This document is an excerpt from the EUR-Lex website
Document 31980L0216
Council Directive 80/216/EEC of 22 January 1980 amending Directive 71/118/EEC on health problems affecting trade in fresh poultrymeat
Id-Direttiva tal-Kunsill tat-22 ta’ Jannar 1980 Li temenda d-Diretiva 71/118/KEE dwar problemni tas-saħħa li jaffettwaw il-kummerċ fil-laħam tat-tjur frisk
Id-Direttiva tal-Kunsill tat-22 ta’ Jannar 1980 Li temenda d-Diretiva 71/118/KEE dwar problemni tas-saħħa li jaffettwaw il-kummerċ fil-laħam tat-tjur frisk
ĠU L 47, 21.2.1980, p. 8–10
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(EL, ES, PT, FI, SV, CS, ET, LV, LT, HU, MT, PL, SK, SL)
No longer in force, Date of end of validity: 31/12/2005; Impliċitament imħassar minn 32004L0041
Relation | Act | Comment | Subdivision concerned | From | To |
---|---|---|---|---|---|
Modifies | 31971L0118 | Żieda | anness 3BIS | 24/01/1980 | |
Modifies | 31971L0118 | Tlestija | anness 1 | 24/01/1980 | |
Modifies | 31971L0118 | Tlestija | artikolu 3.1 | 24/01/1980 | |
Modifies | 31971L0118 | Emenda | artikolu 3.5 | 24/01/1980 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32004L0041 | 01/01/2006 |
Official Journal L 047 , 21/02/1980 P. 0008 - 0010
Finnish special edition: Chapter 3 Volume 11 P. 0210
Greek special edition: Chapter 03 Volume 27 P. 0244
Swedish special edition: Chapter 3 Volume 11 P. 0210
Spanish special edition: Chapter 03 Volume 17 P. 0120
Portuguese special edition Chapter 03 Volume 17 P. 0120
Id-Direttiva tal-Kunsill tat-22 ta’ Jannar 1980 Li temenda d-Diretiva 71/118/KEE dwar problemni tas-saħħa li jaffettwaw il-kummerċ fil-laħam tat-tjur frisk (80/216/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikoli 43 u 100 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi d-Direttiva 71/118/KEE tal-15 Frar 1971 dwar problemi tas-saħħa li jaffettwaw il-kummerċ f’laħam tat-tjur frisk [4], kif l-aħħar emendata bid-Direttiva 77/27/KEE [5], tistabilixxi l-ħtiġiet ta’ qtil u spezzjoni għal laħam tat-tjur intiż għal kummerċ intra-Komunitarju u kummerċ fi Stati Membri; Billi t-tkabbir tat-tjur u t-tqegħid fis-suq tal-laħam tat-tjur huwa mwettaq fil-biċċa l-kbira minn produtturi fuq skala żgħira li jbiegħu l-prodott tagħhom fi swieq lokali u huma parti sinifikanti ta’ l-attività agrikola f’ċerti reġjuni Komunitarji; billi dawn l-attivitajiet għandhom jitħallew ikomplu taħt ċerti kondizzjonijiet; Billi l-metodu ta’ produzzjoni ta’ "foie gras" tagħmel l-evixxerazzjoni ta’ tjur maqtula riċentement impossibbli mingħajr dannu serju għall-fwied; Billi waqt li jiġi assigurat li l-ħtiġiet ta’ l-iġjene u l-ispezzjoni stabbiliti taħt il-leġislazzjoni Komuitarja, u b’mod partikolari taħt id-disposizzjonijiet rilevanti ta’ l-Anness I, Kapitolu I, III u XIV għad-Direttiva msemmija, jiġu mantenuti b’mod strett, għandhom isiru l-emendi speċifiċi neċessarji għal din il-leġislazzjoni, ADOTTA DIN ID-DIRETTIVA: Artikolu 1 Id-Direttiva 71/118/KEE hija hawnhekk emendata kif