regolamenti veterinarji tal-Komunità, partikolarment fir-rigward ta’ protezzjoni tas-saħħa;

Billi l-miżuri li hemm provvediment dwarhom f’din id-Direttiva huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI

Artikolu 1

1. L-istabbilimenti f’dik li qabel kienet ir-Repubblika Juguslava tal-Maċedonja, stabbiliti f’dan l-Anness huma hawnhekk approvati għall-iskop ta’ l-esportazzjoni ta’ laħam frisk lejn il-Komunità.

2. Oġġetti importati minn dawk l-istabbilimenti għandhom jibqgħu suġġetti għall-provvedimenti veterinarji tal-Komunità stabbiliti x’imkien ieħor, partikolarment dawk li jikkonċernaw il-protezzjoni tas-saħħa.

Artikolu 2

Din id-Deċiżjoni hija ndirizzata lill-Istati Membri

Magħmula fi Brussel, l-20 ta’ Frar 1995.

Għall-Kummissjoni

Franz Fischler

Membru tal-Kommissjoni

[1] ĠU L 302, tal-31.12.1972, p. 28.

--------------------------------------------------

L-ANNESS

LISTA TA’ STABBILIMENTI

Numru ta’ l-approvazzjoni | Stabbeliment/Indirizz | [1]Kategorija | RS |

BĊ | LT | MS | B | N/M | M | SP |

1 | KOKO "GODEL" AD, Skopje | x | | | | x | | |

2 | AD ZIK "KUMANOVO" Kumanovo | x | | | | x | | | |

3 | KLANICA "KOMERC", Prilep | x | | | | x | | | |

4 | AD ZIK "CRVENA ZVEZDA" DOO Klanica so ladilnik, Stip | x | | | | x | | | |

5 | ADMS ZIK "STRUMICA" DOO "Mosa Pijade", Strumica | x | | | | x | | | |

6 | OP "GORNI POLOG", Gostivar | x | | | | x | | | |

7 | DOO "STOKOKOMERC", Bitola | x | | | | x | | | |

9 | AD "MALINA", Kriva Palanka | x | | | | x | | | |

[1] Rimarki speċjali

--------------------------------------------------