31989D0506

Id-Deċiżjoni tal-Kummissjoni

tat-18 ta’ Lulju 1989

li tippreskrivi ċ-ċertifikat ta’ majjali ibridi tat-tagħmir, l-isperma, l-ova u l-embrijuni tagħhom

(89/506/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 88/661/KEE tad-19 ta’ Diċembru 1988 dwar l-istandards żootekniċi li japplikaw għal animmali mrobbija ta’ l-ispeċje porċina [1], u partikolarment Artikoli 9 u 10 (1), il-ħames inċiż, tagħha,

Billi huwa neċessarju li tiġi ffisata d-data li jridu jissemmew fuq iċ-ċertifikat; billi huwa neċessarju għal raġunijiet prattiċi li jiġi pprovdut ċertifikat mudell u l-kondizzjonijiet li fihom id-data jistgħu jiġu mdaħħla fid-dokument li jakkompanja il-majjali ibridi tat-tagħmir, l-isperma, l-ova u l-embrijuni tagħhom;

Billi l-miżuri provduti f’din id-Deċiżjoni huma bi qbil mall-opinjoni tal-Kumitat Permanenti ta’ Żooteknika;

ADOTTAT DIN ID DEĊIŻJONI:

Artikolu 1

Il-partikolaritajiet li ġejjin għandhom jiġu msemmija fiċ-ċertifikat tal-majjali ibridi tat-tagħmir:

- korp ta’ ħruġ,

- numru tad-dħul fir-reġistri,

- data tal-ħruġ,

- sistema ta’ identifikazzjoni,

- identifikazzjoni,

- data tat-twelid,

- tip ġenetiku, linja,

- sess,

- isem u indiriżż ta’ dak li jrabbi;

- isem u indiriżż tas-sid;

Artikolu 2

1. Il-partikolaritajiet li hemm provduti f’Artikolu 1 jistgħu jiġu indikati:

(a) fil-forma ta’ ċertifikat li jikkonforma mal-kampjun f’Anness I;

(b) f’dokumentazzjoni li takkompanja il-majjal ibridu tat-tagħmir. F’dan il-każ l-awtoritajiet kompetenti iridu jiċċertifikaw li l-partikolaritajiet stipulati f’Artikolu 1 huma indikati f’dawk id-dokumenti, bil-formuli li ġejjin:

"Is-sottoskritt jiċċertifika li dawn id-dokumenti fihom il-partikolaritajiet imsemmija f’Artikolu 1 tad-Deċiżjoni tal-Kummissjoni 89/506/KEE."

2. Id-data dwar il-majjali ibridi tat-tagħmir ta’ l-istess nisel jistgħu jingħataw ċertifikat wieħed jew fid-dokumentazzjoni li takkompanja konsenja ta’ annimali ta’ l-istess oriġini u għall-istess destinazzjoni. Iċ-ċertifikat mudell muri f’Anness I għandu jiġi adattat kif hemm bżonn.

Artikolu 3

Il-partikolaritajiet li ġejjin għandhom jiġu msemmija fiċ-ċertifikat ta’ l-isperma tal-majjali ibridi tat-tagħmir:

- id-data kollha kif elenkata f’Artikolu 1 jikkonċernaw il-maskil li jipprovdi l-isperma,

- informazzjoni li tippermetti identifikazzjoni ta’ l-isperma, id-data tal-ġbir tagħha u l-ismijiet u l-indirizzi taċ-ċentru tal-ġbir ta’ l-isperma u tad-destinarju.

Artikolu 4

Il-partikolaritajiet li hemm provduti f’Artikolu 3 jistgħu jiġu indikati:

1. fil-forma ta’ ċertifikat li jikkonforma mal-kampjun f’Anness II;

2. f’dokumentazzjoni li takkompanja l-isperma tal-majjal ibridu tat-tagħmir. F’dan il-każ l-awtoritajiet kompetenti iridu jiċċertifikaw li l-partikolaritajiet stipulati f’Artikolu 3 huma indikati f’dawk id-dokumenti, bil-formuli li ġejjin:

"Is-sottoskritt jiċċertifika li dawn id-dokumenti fihom il-partikolaritajiet imsemmija f’Artikolu 3 tad-Deċiżjoni tal-Kummissjoni 89/506/KEE."