ġej: 1. Is-subparagrafu li ġej għandu jiżdied ma’ l-Artikolu 3(1)(A) (a): "Minkejja l-ħtiġiet ta’ l-ewwel subparagrafu, għasafar intiżi għall-produzzjoni ta’ "foie gras" jistgħu jiġu storditi, infasda u mnittfa fir-razzett tas-smin, sakemm dawn l-operazzjonijiet jiġu mwettqa f’kamra sseparata li tikkonforma mal-ħtiġiet ta’ l-Anness I, il-Kapitolu I, ċ, u li, skond l-Anness I, il-Kapitolu XIV, il-karkassi mhux evixxerati huma ttrasportati immedjatament għal impjant approvat ta’ tqattigħ li hu mgħammar b’kamra speċjali kif iddefinit fl-Anness I, il-Kapitolu II, (2) (b) a, fejn il-karkassi għandhom jiġu evixxerati fi żmien 24 siegħa." 2. Fit-tieni subparagrafu ta’ l-Artikolu 3(5), il-kliem "u sal-15 ta’ Awissu 1981" għandhom jitħassru. 3. Fl-Anness I, il-Kapitolu II (2): - is-subparagrafu li ġej għandu jiżdied: - "(b) Jekk titwettaq l-evixxerazzjoni hemm barra, kamra għall-evixxerazzjoni ta’ papri u wiżżi mkabbra għall-produzzjoni ta’ "foie gras", li ġew storditi, infasda u mnittfa fir-razzett tas-smin,", - il-kliem "u taħt (b)" għandhom jiżdiedu ma’ l-ewwel linja tal-punt (h). 4. Fl-Anness I, il-Kapitolu III (3) (ċ), "u (b)" għandu jiġi inserit wara l-kiem "u għal (2) (b)". 5. Is-subparagrafu li ġej għandu jiżdied ma’ l-Anness I, il-Kapitolu IV (13): "Madanakollu, fil-każ ta’ papri u wiżżi mkabbra għall-produzzjoni ta’ "foie gras" u storditi, infasda u mnittfa fir-razzet tas-smin, l-ispezzjoni ante mortem tista’ titwettaq fl-aħħar ġimgħa tas-smin." 6. Is-subparagrafu li ġej għandu jiżdied ma’ l-Anness I, il-Kapitolu IV (14): "Fil-każ ta’ papri u wiżżi mkabbra għall-produzzjoni ta’ "foie gras" u storditi, infasda u mnittfa fir-razzett tas-smin, iċ-ċertifikat imsemmi fl-Anness IIIa għandu jkun mal-karkassi mhux evixxerati mal-wasla tagħhom fl-impjant ta’ tqattigħ mgħammar b’kamra sseparata għal evixxerazzjoni." 7. Is-subparagrafu li ġej għandu jiżdied ma’ l-Anness I, il-Kapitolu V (23): "Madanakollu, papri u wiżżi mkabbra u maqtula għall-produzzjoni ta’ "foie gras" jistgħu jiġu evixxerati fi żmien 24 siegħa, sakemm karkassi mhux evixxerati huma, malajr kemm jista’ jkun, imnaqqsa u mbagħad miżmuma fit-temperatura stabbilita fil-Kapitolu XII (46) u ttrasportati skond ir-regoli ta’ l-iġjene." 8. L-Anness li ġej għandu jiżdied: “ANNESS IIIa +++++ TIFF +++++ Artikolu 2 L-Istati Membri għandhom iġibu fis-seħħ il-liġijiet, ir-regolamenti u d-disposizzjonijiet amministrattivi neċessarji biex jikkonformaw ma’ din id-Direttiva fl-1 ta’ Frar 1980, u għandhom minnufih jinfurmaw lill-Kummissjoni bihom. Artikolu 3 Din id-Direttiva hija indirizzata lill-Istati Membri. Magħmula fi Brussel, fit-22 ta’ Jannar 1980. Għall-Kunsill Il-President G. Marcora [1] ĠU C 247, ta’ l-1.10.1979, p. 16. [2] ĠU C 34, tal-11.2.1980, p. 106. [3] Opinjoni mogħtija fl-24 u fil-25 ta’ Ottubru 1979 (għadha mhix ippubblikata fil-Ġurnal Uffiċjali) [4] ĠU L 55, tat-8.3.1971, p. 23. [5] ĠU L 6, tat-8.1.1977, p. 19. --------------------------------------------------