Artikolu 5

Il-partikolaritajiet li ġejjin għandhom jiġu msemmija fiċ-ċertifikat ta’ l-ova tal-majjali ibridi tat-tagħmir:

- id-data kollha kif elenkata f’Artikolu 1 jikkonċernaw il-majjala li tipprovdi l-bajda,

- informazzjoni li tippermetti identifikazzjoni ta’ l-isperma, d-data tal-ġbir tagħha u l-ismijiet u l-indirizzi taċ-ċentru tal-ġbir ta’ l-isperma u tad-destinarju.

Jekk ikun hemm iktar minn bajda waħda f’straw waħda din għandha tiġi indikata b’mod ċar u aktar minn hekk l-ova għandha jkollha l-istess ġenituri.

Artikolu 6

Il-partikolaritajiet li hemm provduti f’Artikolu 5 jistgħu jiġu indikati:

1. fil-forma ta’ ċertifikat li jikkonforma mal-kampjun f’Anness III;

2. f’dokumentazzjoni li takkompanja l-ova tal-ħanżira ibrida tat-tagħmir. F’dan il-każ l-awtoritajiet kompetenti iridu jiċċertifikaw li l-partikolaritajiet stipulati f’Artikolu 5 huma indikati f’dawk id-dokumenti, bil-formuli li ġejjin:

"Is-sottoskritt jiċċertifika li dawn id-dokumenti fihom il-partikolaritajiet stipulati f’Artikolu 5 tad-Deċiżjoni tal-Kummissjoni 89/506/KEE."

Artikolu 7

Il-partikolaritajiet li ġejjin għandhom jiġu msemmija fiċ-ċertifikat ta’ l-embrijuni tal-majjali ibridi tat-tagħmir:

- id-data kollha kif elenkata f’Artikolu 1 jikkonċernaw il-majjala donatriċi u l-ħanżir selvaġġ fertilizzanti,

- informazzjoni li tippermetti identifikazzjoni ta’ l-embrijuni, d-data ta’ l-inseminazzjoni jew fekondazzjoni u l-ismijiet u l-indirizzi taċ-ċentru tal-ġbir ta’ l-embrijuni u tad-destinarju.

Jekk ikun hemm iktar minn embrijun wieħed fi straw waħda dan għandu jiġi indikat b’mod ċar u aktar minn hekk l-embrijuni għandhom ikollhom l-istess ġenituri.

Artikolu 8

Il-partikolaritajiet li hemm provduti f’Artikolu 7 jistgħu jiġu indikati:

1. fil-forma ta’ ċertifikat li jikkonforma mal-kampjun f’Anness IV;

2. f’dokumentazzjoni li takkompanja l-embrijuni talmajjal ibridu tat-tagħmir. F’dan il-każ l-awtoritajiet kompetenti iridu jiċċertifikaw li l-partikolaritajiet stipulati f’Artikolu 7 huma indikati f’dawk id-dokumenti, bil-formuli li ġejjin:

"Is-sottoskritt jiċċertifika li f’dawn id-dokumenti jinsabu l-partikolaritajiet stipulati f’Artikolu 7 tad-Deċiżjoni tal-Kummissjoni 89/506/KEE."

Artikolu 9

Din id-Deċiżjoni hija indirizzata lill-Istati Membri.

Magħmul fi Brussel, fit-18 ta’ Lulju 1989.

Għall-Kummissjoni

Ray Mac Sharry

Membru tal-Kummissjoni

[1] ĠU L 382, tal-31.12.1988, p. 36.

--------------------------------------------------

ANNESS I

+++++ TIFF +++++

--------------------------------------------------

ANNESS II

+++++ TIFF +++++

+++++ TIFF +++++

--------------------------------------------------

ANNESS III

+++++ TIFF +++++

+++++ TIFF +++++

--------------------------------------------------

ANNESS IV

+++++ TIFF +++++

+++++ TIFF +++++

--------------------------------------------------